Post: #1
Title: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: صديق الموج
Date: 12-24-2012, 01:14 AM
Parent: #0
يا جبل ما يهزك ريح...
|
Post: #2
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: معاوية المدير
Date: 12-24-2012, 01:23 AM
Parent: #1
سلآمات يا صديق الموج.
سمعت بالنمّة البتقول:
الليل والنهار وآحد علي العميان
واللوم والشُكُر ما بينفع السجمان .
؟
|
Post: #3
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: صديق الموج
Date: 12-24-2012, 01:24 AM
Parent: #1
دفعتها امتاعاً و اقناعاً و اشباعاً
فقد قرأوك مثنى وثلاث ورباع
فما ذاقو اشهى مما كتبت الا قليلاً
عود فالقوم ينتظرونك،،،
|
Post: #4
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: كمال علي الزين
Date: 12-24-2012, 02:10 AM
Parent: #3
(*)
اهلا لعودتك اخي محسن ..
########تا لي نبوئتي شمار في مرقة ..
وام الحسين الصعيدية الحبسوها اهلها للعرس دي ؟
قبل 3 اشهر من الان اخي محسن دخلتا في حالة مشابهة ..
وبصراحة كنت شايف عالم تاني غير عالمكم ده ..
ولولا بعض الاهل والاصدقاء والاحباب كنتا جيتكم طائر عديل :)
اي انسان قابل للدخول في حالة مشابهة فالنفس البشرية دي مسالة معقدة جدا
ومهما بلغ بالانسان من المعرفة والقوة والاتزان طوال حياته , يمكن تظلل عليه سحابات من الحزن والقلق والغضب ورفض الواقع
وده كلام زول مجرب ودفعة , دفعة شنو (أنا سنير عليك) فقد خضت التجربة وخرجت منها قبلك , ..
يا محسن ياخوي .. الحياة دي لا تسوى شيئاً ..
وانظر فقط لثلة الاصدقاء الذين حولك تجد نفسك قوي بهم , غني بهم , ولا تستغرب من كثرة الاعداء فأمثالك دائما مايجيدون اكتساب الاصدقاء
كما انهم لا ينفكون يكتسبون الاعداء , بل يصنعون الاعداء , ..
خلال عام واحد يامحسن فقدت كثير الاصدقاء , واكتسبت كثير من الاعداء وماتت عني امي التي ربتني وفقدت حبيبتي ومعها طفلي الذي حلمت به ..
فجنيت قلتا هو , ونفسنتا , وكنت اذهب الى قبر امي التي ربتني واقف امامه خاشعا كما كنت اقف امامها واحدثها واضحك وابكي معها واغادر قبرها متلصصا بعد ان تنام (كما كنت افعل بحياتها )
ثم بعدها حدثت كل من يعرفني ومن لا يعرفني عن فراقي لحبيبتي , وذهبت حادثت اماكن جلوسنا , لقاءنا , حدثت سيارتها , تعطرت بعطرها الذي تحب , صمت عن الاكل زهاء الشهر , ..
بكيت على طفلي الذي لم انجبه منها , وكدت اعلن الحداد عليه وهو لم يولد بعد , كدت ان (افرش ) عليهو واخد عزاهو وهو وهم بخيالنا كان , اسميناه احمد واشتريت له لعبه وملابسه وكدت ان اسجله بالحضانة
وهو مجرد حلم حلمناه و وهم عشناه و أمنية حبيب وحبيبة , لكن فراقها كان كموته , احسست بانني انجبته ومات , وبكيته , وبكيت نفسي , وشكوت الى قبر امي ..
اسمرت سحنتي , ونحل جسمي , ورفضت كل شئ , الطعام , النوم , وكدت من فرط هزالي أن أشتري ملابسي من(البيبي كير) , واتجننتا جنون كان حكيتو ليك بتقول لي اخير منو (اتفرعن واقول انا ربكم الاعلى )
يا محسن ياخوي , انتا في كتاباتك زول لسانك طويل و ردودك لاسعة وتخفي ما بداخلك من رهافة ومحبة للناس دون فرز بغلاف من غلظة في الكتابة , لكن سجم خشم كعوبية ماعندك ,..
ورهافتك ومحبتك دي بتجنن وتحنن ..
انت مهدي وهبة الباري ونبي من انبياء المحبة والقلب الاخضر والفؤاد النضر والنفس النقية ..
لذلك يامحسن ياخوي انت نصيح وشديد وحاضر , لكن الرهافة والمحبة والاحلام الضائعة والصراع بين القلم السنين واللسان اللازع والقلب الحنين بجننو ..
ياناس هوي محسن عاقل , وشديد ,,,
وكان في مجنون في البورد ده ياهو أنا (كمال الزين) ده , والشواهد الفوق دي اعترافات وحقائق ..
لكن ماعندي ليكم من المحبة مثلما حمله محسن لكم , ..
فهو حين نفسن لم يفكر بنفسه جرى ليكون مهديكم ومخلصكم ..
فالتفوا حول اخيكم محسن وقولوا له :
التفت لنفسك ودعك من محبتنا , فهي حجيم اشد من حجيم توعدت به كنيسة (شنو ماعارف ديك ) اسمها زي خالد الكد غايتو ..
وكان رايح ليكم مجنون .. تعالوا ربطوني ساكت ..
.....
..
.
______________________________________________
ازيك ياموج
|
Post: #5
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: صديق الموج
Date: 12-24-2012, 11:37 AM
Parent: #4
.Quote: سلآمات يا صديق الموج.
سمعت بالنمّة البتقول:
الليل والنهار وآحد علي العميان
واللوم والشُكُر ما بينفع السجمان . |
معاوية المدير ....سلام
اتمنى ان تكون مع الفئة الناجية فلا تكفر بكل ما أتى به المحسن
كن بخير يا صديق ما كان ذلك ممكناً،،،
|
Post: #6
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: صديق الموج
Date: 12-24-2012, 12:27 PM
Parent: #5
Quote: ياناس هوي محسن عاقل , وشديد ,,,
وكان في مجنون في البورد ده ياهو أنا (كمال الزين) ده , والشواهد الفوق دي اعترافات وحقائق ..
لكن ماعندي ليكم من المحبة مثلما حمله محسن لكم , ..
فهو حين نفسن لم يفكر بنفسه جرى ليكون مهديكم ومخلصكم ..
فالتفوا حول اخيكم محسن وقولوا له :
التفت لنفسك ودعك من محبتنا , فهي حجيم اشد من حجيم توعدت به كنيسة (شنو ماعارف ديك ) اسمها زي خالد الكد غايتو ..
وكان رايح ليكم مجنون .. تعالوا ربطوني ساكت ..
|
كمال على الزين .........سلام
انت الاعقل هنا
خلف محسن و كمال استووا يرحمكم الله،،،
|
Post: #7
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: MOHAMMED ELSHEIKH
Date: 12-24-2012, 12:35 PM
Parent: #5
بكيت مع كمال الزين حين فقد امه حيث مررت بالتجربة
ولا أدرى حاله بعد فقدان الحبيبة ومعها الحلم الجميل
كمال انت بطل ومهدي ومعجنك ربك و تستاهل بوست بي 18 صفحة وأكثر من 300000 كلك بكتير
تحياتي لأبني محسن
ودفعتى الموج
|
Post: #8
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: abuguta
Date: 12-24-2012, 07:44 PM
Parent: #7
صديق
سمعت بحاجة اسمها موت المؤلف
من وجهة نظرى محسن زى هيثم مصطفى
كلاهما خسر جمهوره,,وقد كتب بوست قبل ظهور الكرامة
|
Post: #9
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: تبارك شيخ الدين جبريل
Date: 12-24-2012, 07:55 PM
Parent: #8
من تواضع لله رفعه ... اطول من قنايتك دي ...
والبزرع جنس نوايتك دي ... بيجني جنس جنايتك دي ...
(الكلام للمهدي المسيختابي طبعًا!)
... المهم ....
|
Post: #10
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: Abureesh
Date: 12-24-2012, 08:08 PM
Parent: #8
صديق فراج الضيق..
سلام.
غايتو انا لو قلت فاهم شئ من الإنتفاضـة دى كلها، اكون ما اديت الحقيقة.
زول قال انا المهدى المنتظـر...
شنو المشكلـة؟!!
هل جــر زول من اضـانو قال ليه امشى وراى؟
بعدين منو النصيـح فى الزمن دا؟ قالوا الغوث مدير الكون زاتو الايام دى درويش.. عشان كدا العالم جايط.. الله يصبرنا لحد ما يتعين غوث جديد..
|
Post: #11
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: صديق الموج
Date: 12-24-2012, 08:13 PM
Quote: تحياتي لأبني محسن
ودفعتى الموج |
اها جنس المخرف ده يقولو ليه شنو؟
قال دفعتى قال والله انت دفعتك المهدى الامام زاتو،،،
|
Post: #12
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: MOHAMMED ELSHEIKH
Date: 12-24-2012, 08:24 PM
Parent: #11
ها جنس المخرف ده يقولو ليه شنو؟
قال دفعتى قال والله انت دفعتك المهدى الامام زاتو،،،
____________________________________
اها يا .............................
نخت ليك ياء التصغير حقت مسيكتاب؟
|
Post: #13
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: صديق الموج
Date: 12-25-2012, 03:46 AM
Parent: #12
Quote: صديق
سمعت بحاجة اسمها موت المؤلف
من وجهة نظرى محسن زى هيثم مصطفى
كلاهما خسر جمهوره,,وقد كتب بوست قبل ظهور الكرامة |
ابو قوته كدى اعد البصر كرتين
ويوم القيامه بجيبو للزول حسناته وسئياته
انت فى الدنيا اتعامل مع محسن كده وشوف البحصل عندك شنو؟؟
|
Post: #14
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: صديق الموج
Date: 12-25-2012, 11:08 AM
Parent: #13
Quote: من تواضع لله رفعه ... اطول من قنايتك دي ...
والبزرع جنس نوايتك دي ... بيجني جنس جنايتك دي ...
(الكلام للمهدي المسيختابي طبعًا!) |
تبارك ......سلام
او لم تؤمن؟ ام لكى يطمئن قلبك؟
ككاتب بارع و حكاى بدرجة امتياز..
لا عليك فى الباقى،،،
|
Post: #15
Title: Re: ياكا محسن كان متمهد،ياكا محسن كان بتهدد، قد دفعت فواتيرك مقدماً
Author: الزبير بشير
Date: 12-25-2012, 02:13 PM
Parent: #14
الاخ معاويه المدير
الليل والنهار وآحد علي العميان
واللوم والشُكُر واحد علي السجمان .
عز الرأس دهن عز الجلد قطران
عز الخيل شكر عز الحريم وليان
الاخ الموج
لك التحايا
الزبير
|
|