بشري سارة : بعد شفاء الحبال الصوتيىة يصدح الريس باعياد الاستقلال

بشري سارة : بعد شفاء الحبال الصوتيىة يصدح الريس باعياد الاستقلال


12-17-2012, 10:25 AM


  » http://sudaneseonline.com/cgi-bin/sdb/2bb.cgi?seq=msg&board=410&msg=1355736309&rn=3


Post: #1
Title: بشري سارة : بعد شفاء الحبال الصوتيىة يصدح الريس باعياد الاستقلال
Author: عباس الدسيس
Date: 12-17-2012, 10:25 AM
Parent: #0

في حوار مع " افريقيا اليوم أجاب نافع على نافع القيادي في حزب البشير في سؤال عن صحة الرئيس البشير بعد العملية خصوصا أنه مقلا الآن في ظهوره؟ فقال : "الرئيس طلب منه ألا يتحدث كثيرا، لكنه غير مقل في الظهور، يمكن يكون مقل في الكلام، لأنه العملية في الأحبال الصوتية، لكن الرئيس موجود في كل الافراح والاتراح وفي الاجتماعات الراتبة في مكتبه ، فالرئيس ليس مقلا، وليس مقلا في متابعة الدولة، ولكنه مقل لفترة فقط عن الحديث الجماهيري الكبير نأمل ألا تطول هذه الفترة. وان شاءلله سيخاطب الناس في أعياد الإستقلال."

بالله عليك الله بلد تدار سياسيا بحبال صوتيه ما بتخجل يا نافع انت حسي مستشار رئيس جمهورية استغفرتك يا مالك روحي طيب ياخ مره واحده ضم عليك ((الحوت)) محمود عبدالعزيز واشتغل ليهو منسق حفلات
اتبشرنا بتعافي صوت الريس والظهور في اعياد الاستقلال يعني خلاس مشكلتنا اتحلت وملك الطرب عمر البشير سوف يظهر بعد غياب طويل من علي مسارح الهواء
والي الان مستمرين في غيكم وكذبكم وضايرو في فشلكم وإن تعافت حبال الريس هل سوف تكون مجازيا حبال عشميق لكي تجر السودان وتنتشله من ازماته الاقتصادية والاجتماعية والانسانيه
قال حبال بتضحكو علينا ....فعلا حكومة مسخرة وشلة مهرجين سياسين .
قال ليك مسطول راكب عجلة ماشي اشتري ليهو فول ورغيف صدم قدرة الفول صاحب الدكان ضخم الجثة والمسطول نحيف كرعينو ما شايلاتنو بتاع الدكان طلع ليهو بره طاخ طراخ جابو الواطة
المسطول قام تاني اتفاصح ..... انا بشتكيك للبوليس
صاحب الدكان طاخ طراخ كبسو كم شلوت وبنيه ورماهو في الارض ورسم ليهو دائرة موقع الجريمة بطبشيرة وقال ليهو يلا اتصل علي البوليس وخليهو انصفك الجريمة ورسمتها ليك وكان راجل اتحرك من هنا الله لا كسبك ضيعت لي ايراد اليوم كلو
وصاحب الدكان راجع لي دكانو سمع ليك المسطول كاااااااااااااااك اضحك
كسر نور العجلة والميزان
وتاني هو راجع للدكان سمع ليك المسطول كاااااااااااك اضحك
شرط لساتك العجلة وكسر البدال
وتاني هو راجع سمع ليك المسطول كااااااااااااك اضحك
شال نار قدرة الفول حرق بيها العجلة وجسمو كلو اترقط وارجف مشي للمسطول والغضب يتطاير من عينه قال ليهو اسمع انت عايز تجنني هرستك هرس وكسرته عجلتك والقاك تضحك علي .....
المسطول قال ليهو انت كل ما تديني ضهرك انا بلعب عليك واطلع كراعي من الدائرة الرسمتها لي.
طوالي احنا في دائرة الكذب والغش وانتو شغالين قرف بي ورانا في السودان كسير ونهب نسوي شنو نضحك يا نافع خلاس الحبال قربت تشفي...
طيب منتظرين حفل راس السنة.
السيد/ المستشار قال حبال صوتية منعت الريس من الظهور الي جمهور المعجبين وسوف يتم تاجير المسرح والاستعدادات لحفل الاستقلال والدخول مجانا ممنوع اصطحاب الاطفال والحفاظ علي كراس الجلوس ما تنسي المواعيد والزمان وما تشيل هم مادام مجانا كسير كراسي مافي وقت ما عايز الريس اجينا مافي مشكله انشاءالله اتاخر 24 ساعة ويلغي الحفل ونحدد يوم عشرة بداية السنة وعيد الاستقلال كلو جائز مافي مشكلة بالله بلغ الريس قول ليهو ما تستعجل للظهور مافي زول منافسك بي راحتك تعال لينا بعد ان تشفي وتبقي طيب والشعب في شوق لانتظار خطبك.
اخوانا المصريين الاتوكحو بكيزان مصر وبفتشو زينا المخارجه من نكاتهم :
قالوا للريس ما حاتقول خطبة تودع بها الشعب.
قال لهم ليه هو الشعب ماشي وين ؟؟؟؟
أهو في انتظارك وشكرا كتير ليك يا نافع وصلنا خبر الحبال وتعافيها.

Post: #2
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: أحمد الشايقي
Date: 12-17-2012, 10:33 AM
Parent: #1

المهم سعر اللحم والرغيف وجالون البنزين وأجرة البيت وأسعار الخضروات وتكاليف العلاج (داخل السودان) ..

موضوع الخطب وعلي الحرام وعلي الطلاق دا ... لا يهم الشعب في شئ ..

الشعب أصبح يعلم علم اليقين ... (أنها ليست لله) ...

Post: #3
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: عبدالمنعم الطيب حسن
Date: 12-17-2012, 10:53 AM
Parent: #2

عباس سلام ،
ويا ترى ماذا يقول الرئيس بعد شفاء (الاحبال) الصوتية ؟
في اعياد الاستقلال كمان ،
والوطن نفسه تقلص ، وتراجع ، وتخلف ...
المواطن كفر به او كاد ...
انعدم الافق واسوِد تماما امام جيلا كاملا
بل كل الاجيال ...
وطن لا به
خبر،
ولا حرية ...
وطن يُقتل الطالب فيه لمجرد نه لا يستطيع دفع الرسوم، يالها من باهظة ،
منطق معوج يا تدفع، يا كمان نكتلك !
هذا الرئيس وشلته وحزبه ،
لم يعد لديهم مستمعين ابدا ...
فحقوا ..
لا يفقعوا مرارتنا ،
ويستحوا قليلا ،
وينقطونا بسكاتهم ....

Post: #4
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: عباس الدسيس
Date: 12-17-2012, 01:03 PM

Quote: المهم سعر اللحم والرغيف وجالون البنزين وأجرة البيت وأسعار الخضروات وتكاليف العلاج (داخل السودان) ..

موضوع الخطب وعلي الحرام وعلي الطلاق دا ... لا يهم الشعب في شئ ..

الشعب أصبح يعلم علم اليقين ... (أنها ليست لله) ...

احمد الشايقي سلام يا حبيبنا
شغالين لينا كم شهر الريس رقيبتو الريس ضهرو الريس حبالو الصوتيه
في دوامة فارغة ومقدودة طيب قولنا الريس صوتو رجع ليهو وبقي العلع زي ديك الفجرية بنستفيد شنو السؤال هنا ؟؟؟؟

Post: #5
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: عباس الدسيس
Date: 12-17-2012, 02:36 PM
Parent: #4

Quote: عباس سلام ،
ويا ترى ماذا يقول الرئيس بعد شفاء (الاحبال) الصوتية ؟
في اعياد الاستقلال كمان ،
والوطن نفسه تقلص ، وتراجع ، وتخلف ...
المواطن كفر به او كاد ...
انعدم الافق واسوِد تماما امام جيلا كاملا
بل كل الاجيال ...
وطن لا به
خبر،
ولا حرية ...
وطن يُقتل الطالب فيه لمجرد نه لا يستطيع دفع الرسوم، يالها من باهظة ،
منطق معوج يا تدفع، يا كمان نكتلك !
هذا الرئيس وشلته وحزبه ،
لم يعد لديهم مستمعين ابدا ...
فحقوا ..
لا يفقعوا مرارتنا ،
ويستحوا قليلا ،
وينقطونا بسكاتهم ....


منعم يا صديق اخبارك والاهل مشتاقون
لو فكو مننا وختونا احسن ليهم في المقام الاول
المسألة بقت ممجوجة ماذا يهمنا لو الريس بطنو موجعاه قمة القرف من ناس ديلا الثقيلين في تواجدهم الدائم بسخافاتهم

Post: #6
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: سلمى الشيخ سلامة
Date: 12-17-2012, 03:11 PM
Parent: #5

يا سلام يا دسيس ياسلام على وجعك وعلى المك
المشتركين فيهو كلنا
يارب ما يشفى ولا نسمع صوته يارب
لانه اخر مرة سمعته وقررت انى ما اسمعه للابد كان يوم قال فى حوار
ـ الناس الماتوا فى دارفور عشرة الف بس
ياخ الجملة دى حارقانى حرقة ...وواجعانى وجعة
كانه الماتوا ديل نمل ، ولا اقل من النمل
يارب ما تشفيه
عشان نشوف الفنان الجاى منو ؟
ياخ وجعا ما بنفت وبلد ما عندها وجيع
ربنا يحفظك

Post: #7
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: عمر الفاروق عبد الله الشيخ
Date: 12-17-2012, 03:26 PM
Parent: #6


Post: #8
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: محمد حسن العمدة
Date: 12-17-2012, 03:48 PM
Parent: #7

Quote: وان شاءلله سيخاطب الناس في أعياد الإستقلال."



طبعا ح يخاطب دي يعني ممكن تكون الخطابة دقيقة دقيقتين ولانو مافي شي يقولو للشعب بعد ما
الحياة بقت جحيم لا يطاق فح يعتذروا بصحة الرئيس واهو برضو جات من الله عشان تكفيهو
شر الحرج بس نقول ان شاء الله ما يقعدو لليوم داك

Post: #9
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: عباس الدسيس
Date: 12-18-2012, 07:01 AM
Parent: #8

Quote: يا سلام يا دسيس ياسلام على وجعك وعلى المك
المشتركين فيهو كلنا
يارب ما يشفى ولا نسمع صوته يارب
لانه اخر مرة سمعته وقررت انى ما اسمعه للابد كان يوم قال فى حوار
ـ الناس الماتوا فى دارفور عشرة الف بس
ياخ الجملة دى حارقانى حرقة ...وواجعانى وجعة
كانه الماتوا ديل نمل ، ولا اقل من النمل
يارب ما تشفيه
عشان نشوف الفنان الجاى منو ؟
ياخ وجعا ما بنفت وبلد ما عندها وجيع
ربنا يحفظك

استاذة سلمي سلام وتحايا
الما قالو شين شنو !!!!
والعملو سمح شنو!!!!!
والمصيبة في اعياد الاستقلال يطل علينا مع تباشير عام جديد امنياتنا بالخلاص كفاية علينا
سلمي تقديري وشكري

Post: #10
Title: Re: بشري سارة : بعد شفاء الحبال الصوتيىة يصدح الريس باعياد الاستقلال
Author: عباس الدسيس
Date: 12-18-2012, 08:32 AM
Parent: #9

Quote: طبعا ح يخاطب دي يعني ممكن تكون الخطابة دقيقة دقيقتين ولانو مافي شي يقولو للشعب بعد ما
الحياة بقت جحيم لا يطاق فح يعتذروا بصحة الرئيس واهو برضو جات من الله عشان تكفيهو
شر الحرج بس نقول ان شاء الله ما يقعدو لليوم داك


الاعزاء عمر الفاروق -
تحياتي شكرا علي الفيديو
انشاءالله ربنا اقبل دعوتك ودعوات الغلابه ما يقعدو لليوم داك ... اللهم امين