وجئتكم من محسن خالد بنبأ عظيم ..مثير..خطير..هاؤم اقرأوا كتابيه؟

بخصوص الجنا الفقر الاسمه محسن ده طبعاً جواله مغلق منذ عشرة ايام عن سبق اصرار وترصد
وانا عارف هو فى مدنى مع حسن اخوه ، كلفت اخونا مبر محمود أن يصل الى عنده لاحدثه
للاسف عندما اتصلت على الاخ مبر وجدته قد خرج من عنده و لكنه افادنى انه بخير وصحة جيدة
ولابس برمودته الما عنده غيرها ويقرأ كل ما يكتب عنه فى الاسافير ويضحك مخرجاً لسانه
وما يفعل ليس اكثر من نرجسيته التى عرف به وكانه يريد ان يشغل حيز من اهتمام الناس
من حوله و لو لحين و ان هذه الحدوتة السمجة حدها يوم الاحد و بعدها سيعود محسن الذى تعرفون.
حذرت من ان محسن إن لم يصدق حدثه ربما يختفى من الناس باى من الطرق، قال لى هو اعقل
من ان ينتحر و اقصى ما يمكن ان يفعل ان يغادر الى جهة غير معلومة وحتى هذه مسبعدة تماماً..
عموماً اتمنى من الاخوان هنا الدعاء للاخ محسن و ان يهديه الله الى صراط مستقيم و يهىء له
من امره رشدا،،،

سلام يا موج

وتوبتنا دي نقع بيها وين ؟

يا موج يعنى حا نبل شوقنا قبل القيامة ما تقوم

سلام يا موج

هو بالله قاعد في مدني؟

يمين أنا قايلو في لندن طيب ما يمشي يضرب ليهو أقاشي في الدباغة

Quote: يا موج يعنى حا نبل شوقنا قبل القيامة ما تقوم

عاين زي دي كمان
الجنة دي ما فيها أي شيء

اسرعي الوِش بتاع القيامة دي قائم

الأخ صديق
السلام عليك ورحمة الله
توقعت منك ومن مُبر شيئاً أفضل من "نرجسية" و"أجبن" و"يغادر".. إلخ
كونا بخير أنت وهو

Quote: وجئتكم من محسن خالد بنبأ عظيم ..مثير..خطير

ود الموج سلام

قرأنا كتابك، ولم نجد النبأ العظيم ولا الكلام المثير الخطير

ياصديق الموج

ممكن تعرف ليناNarcisistic personality disorder ؟

معاوية المدير هسه الدخل صقر ود الباوقة مع هدهدى ده شنو؟
غايتو جنس حقارة هى!!

Quote: سلام يا موج وتوبتنا دي نقع بيها وين ؟

بكرى اسماعيل ......حبابك
داير النجيضة توب من توبتك دى،،،

Quote: يا موج يعنى حا نبل شوقنا قبل القيامة ما تقوم

وضاحة كان شفقتى بلحيل عندك جمعه وسبت يودن امريكا ويرجعن اتلحلحى
وكان بتسمعى كلامى وحاتك يا الغالية شوقك ده كان بقى جلد من زنكى يتبلا،،،

Quote: سلام يا موج هو بالله قاعد في مدني؟ يمين أنا قايلو في لندن طيب ما يمشي يضرب ليهو أقاشي في الدباغة

يا زول وحاتك فى مدنى يضرب فى سمك عثمان جاد الله ويترع
وشاغل الناس،،،

Quote: عثمان جاد الله

حسن جاد الله يا موج

له الرحمة الزول دا قريبي بالمناسبة

هنيئا مرئيا لمحسن بهذا السمك الذي لا يضاهيه إلا سمك شارع الحلة الجنب سوق اللحمة في الرياض

Quote: حسن جاد الله يا موج له الرحمة الزول دا قريبي بالمناسبة

حمد عبد الغفار والله معلوماتك قديمة خلاص
محل عم حسن جاد الله ربنا يرحمه فتحه ازهرى حسن جاد الله بعد ان رجع من ليبيا
وعثمان حسن جاد الله فتح ليه محل سمك جنب سوق الجلود ختير جداً..
اما دكتور بدر الدين حسن جاد الله فمعانا فى الرياض ...
و على فكرة عم حسن جاد الله هو خال الفنان ابو عركى البخيت حيث
ان النجف بت جاد الله هى والدة ابوعركى البخيت...
تقول لى الناس ديل اهلى!! هسه انا ما ود خالتك عديل كده،،،

والله يا الموج حيرتني
انا بقصد المحل

أنا طبعا الناس القلتهم ديل طولت جدا ما قابلتهم أقرب زول د بدر الدين قبل 12 سنة

لكن النزيدك شفت:

أم حسن جاد الله شخصيا بت الريح الكبير اللي هو خال أمي وأبوي في الحساب وجد زوجتي مباشرة

وجد دكتورة عفاف الصادق حمد النيل الريح زوجة أبو عركي البخيت

Quote: أم حسن جاد الله شخصيا بت الريح الكبير اللي هو خال أمي وأبوي في الحساب وجد زوجتي مباشرة

حمد عبدالغفار ياخوي جدكم ده انا زاتي جدي !
وجد انور عبدارحمن (عقد الجلاد)؟
رحم الله جدنا حسن جادالله ..

تلفوني في البروفايل ياحمد اتصل علي ..


___________________________
سلامات صديق الموج
تحياتي يامحسن ..

Quote: يا زول وحاتك فى مدنى يضرب فى سمك عثمان جاد الله ويترع

يعني يا صديق أخوي نار اليشب دي طلعت نار صاج سمك ساكت ولا كيف يعني >>

Quote: الأخ صديق السلام عليك ورحمة الله توقعت منك ومن مُبر شيئاً أفضل من "نرجسية" و"أجبن" و"يغادر".. إلخ كونا بخير أنت وهو

محسن ياخى انت عارف انا ومبر قلبنا عليك قدر شنو؟
وهذا يكفى، والبحصل ده نحن بنعتبرة كبوة جواد ، وعشمنا
ان نرى محسن الذى نعرف ونحب ونود، وانت عارف نحن
بننتظر نجاحاتك قدر شنو وبنفرح ليها اكتر منك ياخى قوم
لف، ما تشمت الناس فينا و انت عرف رهاننا عليك قدر شنو،،،

Quote: ود الموج سلام قرأنا كتابك، ولم نجد النبأ العظيم ولا الكلام المثير الخطير

الشفيع وراق ............سلام

الا اكتب سد مروى ينتج طرشمية كيلوات من الكهرباء وسيتم تصدير
الفائض الى امريكا حتى يكون نبأ عظيم،،،

Quote: محسن ياخى انت عارف انا ومبر قلبنا عليك قدر شنو؟ وهذا يكفى، والبحصل ده نحن بنعتبرة كبوة جواد ، وعشمنا ان نرى محسن الذى نعرف ونحب ونود، وانت عارف نحن بننتظر نجاحاتك قدر شنو وبنفرح ليها اكتر منك ياخى قوم لف، ما تشمت الناس فينا و انت عرف رهاننا عليك قدر شنو،،،

صديق الموج سلامات

وتحياتى لكل الاخوان فى الرياض


انت تعرف بانى متواجد حاليا فى مدنى ياريت تدينى عنوان الزول ده
عشان اجيبك ليك اخبارو بالتفصيل

وطبعا بكرة يوم العاشر من صفر وسازورة فى نفس هذا اليوم الموعود

Quote: ياصديق الموج ممكن تعرف ليناNarcisistic personality disorder ؟

بله يا اخوى كلامك ده الاطباء بعرفوهو بالاضطراب النفسى والعامه بقولو شزوفرنيا
وناس امى بقولو الاندراوة، لكن اطمنك الزول ده التلاته ما عنده وانصح منى ومنك
وحاتشوف كلامى ده يوم الاتنين،،،،

Quote: محسن ياخى انت عارف انا ومبر قلبنا عليك قدر شنو؟ وهذا يكفى، والبحصل ده نحن بنعتبرة كبوة جواد ، وعشمنا ان نرى محسن الذى نعرف ونحب ونود، وانت عارف نحن بننتظر نجاحاتك قدر شنو وبنفرح ليها اكتر منك ياخى قوم لف، ما تشمت الناس فينا و انت عرف رهاننا عليك قدر شنو،،،

كبير يا موج!!!

كمال على الزين مشتاقين شكراً للمرور،،،

Quote: والله يا الموج حيرتني انا بقصد المحل

ههههههههههههههههههه،

كدا يا حمد ؟؟؟!

شويّة كدا وكان يطلعك ود خالتي لزم.
والله صحي.


سلآم وتحايا للناس الهنا كلهم...

Quote: يعني يا صديق أخوي نار اليشب دي طلعت نار صاج سمك ساكت ولا كيف يعني >>

ود القبائل كيف حالك

والله ما اكتر من كده تماماً
شفت الحركات دى،،،

العزيز صديق الموج
تحياتي لك ولجميع أفراد الأسرة

وبعد ....

محسن خالد من الكُتاب الذين أحببناهم دون أن نلتقيهم ......... وهذا القول يقول به الكثيرين كما تعلم
فإذا كان الأمر كما أوضحته في هذا البوست .... فثق في أنه سيكون قد فقد كثيراً من جماهير قُرائه بعد هذا البوست
وعندى ... أفضل له أن يأتي يوماً ليقول بأنني قد كُنت (مُتوهماً) .. أو كنت في حالة تملكني فيها جماح خيال

وأن لا يأتي أبداً ليقول بأنني كنت أضحك من تعليقات البعض (الكثيرين) ... لأنهم قد صدقوا مثل هذه الترهات


عزيزى صديق:
سعيك لمعرفة الحقيقية محمود عندنا .... ولكنك قد ورطت محسن من حيث ترغب في مخارجته.

مع إحترامي الأكيد لكما كما تعلمان.

رانى وحاتك ما فهمت قصدك شنو لكن متأكد من سلامة نيتك عموماً
شكراً للمرور فهو يكفى،،،

الحبييييييييييب ود الموج

سلامآ لك حتي مطلع الفجر

يأخي عليك الله محسن ده سيبوهو في حالو يكون الوضوع ما عاجبو وشائف نفسه

عنده كل مقومات النبؤة , وبعدين هي النبؤة شنو موش مقومات؟

خلاص .

تدخل سافر في خصوصيات زول ياصديق
وسلوك عجيب منك ماقادرة اهضمه
إيه روح ناس الامن والمخابرات الاتقمصتك دي
رسلت زول وجيت كتبت الكلام دا
إنت قايلوصديقتكم الرسلتو ليها انعام حيمورة
دا محسن ياصديق

Quote: تدخل سافر في خصوصيات زول ياصديق وسلوك عجيب منك ماقادرة اهضمه إيه روح ناس الامن والمخابرات الاتقمصتك دي رسلت زول وجيت كتبت الكلام دا إنت قايلوصديقتكم الرسلتو ليها انعام حيمورة دا محسن ياصديق

راوية ...........سلام
انت قريتى بوست تانى وجيتى رديتى هنا؟
اين التدخل فى خصوصيات. زول هنا؟
والقال ليك منو محسن بالنسبه لى زول؟

عفوا حذف للتكرار

تحياتي يا موج
كلام أختنا راوية ما ترميهو الواطة يا صديق
للبيوت أسرارها ، وقصة محسن قابل مبر وهو لابس
برمودة ولا عريان ميطي ما بتخدم أي فكرة
التحليل المرق بيهو مبر بعد لقائه بمحسن لا جديد فيه
الكلام ده في سودانيز رددوهو الكتيرين .



أثق في نبل هدفك لكن ياريت نبلك ده ما يكون مؤذي
للآخر من حيث لا تحتسب .

مودتي ياموج

Quote: بخصوص الجنا الفقر الاسمه محسن ده طبعاً جواله مغلق منذ عشرة ايام عن سبق اصرار وترصد وانا عارف هو فى مدنى مع حسن اخوه ، كلفت اخونا مبر محمود أن يصل الى عنده لاحدثه للاسف عندما اتصلت على الاخ مبر وجدته قد خرج من عنده و لكنه افادنى انه بخير وصحة جيدة ولابس برمودته الما عنده غيرها ويقرأ كل ما يكتب عنه فى الاسافير ويضحك مخرجاً لسانه وما يفعل ليس اكثر من نرجسيته التى عرف به وكانه يريد ان يشغل حيز من اهتمام الناس من حوله و لو لحين و ان هذه الحدوتة السمجة حدها يوم الاحد و بعدها سيعود محسن الذى تعرفون. حذرت من ان محسن إن لم يصدق حدثه ربما يختفى من الناس باى من الطرق، قال لى هو اعقل من ان ينتحر و اقصى ما يمكن ان يفعل ان يغادر الى جهة غير معلومة وحتى هذه مسبعدة تماماً.. عموماً اتمنى من الاخوان هنا الدعاء للاخ محسن و ان يهديه الله الى صراط مستقيم و يهىء له من امره رشدا،،،

سؤال : هل أذن لك مبر في قول هذا الكلام على لسانه حرفيا ؟!!
إن كان فعل فهو مخطيء كثيرا
و إن إعترض على ما كتبته هنا
فتكون قد إرتكبت خرقا لخصوصية شخصين

كلامك يفهم منه أن محسن يخدع الناس و يضحك عليهم (كما فهم عاطف)
و يفهم منه أن مبر يعتقد بأن محسن مريض نفسيا (ناقشتم حتى إحتمال إنتحاره الضعيف!!)
و يفهم منه أن مبر يعتقد بأن محسن نرجسي متضخم الذات !!

كويس النقول ليك أنا النبأ العظيم :
محسن نصيح
محسن جاد
محسن شجاع

بوست غير موفق تماما و أتمنى سحبه ..

فوق

من المسافر

تعرف يا صديق الخبر الكبير هو ما جاء عن صديقنا أزهري حسن جاد الله واسرته الكريمة
فهو صديق عزيز قل ما تجود الأيام بمثله
تحياتنا لكل الناس الجميلين

فوق

سلامات يا صديق

برضو انا بقول بوست غير موفق ... وخاصة بعد مداخلة الأديب محسن ...

الماعارف يقول عدس!!

Quote: الأخوة والأخوات السلام عليكم ورحمة الله وبركاته لقد وعدتُ بالعودة إلى هذا الكتاب وتبيان ما يحدث معي، وهانذا بينكم. أولاً، إنني لا أعرف ما حدث لي، كأنما اختطفتني قوىً وجعلت مني طبشيراً تكتب به ما تشاء، فلم أكن مستهتراً بكم ولا كاذباً، ولا ينبغي لي، والله على ما أقول وكيل وشهيد. إني أعتذر منكم جميعاً، من يحبني ومن يكرهني، وأرجو عفوكم ومسامحتكم جميعاً، من كان حريصاً علي ويحبني ومن كان يتربص بي وينتظرني لدى الثغرات والكبوات والدوائر. إنني الحمد لله بخير، والويندوز بتاعي لسع شغال ريستوريشن، فربما بعد اكتمال هذه الاستعادة أفهم معكم ما يحدث. تبقى هذه المعارف التي جئتُ بها محل نظر وتدقيق من قبلي ومن قبلكم، فهي التي تمثل المشكلة! إن كانت من الله فهو لا يخلف الميعاد، وإن كانت من الشيطان فهو لا يمنح ناصيته لأحد. بشكل مبسّط جداً أقول، ربما رأى الشيطان في أوبتي لله قوة لأهل الله، فصنع هذه اللوثة كلها ليحيل تجربتي إلى الضد، وقد دعوتُ الله كثيراً وطويلاً أن لا يجعلني فتنة، وأن يكرم الناس فيَّ ولا يخزيهم بي. إني أتوب إليه، مما نسبتُه له وللمسيح، وأرجو عفوهما وصفحمها. فاعفوا أنتم أيضاً واصفحوا، ألا تحبون أن يغفر الله لكم؟ والله ولي التوفيق

ده سبب حبي لمحسن خالد الانسان
شجاعة مواجهة النفس ,,

Quote: ده سبب حبي لمحسن خالد الانسان شجاعة مواجهة النفس ,,

شكراً عمار كلنا ذلك الرجل،،،