Post: #1
Title: رحبو بالشبل
Author: osman righeem
Date: 04-24-2009, 12:57 PM
Parent: #0
اهو الواحد لقا ليه طهر
|
Post: #2
Title: Re: رحبو بالشبل
Author: osman righeem
Date: 04-24-2009, 01:00 PM
Parent: #1
رغيم عثمان رغيم الحسن
|
Post: #4
Title: Re: رحبو بالشبل
Author: مجاهد عبدالله
Date: 04-24-2009, 01:04 PM
Parent: #2
الف مرحب ومنور البورد
ياسلام يا عليك ياعثمان وانت ترحب بابنك وتدعوا الناس لترحب به وله أن يفخر بك اباً وصديقاً ..
ودي وتقديري ..
|
Post: #50
Title: Re: رحبو بالشبل
Author: osman righeem
Date: 05-01-2009, 01:18 PM
Parent: #4
اخونا مجاهد
لك الموده والشكر
وجناك كان كبر خاويهو
|
Post: #7
Title: Re: رحبو بالشبل
Author: انعام عبد الحفيظ
Date: 04-24-2009, 01:17 PM
Parent: #2
وهذا الشبل من ذاك الأسد ورغيم زول مهذب وهادئ الطبع
محترم جداً مجِد ومجتهد ومتربي كويس جداً وكيف ما يكون متربي كويس
وأمه تلك المرأة الواعية والمثقفة ووالده هو عثمان رغيم الحسن
أتوقع منه ان يكون إضافة حقيقية للمنبر بثقافته ووعيه
ــــــــ
فاجأني بمداخلته في بوست لي عن النسيان
فرحت بإشتراكه هنا في المنبر
لقيتو بقول لي أنسي بس ما تهربي :D
|
Post: #51
Title: Re: رحبو بالشبل
Author: osman righeem
Date: 05-01-2009, 01:43 PM
Parent: #7
الشقيقة انعام
تحياتي
اهو ماشية معاكم موحد وأصل
لك تشكرات خاصة من صاحبتك
|
Post: #3
Title: Re: رحبو بالشبل
Author: انور التكينة
Date: 04-24-2009, 01:01 PM
Parent: #1
| Quote: اهو الواحد لقا ليه ضهر |
ما شاء الله ربنا يحفظو
كلنا ( ضهور ) لك يا ملك
|
Post: #5
Title: Re: رحبو بالشبل
Author: حنين للبلد
Date: 04-24-2009, 01:06 PM
Parent: #3
مراحب بالشبل...
يا رغيم ده أبنك.. ده واحد
مرحب بي وين في المنبر...ده اثنين
ثلاثة.... تتخيل بالجد اسه كنت بفكر انه رغيم وين الايام دي وكنت حافتح بوست أسال منك...حمد الله على السلامة..
|
Post: #6
Title: Re: رحبو بالشبل
Author: كمال عباس
Date: 04-24-2009, 01:09 PM
Parent: #3
مرحبا برغيم الابن ظهيرا وسندا لأبيه في الحق ....... وإضافة للقوي
الديموقراطية ومعبرا عن الدماء الشابة في تياره السياسي......
|
Post: #8
Title: Re: رحبو بالشبل
Author: حنين للبلد
Date: 04-24-2009, 01:38 PM
Parent: #6
ماشاء الله ربنا يحفظه ليك يارب ويغطي علي..مرحب برغيم الشبل من ذاك الأسد...مرحب به اخا صغيرا ورافدا جديدا للإحترام والتعامل الراقي الواعي الرصين الذي تعودناه منك...
|
Post: #9
Title: Re: رحبو بالشبل
Author: سيف الدولة كامل
Date: 04-24-2009, 01:46 PM
Parent: #8
مرحب برغيم ود الزعيم رغيم
سعدنا بوجود الابن مثل ما اسعدنا
وجود الاب .. ربنا يحفظة ويجعلة سند
لكل ال رغيم
|
Post: #10
Title: Re: رحبو بالشبل
Author: محمد عبد الماجد الصايم
Date: 04-24-2009, 01:55 PM
Parent: #9
حبابو ألف يا عمكـ
منور البورد
بعد دا الواحد يلاوز منكـ يا عمكـ
أي تحركات ترسل لينا الدفاع الشعبي
|
Post: #11
Title: Re: رحبو بالشبل
Author: حامد محمد حامد
Date: 04-24-2009, 02:27 PM
Parent: #10
مرحبا به
فخور به انت يحفظه الله
ونشكرك على تقديمه لنا
|
Post: #12
Title: Re: رحبو بالشبل
Author: omer osman
Date: 04-24-2009, 02:56 PM
Parent: #11
ياعثمان زمان في الكورة بقولو اخوان اخوان ما معانا ....... اها زي دي يقولو شنو ؟
على العموم الف مرحب بيهو ..........
|
Post: #13
Title: Re: رحبو بالشبل
Author: BitAlhana
Date: 04-24-2009, 03:05 PM
Parent: #12
الف مرحب بيه امتداد ليك
100000 مرحب
|
Post: #14
Title: Re: رحبو بالشبل
Author: ناصر احمد الامين
Date: 04-24-2009, 03:18 PM
Parent: #11
يا ســلام
هذا الشبل
ابوهو عثمان
و جدو رغيم رحمه الله ... وما ادراك ما رغيم
الحاج رغيم الحسن مهما قلنا وكتبنا فلن نوفيه حقه لانملك الا ان نترحم عليه اولا ونسال الله له الجنة
فقد كانت بصماته فى كل شبر جامع تنقاسى نادى تنقاسى بابور الشركة بل من لايذكر امتار الدمورية التى توزع على الغاشى والماشى والعربات التى تجوب ليلا توزع الذرة وكان تمامة الناقص ما وقف احد امام بابه فرجع خالى الوفاق اختلف الناس او نقصو فوجدو الراى والتمامة
نحن صغار نذهب مع المغارب ايام حش التمر فنلفى نصيبا ( حق اللقاطين ) وان لم نشارك نهارا
يحضرنى الان العراقى النضيف والعنقريب الما خمج وهو جالس هاشا باشا يوزع للغلابة والمساكين والاطفال
الا رحمه الله
منقول من موقع منطقة تنقاسي .... صلاح حسين
1000 مرحب
|
Post: #15
Title: Re: رحبو بالشبل
Author: GamarBoBa
Date: 04-24-2009, 03:35 PM
Parent: #14
مرحب روغيم الابن
تعرف لقيت ليه مداخلة في بوست بخص جامعة الخرطوم لقيت روحه شباب راجعت بوفايلة لقيت طالب هندسة
كنت عايز ارحب بيه هناك لكن الموضوع كان مسخن
تسلم روغيم الاب والابن
|
Post: #16
Title: Re: رحبو بالشبل
Author: Yassir Tayfour
Date: 04-24-2009, 03:56 PM
Parent: #15
| Quote: ياسلام يا عليك ياعثمان وانت ترحب بابنك وتدعوا الناس لترحب به وله أن يفخر بك اباً وصديقاً .. |
___
Your're very welcome on board, Rugheim junior ..
|
Post: #17
Title: Re: رحبو بالشبل
Author: شكرى سليمان ماطوس
Date: 04-24-2009, 03:57 PM
Parent: #15
حبابه عشرة (فى زمن المليار)
رافد قوى للحق
و معين لا ينضب للأصالة
و بحر عميق للأسرار و حفظ الأمانة
نور ساطع لشموس الحرية و الديمقراطية
و سيف مسلط على رقاب الديكتاتورية
يكفيه البيت الإتحادى الذى ترعرع فى داخله
و التمر الوطنى الذى شب عليه و قوى ساعده
---
شكراً للأب مرتين : لـ رغيم ثم للبوست
ش
|
Post: #18
Title: Re: رحبو بالشبل
Author: رغيم عثمان رغيم الحسن
Date: 04-24-2009, 04:55 PM
Parent: #17
ابو رغيم بعد الشنب دا كلو وشبل بعدين انت ضهر الكل وما بتحتاج لى ضهر ربنا يخليك لينا
مجاهد الف شكر
انعام متشكر جدا وانشاء الله اكون عند حسن ظنك
المداخله قصدت بيها ما تحلى مشاكلك بالنسيان لانو كده ببقى هروب
كمال الف شكر وكلنا فى نفس الخندق
حنين للبلد تسلمى وربنا يحفظك برضو
سيف الدوله والله انا الاسعد بى التواجد بيناتكم
ود الصايم تعرف انا من زمان كل ما القى عندك مداخله بمشى عليها طوالى البورد عندو طعم تانى معاك(انفع كسار تلج موش)
ونصيحه انا مامنى ملاوزه لكن ابو رغيم بلعبك فى دورى المظاليم الحاكموا داك(وش مبتسم)
استاذ حامد الفخر كلو لى انا انو وهبت نعمه ان اكون ابن عثمان رغيم
عمر عثمان نقول ضهور ما معانا(نفس الوش)
على العموم يديك العافيه
بت الهنا مليون شكر
استاذ ناصر تسل ورحم الله رغيم الحسن
القمر بوبا عاجز عن الشكر
الشقيق ياسر طيفور ثانكيو اى ول بى باك فور يو وز اربيك تول
الشقيق والاستاذ شكري سليمان
بل كل الشكر لك وانت تمحنا الامل كل يوم بان غدا قد يكون افضل ليت كل الناس مثلك
|
Post: #19
Title: Re: رحبو بالشبل
Author: هشام الطيب
Date: 04-24-2009, 05:02 PM
Parent: #18
الف مرحب بيك ونورت المنبر ياحبيب ..
|
Post: #20
Title: Re: رحبو بالشبل
Author: ناهد بشير الطيب
Date: 04-24-2009, 05:03 PM
Parent: #18
اهلا برغيم ابن الزعيم عثمان رغيم
تحياتى ليكم وربنا يغطيكم ....
|
Post: #21
Title: Re: رحبو بالشبل
Author: انور التكينة
Date: 04-24-2009, 05:56 PM
Parent: #20
و الله يا عثمان عجبتنى نظارة رغيم الما خمج
كنت فاكرو لابسة فنكهة
لكن اقتنعت بعد اتجاوز ناس فى الشكر
|
Post: #22
Title: Re: رحبو بالشبل
Author: ALazhary2
Date: 04-24-2009, 06:01 PM
Parent: #21
.
.
الف مرحب نورت المنبر .
.
.
|
Post: #23
Title: Re: رحبو بالشبل
Author: انعام حيمورة
Date: 04-24-2009, 06:06 PM
Parent: #22
اخو الخير ..
سلامات وشنو الاختفاء دا ...
فجأ لقيت لي كم مداخلة بي اسمو ..
جيت اعمل بوست الترحيب الكهرباء ما ريحتني لمن جيت لقيت البوست دا ..
رغيم الف مرحب بيك بوردابي خرطومي نشيط ..
|
Post: #24
Title: Re: رحبو بالشبل
Author: Ashraf Abdel-Muty
Date: 04-24-2009, 06:41 PM
Parent: #23
و انت عمى يعنى ده ود عمى لزم
شرف و نور
الف مرحب بيه
|
Post: #25
Title: Re: رحبو بالشبل
Author: Muna Khugali
Date: 04-24-2009, 06:46 PM
Parent: #24
قبل شويه لقيتو في بوست كهربا ومغالطه اوزان ولا مقاييس ولا ايه ماعارفه..
قلت شوف الولد شبل عثمان جنن الجامعه وجه يجنن البورد..
عقبال نادرين وفوفو ..
ومرحب بالكريم ود الكرماء..
|
Post: #26
Title: Re: رحبو بالشبل
Author: رغيم عثمان رغيم الحسن
Date: 04-24-2009, 07:02 PM
Parent: #21
الغريبه انا يا استاذ انور انا كنت قايل انو رديت على كل المداخلات شكللى محتاج اغير النضاره تانى (يعنى الغلطانه النضاره ما انا)
الف شكر ومعذره على التاخر فى الرد
هنا التعديل بى سبب
|
Post: #27
Title: Re: رحبو بالشبل
Author: عبدالكريم الامين احمد
Date: 04-24-2009, 07:08 PM
Parent: #26
مرحب برغيم وحبابك الف في سودانيز اونلاين...
وياعثمان مادام رغيم عندو علاقة بالهندسة برضو بنقول ليهو وصلت تب
وياعثمان رغيم بعد ده بالله زح لينا كده ولاكده...هههه
وحبابك الف يا هندسة ومرحب
|
Post: #28
Title: Re: رحبو بالشبل
Author: رغيم عثمان رغيم الحسن
Date: 04-24-2009, 07:12 PM
Parent: #26
هشام الف شكر
استاذه ناهد مشكوره على الترحيب
ااستاذ انور شكرا مره تانيه عشان ما تزعل من النضاره
الشقيق الازهرى 2 الف شكر والمنبر منور بوجود الرائعين امثالك
انعام مشكوره كتير ونشاط شنو مع الكهربه القاطعه والسخانه الشغاله
ابن العم موتى مشكور كتير على الترحيب
استاذه منى مساء الخير لقيت حاجه فى مجالى قلت اتفسح شويه
التعديل بدون ا ى سبب
|
Post: #29
Title: Re: رحبو بالشبل
Author: رغيم عثمان رغيم الحسن
Date: 04-24-2009, 07:18 PM
Parent: #28
استاذ كيكى شخصيا
الف شكر واتفقنا يا باش مهندس مع انى مهندس الا عشره دقايق لكن اذا احتجت اى مساعده تقنيه برسل ليك
وعاوز استغل الفرصه دى واسألكك الاستديو التحليلى وينو ما لاقيه
|
Post: #30
Title: Re: رحبو بالشبل
Author: مزمل خيرى
Date: 04-24-2009, 07:52 PM
Parent: #29
حبابك الف فى حوش بكرى الكبير
واتمنى ليك اقامة طيبة بينا
خالص الود ،،،
|
Post: #31
Title: Re: رحبو بالشبل
Author: عماد الشبلي
Date: 04-24-2009, 08:26 PM
Parent: #30
الشبلي .. يرحب .. بالشبل ..
بس صورتك دي قبلا علي مداخلاتك .. عشان ماتديها ( ضهرك )
|
Post: #32
Title: Re: رحبو بالشبل
Author: معتز تروتسكى
Date: 04-24-2009, 08:57 PM
Parent: #31
خالص التحايا
استاذنا
osman righeem
وحاتك ده الشبل من الاسد ذاتو...
معقوله بس ياعم عثمان نحن معاك وماتقول لينا ...
رغيم ازيك ياولد ، ماتقول لي ابوك هنا ولا هنا انت زول برلومنا في الجامعة وهنا كمان يعنى تسمع الكلام وبس...
غايتو ابوك يهرشنا نجي نهرشك..
بعد ده مافضل الا تجيب لينا ورامي، ومازن اصلو قاعد هنا ...
ها انت الى يوم الرجوع وها انت ومرحب بك.. ها هنا نحملك فى وهلاتنا قوس قزح وشموع...
رغيم ياصديق...
التحايا ال%
|
Post: #36
Title: Re: رحبو بالشبل
Author: رغيم عثمان رغيم الحسن
Date: 04-24-2009, 09:33 PM
Parent: #32
معتز كيف احوالك ومشتاقين لكن لو بقينا عليك مازن ورامى وانا بتحرد البورد زى ما حردت المين
اهرش ساى يا صديق
|
Post: #33
Title: Re: رحبو بالشبل
Author: معتز تروتسكى
Date: 04-24-2009, 08:57 PM
Parent: #31
خالص التحايا
استاذنا
osman righeem
وحاتك ده الشبل من الاسد ذاتو...
معقوله بس ياعم عثمان نحن معاك وماتقول لينا ...
رغيم ازيك ياولد ، ماتقول لي ابوك هنا ولا هنا انت زول برلومنا في الجامعة وهنا كمان يعنى تسمع الكلام وبس...
غايتو ابوك يهرشنا نجي نهرشك..
بعد ده مافضل الا تجيب لينا ورامي، ومازن اصلو قاعد هنا ...
ها انت الى يوم الرجوع وها انت ومرحب بك.. ها هنا نحملك فى وهلاتنا قوس قزح وشموع...
رغيم ياصديق...
التحايا النواضر....
|
Post: #38
Title: Re: رحبو بالشبل
Author: رغيم عثمان رغيم الحسن
Date: 04-24-2009, 09:44 PM
Parent: #33
الانقلابى ترتسكى كيف الاحوال ومشتاقين وكدا
انت عارف لو بقينا عليك انا ورامى ومازن بتحرد البورد زى ما حردت المين
اهرش ساكت يا ابو السناير
بمناسبه البرلمه وكدا كتبت رد ليك لكن ما عارف مشى وين
|
Post: #34
Title: Re: رحبو بالشبل
Author: حمور زيادة
Date: 04-24-2009, 09:00 PM
Parent: #31
مرحبا بالشبل في هذه الحديقة ..
( انا غير مسئول عن من يظنني اقصد حديقة الحيوانات )
و يا رغيم الكبير شنو الحركات الجديدة دي ؟
مولانا يجيب اولادو المكتب السياسي و انت تجيب ولدك البورد
يا جماعة كده ما كويس .. بتضرو العمل الديموقراطي
هسه تاني مافي زول يقدر يرشك
يقولو ولدو الطالب ده بيجي يفلعنا
|
Post: #37
Title: Re: رحبو بالشبل
Author: رغيم عثمان رغيم الحسن
Date: 04-24-2009, 09:37 PM
Parent: #34
حمور واثقين انك ماقاصد حديقه الحيوان والا ما كنت ادلعت بى حمور جوه حديقة حيوان وبعدين ابو السيد دا اى حركه بعملها بنحاكيها طوالى طائفيه وكدا
معليش على المزاح التقيل مقدما
التعديل لإضافه سور للحديقه
|
Post: #35
Title: Re: رحبو بالشبل
Author: رغيم عثمان رغيم الحسن
Date: 04-24-2009, 09:30 PM
Parent: #31
الشبل يشكر الشبلى
ماكويس انى عرفت انزل الصوره ادينى شهر تانى واخليها ليك هى البتتكلم تسلم ويسلم ابداعك
|
Post: #39
Title: Re: رحبو بالشبل
Author: Yassir Bainwi
Date: 04-24-2009, 09:52 PM
Parent: #35
عمنا عثمان رغيم
سلامات
رغيم عثمان رغيم حبابو والله
خالص الود
|
Post: #41
Title: Re: رحبو بالشبل
Author: معاوية كرفس
Date: 04-24-2009, 10:19 PM
Parent: #39
.
رغيم عثمان
يبدو إنو أسرتنا ماشة تكوّن أغلبية في المنبر دا
و تكسح بنات خوجلي العزيزات و أولاد
شيخ الدين جبريل الفنانين ذاتو .
مرحب بيك يا عزيز يا إبن خالي العزيز
و يكفيني هاهنا ما سطرته الشقيقة إنعام عبد الحفيظ:
Quote:
وهذا الشبل من ذاك الأسد ورغيم زول مهذب وهادئ الطبع
محترم جداً مجِد ومجتهد ومتربي كويس جداً وكيف ما يكون متربي كويس
وأمه تلك المرأة الواعية والمثقفة ووالده هو عثمان رغيم الحسن
أتوقع منه ان يكون إضافة حقيقية للمنبر بثقافته ووعيه
|
حبي و ودي لكما
م . كرفس
.
|
Post: #40
Title: Re: رحبو بالشبل
Author: رغيم عثمان رغيم الحسن
Date: 04-24-2009, 09:59 PM
Parent: #30
استاذ مزمل
استاذ ياسر
الف شكر وتسلموا
|
Post: #42
Title: Re: رحبو بالشبل
Author: طارق جبريل
Date: 04-24-2009, 10:50 PM
Parent: #40
شوفوا يا ناس تنقاسي
ما تقولوا كومكم كبر
يمين شبا والبركل ماليات الحتة دي
هههههههههههههههههههههه
الف الف مرحب بي رغيم
|
Post: #43
Title: Re: رحبو بالشبل
Author: abubakr
Date: 04-25-2009, 07:10 AM
Parent: #42
يابني بك يازميل(مهنة) اولا ويابني ..وارجو ان تجتهد هنا لتجد موقعا مميزا وسط زحمة كبار ليس كل ما يكتبونه مفيدا ولا يتجاوز احيانا ونسة لتزجية الوقت ونعتذر لذلك فانقطاع الكهرباء والحر في الداخل وصعوبة الاجتماعيات في الخارج (وانعدام رواكيب ومساطب تلم العجائز بعد الشغل) وتوفر التقنيات الحديثة رغم كل ذلك جعل المنابر الاليكترونية ضليلة شجر بر البيت لما الكهرباء تنقطع والحر يستحلي الاقامة الدائمة ولما الغربة تضع كل واحد منا في دائرة ضيقة جدا لايكاد ان يخرج منها الا يعود اليها ... مرحبا بك معبرا عن اهم مافي السودان الان الاجيال الشابة الصغيرة والتي ستاتي بكل ما يناسبها وبلادها من تغيير دون وراثة عقيمة لافكار وسياسات ديناصورية خربت البلاد واعاقت نموها ...
مودتي
ابوبكر سيداحمد
|
Post: #44
Title: Re: رحبو بالشبل
Author: أبو الحسين
Date: 04-25-2009, 07:35 AM
Parent: #43
يا هلا بيك إبن العم رغيم عثمان رغيم... شرفت ونورت الديار...
وعقبال ما نشوف الأحباب الحسن إبراهيم ورغيم إبراهيم جواركم يا ناس تنقاسي السوق...
لك يا أخي الحبيب عثمان ولإبنك وكل آل رغيم قواسيب مودتي...
أبو الحُسين...
|
Post: #45
Title: Re: رحبو بالشبل
Author: يحي ابن عوف
Date: 04-25-2009, 07:53 AM
Parent: #44
مرحب رغيم عثمان وحبابك فى دارك
وسعيدين جدا بى تواجدك داخل هذه القلعه سودانيز اونلاين...
ونتمني نكون قدر المقام يا غالي
موفق
|
Post: #46
Title: Re: رحبو بالشبل
Author: أحمد الشايقي
Date: 04-25-2009, 08:32 AM
حبابو رغيم
حياك الله ويطيب ليك المقام
تحيات وافرة
أحمد الشايقي
|
Post: #47
Title: Re: رحبو بالشبل
Author: sami Alzubair
Date: 04-25-2009, 11:41 AM
Parent: #46
مراحب يا هندسة
واهلا بي كيبوردك في البورد
في انتظار بقية العقد الفريد
مازن والدكتورة
سلام مربع للاسـد
:)
|
Post: #49
Title: Re: رحبو بالشبل
Author: رغيم عثمان رغيم الحسن
Date: 04-25-2009, 11:48 AM
Parent: #47
استاذ سامى تسلم وربنا يديك العافيه
كسره
نحنا كهرتنا قاطعه من امبارح وانت بتلعب لينا بإلابراج صوره مبالغه
|
Post: #48
Title: Re: رحبو بالشبل
Author: رغيم عثمان رغيم الحسن
Date: 04-25-2009, 11:41 AM
Parent: #42
معاويه كييف الاحوال ومشتاقين اسرتنا اغلبيه لو مثلتهاانت براك
الف شكر على الترحيب
طارق جبريل ما عملت حاجه لانو ناس شبا والبركل برضو اهلنا
تسلم
عم ابوبكر سيد احمد تسلم والله مع السخانه دى الزول بكون بس عاوز يفرق وينسى (ارجع لى انعام عبد الحفيظ)
ابو الحسين محب ال البيت تسلم وربنا يحفظك
استاذ يحيى الف شكر واتمنى انى ما اخيب ظنك
الشقيق احمد الشايقى الف شكر وليك التحيه
|
Post: #52
Title: Re: رحبو بالشبل
Author: Amira Elsheikh
Date: 05-01-2009, 01:47 PM
Parent: #48
بعنى اسى الواحد تانى ما يقول رغيم ياعمك ولا شنو؟؟
الاسم دا غايتو يارغيم الصغير بتاع رغيم الكبير
شوف ليك اسم تانى .
روغيم ياعمك عملت ليك باك اب؟؟
مرحب بيكم ال رغيم فى المنبر
وراضين بالاحتلال ..
|
Post: #53
Title: Re: رحبو بالشبل
Author: osman righeem
Date: 05-01-2009, 02:07 PM
Parent: #3
اخونا انور
لك شكري و عليكم نعتمد
واعتمدو علينا
|
|