شباب بمنطقة الليري يعثرون على 120 كيلوجرام ذهب والان بالمستشفى

عثر 3 شباب على 120 كيلوجرام ذهب ( تقدر قيمتها بحوالي 6 ملايين دولار ) وذلك بمنطقة الليري بجنوب كردفان واصيب الشباب بحالة هستيريا واغماءات نقلوا على اثرها الى المستشفى وظلوا بها حتى ظهر اليوم .

كل كنز حارسو جان




قولوا بسم الله

بسم الله الرحمن الرحيم

اللهم أشفهم وردهم لأهلهم سالمين،
فعلا كردفان خيرها بره وجوه ،
ليتهم يتبرعون بجزء من هذا المبلغ لصالح الصحة والتعليم
بولاية جنوب كردفان حيث أن مواطن هذه الولاية تضرر كثيرا بسبب الحرب

سلامات نيستا
و المية وعشرين كيلو دي قطعو واحدة ولاّ قطع أصغر؟
لو قطعة واحدة غير قيمتها دا ريكورد قياسي افتكر

معتصم إزيك


أها إنشاء الله بعد ما يطلعوا من المستشفى ما يلقوا الحكومة شالت 80% ضرائب

واتوقع أن تتضاعف الهستيريا بعد خروجهم من المستشفى
لأنهم سيجدوا بجوارهم ناس الضرائب
والمحلية
وجماعة دمغة الجريح
ودمغة المفلوق
وجماعة عزة السودان نحن فراسا نحن حراسا !!!
وحتماً لن يتبق لهم سوى جرامات معدودة

Quote: واتوقع أن تتضاعف الهستيريا بعد خروجهم من المستشفى لأنهم سيجدوا بجوارهم ناس الضرائب والمحلية وجماعة دمغة الجريح ودمغة المفلوق وجماعة عزة السودان نحن فراسا نحن حراسا !!! وحتماً لن يتبق لهم سوى جرامات معدودة

ابحراز يا جميل ..

الكلام ده بندفعوا نحنا لكن ناس التنقيب العشوائي ما بدفعوهم غير رسوم المحلية وهي شئ بسيط جدا ..

Quote: معتصم إزيك أها إنشاء الله بعد ما يطلعوا من المستشفى ما يلقوا الحكومة شالت 80% ضرائب

سلامات عاصم

الحكومة ما بتشيل ضرائب من المنقبين العشوائيين او ( التنقيب الاهلي ) وهناك رسوم محلية معروفة ومحددة وهي ليست كبيرة ..

Quote: سلامات نيستا و المية وعشرين كيلو دي قطعو واحدة ولاّ قطع أصغر؟ لو قطعة واحدة غير قيمتها دا ريكورد قياسي افتكر

والله يا ود البشرى لسه معلومات تفصيلية ما جاتنا لكن في الغالب بتكون قطعة واحدة لكن الجماعة بكونوا تفوها تف سريع .. زي الستين كيلو بتاعت الرشايدة ناس الجيولوجيا جو جارين يحصلوها لقوها قطعوها حتة حتة وبالفعل قيمتها كقطعة واحدة كانت ستكون اكبر .

Quote: بسم الله الرحمن الرحيم اللهم أشفهم وردهم لأهلهم سالمين، فعلا كردفان خيرها بره وجوه ، ليتهم يتبرعون بجزء من هذا المبلغ لصالح الصحة والتعليم بولاية جنوب كردفان حيث أن مواطن هذه الولاية تضرر كثيرا بسبب الحرب

سلامات يا ابو صلاح

بالفعل كردفان خيراتها كثيرة والملاحظ ان الذهب الذي ياتي من تلك المناطق عياراته عالية جدا في الغالب تقترب من الذهب الصافي 999.9 ..

Quote: كل كنز حارسو جان

سلامات يا ابو عبيدة

فعلا الجان عندو معانا قصص كتيرة لكن مع الذهب المشغول بس والدهب ده خام الجن ما عندو معاهو طريقة ...

سلام يا نيستا ..

الجماعة ديل اول حاجة يفكروا فيها إنو يأجروا ليهم شركة أمنية
ومخزن مؤمّن تأمين شديد، ولو في طريقة يأمنوا على الكمية دي ..

Quote: فعلا الجان عندو معانا قصص كتيرة لكن مع الذهب المشغول

ده البيهمني في الموضوع ( الجــان ) ..
سيرتهم تأسرني جداً ، وبحب أسمع حكاويهم..
الجماعة ديل ( أصحابي ) ..
بالله يا معتصم أحكي لينا عن قصصكم معاهم..

Quote: بالله يا معتصم أحكي لينا عن قصصكم معاهم..

يا ابو صلاح ..

قصصهم معانا ولا قصصنا معاهم ؟؟

Quote: قصصهم معانا ولا قصصنا معاهم ؟؟

الإتنين يا معتصم بالله.

اخى معتصم

سلامات

هل هناك تنقيب عشوائى فى منطقة جبال النوبه بشكل واسع وبدخول شركات مثلما يحدث فى مناطق الرباطاب بشمال السودان? وماهى المناطق التى يتم
فيها التنقيب عن الذهب?

مع ودى وتقديرى

Quote: ى معتصم سلامات هل هناك تنقيب عشوائى فى منطقة جبال النوبه بشكل واسع وبدخول شركات مثلما يحدث فى مناطق الرباطاب بشمال السودان? وماهى المناطق التى يتم فيها التنقيب عن الذهب? مع ودى وتقديرى

سلامات ابو نورا

هناك تعدين عشوائي ( تنقيب اهلي ) في منطقة الليري تحديدا ومناطق قريبة منها .. ولا يوجد تعدين منظم ( شركات) حتى الان في تلك المناطق .

عزيزنا المعتصم
سلامات
ياخ الدهابة ديل ناس مكافحين كفاح عجيب كان جماعة الليري
وكان جماعة وأدي قبقبة الشباب ديل ناس عندهم صبر يسل الروح .
وناس جد شجعان والكلام عنهم وعن صبرهم ما حيكمل .
في زيارتي الأخيرة للسودان مشيت لي بعض من مكانات الدهب الما بعيدة من جمبنا .
والله هناك الزول يشوف العجب يا معتصم .

Quote: عزيزنا المعتصم سلامات ياخ الدهابة ديل ناس مكافحين كفاح عجيب كان جماعة الليري وكان جماعة وأدي قبقبة الشباب ديل ناس عندهم صبر يسل الروح . وناس جد شجعان والكلام عنهم وعن صبرهم ما حيكمل . في زيارتي الأخيرة للسودان مشيت لي بعض من مكانات الدهب الما بعيدة من جمبنا . والله هناك الزول يشوف العجب يا معتصم

والله يا عثمان زعلان منك عشان ما جيت غاشيني ..

المرة الجاية يا زول يا جميل انشاء الله

من اجمل ايام حياتي تلك التي قضيتها في صحراء الشمالية شمال منطقة ابو حمد وحتى الحدود المصرية ووقتها لم يكن هناك أحد وما كنا نتوقع ان ياتي كل هذا الذهب من هناك عقب عودتنا ورأينا الموت اكثر من مرة ..

Quote: الإتنين يا معتصم بالله.

نشاور..

تشاور الجن؟؟
كان كده ما هاتحكي اي حاجة..
عليك الله أحكي أنا زي صلاح أخوي ده بحب الحكاوي دي..

بختهم الشباب اللقي الدهب ده..
أن شالله أهلهم مايتهموهم يالجنون ويحجروا عليهم!

كيفك يا معتصم؟

Quote: شاور الجن؟؟ كان كده ما هاتحكي اي حاجة.. عليك الله أحكي أنا زي صلاح أخوي ده بحب الحكاوي دي.. بختهم الشباب اللقي الدهب ده.. أن شالله أهلهم مايتهموهم يالجنون ويحجروا عليهم! كيفك يا معتصم؟

مرحب بالملكة ..

أعدك أن افتح بوستا منفصلا فالامر أكبر من أن يذكر ضمن بوست والوعد متصل لأبو صلاح ..

يا عمك
يعني نجي شايلين طوريتنا وخلاص