Post: #1 Title: معتمد الخرطوم : أي زول يشوف حمار في وسط الخرطوم يبلّغ عنه Author: عامر باضاوي Date: 12-21-2012, 10:00 PM Parent: #0
قال سيكون هو ومعاونية "أولاد شوارع" حتى تنتهي الحملة
12-21-2012 11:03 AM قطع معتمد محلية الخرطوم اللواء عمر نمر بعدم السماح مجدداً لتجوال أي حمار أو كارو وسط الخرطوم، وقال: أي شخص يشوف حمار وسط الخرطوم يبلّغ عنه. ورفض عمر الذي دشن أمس أضخم حملة لإزالة الأنقاض وإصحاح البيئة رفض ما أسماه بـ ترييف العاصمة، مشيراً إلى عدم السماح بترييف الخرطوم والتي توجد بها مقر الرئاسة ورئيس الجمهورية والوزراء والسفارات.
وانتقد المعتمد سلوك بعض الأجانب في الخرطوم وقال: هنا يعيثون في الأرض فساداً وفي بلدانهم لا يقبلون هذا. مطالباً أي أجنبي باحترام السودان وقوانينه. وكشف نمر إن الحملة تستمر 10 أيام تشهد طوافاً يومياً وإشراف من والي الخرطوم، مشيراً إلى أنه ومعاونية سيكونون "أولاد شوارع" حتى تنتهي الحملة لحيث لا دخول للمكاتب.
.
Post: #2 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: Adil Ali Date: 12-21-2012, 10:16 PM Parent: #1
...وماذا عن الحمار المربوط في القصر الجمهوري؟؟
Post: #4 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: معاوية الزبير Date: 12-21-2012, 10:29 PM Parent: #2
Quote: مشيراً إلى أنه ومعاونية سيكونون "أولاد شوارع"
Post: #3 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: ibrahim alnimma Date: 12-21-2012, 10:27 PM Parent: #1
تحياتي ياعامر: هنا جملة من الاسئلة التي ساطرحها عليكم لعلها تفضح بكل وضوح العقلية الادراية التي هي اشبه لا بالتريف .......ولكنها اشبه بالبدائية المعرفية ......... ما معني وسط الخرطوم؟ هل ابوآدم مثلاً وسط الخرطوم ؟ هل الديم مثلاً وسط الخرطوم؟ وهل هذه الحملة متعلقة ايضاً بامدرمان وبحري؟ ثم ان الهدف من الحملة هو عدم تريف العاصمة .......وكان جلد السوط"البطان"ليس تريفاً وكان ختان البنات ليس تريفاً ........ولماذا لا يسمح بتريف المدن ؟ وان كان عدم تريف المدن هو في جوهره ينتج عن الخدمات ورفع مستوى التعليم والخدمات التي بدورها تنهض بالمواطن من مستوى معرفي الي مستوى معرفي اكثر رقياً وان كان هذا لا يعفيهم من الاصلاح والخدمات في الريف ؟؟؟؟؟؟؟هل الخرطوم مريفة فقط بالحمير؟
Post: #5 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: مها عبد الله Date: 12-21-2012, 10:38 PM Parent: #3
Quote: قطع معتمد محلية الخرطوم اللواء عمر نمر
سمكة بردة تقتل الطلاب بترعة النشيشيبة دجاجة تُشارك فى إنقلاب ! صقر يُقبض بتهمة التجسس وأخرتها هذا النمرالذي يُطارد حمير الخرطوم أرحمونا يا ناس الإنقاذ يرحمكم من في السماء
Post: #6 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: معاوية الزبير Date: 12-21-2012, 11:01 PM Parent: #5
منطق قوي يا مها،، تحياتي والتحية لك يا عامر ،، أذهلني التصريح عن السلام عليكم
Post: #7 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: مها عبد الله Date: 12-21-2012, 11:57 PM Parent: #6
Quote: منطق قوي يا مها،، تحياتي والتحية لك يا عامر ،، أذهلني التصريح عن السلام عليكم
تحية طيبة وسلام الفاضل معاوية الزبير وتسلم يا رب . تصريحات تُصيبك بالغثيان من مسؤولي الإنقاذ
سلام وتحية للفاضل عامر وضيوف البوست الكرام
Post: #8 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: حاتم محمد حاج المهدي Date: 12-22-2012, 00:25 AM Parent: #7
لا تلوموا ومعتمد الخرطوم فهو فقط لايريد من ينافسه في وسط الخرطوم.
Post: #9 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: Nagat Sid Ahmed Elshiekh Date: 12-22-2012, 00:57 AM Parent: #8
Quote: سمكة بردة تقتل الطلاب بترعة النشيشيبة دجاجة تُشارك فى إنقلاب ! صقر يُقبض بتهمة التجسس وأخرتها هذا النمرالذي يُطارد حمير الخرطوم أرحمونا يا ناس الإنقاذ يرحمكم من في السماء
دا الكلام يا مها تسلمي.. النمر ما داير يشوف حمار حايم في العاصمة هههه، محن ودقق عملات حبوبتي الله يرحمه...
Post: #10 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: صديق الموج Date: 12-22-2012, 01:41 AM Parent: #9
ود القبائل ......سلام
قول لي نمر ده : السادة الاعضاء الواقفين بره ديل و اخوانهم الجوه الدور الزيهم الابتلانا بيهم الله نعمل فيهم شنو؟ الحمير امات اربعه كرعين مقدور عليهن،،،
Post: #11 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: معاوية المدير Date: 12-22-2012, 02:01 AM Parent: #10
يلآ يا جماعة، إيدكم معنا:
البيلقى البشير يبلّغ نمر. البيلقى نافع يبلّغ نمر. البيلقى علي عثمان يبلّغ نمر. البيلقى عبد الرحيم حسين يبلّغ نمر. البيلقى الدقير يبلّغ نمر. البيلقى ايّ وآحد من قادة المؤتمر الوطني يبلّغ نمر.
همتكم معانا يا جماعة، دايرين نخلص، عشان ننضف السودان كلوووو من الحمير مُش العاصمة وبس.
مودتي...
Post: #12 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: محمد علي عثمان Date: 12-22-2012, 02:29 AM Parent: #11
دي ما خبرته التي اكتسبها لما كان والي على القضارف ، ومسوول عن تنظيم موقف الحمير في عاصمة ولاية القضارف
أنا مولود في القضارف ، ناس القضارف ما يزعلوا.
Post: #13 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: تبارك شيخ الدين جبريل Date: 12-22-2012, 03:09 AM Parent: #12
هو في استرياف اكتر من انو موظفين الحكومة يخلوا مكاتبهم ويشتغلوا اولاد شوارع؟
... المهم ...
Post: #19 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: مها عبد الله Date: 12-22-2012, 11:31 AM Parent: #9
Quote: دا الكلام يا مها تسلمي.. النمر ما داير يشوف حمار حايم في العاصمة هههه، محن ودقق عملات حبوبتي الله يرحمه...
وكمان ما ننسي ضب سنار الذي تسبب فى قطع الكهرباء
تسلمي العزيزة نجوته
Post: #14 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: محمد مصطفي مجذوب Date: 12-22-2012, 06:23 AM Parent: #1
طيب فهمونا احنا غير المتحميرين
انتوا عملو للحمير نمر ...؟ الواحد فيها يلقط النمرة ويبلغ بيها واللا ايه ناخد صورة بالموبايل ؟
هل المطلوب التبليغ عن الحمير فقط وشريحة الاتان معفيه.... واللا نبلغ من طرف؟
طيب نعمل ايه في البغال يعني الحمار بن (الحصانه) او الحصان بن (الحمارة) نبلغ واللا ما نبلغ؟
ولنفرض الواحد راح بلغ .. وعلي بال ما قامت قوات المداهمة البلدية من جمب ستات الشاي وانتقلت بالعصي والهراوات للمداهمة ولقت الحمار ما (حرن) واتوكل علي الله انتقل ... فهل هناك احتمال تعرض المبلغ للمحاكمة بتهمة البلاغ الكاذب؟
Post: #15 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: ismeil abbas Date: 12-22-2012, 07:50 AM Parent: #14
جميل أن نرى الخرطوم بدون حمير...!!!
شكراً أخ باضاوى ولك التحية.
Quote: سمكة بردة تقتل الطلاب بترعة النشيشيبة دجاجة تُشارك فى إنقلاب ! صقر يُقبض بتهمة التجسس وأخرتها هذا النمرالذي يُطارد حمير الخرطوم أرحمونا يا ناس الإنقاذ يرحمكم من في السماء
أخت مها لك التحية..وحديقة الحيوانات من زمان قفلوها كان ساعدت شوية.تقديرى وإحترامى.
Post: #16 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: dardiri satti Date: 12-22-2012, 09:23 AM
Quote: مشيراً إلى أنه ومعاونية سيكونون "أولاد شوارع" .
والعود أحمد
Post: #17 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: dardiri satti Date: 12-22-2012, 09:27 AM
Quote: يلآ يا جماعة، إيدكم معنا:
البيلقى البشير يبلّغ نمر. البيلقى نافع يبلّغ نمر. البيلقى علي عثمان يبلّغ نمر. البيلقى عبد الرحيم حسين يبلّغ نمر. البيلقى الدقير يبلّغ نمر. البيلقى ايّ وآحد من قادة المؤتمر الوطني يبلّغ نمر.
همتكم معانا يا جماعة، دايرين نخلص، عشان ننضف السودان كلوووو من الحمير مُش العاصمة وبس.
مودتي
طيب والبيلقى نمر ،
يبلغ منوووووووووووووووووووووووووووووووووووو؟؟؟؟
تحياتي
Post: #18 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: إدريس محمد إبراهيم Date: 12-22-2012, 10:17 AM Parent: #17
الأخ / عامر ويقية الأخوة الكرام ...
خالص التحايا وصادق الود ...
زرت بورسودن مؤخراً ...قام محمد طاهر إيلا بإزالة عربات الكارو من كل مدينة بورسودان باللجوء لحل عملي جميل ... قام بتسليم كل صاحب كارو رقشه مرتبط بها كابينه لنقل العفش بعد دفع مبلغ إسمي بسيط والبقية على أقساط مريحه .... وبذلك أستأصل هذه الظاهرة تماماً .....
ناس الخرطوم غالبهم يعملوا كده ؟ ...
مع خالص حبي وتقديري ؛؛؛؛
Post: #20 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: عباس الدسيس Date: 12-22-2012, 12:13 PM Parent: #18
القرار يشمل حمير الملابس طيب القبور والضبان وباعوض الملاريا نبلغ ليهم وين
Post: #21 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: وضاحة Date: 12-22-2012, 02:44 PM Parent: #20
Post: #22 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: هاشم نوريت Date: 12-22-2012, 02:55 PM Parent: #21
يعنى الواحد لوف شاف المعتمد اوعمر البشير يجرى يبلغ دا كلام شنو؟
Post: #23 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: البحيراوي Date: 12-22-2012, 05:07 PM Parent: #22
يا عامر يا أخي في الزمن دا الحمير ذاتها بقت كتيرة خلاص خلي المعتمد دا يميز لينا يا أخي
عليك الله دا نمر ولا مرفعين ؟
بحيراوي
Post: #24 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: أحمد التجانى حمودى Date: 12-22-2012, 05:56 PM Parent: #23
باين الحيكومة محتاجة للحمير : ( ذبح الحمير وبيعها كلحمة عجالي اصبح مصدر دخل مربح جدا ودايرين يكاوشو علي الشغلانية دي لوحدهم ....)
انفراج كبير في ازمة اللحوم :
حمار مضبوح بطريقة احترافية مواطنون يعثرون علي بقايا حمار مذبوح بالمايقوما
Post: #25 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: أحمد التجانى حمودى Date: 12-22-2012, 06:00 PM Parent: #24
الحيكومة محتاج للحمير ديل كوسيلة مواصلات لنواب المؤتمر الوطني يالأقاليم نسبة لزيادة أسعار الوقود ........)
Post: #26 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: عامر باضاوي Date: 12-23-2012, 03:42 AM Parent: #25
تحياتي للجميع
----
حمار نشوف نبلغ حرامي كبير نشوف ما نبلغ
.
Post: #27 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: رشا بابكر Date: 12-23-2012, 06:31 AM Parent: #26
أنا ح ابلغ عن حمارين بتاع الخدار _ وبتاع الخُرد ديل مقلقين راحتنا من صباح الرحمن أصواتهم زي اصوات حميرهم وبالمكرفون والما عاجبو يسد اضنيهو اوا يا حريم الم تسمعن الندأ الخدار .. الليمون .. الطماطم ... الأسود .. الفجل .. الرجلة وهلم جره الحاجة الوحيدة الما عندهم .. العنكوليب ..... البت مشتهيه تضوقوا هههه التاني : خُرد _ خُرد بطاريات ..حديد .. مراوح الهي اشوفكم بي حميركم معلقين في مروحة هلكوبتر ديل شنو ديل ؟؟
Post: #28 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: مها عبد الله Date: 12-23-2012, 05:54 PM
Quote: أخت مها لك التحية..وحديقة الحيوانات من زمان قفلوها كان ساعدت شوية.تقديرى وإحترامى
تحية طيبة الفاضل إسماعيل عباس . قصتهم أصبحت محيرة فعلا وكل يوم يزيد إستحمارهم لهذا الشعب !
Post: #29 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: ابوحراز Date: 12-23-2012, 08:02 PM Parent: #28
صفقوا لحمار معتمد الخرطوم !!!! كنت اضحك في مرة من المرات على عضو برلماني مصري هذا العضو أتى بشطحات غريبة جداً ووقف وقال : لابد على صاحب كل حمار حايم في وسط القاهرة ان يقوم بتلبيسه بامبرز !!! والرجل يريد ان يحافظ على شوارع القاهرة نظيفة ولكن أتى معتمد الخرطوم ليهزم هذا الصعيدي 10 صفر !!! وقال لابد من التبليغ على اي حمار حايم في وسط الخرطوم !!! وهو لايدري ان هذه الحمير تعيش ملائيين الأسر الفقيرة بعض الناس هناك حمارهم افضل من البرادو والبي أم دبليو واللكزس لكن هذا ليس مايحيرني بل الذي يحيرني أولئك الذين يتبولون بجوار السينما او على الحوائط وكثيرا مانجد عبارة ممنوع البول هنا ياحمار فهل ياترى سوف يتم التبليغ عن هؤلاء الحمير !!! شكراً عمو نمر !!! يعني تاني الواحد لو شاف اي زول بيتبول في الحيطة طوالي تجرو من اضانو وتوش على المحلية !!!!
Post: #30 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: aosman Date: 12-23-2012, 10:33 PM Parent: #29
وكمان ما دايرين أي طيرة أو قرد أو ###### في الخرطوم كلها
Post: #31 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: عامر باضاوي Date: 12-24-2012, 05:04 AM Parent: #30
.
Post: #32 Title: Re: معتمد الخرطوم : أي زول يشوف حمار في وسط الخرطوم يبلّغ عنه Author: عامر باضاوي Date: 12-26-2012, 03:00 AM Parent: #31
