ثلاثة فوائد للهلال من شطب هيثم وتسجيله للمريخ

الاولى: ايجاد خانة للاعب جديد في الهلال يستطيع ان يؤدي افضل من هيثم الذي تقدم به العمر

الثاني : تعطيل خانة في المريخ بتسجيل هيثم ا بدلا من لاعب شاب يكون اكثر عطاءا

الثالث: إن شارك هيثم في مباريات فهو سيكون عبئا على فريقه المريخ لعامل السسن

طيب وعلاء الدين كيف ؟


الزول ده ما تودوه الضُل يا جماعة

جمال سلام

الجماعة نزلوا من الابراج ولا لسه ؟

Quote: الجماعة نزلوا من الابراج ولا لسه ؟

نزلوا وشغالين عياط شديد

يا سلام عليك يا جمال..

دايماُ واعي..

نعم شطب هيثم فيه فائدة للهلال وتسجيله في المريخ فائدته أعظم.

يارب حسع متوسط أعمار لعيبة المريخ وصل كم؟

جيمي كيف حالك اني اصدقك الفول رغم اني من المعترضين علي تسجيل الاثنين للمريخ و لكن حسب توقعاتي بان

هيثم حتي يثبت بانه ما زال يستطيع ان يعطي سوف يحاول جاهدا ان يبذل فوق طاقته و يعمل بكل جد لاثبات ذلك

للبرير و هو بتسجيله للمريخ شطب بجرت قلم تاريخ .و هو نفس ما فعله ابراهيم حسن و حسام حسن فبالرغم من تاريخهم الطويل و

و ما حققوه من انجازات مع الاهلي غادروهو للزمالك و وقتها استطاع حسام ان يكون هداف الدور ي علي ما اعتقد و حتي الان

لم يعمل لهم مهرجان اعتزال !!!!




تخريمه :
و لكني اقول لكم سوف نجمد عضويتنا في تشجيع المريخ حين ......

الفائده الرابعه اثبتو انهم هلالاب زعلانيين وضل سيد البلد

Quote: وضل سيد البلد

ولمن سجلتوا من المريخ باكمبا وطارق جاديكا
وادوارد وسعيد الزنزوني وحمودة وعلاء الدين
يوسف كنتوا ضل لمنو ..

Quote: الاولى: ايجاد خانة للاعب جديد في الهلال يستطيع ان يؤدي افضل من هيثم الذي تقدم به العمر الثاني : تعطيل خانة في المريخ بتسجيل هيثم ا بدلا من لاعب شاب يكون اكثر عطاءا الثالث: إن شارك هيثم في مباريات فهو سيكون عبئا على فريقه المريخ لعامل السسن

سلام يا جمال ...
1 - 2 -3 ( هيثم مصطفي لاعب من طراز فريد .. قل ان تجد مثله في الملاعب السودانيه والافريقيه ..
اذن سوف يكون ذا قيمه لفرقة المريخ ,, عموما يا جمال هيثم سوف يؤدي 100%.. وبدليل ان متوسط عمار لعيبة الكورة في السودان 30 سنه ..
ودي حقيقه لا ينكرها الا مكابر .. )
ويا عزيزي
((((( لو لعب هيثم ربع ساعه وخرج للعجب وايضا لعب ربع ساعه سوف يشكلون فولترون !!))))


الهلال خسراااان ( نفسيا ) يا جيمي
اداريا - وجمهورا .. واهمه شي لاعيبه

الهلال هو الخسران الاول و الاخير الاخ جمال

هيثم نعرفه نحن اهل الهلال و سيتعرفون عليه الان بعد ان كالوا له السباب و الشتائم

لو دخل الملعب وكتفى فقط بتوجه زملائه فى الميدان و كان قائدآ لهم ففيها من الفوائد العظيمة

و لكن نعمل شنو مع ادارات الغفلة التى لا تراعى تاريخآ و لا تمجد أبطالآ و لا تفهم إدارة

عنجهية و ربط الخاص بالعام و الانتقام للنفس و عدم مراعاة للكيان

لك الله ايها الهلا ل العظيم حتى تنجلى عنك هذه الغمة

Quote: الفائده الرابعه اثبتو انهم هلالاب زعلانيين وضل سيد البلد

بل العكس
اثبت هيثم ان الهلالاب مرخاب زعلانين والدليل انه سيختم حياته في المريخ مثلما بداها هناك

سبق وكتبت انا في هذا المنبر ان هيثم مصطفى اتي للتسجيل في اشبال المريخ عام 1990 هو وحمد كمال ولم تم تسجيله حينها بسبب مشكلة حدثت بين حمد كمال وادوارد جلدو فضة كان سبب في توقفهم عن التمارين


شفت كيف يا عباس

الشي المهم في هذا الامر
هيثم ايقونة سودانية وهلالية
الان اصبحت ايقونة مريخية
اختطفها المريخ منكم
لعب ولا ما لعب ما مشكلة لكن كونه ختم حياته في المريخ دي ياها المشكلة
نحن سجلناه في خانة سفاري واساسا خانة سفاري كانت معطلة لعامين

انتم ازللتموه ونحن اكرمناه
ده ياهو مربط الفرس

يعني ما فارقة معانا

Quote: ولمن سجلتوا من المريخ باكمبا وطارق جاديكا وادوارد وسعيد الزنزوني وحمودة وعلاء الدين يوسف كنتوا ضل لمنو ..

الكلام قولوا لي ناس يوغندا يا عمدة :) هم الأفتوا في حكاية الضللة دي

Quote: انتم ازللتموه ونحن اكرمناه

يا ولي انتو - او جزء من جمهوركم - شتم أم هيثم على الملأ خليك من اليوتيوبات و الفوتوشوب المليانة بيه منتدياتكم غير الالقاب الاطلقوها عليه ناس العجوز المتصابي و قارورة و إلخ
القدامك دي حرقة وزعلة بتروح اسي وتجي الفكرة الحاجز النفسي بين هيثم و بين جمهوركم كبير و حتشوف كلامي دا
اول شكلة في تمرين او تشكيلة فيها هيثم مافيها العجب مثلا القيامة حتقوم
أما علاء الدين فدا بقى هو الذلاّكم جد و انتم اكرمتوه
ومع اول انذار او طرد ياخدوه ح تقوموا عليه
صدقني فتحتوا على انفسكم وعلى استقرار النادي باب جهنم

أما علاء الدين فدا بقى هو الذلاّكم جد و انتم اكرمتوه

<<<<<<<<<<<<<<<<<<<<<<<<<<

سلام ياودالبشرى ...
ما ياهو الشعب السوداني زاتو الانتفض ضد نميري وخرج لاستقباله في المطار وبكي وشيعه يوم رحيله
تقول لي علاءالدين هههههههههههه

وماشي بعيد ليه يا جنابو لا عن نميري
ما ياهو الحضري اقرب باع فيكم وفي رئيسكم واشترى في القنوات و الجرايد المصرية و مرقكم من الكونفيدرالية و بعد دا غنّوا ليه غلطاتك عندنا مغفورة ههههههههههههه

جمال سلامات
شوف رمضان السيد

Quote: استفتاء جماهيري لنجم استثنائى والي المريخ يحرك العملية من الامارات ويجبر المجلس على تعديل قراره البرير والمدرب ودائرة الكرة اجبروا البرنس على قراره مكاسب كبرى للمريخ من وراء كسب سيدا محمد ابو القاسم يؤكد استمرار الاعتصام حتى زوال مجلس البرير اكرم يخطف الاضواء في تسجيل البرنس وما هو مصير الكابتنية في المريخ؟؟؟ البرنس يعول ثلاث اسر والاعتزال من سابع المستحيلات بالنسبة له { الحشد الجماهيري الكبير والذي لم يحدث له مثيل في تاريخ التسجيلات منذ انطلاقتها وحتي الان والذي حظي به تسجيل وانتقال برنس الهلال والكرة السودانية للمريخ بالامس يؤكد الشعبية الجارفة لهذا اللاعب والحب الكبير الذي يحظي به من الجميع هلالاب ومريخاب والامر في النهاية يؤكد المكانة الكبيرة لهذا اللاعب.. وقد كشفت الاحداث التي صاحبت شطبه من الهلال والمراحل التي مرت حتي لحظة انتقاله للمريخ انه يحرك الاحداث وانه الابرز في الساحة وانه نجم النجوم بلا خلاف!! { ويؤكد الامر ان شطبه من الهلال كان اكبر خطأ ولن يغتفر، لان امثال هيثم مصطفي لا يشطبون وللاسف الشديد من قام بشطبه ومن يؤيد ذلك لا يعرفون قدر وقيمة هذا اللاعب والذي قيمه المريخ حق تقييمه ولاول مرة في تاريخ الكرة والاندية يعقد مجلس ادارة اجتماعين متتاليين للتقرير في مصير تسجيل لاعب، واي لاعب انه البرنس!! { كم وكم كتبنا وكم وكم تحدثنا ونوهنا وحذرنا من خطورة القرار ومن الانجراف وراء آراء المدرب ودائرة الكرة او رئيس النادي وربط الامور الشخصية بالعامة والتحكم في آراء وانتماءات وولاء وحب الملايين للهلال والنجم!!! { البرنس معذور في كل ما قام به لانه دفع دفعا لذلك وللصبر حدود وانه في النهاية بشر له احاسيس وله مشاعر. { علينا في النهاية ان نحترم قرار اللاعب وخطوة اللاعب مهما اختلفنا او اتفقنا معه فيما ذهب اليه!! { وانا شخصيا لم اضع خيار المريخ بالمرة من ضمن خيارات اللاعب في المرحلة القادمة وكتبت وقلت بان اللاعب وبعد ان رفض الاعتزال فالاحتراف الخارجي افضل له، وبالعدم التسجيل لاي نادي عاصمي في الممتاز ما عدا المريخ حتي يكون قريبا من جماهير الهلال وبالعدم اي ناد ولائى!!!! { قيمة اللاعب الفنية ظهرت بالامس من خلال الاستفتاء الجماهيري ورغبة المريخ في ضمه رغم اراء قلة لا تعرف قيمة النجومية وشعبية اللاعب والتي يمكن ان تكسب المريخ شعبية اكبر واكثر وعائدات اعلي وربما بطولات!! { برنس الهلال وطيلة 17 عاما لم يقصر مع هلاله قدم له ما قدم وضحي بالغالي والنفيس وتعرض في النهاية للظلم والشطب فكانت ردة فعله قاسية وان الجمهور الهلالي والهلال الكيان في النهاية هو الضحية. { علي جماهير الهلال ان تعرف وتعي الاسباب او الاشخاص الذين كانوا وراء رحيل هذا القائد الذي ارتبط بالهلال. { وبالامس قال لي عضو نادي الهلال وأحد قادة الاعتصام بالنادي محمد ابو القاسم ان رئيس النادي الذي كان وراء شطب القائد هو السبب في رحيل اللاعب للمريخ ويجب ان يرحل وان الاعتصام سيستمر ولم يكن من ضمن اجندته موضوع شطب الثنائي فحسب او تسجيل البرنس للمريخ، الاعتصام سيستمر، ليخلص الهلال من الدمار والضياع. { وحقا بان مجلس الهلال هو السبب فيما حدث وادي لان يفقد الهلال وتفقد جماهير الهلال واحدا من ابرز وافضل نجومها علي العطاء يظل قادرا علي الابداع. { انه عصر الاحتراف. { والواحد حقيقة ما كان يتمناها نهاية للاعب وسبق ان نوهت في المحاولة السابقة بان البرنس لو فعلها فانها ستكون علي طريقة ابو العائلة فهو الوحيد الذي يمكن ان ينجح لان الدوافع اكبر لاثبات الذات وهزيمة الاخرين وعدم خذلان الذين وثقوا فيه. { والذين يتحدثون عن البرنس وعدم وفاء ماذا فعلوا وقدموا لانقاذه؟؟ { الحق يقال انه وفي اخر لقاء او حديث مباشر مع البرنس الذي امن لي من خلاله بانه لن يعتزل لانه قادر على العطاء وانه لن يحقق امنية واغراض واستهداف البعض بابعاده عن معشوقته كرة القدم وقال بانه لاعب محترف يجب ان يلعب وانه يعول ثلاث اسر.. يومها لم يحدد وجهته.. وفي النهاية كان الخيار له وحده. ٭ لحن الختام { بالامس عاد الكاردينال وحظى باستقبال غير مشهود يؤكد المكانة الكبيرة التي يحتلها في قلوب الجماهير.. من خلال حديث خاطف معه ولحظتها كان البرنس يوقع للمريخ قال بانه تحدث مع البرير وحذره من شطب اللاعب وعليه ان يتريث حتى لو اجل الامر للفترة التكميلية ووعده لكنه عاد وشطب اللاعب! { في احتفال تاريخي وبحضور الاب الروحي لنادي الزومة د. عوض احمد الجاز وزير الطاقة وعدد من القيادات والوزراء والمسئولين والجماهير والاعلام والمبدعين والشعراء والفنانين تم تكريم مجلس ادارة نادي الزومة برئاسة هاشم خلف الله الذي حقق انجاز الصعود للدرجة الاولى حيث قضي الجميع احلى الليالي. { ويبدو ان المريخ ختم اليوم الاخير للتسجيلات بشعار ضربة واحدة لاتكفي بجانب كسب البرنس . استرد خدمات نجمه علاء الدين يوسف. وكسب هداف الاهلي محمد موسى. { فشل الأهلة كبار وصغار ومجلس وعلي الاقل زملاء البرنس من لاعبين ولم يتدخلوا في انهاء الازمة واعادة البرنس.. ليتدخل الغائب الحاضر رئيس المريخ جمال الوالي والموجود في الامارات في تحريك العملية وكسب الثنائي.. { كسب المريخ لاثنين من مشاطيب الهلال يعلم الكل الظروف والملابسات التي ادت لذلك كلها تدل وتؤكد علي المكانة الكبيرة للنجم الهلالي في الساحة الكروية من خلال الموسم الكروي!! { وشاع بالامس ان المريخ يسعي لتجنيس سادومبا لتسجيله كلاعب محلي. { ضربة موجعة من المريخ للهلال.. وما ادراك ما اتفاقية الجنتلمان.. .. من الواضح ان مجلس البرير شرب المقلب وسيحاول وانصاره اخفاء الامر.. { تسجيل الثنائي للمريخ هل يعيد جمال الوالي لرئاسة المريخ من جديد؟. { هلي تعطي شارة الكابتنية للبرنس؟!! { مدة العقد عامين، ويمكن ان يعود القائد ويختم حياته بفريقه لو زال هذا المجلس وحل محله مجلس ادارة اخر يعرف قدر النجوم وقيم الهلال. { وصدق من قال الاخلاق لاتجزأ. { ولاول مرة يتم قفل شارع البلدية لتسجيل لاعب. { وحارس المريخ خطف الاضواء وهو يحضر مع الثنائي البرنس وفييرا عملية التسجيل. { استحق انتقال البرنس للمريخ ان يكون لقطة اليوم لقناة الجزيرة الاخبارية. .. وبرضو الرأي فني..

انا زاتي في موضوع القارورة وموضوع نبذ العجيب ما خليت ليه

والمنبر ده برضو يشهد اني حتى اخر مباراة هلال مريخ كنت بقول ليك لو هيثم لاعب مكبروك ليكم ولو ما لاعب بنرشكم
اما مسالت نجاحم من عدما ما تكتبه الان لا يختلف شيئا عن نبوؤة محسن
شخصيا لا اضم نجاحهما ولا اقول بفشلها

هم الان لاعبي المريخ والايام فقط سي التي ستثبت نجاحهما من عدمه

لكن بكلم لو نجحا كاس افريقيا حقنا

يا موسى عيسى

غايتو الجاتكم في ناديكم

عملتوها باياديكم


البركة فيكم

يا حاتم

انت الواعي

الفقرة انتهت

والزول عجز

وبقى ما بقدر يصلي واقف

والبطيخاب جابو ليهو الكرسي

وقالوا ليه صلي بينا جالس

مجدي

يا تو برج

اوع يكون برج الحمام

الزول ده ما تودوهو الضل يا جماعة

___________________

يا وليد

يا ضلنا المرسوم على العرضة جنوب

ما كفاية المشو ليكم


خلو سيدا يبقى سيدكم

سيدا وسيدو مع كرومي سفن اب فيدو ديدو

Quote: سيدا وسيدو مع كرومي سفن اب فيدو ديدو

الزول دا رطاني ولا شنو
مسكاقمي


بضاعتنا ردت إلينا

العزيز جمال السنوسي

اقول ليك حاجة

بالعكس, هيثم بتاريخه وخبرته الطويلة في هلال الملايين سيكون زاداً طيباً وخير معين للمريخ في البطولة الأفريقية تحديداً
هيثم افضل صانع لعب في السودان وباص واحد منه ينهي مباراة بأكملها
سيعطي هيثم المريخ مالم يعطيه للهلال طيلة الـ17 سنة التي قضاها معنا
وسيتوج بلقب ابطال أفريقيا مع المريخ
البرير لم يراعي تاريخه وشطبه مثله مثل الطاهر حماد
وسيجني البرير شر ما زرع

أما علاء الدين يوسف فهو افضل ارتكاز محوري في السودان
أما لاعبي الهلال سيأتون وهم مهزومون نفسياً مما فعلته الإدارة مع هيثم وعلاء وعمر بخيت بتسجيله في آخر أيام التسجيلات
يعني لاعبي الهلال في وجود غارزيتو والبرير لن يكونوا مطمئنين لمستقبلهم في الهلال
الواحد لو عندو أي مشكلة ما بقدر يقولها ولو طالب بي حقو يموت خارج التشكيلة ويعامل اسوأ معاملة من الجهاز الفني والكروي والإداري

لا تعشم في جمال في مواسم قادمة والبرير على سدة الحكم في الهلال وغارزيتو العجوز المتصابي في رأس الجهاز الفني

لا تعشم يا جمال لا تعشم