وخصوصاً عندنا نحن الســـودانيين في بعض الاحيان يكون عندك مشـــوار مهم وحاسم وقد يقرر مصير ما في حياتك وبدعاوي الكرم واظهار الرجالة قد يتكســـر هذا الموعد بحليفة طلاق وعشان شنو؟ عشـــان تقعد تتغدى أو تتعشـــى والمشوار يروح في ستين داهية
12-19-2012, 12:43 PM
Abdlaziz Eisa
Abdlaziz Eisa
تاريخ التسجيل: 02-03-2007
مجموع المشاركات: 22291
اصبروا لي بجيكم بنماذج حيه وأحد هذه النماذج مرة كنا أنا وود عمي في زيارة لأحد الاقرباء وفي نفس الوقت ود عمي دا عندو مشوار مهم جداً لاجراء معاينة للسفر الى دولة عربية والموعد كان مع شخصية خليجية فاقترحت انا عليه ان نقوم اولاً بزيارة قريبنا هذا وبعدها نمشي مشواره لمقابلة صاحب العمل المهم غشينا قريبنا دا حوالي الساعة 11:30 صباحاً وقعدنا معاهو لغاية الساعة 1 بعد الظهر وقريبنا دا بيتو في الخرطوم والمقابلة كانت في فندق قصر الصداقة في الخرطوم بحري الساعة 3 عصر المهم استأذنا وقلنا ليهو نحن ماشين مشـــوار بحري
ويلا تعال شوف الحصل شنو تمشـــوا انتوا ما نصّــاح علي الطلاق من البيت دا ما تمرقوا الا تتغدوا يا زول يهديك يرضيك كدا اسمعنا يا ناس هوي ما داير أســـمع وعلي الطلاق بالتلاته زول يطلع ماف أكان عندكم جنازة تدفنوها أمشــــوا عافي ليكم لكن غير كدا علي الطلاق ما اتغديتوا زول بطلع من هنا ماف
يا جماعة دي مصيبة شنو دي؟ المهم والله اضطرينا نقعد ونفوت المعاينة وطبعاً الوظيفة طارت وظلت حســـرة ابن عمي عليها ولا زلنا نتذكر هذا الموقف كلما التقينا
مرة في واحد صاحبنا عرّس وقمنا عملنا ليهم رحلة في الري المصري وكنا قاعدين نلعب في ويست كااااارب وكل الناس معلمين المهم صاحبنا العريس كان معصووور عصرة صاح وفاضل ليهو 6 ورقات كوتشينه في يدو واحد من الجماعة الشليقين البكونوا قاعدين بره التربيزه قام قال يا جماعة الزول دا عريس وما تدوه اسنا فيك في رحلة عرسو دي العريس وبدون ما يحسب حساب قال: على الطلاق ما اتسنفك
ولســـوء حظه اللعبة دي بالذات كانت ماشه على السيك والعريس متسيك متسيك ماف أي طريقه لكن بعد حليفتو المفاجئة دي قعدنا نفتش ليهو في طريقة مخارجة لامن خارجناهو من السيك الكلام دا كلو والعروس ما جايبه خبر
ومن دييييييييك تاني ما بحلف بالطلاق... والله صحي
12-19-2012, 01:00 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
امينكو سلام يا باش الزول العصمة المافي ايدو يعمل شنو !!!!!! ياخ حكاية الطلاق قبل كده اكلتني مقلب عجيب الموضوع برضو يخص الزيارات والدعوات وقت العزوبيه وما احلاها تلك الايام صديق تم دعوته من احد اقاربه لوجبة الغذاء اخذني معاهو رفقة واحنا في الطريق بملكني في معلومات عن الراجل المقدم الدعوة قريبو: تعرف با عبس قريبنا ده زول طيب جدا مشكلتو زول بحب الطشه وفي الطشه عندو مشكله بعد اطشم بصرف للناس الكلام بالدور (( يلا ها اتكلم انت ...التفت للاخر خلاس انت اسكت ...يلا اتكلم انت)) وهكذا لو زول ما سمع التوجيهات طوالي بطلع ليهو الكرت الاحمر اطردو من البيت واحتمال معاها بنيه لو ما وقع فيك الكف المرسلو ليك بي يدو الشمال. قلته ليهو يا زول مالك مورطنا مع قريبك كان نمشي ناكل لينا في مطعم او نعمل لينا حلة قال لي ياخ الزول طيب وكريم مشكلتو لما اكون طاشم .......... المهم مشينا حسب خلفية المعلومة القالها لي صديقنا من قابلته الراجل جاني احساس بايته معاهو و ل معاهو باقي سكره الصينيه جات اكلنا وقلنا نقوم نغسل زولك حلف طلاق لازم نكمل الصينيه اكلنا شويه مجاملة قلته خلاس شبعته عاين لي وحلف طلاق جاني احساس الزول ده حدر لي وممكن اديني كرت قعدته اكل شال صحن سلطة الاسود ختاهو قدامي (( طبعا عندي حساسية مع سلطة الاسود (بازنجان ) والسمك) ) قال لي طلاق بالتلاتة تكمل الصحن ده مع حليفتو بالطلاق رفع يدو لي فوق الزول لابس ليهو جلابية يديها طويله شال جزء من متبقي ملاح القرع ورشاهو في قميصي وهو ما قاصد اتخيلته الزول لا باتيه معاهو لا حاجة الزول عديييييييييييييل طاشم اكلته في سلطة الاسود مرغم ..... تخيل بعد الدراما الحصلت كلها الراجل طلع ما متزوج قاعد مع امو واختو المتزوجة.
12-19-2012, 03:36 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: طبعا عندي حساسية مع سلطة الاسود (بازنجان ) والسمك) ) قال لي طلاق بالتلاتة تكمل الصحن ده مع حليفتو بالطلاق رفع يدو لي فوق الزول لابس ليهو جلابية يديها طويله شال جزء من متبقي ملاح القرع ورشاهو في قميصي وهو ما قاصد اتخيلته الزول لا باتيه معاهو لا حاجة الزول عديييييييييييييل طاشم اكلته في سلطة الاسود مرغم ..... تخيل بعد الدراما الحصلت كلها الراجل طلع ما متزوج قاعد مع امو واختو المتزوجة.
عبس يا وجيه ياخ بركة الما جاتك بونية طايره والله يا عبس كمان الحليفة مع الطشمه دي بتبقى كعبه خلاص عندي نموذج بحكيهو في هذا البوست إن شاء الله
Quote: مرة في واحد صاحبنا عرّس وقمنا عملنا ليهم رحلة في الري المصري وكنا قاعدين نلعب في ويست كااااارب وكل الناس معلمين المهم صاحبنا العريس كان معصووور عصرة صاح وفاضل ليهو 6 ورقات كوتشينه في يدو واحد من الجماعة الشليقين البكونوا قاعدين بره التربيزه قام قال يا جماعة الزول دا عريس وما تدوه اسنا فيك في رحلة عرسو دي العريس وبدون ما يحسب حساب قال: على الطلاق ما اتسنفك
ولســـوء حظه اللعبة دي بالذات كانت ماشه على السيك والعريس متسيك متسيك ماف أي طريقه لكن بعد حليفتو المفاجئة دي قعدنا نفتش ليهو في طريقة مخارجة لامن خارجناهو من السيك الكلام دا كلو والعروس ما جايبه خبر
ومن دييييييييك تاني ما بحلف بالطلاق... والله صحي
مرّة في النادي يا بُشاري لاعبين ويست ... والقبول كان عندي ... التسمية بدت بي باص ومعاهو صرّة وش وململة شديدة خلاص ... زميلي سمّى 12 إتناشر يا بُشاري ومعاها ابتسامة خبيثة وعلامات نصر مبينة ... أها زولي الأخير التسمية جاتو كدة ...
عاين لي وقال لي 13 تلتاشر ... وعلي بالطلاق ما بتلعب
ـــــــ الظريفة لعبوها وسقطّناهم كتير ... ولمّا رصينا الورق عشان نحسبها إذا لعبتها أنا لقينا عدد الأيادي المضمونة قريب 20
12-19-2012, 01:08 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
يا عباس بمناسبة الطشـــم دي كان عندنا جارنا زول مزاااجو عالي وما بكب الا شل سيوبر المهم الزول دا عذبنا عذاب في الدنيا ياخ كل يوم يمشـــي يشــرب ويجي يدور ليك شكلة مع نسوانه العجب كمان متزوج مرتين ونحن كل يومين ثلاثة قاعدين معاهو جودية بسبب الحريم ديل المهم يوم مشـــى وعدل مزاجو تمام التمام ولما جاء راجع البيت ما وجد العشاء جاهز ويا زول مع الطشمه دي لمه ليك الحريم الاثنين في غرفة واحدة وقعد يكورك ويشاكل فيهن وحلف ليهن طلاق الا يسون عشا هســي (الساعة 1 صباحاً) أو بالعـــدم ينزلن الضب الماشــي فوق في الزنك داك (سقف الغرفة) ويلا يا زول الكوراك ضرب وقمنا نحن فازعين طلعنا الحريم بره وقعدنا نهدي فيهو حالف الا يسون العشاء أو ينزلن الضب الفوق داك المهم الجارات اضامنن مع الحريم وجهزن عشاء سريع وقعدنا اتعشينا معاهو تاني حتى بعد داك قدرنا ننوم ........... والله صحي الحاجة المحزنة يا عبس بعد قنع انو ماف عشاء في البيت والبقالات كلها قفلت بقى مركز على حكاية الضب ونســـى ليك العشاء
12-19-2012, 05:18 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
امينو ...يا رايق كيفك ياخى ... جماعة فى زيارة لاحدهم - من اهل الكرم و الطلاقات - ومعروف عنه الاكرام بالذبائح ... وكان ينتظرهم مشوار مهم بعد الزيارة ... وما ان دخلوا عليه وبعد السلام ... يا ولد امشى جيب الخروف من الزريبة ... فحلف احدهم " على الطلاق ما تضبح لينا " ... فكان رده " ان كان كده على الطلاق تضبحوه انتو" واصحابك اتورطوا تأخير وكما ضبح .. ولك تحياتى ..
12-19-2012, 09:10 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: جماعة فى زيارة لاحدهم - من اهل الكرم و الطلاقات - ومعروف عنه الاكرام بالذبائح ... وكان ينتظرهم مشوار مهم بعد الزيارة ... وما ان دخلوا عليه وبعد السلام ... يا ولد امشى جيب الخروف من الزريبة ... فحلف احدهم " على الطلاق ما تضبح لينا " ... فكان رده " ان كان كده على الطلاق تضبحوه انتو" واصحابك اتورطوا تأخير وكما ضبح .. ولك تحياتى ..
أمير يعلم الله الشـــوق مطر ياخ زمان حلتنا الصغيرة ديك بنشوفك كل يوم تقريباً هســـي الا في الاعياد والمناسبات الرسمية كالطلاقات هههههههههههههه هنا صاحبي احمد بن عوف يدقشك ولا حتى يسلم عليك ولا يقول ليك ســـوري غايتو جماعتك ديل اتسيكوا في قبولهم والله صحي
تحياتي
12-19-2012, 08:52 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
واحد اخونا عرس لبنانية.قشششطة بس فوق مرتو السودانية المرة السودانية قالت ليهو.اها ح تعدل بيناتنا كيف؟؟؟ قال ليها.انتي يوم وهي يوم............... قالت ليهو لااااااااااااااااا قال ليها خلاص اتي يومين وهي يوم قالت ليهو .ابداااااا ماممكن قال ليها اها انتي دايرة شنو؟؟؟؟؟ قالت ليهو ............انت يوم وانا يوم
اخواني اتنين مره ماشين زياره لقرية الحليله في ارياف مدني وعاوزين يرجعو سريع الخرطوم ففي الطريق اتفقو انو لما يصلو وعارفين الزول الماشين ليه بيحلف عليهم طلاق فوصلو وبعد ماشربو الشاي شافو عمك بيعافر في الخروف في الزريبه وشايل سكينو قالو لاخوي الكبير يمشي يحلف طلاق انوما يضبح وهم بيتفرجو من بعيد عليهم فشافو الزول المرسلنو يحلف طلاق شال السكين وضبح الخروف فمشو عليهم يازول نحنا رسلناك تحلف تمشي تضبح انت?قالهم والله الزول دا قلتلو علي الطلاق ماتضبح قال لي علي الطلاق تضبح انت هههههه
12-20-2012, 01:44 PM
عبدالله ود البوش
عبدالله ود البوش
تاريخ التسجيل: 08-12-2009
مجموع المشاركات: 6700
لوري فاتحة ملان بعد واجب العزاء قالوا اغشوا واحد قريبن في طرف الحلة واواصلوا المشوار طوالي عمك قال على الطلاق تتعشوا كلهم وبصوت واحد قالوا اتعشينا قال علي الطلاق كان تستحموا كلكن ههههههههههههههه والدنيا صقط جد وعمتك تسمع في الكلام طوالي جهزت الطشاشة
12-20-2012, 03:17 PM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
Quote: وعادل الباهي (أنا ما قابلتك صاح) لكني متأكد إنك عندك كم موقف منها
ود البشاري ياملك حبابك يازول والله البوست دا وقع لي في جرح غايتو هاك دي علي عجل وبرجع ليك المساء عندنا جدنا كدة جنو يحلف طلاق قام ساق ليك حـمارو لحوض ماء بالقرب من صهريج القرية يملأ لشراب المواشي قام قال لحـمارو حرم تشرب وسبحان الله الحمـار رفض يشرب كلو كلو ، قام مسك ليك الحمـار من أضنيهو وبينزل ليهوا رأسو للحوض بقوة ولمن يقرب للموية الحمــار يرفع ليك رأسو بقوة برضو المهم جنن ليك جدنا دا لمن عرق وجاتو فلايت لمن زهج خلاص شال ليك الموية بي يدو وكشح ليك الحمـار بالموية في خشمو وقال ليهو حرم شربت ياواطي
12-22-2012, 10:14 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: قال علي الطلاق كان تستحموا كلكن ههههههههههههههه والدنيا صقط جد وعمتك تسمع في الكلام طوالي جهزت الطشاشة
أووووووووو حبيبنا ود البوش
كيف حالك ياخ وبمناسبة جيتك دي النحكي ليك دي
مرة عزمنا واحد زميلنا فطور رمضان والسنة ديك رمضان مسخن سخانة جد طلعنا كلنا من البركس ومشينا الفطور ولسوء الحظ كان معانا انصار جديد لنج بعد الآذان اذن ويا دوب اكلنا لينا بلحتين وحللنا صيامنا وطبعاً الفطور كان في الشارع انصار السنة دا كب وقف فووووق وقال لينا الصلاة يا جماعة .. المغرب ما يفوتنا في عمك عجوز كدي الظاهر رمضان مسخن معاهو شديد زعل ليك من انصار السنة دا زعل شديد وطوالي قام رد عليهو العجوز: دحين يا ولدي الصلاة دي بشيلها كــلـــب؟ انصار السنة : لا يا حاج العجوز : أها وقت ما بشيلها كـــلـــــب حرم كان تقعد وتكمل أكلك لأنو الأكل دا بشيلو الكـــلــــب
12-22-2012, 09:38 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: فشافو الزول المرسلنو يحلف طلاق شال السكين وضبح الخروف فمشو عليهم يازول نحنا رسلناك تحلف تمشي تضبح انت?قالهم والله الزول دا قلتلو علي الطلاق ماتضبح قال لي علي الطلاق تضبح انت هههههه
ههههههههههههه دا اسمو الطلاق المضاد زولكم شرب المقلب تمام يا عثمان
تحياتي
12-22-2012, 09:35 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة