الثوره قادمه اقترب الصبح وساعة الخلاص

منو القال مافى ثوره الثوره قادمه لامحالة يوم الاحد يوم الاتنبن يوم الجمعه بكره بعد بكره الشهر الجاى السنه الجايه الثوره مقوماته متوفره مسالة بتاعت زمن ليس الا وضع اقتصادي متدهور الدولار على مشارف ال٨جنية وقود غير متوفر فى البلد فساد مالى كبير وتقرير المراجع العام اكبر دليل فساد ادارى اكبر دليل كلام وزير السدود القال سد مروى فيهو اخطاء هندسيه كيف مايكون فيهو اخطاء لو المسؤول عنو ماعندو شهادة سودانية ناهيك عن شهادة جامعية فساد اخلاقى المايقوما تشهد بذلك والشارع كلو يوم تظهر فيهو عجائب وبيوت الدعارة اصبحت على الشارع وانتشار المخدرات فى الجامعات فساد تعليمى انتشار ظاهرة تزوير الشهادات الجامعية
العطاله وسط الشباب وهجرة الشباب لاوطانهم البلد اصبحت طارده لابنائه اختفاء الطبقة الوسطى وظهور النعره العنصرية الحرب ومادراك عن الحرب والجنوب الجديد وتدمير القرى فى النيل الازرق وجنوب كردفان ودارفور واعتقال الشباب والشابات لشهور دا كلو دافع لقيام ثوره وماننسى الخلافات الطاحنة فى الحكومه وحزبها الانقاذ تاكل ابنائه
ياسودانيين سدو الفرقه اقترب الصبح والخلاص

شكرا محمد عادل والثورة قادمة قادمة والثورة انطلقت ولن تتوقف إلا بسقوط النظام
رسالة بوشي في يوم الكرامة
بثت مباشرة على اليوتيوب والمنبر العام