Post: #1
Title: امنة مختار، هاشم نوريت، بالامس سألكم نافع بوضوح لماذا لم تجيبوا ؟؟
Author: دينا خالد
Date: 12-23-2012, 06:00 AM
Quote: وأضاف ساخراً: ( أنا أعجب من الذين يتحدثون عن مشاكل الشرق ولا أدري من أين استوردوا كلمة الهامش والمهمشين)،
وزاد بالقول في خاتمة ملتقى الاستثمار الثالث ببورتسودان أمس (الجمعة):
(الحمد لله الذي جعل التنمية في بورتسودان ترياقاً مضاداً ومفتاحاً نهتدي به ونتمنى أن ينير عقول دعاة التهميش
إن كانت قابلة للاستنارة وتدحض حججهم إذا كانت أمراض لا تشفى ولا يوجد لها شفاء) |
وتحدث وتحدث حتى خلته يتحدث عن شرق لوكسمبرج او شرق سويسرا ..
ـــــــــــــــــــــــــــــــ
الله هونينى جد جد المره دى !
|
Post: #2
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-23-2012, 06:04 AM
Parent: #1
Quote: واعتبر "نافع" المؤتمر فرصة للسياحة والاطلاع على ما يحدث في مجال التنمية، و
أكد أنه ما كان للتنمية أن تقوم لولا تهيئة المناخ. |
Quote: بورتسودان - سيف جامع
أكد مساعد رئيس الجمهورية د. "نافع علي نافع" أن التنمية التي تشهدها ولاية البحر الأحمر خير دليل
لدحض حُجج الذي يدَّعون تهميش الشرق.
وقال "نافع": (نرسل رسالة واضحة للذين ما زالوا يتربصون باستقلال ومقدرات السودان
وخاصة المتحدثين عن جوع وعطش الشرق)، وأضاف ساخراً: |
http://almeghar.com/permalink/7828.html
|
Post: #4
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: Asim Fageary
Date: 12-23-2012, 06:15 AM
Parent: #2
غايتو يا دينا خالد
إنشاء الله بعد الحال تتحوري وتبقي تشبهي صورة البروفايل بتاعتك دي
عشان تاني نجي نبصم بالعشرة على كلمة تكتبيها هنا ونطلع
وبس
|
Post: #3
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-23-2012, 06:15 AM
Parent: #1
امنة وهاشم بطلوا الكضب
لديكم فرصة جهنمية يا دعاة التهميش للسياحة فى الشرق الان وبطلوا
تضليل ....
اكيد يا هاشم وامنة انتو ما زورتوا الحته دى فى شرقنا الحبيب !
ويا شرقنا ما تهزك ريح ولا دعاوى دعاة التهميش !
الباب مفتوح الان للسياح فالتنمية اقصد الزيارات الميدانية هى الترياق المضاد لدعاة التهميش !!
حفظك الله يا شرقنا الحبيب يا نافع ادى عيونك ديل للجماعة يشوفوا بيها !!
طبيعه ذى دى فى ما عندنا كلام !
هاشم انت طولت من البلد تانى ما تفتى ساى سمح ؟؟
ــــــــــــــــــــــــــــــــــــــــــــ
سؤال نافع المباشر كان ::
(من أين استوردوا كلمة الهامش والمهمشين)؟؟؟
اجيبوا بلا اى لولوه دام فضلكم !!
|
Post: #5
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-23-2012, 04:35 PM
Parent: #3
من اين استوردتم كلمة هامش ومهمشين هييهه ؟؟؟ ردوا
|
Post: #6
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: AMNA MUKHTAR
Date: 12-23-2012, 04:43 PM
Parent: #5
نافع دا منو يا دينا ....................:)
|
Post: #7
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-23-2012, 05:00 PM
Parent: #6
لوووووووووووووووب يا امونة !
نافع !!!
نافع اللى كان لما يعطش يشرب ...
نااااااااااافع
نافع اللى لما تقولو يا نافع يروح باصص
ناااافع يا امونه ..
نافع اللى لما يمشى يوصل ... ناااااااااااافع
لوووووووووووووووب ..
ــــــــــــــــــــــــــــــــــــــ
تانى كدا واحد فيكم يجى يقول الشرق ...
الترياق قاااااعد طوالى نتريقوو ...
الله هونينى !
|
Post: #8
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: AMNA MUKHTAR
Date: 12-23-2012, 05:09 PM
Parent: #7
Quote: تانى كدا واحد فيكم يجى يقول الشرق ...
الترياق قاااااعد طوالى نتريقوو ...
الله هونينى ! |
قولي ليهو تيشوكبا ..
ولو ما جازى خلصان ..وبطنى طامة ..
كنت جبت ليهو البراهين .
فلا تغرنكم بهرجة بورتسودان والكورنيش .
|
Post: #9
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: حيدر حسن ميرغني
Date: 12-23-2012, 05:26 PM
Parent: #8
طيب كده مارحلنا
-
قل لاعاش من يهمشنا
|
Post: #10
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: معاوية الأرباب
Date: 12-23-2012, 05:45 PM
Parent: #9
Quote: سؤال نافع المباشر كان ::
(من أين استوردوا كلمة الهامش والمهمشين)؟؟؟ |
سؤال منطقي جدا في مدلوله الإستنكاري . إذ كيف لبلد يعد المنتج الاول للتهميش والمهمشين أن يكون مستوردا
لذات المنتج ومصطلحاته ؟؟؟ !!!!.
|
Post: #11
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-23-2012, 05:46 PM
Parent: #9
| Quote: قولي ليهو تيشوكبا .. |
هههههههههههههههههههه يا امونه
دى يعنى ............... ؟!
ــــــــــــــــــــــــــــــــــ
قولوا لى برااااكم انا مالى !
|
Post: #12
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-23-2012, 10:25 PM
Parent: #11
امنه قالت جازها كملان
وتهربت من الرد على نافع وسؤاله ليه يومين
اما هاشم ف غاييب فى الركايييب ...
الاربا ب !
عشرة من عشرة والله ....
عاصم فقيرى !
الكلام على الاخلاق ....
|
Post: #13
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: Adrob abubakr
Date: 12-24-2012, 05:11 AM
Parent: #12
الأستاذة دينا لك التحية
وشكرا لرفدك كلام المأفون والمستنكح نافع
بورتسودان كانت جميلة قبل أن يأتي هذا المأفون وحكومته العنصرية إلي السلطة
وما حصل من تعمير وتجميل علي الكونيش لم يكن من الخزينة المركزية....هذه مجرد كذبة كبيرة
بل من حر مال الولاية وذهبها المنهوب والذي تعتمد عليه خزينة الدولة بصورة أساسية حاليا
وكذلك إيرادات ميناء بورتسودان وسواكن 95% منها تذهب أيضا إلي الخزينة المركزية
يعني الشرق أصبح بعد ذهاب بترول الجنوب مصدر لنهب الثروة دون أقل مردود يعادل مساهمته
والسؤال الأهم من المستفيد حقيقة من التعمير في بورتسودان؟
التهميش بالطبع له جوانب مختلفة, وقبل كل شئ يجب النظر إليه من خلال إنسان الشرق, من ناحية الصحة والتعليم وفرص العمل والثروة
لأن التعمير ما شرط يكون لأبناء المنطقة, بل غالبا من خاجها, ولهذا هو أحيانا مشكلة أكثر من كونه تطوير, لأنه يؤدي إلي تهميش أبناء الشرق في شرقهم ذاته
وده ذكرني بالتعمير المبالغ الذي حدث في شرق ألمانيا بعد الوحدة مباشرة, مما دعي الالمان الشرقيين للتظاهر, للإهتمام بهم أولا وبمراكز التطوير وفرص العمل
ولو جينا لنصيب مواطن الشرق من الثروة والسلطة المركزية حدثي ولا حرج.... يعتبر الشرق الأكثر تهميشا من بين أقاليم السودان علي الإطلاق منذ الإستقلال
دعيني أورد لك إحصائيات مع أنها منذ 2001, وأعتقد أنها صحيحة 100% ولك أن تقارني مع بقية الأقاليم ما إذا هناك تهميش الشرق تهميش أم لا
http://www.sudanjem.com/sudan-alt/arabic/book...ck_book_first/f3.htm
|
Post: #15
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-24-2012, 06:05 AM
Parent: #14
ادروب شكرا للمداخلة الشحمانة
وخليك قريب .. امكن اسرائيل تهجم على البوست دا
كجزء من الشرق وكدا ...
يا مدثر صديق ...
فعلا هى صور جميلة للناس الاكتنزت جيوبها
من خيرات الشرق فى ال 23 سنة الماضية ...
ولكن هل الشرق هو بورتسودان ؟؟؟
ما بتلقى زول يجيب لينا صور برا بورتسودان بى كيلو واحد ؟؟؟
صور من حول كسلا وقرى طوكر وسواكن وسنكات من كل الشرق؟؟
الدعوة مفتوحه لقراء هذا البوست لمدنا بصور تعكس حال عموم اهل
الشرق وليس الصفوة التى اتخمتها الثروة فى بورتسودان ...
|
Post: #16
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: عبد الله كسلا
Date: 12-24-2012, 07:41 AM
Parent: #15
الأخت العزيزة دينا ... وزوار هذا الخيط الكِرام ...
بناءً على طلبك .. أرفد لكِ هذا البوست ببعض الصور المعبرة عن حال شرقنا الحبيب .. والتهميش الذي عاشه وما زال ... وسيظل يعيشه كل يوم ..
طوكر .. وما أدراك بما تعانيه طوكر .. وإنسان طوكر
صور من طوكر
دموع الصغار
ودموع الكبار على ما آل إليه الحال
شكراً على إهتمامكِ بإنسان شرقنا الحبيب .. وتسليط الضوء على المآسي التي يعاني منها .. والتهميش ...
(الصور مأخوذة من بوست عن حملة إنقاذ إنسان طوكر خلال الفيضان الذي شهدته المنطقة ... شكراً نابري .. شكراً نجلاء .. وكل أعضاء فريق الإنقاذ)
|
Post: #17
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: عبد الله كسلا
Date: 12-24-2012, 07:57 AM
Parent: #16
إمتداداً لصور معاناة إنسان الشرق بصفة عامة .. وإنسان طوكر بصفة خاصة ... إليكم المزيد من الصور ..
هذه هي ثلاجاتهم .. ويتم التبريد بالهواء الطلق
سقف المستشفى
هذه فلل إنسان الشرق .. أين هي من الفلل الرئاسية
المزيد من فلل البؤس والشقاء
|
Post: #18
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: عبد الله كسلا
Date: 12-24-2012, 08:04 AM
Parent: #17
أما مدينة كسلا وضواحيها .. فحدث ولا حرج ...
موقع بالقرب من الحامية وهي في منتصف المدينة
منظر لسوق المدينة
 منظر لجانب آخر من السوق
|
Post: #19
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: حمزاوي
Date: 12-24-2012, 08:19 AM
Parent: #18
دينا بت اختي
مسكاقمي
الاستاذة امنة مختار بتتحرك وترد لمن الكلام يكون من حزب الامة والسيد الصادق المهدي
اما كلام ناس نافع والحكومة فبرد وسلام عليهم
|
Post: #20
Title: Re: امنة مختار، هاشم نوريت، بالامس سألكم نافع بوضوح لماذا لم تجيبوا ؟
Author: دينا خالد
Date: 12-24-2012, 09:13 AM
Parent: #19
العزيز عبد الله كسلا ..
من اين استوردتم كلمة تهميش ومهمشين ؟؟؟
صورك اعطت بعض الردود بعض الالم
بعض الفقر والقهر ...
شكرا كتير ...
ــــــــــــــــــــــــــ
تمشوا برا تستوردوا الكلام الكبار كبار تدخلوا
لينا فى السودان ... كان مهمشين اسرائيل شغالة فيكم ضرب ؟؟
|
|