Post: #1 Title: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 01:13 AM Parent: #0
إتذكرت الجماعة القالوا عندنا سبق حمير !!! والله صحي...
Post: #2 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 01:16 AM Parent: #1
و اخيراً إنضمّ إلي الركب السيّد هشام آدم.
النخبة السودانية وإدمان الفشل. منصور خالد...
Post: #3 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 01:19 AM Parent: #2
أنا شخصياً منتظر كذبة أفدح من كذبة المهدي المنتظر، ألآ وهي خطبة البشير في عيد الإستقلآل.
يا جماعة ما تأجلوا المهدية حقتكم دي تخلونا نشوف البلد دي رآكبة ياتو موجة ؟؟؟
غايتو كان دا حال مُثقفينا والنُخبة منا، الرماد كال حماد...
Post: #4 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 01:23 AM Parent: #3
هسع جدادة الإنقلآبيين واللآ الإصلآحيين دي ما تخلو روحها ترتفع إلي أعلى عليين أو تنخفض إلي أسفل سافلين، بعدين العندو مهدية، واللآ نبوءة يتحفنا بيها.
لك الله يا وطني.
أنعم بطول سلآمة يا المؤتمر الوطني. يا البشير وجماعتو نوموا قفا...
Post: #5 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 01:32 AM Parent: #4
الجنيه السوداني وصل الدرك الأسفل واللآ لِسّع ؟؟؟
وصلنا وين في التعليم ؟؟؟
وصلنا وين في الصحة ؟؟؟
هو نحن زاتنا ضاربين ياتو قِبلة ؟؟؟
فضلنا نحلم ونمني النفس بأولآد بلد قلبهم علي البلد وعلي أهلهم يخلصوا البلد من الورم السرطاني القبيح الذي شوّه جسمها، ويصلحوا حال الغلآبة. فإذا بالأيام ترمينا بمهدي منتظر في معيته نبي يتبعهم حواريين.
آآآآآآآآآآه يا وطن، لك الله...
Post: #6 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 01:46 AM Parent: #5
فلتستأسد الثعالب وللتتبختر في ربوع البلد الضباع. سنظل نبحث وسط حُطام مثقفينا عن دراج عاطلة يخرج من صلب الغلآبة أهلنا كي يحق الحق ويبطل الباطل، فلسنا في حوجة إلي مهديكم، ولا في حوجة إلي أنبياءكم.
إستغربت للإنجراف الحصل من هذا الكم الهائل نحو بوسطات الخزعبلآت والدجل، وتذكرت حال المسلمين يوم تركوا نبيهم يخطب في خطبة الجمعة ويمموا صوب العير، فكأنما العير هي طوق النجاة، وكأنما بوستات الهوس واللوث بأهمّ من حال البلد حتي تحظى بكل هذا الإهتمام....
Post: #7 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 03:31 AM Parent: #6
لِسّع دايرين نعمّر، ودايرين نحج. باركوها يا جماعة.
اللهُمّ إهدنا إلي ما تحب وترضى...
Post: #8 Title: Re: يا سـاااااتر ... يـا جـمـاعـة بـاركُـوهـا ... Author: عزالدين عباس الفحل Date: 12-19-2012, 04:54 AM Parent: #7
Post: #9 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-19-2012, 07:59 AM Parent: #8
الوِليد سوينالوا اوّل جديد، يعني طهرناهو. أها بندور نشوف جديدهم هو وإخيتو، وكمان بدور أشوف جناهم وأضمو شديد علي سدري وأكرُف ريحتو. يا ناس ضايقين مالكم ؟
كدي ما فيكم زول عندو خبر من عمر البشير ؟ الزول قالوا عيان .
عندنا جدناً لينا قبل الليلة إدعى إنه سيدنا عيسي خليكم من حكاية المهدي دي. أها قام مشى الحج، وهناك طلع فوق الجبل وخطب في الناس مشهراً عيسويته. مسكوهو ناس الأمن ######شوهو وكشوهو، وفي اسناء سايقنو قال في وآحد تكروني كان بيقول لناس الأمن، يا جماعة سيبوهو يمكن هو من عارف !!!؟
هسّع مهدينا دا في ناس أوردي تبعوهو وأمنوا به رغم إنو مدة كرامتو زمنا بسيط جداً، يعني لو عمل تمديد لمدة 6 شهور لأتوه رجالاً وركباناً من كل فجٍ عميق. إنه الفراغ. فإذا فرغت فانصب...
يا اخي البلد إتملت خوازيق ومعاها كواديك كمان. والله صحي. الجماعة عايزين يعملوا إنقلآب صدقوا الفكي ورسلوا ليهو الجدادة مع رتبة عالية في الجيش!!! عمّك البشير بلة الغايب الدجال يكبليهو في العسل وهو يلحس!!! هسّع الجماعة محسن خالد جراهم قطر وراهو، وشابكم ليك أنا حا أطير، وأنا حا أفحِط، وامشي مشي العقرب، وحا اشيل معاي نار العويش، وهلمّ جرآ. وظهروا في الصورة بتاعين الدراما والعواطف الجياشة، وشبكونا ليك هذا الرجل في محنته محتاج نقيف معاهو، ولآزم نبذل كل ما في وسعنا عشان نساعدوا، وبعد شوية راح تلقى بوست معلق في حبل بكري فوق (أدعوا لأخوكم محسن خالد في محنته)، وعندها العميان راح يجي شايل المكسر. السيد محسن خالد مطير عيونوا وشابكم ليك كتابة بغادي وهو في كامل قواه العقلية، والعالمين دي كلها تركت مُشهادا وبركوا عن راس محسن خالد، ومحسن خالد هذا يكون ميّت من الضحك بغادي. لِسّع البلد عليها كتير عشان تتحرر قبل ان تتقدم. والله صحي...
طبعا يا زميل شكل الصراع حيكون مختلف جدا .. عشان كده حقو الناس تتجاوز خطاب ما قبل القيامة سريع وتركز فى الحتميات الجديده .. والصراع الجاى محتاج نفس طويل يا معاوية .. وانتباه
Post: #14 Title: Re: يا سـاااااتر ... يـا جـمـاعـة بـاركُـوهـا ... Author: عبد المنعم سيد احمد Date: 12-19-2012, 03:48 PM Parent: #13
يمين الله ياود المدير بوست واحد عن يوم القيامة وله القيامة القايمة فى البورد دا عملت عليه كلك وله شفت الحاصل فيهو شنو مافى ياخى معقول الموضوع جد جد عن القيامة الله يجيب العواقب سليمة بالله فى قيامة ممكن نتنبأ بيها اكتر من قيامتنا القايمة فى السودان دا محبتى التى تعلم
Post: #15 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-20-2012, 04:30 AM Parent: #14
عندنا بوستات كمان دايرين نكتبن في الربع الجديد، ونافع دا هسّع يمرق من إيدنا كدي سااااكت،،،، عآد دا كلآم دا ؟؟؟
يا جماعة أدوسها صنّة، والله العظيم وكتكم الحددتوهو دا ما بيخارج معانا...
Quote: طبعا يا زميل شكل الصراع حيكون مختلف جدا .. عشان كده حقو الناس تتجاوز خطاب ما قبل القيامة سريع وتركز فى الحتميات الجديده .. والصراع الجاى محتاج نفس طويل يا معاوية .. وانتباه
سلآمات يا ود المشرف.
صدقت يا ود المشرف، والله يدينا نفساً نغتسبو في موية السرآب الدآلقة فوقنا دي. قيل، أن القبرأهون مما بعده. هسّع نحن دخلنا القبر، دحين شدوا الضراع للجاي. إذا تخيلت حال البلد يا ود المشرف والله تتعجّب!!! كدي أرجع البصر في الخرآب الحاصل، وأراهنك سوف يرتدّ إليك البصر خاسئاً وهو حسير. لن تجد محدودية للدمار الحاصل، وبعد دا كلوا يأتيك أحد مثقفيها يقولك أمنوا بي وإلا مأواكم جهنم وبئس المصير. ظاهرة يجب أن نتعامل معها بكل حزم ليس في إطار محسن خالد وحسب، بل في إطار البلد كلها. البلد أصبحت مرتع خصب لمثل هذه الخزعبلآت. ربّك يستر غايتو ...
Post: #17 Title: Re: يا سـاااااتر ... يـا جـمـاعـة بـاركُـوهـا ... Author: معاوية المدير Date: 12-21-2012, 02:06 AM Parent: #16
Quote: يمين الله ياود المدير بوست واحد عن يوم القيامة وله القيامة القايمة فى البورد دا عملت عليه كلك وله شفت الحاصل فيهو شنو مافى ياخى معقول الموضوع جد جد عن القيامة الله يجيب العواقب سليمة بالله فى قيامة ممكن نتنبأ بيها اكتر من قيامتنا القايمة فى السودان دا محبتى التى تعلم
عبد المنعم يا صديق، أخبارك والأُسرة الكريمة ؟
علي قولك البلد قيامتا قايمة، و والله يا عبد المنعم ما بتتحمل العبث البيحصل دا. الله غالب.