Post: #1 Title: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-17-2012, 05:07 PM
اسمعها عند ابوداؤود فأحس انه لا حد للغنا ابعد منها اسمعها عند عصام محمد النور أحس ان االغناء قد انتهي هنا المهم و ارقص كما كان يرقص الراحل المقيم خضر بشير رقص بين الجذب و الخشوع و الجنون و الخلاعة يا جماعة يكون الواحد جنا و لا كيف ؟
طه جعفر
Post: #2 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-17-2012, 05:09 PM Parent: #1
Post: #3 Title: Re: يا جماعة البفكني شنو من مساء الخير يالأمير؟ ألحقنا يا خليل Author: Al-Shaygi Date: 12-17-2012, 05:16 PM Parent: #1
Quote: اسمعها عند ابوداؤود فأحس انه لا حد للغنا ابعد منها اسمعها عند عصام محمد النور أحس ان االغناء قد انتهي هنا المهم و ارقص كما كان يرقص الراحل المقيم خضر بشير رقص بين الجذب و الخشوع و الجنون و الخلاعة يا جماعة يكون الواحد جنا و لا كيف ؟
طه جعفر
إت قايل البين العقل والجنون شنو؟ ما شعرة...
أريتنا نجنً يا إبن عمي عشان نرتاح من هموم الدنيا ونسوي الدايرنو بلا حرج....
Post: #7 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-17-2012, 05:43 PM Parent: #4
دا ما ولدنا ود القضارف اخو بكري الشريف ديل اشراف و اسياد بلد ديل عزهم في الثقافة و الفن و الدين راسخ اصواتهم من فونج عميقة وسمرتهم سمرة يعقوباب اشراف جد جد موش ادعاء ديل ناس زي ما بقول ابوي ناس بركتهم كبيرة الله ينفعنا بيهم
شكرا يا محمد الشيخ الارباب
Post: #26 Title: Re: يا جماعة البفكني شنو من مساء الخير يالأمير؟ ألحقنا يا خليل Author: محمد علي عثمان Date: 12-19-2012, 04:17 AM Parent: #7
Quote: دا ما ولدنا ود القضارف اخو بكري الشريف ديل اشراف و اسياد بلد ديل عزهم في الثقافة و الفن و الدين راسخ اصواتهم من فونج عميقة وسمرتهم سمرة يعقوباب اشراف جد جد موش ادعاء ديل ناس زي ما بقول ابوي ناس بركتهم كبيرة الله ينفعنا بيهم
شكرا يا محمد الشيخ الارباب
بكري الشريف ولا ابوبكر الشريف ؟
ديل ما اهلنا يا خليفة
شكرا الأخ الصديق طه جعفر ، تحياتنا للاسرة وكل عام وأنتم بخير
Post: #5 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-17-2012, 05:33 PM Parent: #3
في الستينات أم جمع محترم من اهلنا الكبار حفلا كان مغنيه ابوداؤود و كانت مناسبة الحفل هي الاحتفاء بمغادرة ابن القضارف المحامي الفذ لتنظيم الاخوان المسلمين كان من ضمن حضور الحفل الراحل الرشيد الطاهر ! يأتي ابوداؤود الي القضارف لمناسبة بهذه الروعة فلتعش سيرة آبائنا و اعمامنا الافاضل و لتعش ذكري ابوداؤود فسيرته تملأ بيوتنا بالفرح الحمد لله مازلت احتفظ بعلاقة طيبة مع انجال ذلك المحامي الفذ يا حليلك يالقضارف
شكرا يا شايقي و الجن حبابو
Post: #6 Title: Re: يا جماعة البفكني شنو من مساء الخير يالأمير؟ ألحقنا يا خليل Author: صبري طه Date: 12-17-2012, 05:33 PM Parent: #3
Post: #8 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-17-2012, 05:44 PM Parent: #6
شكرا صبري مساء الخير يا القضارف
Post: #9 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-17-2012, 06:04 PM Parent: #8
رفاق الرقص المجنون في حفلات جامعة الخرطوم ابتداءً من المرحوم مجدي سيد قاسم الحي اخضراً في خاطري و لن انساه نزار ابراهيم و حنفي و الصومالي و ليد حامد و رفاق رقص اماجد امثال شوقي اسماعيل جمال صالح امير بابو كنا نرقص بجنون نحتفي بفانينا و هم يحيون حفلات الجامعة وحفلات اهل الاصدقاء في مناسباتهم يصفنا الكيزان بالصعاليق و المتبذلون كنت اقول لاصدقائي انهم يكرهون حبنا للحياة و يخافونه فنح نحب الحياة و لنا بها غرور و هم ناس موت و خراب الله يخزيهم الرقص يطلق عنان النفس و يفكك القيود عن مرابط الشعور عشان كدا امهاتنا عندهم الظار الرقص شفاء للنفوس من كدر الحياة السخيف
طه جعفر
Post: #10 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 00:28 AM Parent: #9
افتقد اصدقائي و الونسة معاهم الشتاء هنا صعب يا جماعة ساعدونا بيس و جكة كمان عشان الواحد ما يتلب من بلكونة اتقدينا قد في كندا و اسميها الآن كنبا الله ما يوريكم
Post: #11 Title: Re: يا جماعة البفكني شنو من مساء الخير يالأمير؟ ألحقنا يا خليل Author: عبد اللطيف بكري أحمد Date: 12-18-2012, 01:38 AM Parent: #10
غايتو البوست دا عنوانه خلعني ومحتوياتو جهجهتني زيادة ومابين طه جعفر وصبري طه تاهت افكاري معاكم: وظهر حسن الشايقي زاد الخلعة: اول حاجة العنوان قلت اخونا طه جعفر دا أكيد سمع خرمجتي وانا بغني الاغنية دي ، طبعاً اخوك اشهر من يغني لنفسه عشان ما اكون مسئول من اي ارتفاع في ضغط زول ولا فقت مرارة آخر،
تاني حاجةجيت لقيت صبري خاتي صورتي في بروفايلو وبالعود : قلت بس اكيد عمنا جعفر سمعها وتفجر غيظاً ،،، (بعدين صبري دا بخت الصورة دا وانا عارفه يا اكون انا انقرضت ، ولا برشلونا تصدر الليغا خلاااااس)
تالتاً : ظهور حسن الشايقي ( وهو الوحيد العندو تسجيلي لخرمجة مقطع من الاغنية)
والله راسي انفتح!!! عموما : ابوداوؤد وعصام امتاع حد الدهشة والاغنية ولا اروع ،،
سلام ياحبيب ، والله مايحلك منها
Post: #12 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 01:57 AM Parent: #11
كان الصادق صلاح صديقا في عز انوار النجف جميل الملمح حسن العبارة و صديقا لا تمل رفقته و تكره ان يمضي عنك و كان يحب اغنية " شال النوار" و كنا نحبها معه لأن الصادق زول محبوب احبننا الغنا من أجل رضاه و خطب وده فهورجل سهل و كريم كمطر القضارف التحية للاخوات كلهن و الخالة عفاف و التهنئة للعم صلاح عوض الرسام علي هذا الجمال فلتدم ذكراك فانت في سمائنا نجم فلتدم يا الصادق و ليشيل نوارك حقلا من ألق
طه جعفر
Post: #13 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 03:22 AM Parent: #11
الاخ عبد اللطيف بكري تعرف انا الاغنية دي انا بمسكا زي الورد الا يفكني منا الله شغال سيكورتي اغنيها و اشتغل للخواجات ربك يستر المهم بتاعت تبارك غناك ليها بركبك نفس السرج معانا ربنا يغطي عليك
طه جعفر
Post: #14 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 03:50 AM Parent: #13
ليه يا عصافير الخريف خضرة مشاعري اشيلا صيف
Post: #15 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 03:57 AM Parent: #14
الي صديقاتي برد الروح و غنائها اليهن خنساء انشراح اميمة اليكن الغنا كله و الاعزاز اتذكر لحظات عزيزة و ايام من الفرح كان لقائكن من ضمن الاحتمالات
طه جعفر
Post: #16 Title: Re: يا جماعة البفكني شنو من مساء الخير يالأمير؟ ألحقنا يا خليل Author: يحي قباني Date: 12-18-2012, 04:23 AM Parent: #13
الجميل طه جعفر ...
والاخوة الافاضل ...
و لغاية ما يجي خليل ملك النوادر ...
ليحدثنا عن الامير ابو داؤود الذ امتلك ناصية الغناء الخفيف و التقيل ... وعرف مكنونات الحقيبة فأبدع ...
لكم .. واحده من اجمل تسجيلات مساء الخير يا أمير ...
Post: #17 Title: Re: يا جماعة البفكني شنو من مساء الخير يالأمير؟ ألحقنا يا خليل Author: يحي قباني Date: 12-18-2012, 04:50 AM Parent: #16
قيل ان عبدالعزيز مرة ذهب إلى عطبرة فسمع مطرباً مغموراً يغنى أغنية بهره لحنها لم يتذكر منها سوى قول المطرب (مساء الخير يا أمير) ولكن اللحن استقر في حنجرته فلا يبرحها، وحين لحظ المغنى إنصات عبدالعزيز المركز، شعر أن الرجل بسبيل أن يختطفها ويستعمرها فامسك عن الغناء، ولكن قضي الأمر، استقر اللحن في ذهن عبدالعزيز.. بقى النص، ليست هناك مشكلة سافر عبدالعزيز إلى شندي، وحمل قضيته لمؤلف الأغاني على إبراهيم خليل، واسمعه اللحن وكانت الكلمات، بعضها (عار الصيد منك عيون، أهدت ليك البانة لون)..
Post: #18 Title: Re: يا جماعة البفكني شنو من مساء الخير يالأمير؟ ألحقنا يا خليل Author: سيف الدولة كامل Date: 12-18-2012, 06:55 AM Parent: #17
سلامات طه جعفر وصيوفه الكرام
في انتظار الجميل خليل ,,
Post: #19 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 03:16 PM Parent: #18
الاعزاء يحي قباني و سيف الدين الكامل لقد نورتم المكان بالمساهمات الانيقة فلكما شكري و تقديري
طه جعفر
Post: #20 Title: Re: يا جماعة البفكني شنو من مساء الخير يالأمير؟ ألحقنا يا خليل Author: عبد اللطيف بكري أحمد Date: 12-18-2012, 07:27 PM Parent: #19
الكريم عبد اللطيف بكري أحمد السلام عليكم ورحمة الله توش في الموضوع...
لو ممكن أرجوا شاكرا أنك تنزل اللينك بتاع اليوتوب في البوست المعني.
شكرا تاني :) مع وافر إحترامي وتقديري!
مهند
Post: #21 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 08:11 PM Parent: #20
الاخ الغالي عبد اللطيف مصطفي صاحبنا الهام و انا و لنا معه تجارب و ذكريات لطيفة و نحب صوته هذه الهدية منك في غاية الكرم فلتدم و ليدم الطرب و ليعش مصطفي السني بصوته الجميل ليمتعنا بجميل الغنا
طه جعفر
Post: #22 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-18-2012, 08:13 PM Parent: #21
يا بكري انا نقل لنكات البوسات ما بعرفو يا بكري لو سمحت لم لينا البوست الي ما بعد الارشفة ح اضرب ليك تلفون بعدين البوست بقي اخضر و مليان جمال
طه جعفر
Post: #23 Title: Re: يا جماعة البفكني شنو من مساء الخير يالأمير؟ ألحقنا يا خليل Author: حبيب نورة Date: 12-19-2012, 02:11 AM Parent: #22
يا سلااااااااااااام هكذا نقولها ممدودةَ الألفِ في الملمات الجسام . يا سلام !
عبد القادر الكتيابي
ــــــــــــــــ
والله إنت الخاتي يا طه الخلاك شنو تسمع مساء الخير بصوت سيدي الإمام عبد العزيز محمد داؤود قدّس الله سره ؟
Post: #24 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-19-2012, 02:34 AM Parent: #23
اسمع الموسيقي المصاحبة للصوت الجليل و الصوت الجليل هو صوت عبد العزيز محمد داؤود فأري برعي بملامح جملت اعواد العرب العاربة و المستعربة و تنتاشني أسهم كمنجات عبدالله عربي عوض رحمة بدر التهامي نسيب صديقنا في بورد مجاور و هو مصطفي آدم و العم الراحل حسين جاد السيد والد صديقي عاصم حسين و العم عوض صالح( النمسي) والد الكنز الجميل جمال صالح و اسمح خشخشة الكونترباص باصابع المرحوم حامد النقر والد العزيزة نجوي زوجة حبيبنا الروائي حامد البدوي البشير الكاتب الذي ستحين مواعيده مع ازدهار مواسم خصب الثقافة السودانية. رقرقة الرق و راقراقه علي ايادي ابونا خميس مقدم المتقدمة في الطرب وعشان خاطرك يا حبيب نورة و يا قباني قايم لي علي كاس تاريخي من رحيق مختوم غايتو بحبكم حب الله يقدركم عليهو
Post: #25 Title: Re: يا جماعة البفكني شنو من مساء الخير يالأمير؟ ألحقنا يا خليل Author: طه جعفر Date: 12-19-2012, 03:13 AM Parent: #24
تعرف يا قباني انا البوست ساكن فيهو عديل و بكون من الصباح الايام دي انا في اجازة بكون سمعت ابوداؤود زي ثلاتين مرة و لسع الطرب ما كمل و لا انا شبعت غايتو يا قباني مافيش حاجة اقولا ليك غير ربنا يوديك الجنة لأنك أحسنت لأحد العباد المساكين في كندا الباردة
طه جعفر
Post: #27 Title: Re: يا جماعة البفكني شنو من مساء الخير يالأمير؟ ألحقنا يا خليل Author: khaleel Date: 12-19-2012, 02:31 PM Parent: #25
يا طه
ذكرتنا الصالحين المرحوم مجدي
والحلوين وليد حامد ونزار وعلاء وقدورة الطويل وعثمان عبدالخالق وكل الحلوين في كلية العلوم