Post: #1 Title: هدية الكريسماس.. كلماتي.. ألحان وأداء هشام كمال .. تقسيم بلد..( فيديو) Author: جمال السنوسي Date: 12-25-2012, 09:04 AM Parent: #0
صبح الوطن مقسوم .. والقسمة لسع كم قسموا الوطن بالكوم ... للكوم بندفع دم يا حليلو صار اوطان.. والقسمة ما بترحم باب السياسة وسيع... صبح الوطن معدم لا نيل لا بترول ..... في الجيب ولا درهم يا رب يعود سودان.... وفي الله نتعشم
مليون ميل قد كان .... عنوانا صار مبهم صبح الوطن تاريخ ... عايشين وبنسترحم كتبو علينا فراق .... وفراقنا صار علقم لا شول لا قلواك .. لا ميري لا مريم ضاعت أرض أجداد ... أبطال بنستلهم لازم يعود سودان... لازم نعود نحلم
Post: #2 Title: Re: هدية الكريسماس.. كلماتي.. ألحان وأداء هشام كمال .. تقسيم بلد..( في Author: Mahmoud Mustafa Mahmoud Date: 12-25-2012, 09:15 AM
جميل يا جمال...
مبروك والله..
صديقنا الفنان الأنيق هشام كمال...
صاحب رؤية ومشروع ضخم.. شخصياً أتوقع أن يحدث ثورة في مجال الغناء السوداني..
مبروك ليكم تاني..وكل سنة والبلد بخير..
..
.
Post: #5 Title: Re: هدية الكريسماس.. كلماتي.. ألحان وأداء هشام كمال .. تقسيم بلد..( في Author: جمال السنوسي Date: 12-25-2012, 09:46 AM Parent: #2
شكرا محمود
هشام ده عبارة عن رسالة فنية متقدمة جدا
لابد من نقرأها مرارا وتكرارا
وانت ذاتك ما هين
يا وجيها .. مش كده بالله
Post: #3 Title: Re: هدية الكريسماس.. كلماتي.. ألحان وأداء هشام كمال .. تقسيم بلد..( في Author: خضر حسين خليل Date: 12-25-2012, 09:16 AM
لك ولصديقنا هشام التحايا وعميق الاحترام وياريتك لو جدعت لينا وصلة لليوتيوب
مودتي
Post: #4 Title: Re: هدية الكريسماس.. كلماتي.. ألحان وأداء هشام كمال .. تقسيم بلد..( في Author: صبري طه Date: 12-25-2012, 09:19 AM Parent: #3
كلّك جمال يا جمال .. وبرضو هُشام كمال
Post: #7 Title: Re: هدية الكريسماس.. كلماتي.. ألحان وأداء هشام كمال .. تقسيم بلد..( في Author: جمال السنوسي Date: 12-25-2012, 02:33 PM Parent: #4
صبري طه
عريس الموسم
انت دايما متألق
تسلم يا سيد سيدا
Post: #6 Title: Re: هدية الكريسماس.. كلماتي.. ألحان وأداء هشام كمال .. تقسيم بلد..( في Author: جمال السنوسي Date: 12-25-2012, 10:48 AM Parent: #3