Post: #1
Title: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 07:33 AM
Parent: #0
النيزك اذا لم يتم التصدي له فمن المتوقع ان يصطدم بالارض خلال 15 ساعة بحسب مرصد الفضاء الروسي الذي ذكر ان النيزك لم يتم رصده من قبل ويتجه نحو اوربا.
من جهة اخرى يعقد زعماء الدول دائمة العضوية بالاضافة الى بابا الفاتيكان وشيخ الازهر والدالاي لاما وكبير حاخامات اليهود جلسة عاجلة بعد قليل لمجلس الامن عبر دوائر تلفزيونية مغلقة بناءاً على طلب من بوتين وسوف يوجه بان كي مون خطاباً هاماً للبشرية وصفه مصدر مطلع بان اهم خطاب لامين عام للامم المتحدة.
المصدر
وكالة ايتار تاس الروسية.
|
Post: #2
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: حيدر حسن ميرغني
Date: 12-22-2012, 07:37 AM
Parent: #1
سلامات يامحمد
المرة الفاتت حجارة السماء دي جاتنا في السودان - قبل سنة او سنتين تقريبا
ما اشتغلنا بيها الشغلة لانها وقعت في خلا الشمالية
اها هسع الخواجات كابين الجرسة
فرصة كانت الحكومة تستغلها وتروج لشجاعتنا في التصدي للطقيع الغريب ده
|
Post: #3
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: وليد التلب
Date: 12-22-2012, 07:40 AM
Parent: #2
Quote:
الى بابا الفاتيكان وشيخ الازهر والدالاي لاما وكبير حاخامات اليهود |
حتي في دي ضدنا يامحمد
وين المرشد الاعلي
هههه
|
Post: #5
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 07:45 AM
سلامات يا حيدر
نحن ما عندنا ثقافة الترويج والتسويق يا حيدر وبعدين ربنا اعلم بحالنا، عارف المطرة بتجهجه باكاتنا عشان كدة الحجارة طقت الخلاء
Quote: حتي في دي ضدنا يامحمد
وين المرشد الاعلي
|
على ما اعتقد يا وليد انه الاجتماع لقيادات الديانات وربما يكون بسبب الطلب اليهم ان يعملو على بث روح الطمانينة بين خلق الله
|
Post: #6
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: ود الباوقة
Date: 12-22-2012, 07:48 AM
Parent: #5
ان مرقو من النيزك
الكبيرة ما بمرقو منها
خليهم يركزوا بس
شكرا ود الفكي
|
Post: #7
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 07:54 AM
Parent: #6
Quote: ان مرقو من النيزك
الكبيرة ما بمرقو منها
خليهم يركزوا بس |
الشغلة يا باوقة ما خاصة بيهم براهم عشان كدة ضموا القيادات الروحية دي للاجتماع ، الموضوع شكله بيهم البشرية كلها
اسمع يا باوقة انت قصة اركز دي عندها علاقة بركزان البطاحين والجعليين والشوايقة والشكرية للبُطان؟ 
|
Post: #8
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: عبدالله ود البوش
Date: 12-22-2012, 08:01 AM
Parent: #6
دي في السودان بنسميها النجمة ام ضنب
تخر وتقع في أئ صقيعة ولامن سمع ولا من ندرى
لكن الخواجات عاملين ليها توم وشمار
وصقيعة ما عندهم
.
.
بعد ما مرقنا من عصر الجمعة واذن المغرب اذن تاني عوجة مافي وننتظر يوم موتنا ساهي
لانو قالوا الباقي بلايين السنين
.
.
عاين جاي
امس لعبتو كشتينة ولا كنت متنظرين الصيحة الكبرى ؟
.
.
تاني ما تجيني بغادي سمح ؟ شوتك كلو ضفاري هههههههههه
|
Post: #9
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: Hafiz Bashir
Date: 12-22-2012, 08:03 AM
Parent: #5
الروس ديل موش قالوا الشي دا حيقترب من الأرض سنة 2029 مع إحتمالية السقوط سنة 2036؟ مالم غيرو رايهم؟
ولا دا واحد تاني غير القالوهو زمان
Quote: موسكو - أ. ف. ب:
يلتقي قريباً علماء روس في اجتماع مغلق لمناقشة خطة تجنيب الأرض الاصطدام الكارثي المحتمل بنيزك عملاق بعد 26 سنة بحسب ما أعلن مدير وكالة الفضاء الدولية الروسية أناتولي بريمينوف.
وقال بريمينوف عبر اذاعة صوت روسيا "سوف يلتقي المجلس العلمي التقني قريباً في اجتماع مغلق لمناقشة ما يمكن فعله" لمواجهة الكويكب (أبوفيس) الذي يهدد بتدمير جزء من الأرض في العام 2036.
وأضاف "يستحسن ان ننشئ نظاما قادرا على تجنيبنا هذا الاصطدام وان كلف بضعة ملايين من الدولارات من ان ننتظر حصول الاصطدام وموت آلاف الاشخاص". وبحسب وكالة ريا نوفوستي يحتمل ان يقترب الكويكب الى مسافة 30 الف متر من الارض في العام 2029، أي أقرب من بعض المحطات الأرضية الفضائية، ويحتمل ان يصطدم بالارض بعد سبع سنوات.
وافادت انه في حال اصطدم الكويكب (ابوفيس) الذي يصل قطره الى 350 مترا بالارض اثناء مروره بقربها في العام 2036 سيخلق هذا الاصطدام صحراء جديدة بحجم فرنسا.
وكانت وكالة الفضاء الاميركية (ناسا) أعلنت في تشرين الاول/اكتوبر ان احتمال اصطدام الكويكب بالارض في العام 2036 تدنى بشكل ملحوظ. |
المصدر صحيفة الرياض الإلكترونية الصادرة يوم الجمعة 15 محرم 1431 الموافق 1 يناير 2010
|
Post: #10
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: ود الباوقة
Date: 12-22-2012, 08:06 AM
Parent: #9
يا ود الفكي
يعني زمان لما قلنا روسيا قد دنا عذابها كنا على حق
|
Post: #11
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 08:08 AM
Parent: #9
كدي يا ود البوش النلحق حافظ بالاخبار الجديدة وارجع لك
الان الان فقط
النيزك سيقضي على 90% من الكرة الارضية في حالة اصطدامه بها ومحاولات مستميتة لتفتيته قبل وصوله
دا نيزك جديد لنج يا حافظ
|
Post: #12
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 09:26 AM
Parent: #11
والله يا بوش امس لما فينا واحد من النيل الابيض لعب بينا لعب نوعو براهو، الزول التقول عندو مزرعة جواكر،الناس ما خلت ليهم فرضاً ناقص لكن ما احترموا دا، اخر النهاية وانا بفتش لي في سبب معاهم واحد قال لي يا زول رميت رماد السجارة في الملاية دي، قلت لهم بيتي ولا بيتكم يلا يا عواطلية اي زول على بيتو وما اشوفكم هنا تاني، و لو لاعب معاكم بقروش الا انهضبكم بالسكين حتين تمرقو من هنا.
بعدين انا لابتين اعلم فيك؟ النجمة ام ضنب ديك بعرفا، دا نيزك ولا انت حصة العلوم بتكون دقشت الفول ونمت فيها؟
Quote: بعد ما مرقنا من عصر الجمعة واذن المغرب اذن تاني عوجة مافي وننتظر يوم موتنا ساهي
لانو قالوا الباقي بلايين السنين |
هههههههههههههههههههههههههههههه بالله ؟ قبال تلبية الدعوة لزيارة الجزيرة الخضراء؟
يا باوقة
امريكا برضو مشتركة في الموضوع دا
|
Post: #13
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 09:33 AM
Parent: #12
نود الاشارة الي مكالمة تليفونية مطولة مع السيد وزير الري ابدي فيها قلقه من نهاية العالم كما تطرق الى بعض الجوانب ذات الطابع المشترك كما ابدى اعتذاره عن عدم امكانية تداخله لمشكلة في متصفح الانترنت لديه.
شكراً سعادة الوزير
اخر الانباء الواردة تفيد بان الموضوع جد شديد وانه يتم بحث ضرب النيزك بصواريخ نووية خارج الغلاف الجوي للارض، علماً بان حجم النيزك يعادل مساحة اوربا ثلاث مرات.
|
Post: #15
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: أسامه الكرور
Date: 12-22-2012, 09:46 AM
Parent: #13
| Quote: من جهة اخرى يعقد زعماء الدول دائمة العضوية بالاضافة الى بابا الفاتيكان وشيخ الازهر والدالاي لاما وكبير حاخامات اليهود جلسة عاجلة بعد قليل لمجلس الامن عبر دوائر تلفزيونية مغلقة بناءاً على طلب من بوتين |
تحياتى محمد عمر الفكى
الناس ديل نسوا محسن خالد ( هبة البارى ) مالهم ما دعوهو
|
Post: #14
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: عبدالله ود البوش
Date: 12-22-2012, 09:44 AM
Parent: #12
| Quote: امس لما فينا واحد من النيل الابيض لعب بينا لعب نوعو براهو، الزول التقول عندو مزرعة جواكر |
عاين جاي
عندي ليك فكرة ولو جماعتك ديل بقروا المنبر كلمني امسحها بعد ان تعرفها وايضا لفائدة اعضاء وقراء المنبر عشان اغلبو الناس التانيين
اشتري جوز تاني نفس الجوز البتلعبو بيهو
وخليهو في الحمام
جرتين تلاتة وتمشي الحمام تجيب 14 ورقة فاتحة وجاهزة وتجدع سنبهار وتجر الخمسين
وخليك حريف في ترجيع الرجيع لنفس المكان عشان الحكم ما ازبط تلاة عشرات هارط في الملعب ههههههه
تنفع مع الناس البطعموا الكونكان .......
.
.
الفكرة دي رشوة عشان تختاني ههههههههههه
|
Post: #16
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 09:48 AM
Parent: #14
فكرتك ما كعبة لكن فيها مشكلة واحدة بس
ناسي ديل عندهم سكري ساكنين في الحمام سُكنة
|
Post: #17
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 10:53 AM
Parent: #16
عاجل: كلمة بعد قليل لبان كي مون
|
Post: #18
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: Mahmoud Mustafa Mahmoud
Date: 12-22-2012, 11:03 AM
Parent: #17
| Quote: كلمة بعد قليل لبان كي مون |
لـ(بان) كي مون ولّ لبان بخور..نحن غايتو ناس كرامات سااااااااااي...
الكاتل الله والحايي الله...
انجوا بأنفسكم...توبوا إلى الله ..
..
.
|
Post: #19
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: عصام دهب
Date: 12-22-2012, 11:09 AM
Parent: #18
| Quote: لـ(بان) كي مون ولّ لبان بخور |
دي قوية شديد يا عمك ..
|
Post: #20
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: Hafiz Bashir
Date: 12-22-2012, 11:14 AM
Parent: #18
اخونا محمد عمر الفكي
جيبت ليك الخبر من آخرو
النيزك قالوا حيقع في المحيط الهادي بين كلفورنيا و هاواي و حيعمل جزيرة كبيرة قدر نص اوربا .. بان كمون في كلمتو بعد قليل حيعلن اللوتري و الهجرة للجزيرة من كل أنحاء العالم
جهز ورقك قالوا في النيزك دا كل ما تفلس تمد يدك تخمش ليك يورونيومايتين تلاتة تبيعن و تعشي وليداتك
|
Post: #21
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: عبدالله ود البوش
Date: 12-22-2012, 11:22 AM
Parent: #20
| Quote: النيزك قالوا حيقع في المحيط الهادي بين كلفورنيا و هاواي و حيعمل جزيرة كبيرة قدر نص اوربا . |
إذن نرجع لموضوع الحريق
أو موضوع الجبنة ايهما احلى
|
Post: #22
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: عبدالمنعم الطيب حسن
Date: 12-22-2012, 12:19 PM
Parent: #21
الخرابة دا ، ما يكون مركزه كنيسة اللد -او اي كان اسمها-
التي ذكرها مهدينا المنتظر محسن خالد ،
لو طلع المركز الكنيسة معناتا زولنا دا مو ساهل ،
بعدين بالمرة الناس الفي لندن حا يكونوا في امان ، حسب
نصيحة مهدينا المنتظر ، لزميل ملتاع على اسرته قرب الحدث ،
عليه اتوقع اللعمى شايل المكسر ويالندن ، يا مركز الامان ،
جووك عمي ومكسرين ،
بعد ان تهدى الاحوال في لندن اتوقع انضمام الجموع لمنقذها في الاقصى لتحريره ،
بعد فشل مفاوضاته مع المغتصبين اليهود ،
اما شواطينا في بورتسودان، تحريرها سهل جدا
مش المهدي المنتظر دا مننا دم ولحم ...
.....................................
وبعدها ياعبدالله ود البوش يمكننا ان نرجع ،
للحريق ، والجبنة...
كلاهما احلى ...
|
Post: #23
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 12:50 PM
Parent: #22
قال تعالى
"سنكفيكهم المستهزئين"
اضحكو اضحكو سمح، انتو شكلكم ما سمعتو كلام بان كي مون
الراجل نعى البشرية وقال انه شخصياً ما بعرف مصيرو واتمنى انه ينجو اكبر عدد من الجنس البشري
بعدين من هسي انا لا جبت سيرة كنيسة اللد ولا جبت سيرة المهدي وحتى الحريق والقهوة ما جبت سيرتهن
وبعدين يا حافظ يورانيوم ذاتو ما دايرو اسوي بيهو شنو عليك الله؟ اول حاجة ابيعو لمنو؟ تاني حاجة قول بعتو وادوني القروش بلقى مطعم وين عشان اشتري منو الاكل؟ مش كدة يا متنورين يا بتوع المدارس؟
ود البوش
لم تأتي لحوار
مولانا
الزول دا من ما مرق من سخان الحمام ميطي مو راكب عدله
يا عبد اللطيف
لندن دي حكمة ربنا تاشيرة شينجن ما بتدخلك ليها
|
Post: #24
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: محمد عمر الفكي
Date: 12-22-2012, 12:53 PM
Parent: #23
انتو قايلني كضاب، لكن الشاف فيكم شيخ الازهر الليلة يصوت في الاستفتاء على الدستور الليجي يقابلني !!!!!! مو فاضي
|
Post: #25
Title: Re: نيزك ضخم باتجاه الارض واجتماع عاجل لمجلس الامن مع شخصيات دينية
Author: تبارك شيخ الدين جبريل
Date: 12-22-2012, 07:56 PM
Parent: #24
صورة بالقمر الصناعي منذ دقائق ... ابعث بها لكم من كمبيوتري في الجناح الخاص في الفردوس ...
... المهم ....
|
|