Post: #1
Title: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-21-2012, 06:11 PM
Parent: #0
جادة انا والله يا بكرى ...
فقد اصابنا الدوار والصمقرط ...
وجدرى العيون ...
السؤال الاهم .... اين حسين ملاسى ؟؟؟
يعنى الطامة دى اول ما تشيل تشيل حسين ؟
دى طامة سنو المااااااااا حلوة دى !!!
ــــــــــــــــــــــــــــــــ
ما تعتمدوا على ارشفة يوم 22 دى
بعيدة برضو ... ويا قول النكته المهدى ارييييييييتو كان اكلنى ...
|
Post: #2
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-21-2012, 06:15 PM
Parent: #1
كدا يا بكرى كان فالح يجى زول شايل ليك مهدى يقول ليك
انقلو لى معاك
قول لى معليش العالم داك انقرض فى 22 ديسمبر
ونحن عاااااااااااااااالم جديد ....
ــــــــــــــــــــــــــــــ
لو فى زول نقل لينا مهدى فى الربع الجديد
من السنة الجديدة مع الناس الجداد بنخسسسسسسسسسسسروا !
|
Post: #3
Title: Re: مافى اى طريقة لارشفة المنبر دا قبل يوم 28 ؟؟؟؟
Author: أمير عثمان
Date: 12-21-2012, 06:17 PM
Parent: #2
?Is this a cover-up or what
.....Salam ya dina
|
Post: #4
Title: Re: مافى اى طريقة لارشفة المنبر دا قبل يوم 28 ؟؟؟؟
Author: حمد عبد الغفار عمر
Date: 12-21-2012, 06:21 PM
Parent: #3
يأرشف شنو؟
موش محسن دا ابتعد من المنبر دا
وإنت اول زول سأل منو وجبتِ بوست زهرة الغرق ؟
اهو جاكم كان الله اداكم
الجرسة ليك شنو هسة ؟
|
Post: #5
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-21-2012, 06:25 PM
Parent: #2
الشىء الذى بات مؤكدا ان قيامة الاسد قد قامت
فى تاريخ 22 وسيشهد هدا الاسبوع مصرع الاسد
ال######## بشار ... ونهاية عالمه القاطعو من راسو دا
سيشهد هذا الاسبوع انهيار البعث السورى من بعد العراقى
كما انهار الاتحاد السوفيتى من قبل ...
ــــــــــــــــــــــــــــــ
لتنتهى الشعوب من الجهاد الاصغر لتواجه غوول الجهاد الاكبر
مع دراويش الاسلام السياسى فى المنطقة .. لا احد يستطيع التنبأ
بكلفة انهيار معسكرهم التى يجب ان تدفعها شعوب المنطقة ...
|
Post: #6
Title: Re: مافى اى طريقة لارشفة المنبر دا قبل يوم 28 ؟؟؟؟
Author: حيدر حسن ميرغني
Date: 12-21-2012, 06:33 PM
Parent: #5
ديل قالوا للمسيح حايمسكو فيها
-
اها حانقاتل لمتين؟
|
Post: #7
Title: Re: مافى اى طريقة لارشفة المنبر دا قبل يوم 28 ؟؟؟؟
Author: أمير عثمان
Date: 12-21-2012, 06:41 PM
Parent: #6
Quote: لتنتهى الشعوب من الجهاد الاصغر لتواجه غوول الجهاد الاكبر
مع دراويش الاسلام السياسى فى المنطقة .. لا احد يستطيع التنبأ
بكلفة انهيار معسكرهم التى يجب ان تدفعها شعوب المنطقة ... |
حقيقة استغرب محاولة ابعاد اهم مكون ومؤثر فى تكوين البشر ...
وفى توجيه حركة التاريخ من السياسة وبالتالى من الحياة ...
شخصيا لا اتفق مع معظم حركات الاسلام السياسى السائدة اليوم
وخاصة من زاوية احتكار فهم الدين وكيفية التطبيق ...
ولكن لا بد من صيغة ما لتضمين هذا المكون الهام فى الحياة العامة ..
مقاومة ذلك بالكامل يضع الجميع فى نفس الخانة ... خانة الاقصاء ...
وسلام مربع ...
|
Post: #8
Title: Re: مافى اى طريقة لارشفة المنبر دا قبل يوم 28 ؟؟؟؟
Author: محمد إبراهيم علي
Date: 12-21-2012, 07:14 PM
Parent: #7
حسين ملاسي قال قوله يا دينا (ان ارفعوا اقلامكم عن محسن)
اتخيله يحمل الراية البرتقالية في زفة المهدي وهم يدخلون الخرطوم عصرا بدري :)
|
Post: #17
Title: Re: مافى اى طريقة لارشفة المنبر دا قبل يوم 28 ؟؟؟؟
Author: Elmosley
Date: 12-21-2012, 10:49 PM
Parent: #5
Quote: الشىء الذى بات مؤكدا ان قيامة الاسد قد قامت
فى تاريخ 22 وسيشهد هدا الاسبوع مصرع الاسد
ال######## بشار ... ونهاية عالمه القاطعو من راسو دا
سيشهد هذا الاسبوع انهيار البعث السورى من بعد العراقى
كما انهار الاتحاد السوفيتى من قبل ...
|
دينا خسمتك بي الله كان تتنبآي
|
Post: #19
Title: Re: مافى اى طريقة لارشفة المنبر دا قبل يوم 28 ؟؟؟؟
Author: عاطف عمر
Date: 12-22-2012, 02:42 PM
Parent: #2
حذف للتكرار
|
Post: #9
Title: Re: مافى اى طريقة لارشفة المنبر دا قبل يوم 28 ؟؟؟؟
Author: عاطف عمر
Date: 12-21-2012, 07:37 PM
Parent: #1
| Quote: مافى اى طريقة لارشفة المنبر دا قبل يوم 28 ؟؟؟؟ |
وما الفائدة يا دينا؟؟
سوف يأتون بـ ( قض وقضيض ) بوستات مهدينا المنتظر
ويضيفوا لها تنظيرات ما بعد ( يوم القيامة )
وتلك لحالها سوف تأخذ أسابيع
والحال هكذا أسمحي لي أن أعدل إقتراحك ليكون
نطلب من بكرينا قدس الله سره أن يؤجل الأرشفة لغاية 05/01/2013
ليكمل الناس كل رغيهم قبل وبعد القيامة
على ألا يسمح بكرينا قدس الله سره ( إستثثنائياً ) هذا الربع بنقل أى موضوع للعام القادم ( الربع القدم )
أصلها ديك سنة براها كدا الله يدينا خيرها
( 13 ) قال ليك
رقم ( البخاتة )
______________
تحياتي وسلامات
|
Post: #10
Title: Re: مافى اى طريقة لارشفة المنبر دا قبل يوم 28 ؟؟؟؟
Author: مهدي صلاح
Date: 12-21-2012, 08:02 PM
Parent: #9
| Quote: سيشهد هدا الاسبوع مصرع الاسد |
بخصوص نبوءتك دي ... اتوقع ان تشهد الايام او الاسابيع القليلة القادمة نهاية بشار فبعد 22 شهر من الثورة السورية هاهم الثوار يدقون ابواب دمشق
لكن اعتقد مآلات الامور في سوريا حتكون مختلفة ، اذا لم تقيّض الاقدار لسوريا من يرتب الامور لمرحلة ما بعد بشار الاضطراب سيستمر ويمكن السلفيين
يعلنوها حرب ضروس على معارضيهم
|
Post: #11
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-21-2012, 09:36 PM
Parent: #10
الاصدقاء الاعزاء
امير عثمان
| Quote: is this a cover-up or what |
حسبى الكفر اب ونعم الوكيل ياخ !
حمد لبد !
انا ما متجرسة من محسن عليك امان الله
محسن ياهو محسنا بى خيرو وبى شرو ..
لكن فى الناس الماعندها موضوع وبتتجرجر دى ..
المهدى اريييييتو كان اكلنا ...
|
Post: #12
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-21-2012, 09:43 PM
Parent: #10
حيدر ميرغنى
نقاتل لما نبقى ناس وعندنا اليات للثورة السلمية ...
امير تانى
والله صيغة دى ما بعرفه ليك
لكن يا امير الصيغة دى لو كانت فى كان اقدر الناس
على استيعابها وتطبيقها هم اصحاب الرسول وخلفائه
وما حصلت .. كلهم ماتوا مقتولين وشهدت فتراتهم خلافات
حول الحكم ... فهل بتعتقد انو فينا من سيطبق هذه الروح
اكثر من صحابة رسسول الله ؟؟
|
Post: #13
Title: Re: مافى اى طريقة لارشفة المنبر دا قبل يوم 28 ؟؟؟؟
Author: أمير عثمان
Date: 12-21-2012, 09:51 PM
Parent: #12
Quote: امير تانى
والله صيغة دى ما بعرفه ليك
لكن يا امير الصيغة دى لو كانت فى كان اقدر الناس
على استيعابها وتطبيقها هم اصحاب الرسول وخلفائه
وما حصلت .. كلهم ماتوا مقتولين وشهدت فتراتهم خلافات
حول الحكم ... فهل بتعتقد انو فينا من سيطبق هذه الروح
اكثر من صحابة رسسول الله ؟؟ |
ولكن لابد من حل ما ...
فالفيل الذى فى الغرفة أكبر من ان يتم تجاهله ...
|
Post: #15
Title: Re: مافى اى طريقة لارشفة المنبر دا قبل يوم 28 ؟؟؟؟
Author: حاتم محمد حاج المهدي
Date: 12-21-2012, 09:56 PM
Parent: #12
الغريبة إنو بمجرد ظهور هبة الباري إختفت كل بوستات الثورة التي كنا نظن أنها قاب قوسين أو أدنى من الإشتعال..
|
Post: #14
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-21-2012, 09:52 PM
Parent: #10
محمد ابراهيم
بالله ملاسى جا هنا ؟؟ يجينا النبى خذر ........
مهدى صلاح ؟؟
لكن رايك شنو فى نبؤتى ؟؟ حلوة وانا نبى ؟
اجنن وانا بتنبأ ...
يا عاطف عمر
قلت لى الصباح ان لاح لا فايدة فى المصباح ؟؟
يا عاطف القيامة دى اريتا كان قامت واكلتنا ...
|
Post: #16
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-21-2012, 10:30 PM
Parent: #10
حاتم حاج !
هو هبة البارى دا تانى معاه ثورة ؟؟
ما تبالغ انت كمان ...
يقولوا ليك هبة البارى تقول احلبوا ؟؟
|
Post: #18
Title: Re: مافى اى طريقة لارشفة المنبر دا قبل يوم 28 ؟؟؟؟
Author: Hololy
Date: 12-22-2012, 04:42 AM
Parent: #16
...Quote:
... ...حلوة وانا نبى ؟
|
...
... دندنه يا جميله ...
...
...مره واحده اركزي في حياتك و ختي السؤال معدول ما مكعوج ؟؟؟؟؟
..وقولي ؟؟؟(...لييييييييه مافي جكس ......نبيات ....؟؟؟؟؟؟؟)
...وحتي انتي ذاتك خاتاها (حلوه وانا نبي ).... ما ...(حلوه وانا نبيه) ...انشاء الله توكل ؟؟؟؟؟
..يعني لن تجرؤئي لان تكوني نبيه و انتي انثي؟؟؟؟؟ و دي طبعا فرق كبير من حكاية توكل ....لانها تذهب للبدايات ....يعني ما نتيجه ...... بل سبب؟؟؟؟
.
.
...غايتو ناسنا ديل ....قدس الله .سر انبياهم ....حتي الجنه ما حشروا اسم واحده فيهم مع العشره... بس جارين للشهاده و الميراث و الزواج المربع ؟؟ الحاجات بتاعت الدنيا فقط ؟؟؟؟..لكن الحكايه لمن تجي للاخره ....تبقي حور عين ...و بطيخ .... ولا تخرج من امتدادت الدنيا .... .يعني الواحد كان بيتوقع .... لمن يقال .... (و للذكر مثل حظ الانثيين ) و شهادة المره لا يعتد بها بمفردها إلا (تتـــ تني) بثانيه... فمن الحق و الاستقامه المافيها تتني ان يكون اذا في عشره مبشرين بالجنه .... في المقابل يكون هناك عشريييين مبشرات بيها ...يعني ..(دبل) ...لكن في دي بعملوا رايحين ضمه؟؟؟؟؟؟
.
.
.غايتو و الله انا عندي حبوبتي ... غير ... (ما زي حبوبة غريبه ) رحمة الله عليها .....من كترة حبها لي و حبي ليها .... كان فمها يلهج باسمي و هي تلفظ انفاسها الاخيره ...وانا مؤمن بيها تماما انها كانت نبيه ...لكنها عاشت في زمن ما بيدي حريفات ؟؟؟....و بدعو ليها في منامي و قيامي انها تخش الجنه قبل العشره ديل و قبل الانبياء الــــ (30 ) زاتو ...
..
..
..
..بعدين (ياخي) عندك بوست بـــ هناك عملت رايحه زيهم ....اها ما في حاجه اقولا ليكي ....بمناسبة امنياتك لتسريع نهاية الربع ..غير
...
...
..النبيه حبوبه فيكي ...أكان ما نقلتيهو للربع الجاي ... لانو بوست عالي الكولتي ..(من وجهة نظري طبعا) ....وما تقولي لي افتح بوست براك ....لانو مابعرف ....يعني ما حريف بوستات ؟؟.. بالاضافه الي انه بوست داير ناس تخصص قانون ؟؟؟؟ ...و انتي اهل لذلك ...و ممكن تمشي تبحتي فيهو لاجلاء حقائق الاشياء ....و فوق ذلك ...اني شايف احدهم مما يهتم ....متداخل هنا .... التانيين الله يجيبم في سياق الحوار ؟؟؟
..
والبوست بتاعك داك اهميتو في اعتقادي لانو بيمس حياتنا و مستقبلا الاتي كقراء و حياة الناس الفي البلد الممكون الاسمو السودان ده في مقتل ...ورغم انو بيخص دوله جاره ...إلا ان كل تفاصيلو ... ما جديده علينا ......و اخدناها زمان في الابتدائي .... و امتحنا فيها وسقطنا فيها سقوط تاريخي و ليـــ يوم اللليله ما قامت لينا قايمه ؟؟؟؟
...
..فعليكي الله يا بت الناس ...
..
..
..عفوا ...
..
..
..عليكي النبيه حبوبتي ... اكان ما نقلتيهو .... انا غايتو حأتداخل فيهو فبل نهاية الربع .... خاصة الايام دي اجازه ممتده ؟؟؟؟
..
..
|
Post: #20
Title: Re: مافى اى طريقة لارشفة المنبر دا قبل يوم 28 ؟؟؟؟
Author: عاطف عمر
Date: 12-22-2012, 02:45 PM
Parent: #1
وإلى الإقتراح السابق نضيف البند التالي
نرجو أن يضيف بكرينا - قدس الله سره - لـ ( كلماته الممنوعة من الظهور العلني ) وتظهر في شكل كاروهات في الربع القادم أن يضيف الكلمات التالية
المهدي المنتظر
كنيسة اللد
المهدي - حاف كدا - ( وأهو بالمرة نرتاح من حبيبي جفا )
###### ( عشان نوضح بس )
____________
وينك يا دينا ؟؟
|
Post: #21
Title: Re: مافى اى طريقة لارشفة المنبر دا قبل يوم 28 ؟؟؟؟
Author: وضاحة
Date: 12-22-2012, 02:52 PM
Parent: #20
فعلا والله يا دندنة فيه بوستات تعمل الغثيان
|
Post: #22
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-22-2012, 04:54 PM
Parent: #20
عاطف انا قاعدة
لكن بالله العالم مش اصبح ماسخ ؟؟
اخبار العالم التى كنا نلهث ونحن بنتابعها وما ملحقين
اصبح اليوم العالم بلا اخبار
حتى مناظر القتل والنزوح والدمار ما عادت تحرك مشاعرنا
كبشر .. مافى اخبار جديدة العالم رتييب ..
ودى اجواء بتجنن الفنانين والعباقرة ..
هول يا بتاع الهول
مشتاقين وين انت ؟
طيب ما تنقلوا لى انت ياخ !
انت لا بتكتب بوستات لا بتجدعها للربع الجديد ...
|
Post: #23
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-22-2012, 05:00 PM
Parent: #22
وضاحة يا شمس المشارق
ازيك ....
يا هول يا بتاع الهوول
هسه كان قالوا ليكم نبيه تقوموا جاريين
العالم الاول الانتهى من قصة مراة وراجل دا
مشو مشى عجيب المجتمع شغال بى طاقته الكاملة
تجرى ما تحصلوا
اقعدوا انتو فى دا مراة ودا راجل ..
ودولاركم عامل 7 جنيه
وحاكمنكم رجال تباهو بهم الامم ...
عباقرة فى صنع المعضلات والمشاكل التى بلا حلول
وتعقيدات ما انزل الله بها من سلطان ..
|
Post: #24
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-22-2012, 05:08 PM
Parent: #20
الموصللى
تلحقنا وتنجدنا
تصدق مداخلتك دى اشوف صورة بروفايلك
وارجعها تطش ؟
يالنبى المهدى المنتظر او يا هبة البارىء ..
طبعا انت ما عندك اى طريقة
شفت ليك نبى موسيقار ؟؟
اسمع بس
انت من مواليد برج الاسد
شامخ ونفسك كبيرة (النبوة تطير ) ...
مستقبلك الفنى لسه ملىء بالمفاجات ...
تتوافق مع برجى ...
وترجع من الغربة غصبا عنك وستعيش
تتشوش فى الخرطوم ولا على كيفك
يوم السعد الاثنين ....
|
Post: #25
Title: Re: مافى اى طريقة لارشفة المنبر دا قبل يوم 28 ؟؟؟؟
Author: قيقراوي
Date: 12-22-2012, 05:20 PM
Parent: #24
Quote:
يوم السعد الاثنين ....
|
|
Post: #26
Title: Re: مافى اى طريقة لارشفة المنبر دا قبل يوم 28 ؟؟؟؟
Author: معاوية المدير
Date: 12-22-2012, 05:26 PM
Parent: #25
Quote:
وإلى الإقتراح السابق نضيف البند التالي
نرجو أن يضيف بكرينا - قدس الله سره - لـ ( كلماته الممنوعة من الظهور العلني ) وتظهر في شكل كاروهات في الربع القادم أن يضيف الكلمات التالية
المهدي المنتظر
كنيسة اللد
المهدي - حاف كدا - ( وأهو بالمرة نرتاح من حبيبي جفا ) |
أرى دينا خالد قد جرتك إلي الكفر معها
يا عاطف عمر !!!
سلآم للجميع...
|
Post: #29
Title: Re: مافى اى طريقة لارشفة المنبر دا قبل يوم 28 ؟؟؟؟
Author: عاطف عمر
Date: 12-22-2012, 05:57 PM
Parent: #26
معاوية يا مدير يا ود المدير
دينا خالد المسكينة بقو عليها إتنين
لا تلفزيون فيهو أخباراً تسر البال
لا بورداً يفرح
أما قصة ( الجرجران ) في ( الكفر ) دي
فـ كلو جاري كلو
غابتو غير صاحبي بلة موسى ما لقيت لى ( مؤمن صريح )
|
Post: #27
Title: Re: مافى اى طريقة لارشفة المنبر دا قبل يوم 28 ؟؟؟؟
Author: يحي قباني
Date: 12-22-2012, 05:27 PM
Parent: #25
عملت ( كنترول - إف ) للصفحة الاولي
وكتبت ( مهدي )
طلعو لي 7 ( غير حق بت الصادق ) ...
ده حالتو القيامة ما قامت !!!
|
Post: #28
Title: Re: مافى اى طريقة لارشفة المنبر دا قبل يوم 28 ؟؟؟؟
Author: محمد البشرى الخضر
Date: 12-22-2012, 05:40 PM
Parent: #27
أعترض على الجزء الأخير من إقتراح عاطف عمر - لما يعتريه من بؤس :)
|
Post: #30
Title: Re: مافى اى طريقة لارشفة المنبر دا قبل يوم 28 ؟؟؟؟
Author: عاطف عمر
Date: 12-22-2012, 06:01 PM
Parent: #28
| Quote: أعترض على الجزء الأخير من إقتراح عاطف عمر - لما يعتريه من بؤس :) |
يا عمنا يا بتاع ( الأسابيع )
وكت الله جابك تعال ورينا
الإسبوع ( الكبيس ) دا حدو وين ؟؟
______________
( البؤس ) بكرة بيفك الكلام في ( اللت والعجن )..... أو كما قالت النكتة
|
Post: #31
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-22-2012, 08:50 PM
Parent: #30
معاوية يا دايركتر ...
سلامات ..
وقت بتخاف من الكفر دايركتر على منو ؟
ود البشرى
والله كل ما اشوف اسمك اضحححححححححححك قلت لى جليت ؟
|
Post: #32
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-22-2012, 08:56 PM
Parent: #30
قيقا !
انت بس اقعد اعمل فاتن حمامة كدا
يوم سعدك فات انه الاحد ...
|
Post: #33
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-22-2012, 08:59 PM
Parent: #30
البرلووم قبانى
انت هبش كدا ما بين الشفت والكنترول
لما يوم تطقك عقرب ...
|
Post: #34
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-22-2012, 11:09 PM
Parent: #33
وطبعا فى الاف خاتين اصابعهم على الكيبورد
فى انتظار حلول يوم 23 عشان كل زول يجى يقول
ما قال بجى مالو ما جا بس كل زول ح يلححن عنوانو براهو
غايتو بس الله لينا من جوافة المناصير !
او
وااا ملاسياااااااااه ...
|
Post: #35
Title: Re: مافى اى طريقة لارشفة المنبر دا قبل يوم 28 ؟؟؟؟
Author: قيقراوي
Date: 12-22-2012, 11:20 PM
Parent: #34
Quote:
قيقا !
انت بس اقعد اعمل فاتن حمامة كدا
يوم سعدك فات انه الاحد ...
|
طائري في صدري وسحابتي شاااايلة
الحمامة دي ما طائر؟
----------
عشان التعليقات الزي مفكر افتح بوستي من اسي ..
وآحد الفيها النصيب
الناس شااااايلة ... واخوك شيال تقيلة
خليها تهطل بدري بدري
المافي شنو!؟
رايك شنو؟
|
Post: #36
Title: Re: مافى اى طريقة لارشفة المنبر دا قبل يوم 28 ؟؟؟؟
Author: munswor almophtah
Date: 12-22-2012, 11:58 PM
Parent: #35
ياخى كان إنتى عامله مهديه بى هنا وتتنبائى بذهاب
الأسد وبرج الأسد وحلم التغيير الأكبر تعرفى يا شفته
لو أكلك المهدى يكون ريحنا من آفه وما بتتلافى وتصدقى
إدنى كرامات المهدى أكل آفه فحرزك!!
بعدين الفول دا نى ليه?
سلام
منصور
|
Post: #37
Title: Re: مافى اى طريقة لارشفة المنبر دا قبل يوم 28 ؟؟؟؟
Author: معاوية المدير
Date: 12-23-2012, 00:33 AM
Parent: #36
Quote: طائري في صدري وسحابتي شاااايلة
الحمامة دي ما طائر؟ |
الحمام رِجس من عمل الشيطان في النبؤة الجديدة،
فلك أن تختار بين مِعيطيّب والغراب. علماً بأنهما
مكجنين بعض.
والله صحي.
|
Post: #38
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-23-2012, 06:47 AM
Parent: #37
منصور المفتاح ...
اللى ما يعرفش الفول يقول عدس ..
تحياتى شديد والله ...
|
Post: #39
Title: Re: مافى اى طريقة لارشفة المنبر دا قبل يوم 28 ؟؟؟؟
Author: بدر الدين احمد موسى
Date: 12-23-2012, 07:30 AM
Parent: #38
دينا خالد!
الجرسة تخليك تنسي المعلوم من الدين بالضرورة?
"Quote: طبعا انت ما عندك اى طريقة
شفت ليك نبى موسيقار ؟؟ |
"
ما سمعتي بمزامير داؤود?!!
أييييوووة كان في نبي موسيقار هههههههه
غايتو محسن جهجه باكاتكم كلللللللكم
|
Post: #40
Title: Re: مافى اى طريقة لارشفة المنبر دا قبل يوم 28 ؟؟؟؟
Author: العوض المسلمي
Date: 12-23-2012, 10:18 AM
Parent: #39
سلام دينا
فقدتك هذا الصباح وقلت ياربي البنت دي وين من موضوع المهدي ده ؟
وكنت علي وشك فتح بوست بعنوان
هل امنت دينا خالد بنبؤة محسن ؟ولكني وجدت هذا البوست وعرفت حالتك
الصعبة من هذه البوستات
----------
محسن ده ما صاحبك انصحيهو ما يجيبها ضقلا يكركب المرة الجاية
|
Post: #41
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-23-2012, 05:53 PM
Parent: #40
ههههههههههههههههه يا مسلمى !
كلكم اعصابكم بايظة ؟؟ المهدى اريييتو كان اكلنا ..
من الحالة دى
هبة البارية خالد موجودة
انت بس بقيت تجلينى ...
بدر موسى !
مش قالوا ليك ما تشمت فى اخاك ؟
|
Post: #42
Title: Re: مافى اى طريقة لارشفة المنبر دا قبل يوم 28 ؟؟؟؟
Author: العوض المسلمي
Date: 12-23-2012, 06:04 PM
Parent: #41
هههههههه
اجليك؟ معقولة !
انتي كاتبتي المفضلة .. او كما قال ود البادية
|
Post: #43
Title: Re: مافى اى طريقة لارشفة المنبر دا قبل يوم 28 ؟؟؟؟
Author: قيقراوي
Date: 12-23-2012, 07:00 PM
Quote:
الحمام رِجس من عمل الشيطان في النبؤة الجديدة،
فلك أن تختار بين مِعيطيّب والغراب. علماً بأنهما
مكجنين بعض.
والله صحي. |
غايتو حكاية مطاردة المجرم الهارب قابيل دي اعجب حتة في القصة دي
انت معيطيب دا مش كلنغ ابصلعة؟
-----
اعجب منها الا عقدة (المثقف) الراجيانا في السماء برضو دي!!
صراحة هبة الباري -او قول ابو غرة المتلبسو- حقر بي عدييييل لمن قال لي انا (النبي المثقف) دي ,,
ياخي ازمة مثقف/ما مسغف دي ما سمعنا بيها الا عند بني كجة!!
لكن مافي مشكلة ,, فهو صديقي ,, و ابو غرة ذاتو صديقي
بالجد عجبتني جدا الاستهلال (طائري في صدري ,, وسحابتي ثقيلة)
مشيت قريت عن الباز ,,
غايتو الله اعلم ,, اقرب ليو حاجة ياها الحدية، وكلنغ ابصلعة
لاول مرة اعرف انو العقاب/النسور/الحدآت (جمع حدية) هم (البازيات) ,, ما صقور، نسور سااااي
لاول مرة ذاتو اعرف انو في فرق بين الاخيرين
لكن الحدية ما حبابا كلو كلو ,, شغلا ختف سااااي
والباز الاسود بالذات واحد منو غذاؤ جيف ساااي
دا طائر نبي اسي دا؟
وعلاقتو بالطيب شنو ذاتو؟
|
Post: #44
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-23-2012, 11:31 PM
Parent: #43
انت الواحد عشان يكون هبة البارىء .. لازم يكون كم قيقا ؟؟؟
|
Post: #45
Title: Re: مافى اى طريقة لارشفة المنبر دا قبل يوم 28 ؟؟؟؟
Author: يحي قباني
Date: 12-24-2012, 02:21 AM
Parent: #44
Quote: البرلووم قبانى
انت هبش كدا ما بين الشفت والكنترول
لما يوم تطقك عقرب ... |
ما تقولي العقارب حايمة في كل مكان ...
بالمناسبة ، عندي سؤال ... و الله كان ينفع عنوان بوست
السؤال :
( الفلم هندي و لا ناكل باسطة ؟ )
عندك خبر يا دينا ؟
|
Post: #46
Title: Re: مافى اى طريقة لارشفة المنبر دا قبل يوم 28 ؟؟؟؟
Author: دينا خالد
Date: 12-24-2012, 07:16 AM
Parent: #45
البرلوم قبانى
طوالى تاكلو باسطة ان وجدت ...
المافى شنو .....
|
|