على ذمة قوون الرياضية هيثم و علاء للمريخ

على ذمة قوون الرياضية هيثم و علاء للمريخ


12-20-2012, 04:33 PM


  » http://sudaneseonline.com/cgi-bin/sdb/2bb.cgi?seq=msg&board=410&msg=1356017612&rn=11


Post: #1
Title: على ذمة قوون الرياضية هيثم و علاء للمريخ
Author: هجو الأقرع
Date: 12-20-2012, 04:33 PM
Parent: #0

http://www.youtube.com/watch?v=rNkm9Xn8eqE&feature=youtu.be



تفاصيل لاحقا

Post: #2
Title: Re: على ذمة قوون الرياضية هيثم و علاء للمريخ
Author: هجو الأقرع
Date: 12-20-2012, 04:36 PM
Parent: #1

المواقع الرياضية شغالة اخبار عجيبة ومتضاربة

Post: #3
Title: Re: على ذمة قوون الرياضية هيثم و علاء للمريخ
Author: الامين موسى البشاري
Date: 12-20-2012, 05:17 PM
Parent: #2

هجو

سلام يا صفوة .. ماف حاجة مؤكدة لغاية هسي
القيامة قايمة امام مكاتب الاتحاد العام
والانباء تقول

علاء الدين يوسف وهيثم مصطفى وسادومبا ومحمد موسى

اهو منتظرين نشوف البحصل شنو

تحياتي

Post: #4
Title: Re: على ذمة قوون الرياضية هيثم و علاء للمريخ
Author: هجو الأقرع
Date: 12-20-2012, 05:24 PM
Parent: #3

يا صفوة كلامك سليم ائة فى المائة

يا ريت الثلاثى يكون لنا مع ساسا

Post: #5
Title: Re: على ذمة قوون الرياضية هيثم و علاء للمريخ
Author: محمد البشرى الخضر
Date: 12-20-2012, 06:10 PM
Parent: #4

والله يا مولانا القصة دي كان تمت بشكلها دا تبقى ليكن خجلة لا جنا الجنا
أمس القرييييبة دي اجتمع مجلس الإدارة أو من تبقوا منه و قرروا عدم تسجيلهم اليوم تدخل الوالي المستقيل و أصدر تعليماته بالتسجيل يقوموا ناسكم يكلفتوا تصويت بالتلفون !!!
خليك من تأكيد حديث الصحيفة اليوغندية في كونكم ضل لينا :)

Post: #6
Title: Re: على ذمة قوون الرياضية هيثم و علاء للمريخ
Author: الامين موسى البشاري
Date: 12-20-2012, 06:19 PM
Parent: #5

Quote: أمس القرييييبة دي اجتمع مجلس الإدارة أو من تبقوا منه و قرروا عدم تسجيلهم اليوم تدخل الوالي المستقيل و أصدر تعليماته بالتسجيل يقوموا ناسكم يكلفتوا تصويت بالتلفون !!!


وحتى تسجيلهم يا ود البشرى تم باجتماع ثاني
وتم فيهو التصويت بضرورة تسجيلهم


الوالي بكون دفع بس .. والله صحي

Post: #7
Title: Re: على ذمة قوون الرياضية هيثم و علاء للمريخ
Author: هجو الأقرع
Date: 12-20-2012, 07:12 PM
Parent: #6

و الله يا ود البشرى الخجلة ليكم انتو

يا اخى زول زى هيثم ما بنشطب

ابدا ، فعلا نحن كنا مغيوظين منو

بس فى ظل الاحترافية حبابو الف

حارة و الله ياخى ناسكم لسع معتصمين

Post: #8
Title: Re: على ذمة قوون الرياضية هيثم و علاء للمريخ
Author: محمد البشرى الخضر
Date: 12-20-2012, 07:34 PM
Parent: #7

يا هجو يا عمك
هيثم شطبه غلط ما قلنا شي لكن تسجيلكم ليه و علاء الفتح فيكم بلاغ تزوير راسو عديل و قال في ادارتكم ما لم يقله مالك في الخمر فضيحة راسها عديل
هي لكن ما غريبة عليكم اذا الحضري غسلكم وكواكم في القنوات وقال رئيس النادي ما كان يحلم يتصور معاه جيتو غنيتوا ليه !!
وكان للإعتصام ذهاب هيثم للمريخ يعني تلقائيا فض الاعتصام ودي اعظم هدية للبرير تاني يوم لشطبهم و الناس بين مصدق ومكذب ومذهولين لسة ما راودت المريخ فكرة ضمهم صحيفة عالم النجوم الموالية للبرير كتبت ان الثنائي يقترب من الوصيف
و القصد واضح هو فرتقة جمهور الهلال الذي اجمع على حب هيثم
بأمانة كدا نجحتوا في حل مشكلة الهلال و استوردتوها
وازيدك من الشعر بيت - حسب نظرية المؤامرة الحكومة عندها يد في الموضوع دا و التسجيل تم بتعليمات حكومية القصد منها شغل العالمين وابقاء هم هلال مريخ على السطح
دا تحليل حسب ونظرية مؤامرة ساي لا مصادر لا يحزنون هههههههههههههه

Post: #9
Title: Re: على ذمة قوون الرياضية هيثم و علاء للمريخ
Author: هجو الأقرع
Date: 12-20-2012, 07:41 PM
Parent: #8

يا عمك ازيك ما قلنا دى رياضة ما فيها عداء و لا صداقة


يا عم دى كرووووووووووووووت ما برموها ساكت


دى كروت الخمسين عديل ، مبروووووووووووووووك


علينا.

Post: #10
Title: Re: على ذمة قوون الرياضية هيثم و علاء للمريخ
Author: محمد البشرى الخضر
Date: 12-20-2012, 09:23 PM
Parent: #9

يا هجو يا عمك امسك لي دا عندك لي بكرة
دا عمود مزمل اول امس يشيد بالديمقراطية و قرار المجلس السليم و مش عارف ايه
Quote: * بحمد الله وتوفيقه اتخذ مجلس إدارة نادي المريخ القرار السليم وحفظ استقرار ناديه وأبعده عن الأزمات برفض تسجيل هيثم مصطفى وعلاء الدين يوسف.
* لم يستغرق الاجتماع وقتاً طويلاً، لأن معظم أعضاء المجلس حكموا صوت العقل وطبقوا مقولة (الباب البجيب الريح) وتمسكوا بالتقرير المعد سلفاً من لجنة التسجيلات الحمراء التي لم تتطرق لأمر تسجيل اللاعبين المذكورين في المريخ.
* أحدث مقترح تسجيل اللاعبين حالة من التجاذب بين محبي المريخ الذين انقسموا ما بين مؤيد ومعارض للمقترح، وامتد الانقسام إلى المجلس نفسه واتضح ذلك في اللجوء
إلى تصويت (غير معلن) بعد تعادل الأصوات داخل الاجتماع الذي حسم الملف.
* بغض الطرف عن الطريقة التي تم بها حسم القضية فقد اختار المجلس في النهاية أن يحفظ توازن النادي وأبعده من الانزلاق في لجة صراع غير مطلوب ولا مرغوب.
* لا حاجة للمريخ بلاعب محور آخر بوجود سبعة لاعبين في الوظيفة المذكورة.
* أما الكابتن هيثم مصطفى فقد صار أمر شطبه من الهلال مشكوكاً في شرعيته بعد أن أصدرت لجنة الاستئنافات الولائية بالخرطوم أمس قراراً قضى ببطلان كل القرارات الصادرة من مجلس إدارة نادي الهلال مؤخراً بسبب عدم توافر النصاب الشرعي للمجلس.
Quote: آخر الحقائق
* دار الجدل داخل مجلس المريخ بطريقة راقية.
* طرح كل عضو رأيه بطريقة مباشرة، وصدر القرار التاريخي بعد أن حمل بصمة الفريق عبد الله حسن عيسى الذي تمسك بالمؤسسية وانحاز للرأي الصواب.
* نعم القائد، وخير خلف لخير سلف.
* تم حسم القرار بركلات ترجيح غير مباشرة!
* اتبع حسن يوسف طريقة عمر بخيت وامتنع عن التسديد، أقصد عن التصويت، وانتهت النتيجة 5/4!
* وهي مقبولة، المهم أن رأي الأغلبية ساد.
* ديمقراطية حقة.
* لو آلت المحصلة لغير ذلك لساد الانقسام مجتمع المريخ.
* المهم في الأمر أن الأمر حسم بقرار من المجلس، وليس برغبة الخلوة أو المسيد.
* إذا صح أن الأخ عصام الحاج لوح بالاستقالة من المجلس بعد انتهاء الاجتماع فهو مخطئ.
* احترام رأي الأغلبية واجب.
* إذا كان المريخ مهموماً بتسجيل لاعبين من الهلال فسادومبا وسانيه أولى بتفكيره.

قلت لي ديمقراطية حقة !! و احترام رأي الأغلبية شنو؟
هأأأو سلامات يا ديمقراطية
نفسي اعرف بكرة ح يكتب شنو ؟

Post: #11
Title: Re: على ذمة قوون الرياضية هيثم و علاء للمريخ
Author: هجو الأقرع
Date: 12-20-2012, 10:50 PM
Parent: #10

يا اخى الكريم يكتب ما يكتب مزمل


وكذلك برضو بتاع حبيب البلد الموقوف


كمان يكتب ما يريد .

يا ود البشرى الكورة دوما تلعب فيها

بالبتكسب بيهو . خلاص امنا بالاحتراف


و بينى و بيك برضو الامر لا يخلو من

توجيه( لكمة ) للبرير