مغترب الامس واليوم .. مقارنه

مغترب الامس غربه طوعيه لتحسين بعض الاحوال ولفئيات عمريه محدده ولفتره زمنيه محدده ..

مغترب اليوم غصبا عنو ولكل الفئيات العمريه ولاجل غير مسمي ..

مغترب الامس بجواز سفر لبني صوره ابيض واسود (والشعر خنفس )

الدول المعنيه لمغترب الامس

السعوديه

الكويت

اليمن .. اعاره معلمين

ليبيا

العراق

والقليل الي قطر والامارات وسلطنة عمان

مغترب اليوم جواز سفر الكتروني

الدول المعنيه

اي ملف المهم يتخارج ..

اعداد الامس كانت قليله

في القريه اتنين وتلاته والكل يعرف بمواعيد سفرهم وحضورهم

بكي في الوداع

في الصيف الزغاريد للاستقبال

والشنط الكبيره وتفتح بعد يومين او تلاته من قدوم المغترب بعد الكرامه

لتوزيع الهدايا ..

مغترب اليوم في البيت الواحد اكثر من اتنين وتلاته اذا لم يكن البيت كله في الغربه

لاحس لهم ذهابا اوايابا..

والشنطه هاند كاري وجلكسي .. بس

مغترب الامس

يشيل الخال العم اولاد الخال العم الحبوبه الجيران وكل الناس اقل شي بتطلع ليك بقميص وفتيل ريحه ولا علبة سيجائر روسمن

مغترب اليوم

لو قدر اتخارج من ضرائب المغتربين وما ادين حق تذكرة العوده يكون ما قصر تب ..

مغترب الامس

اهم شي الشنطه السونسنايت فيها الجواز وايصالات الضرائب وتذكرة العوده بسودان اير

مغتربين العراق بقول ليك اهم شي جوازك وخلالك..