بالنسبة لانجاز دكتور محمد المشرف ...

يادكتور ...

فتحت البوست تلاتة مرات عشان اهنىء فى كل مرة يحصل
عارض ومااكتب ...مرة يعلق ...ومرة اضغط مايفتح معاى ..
زيادة على ذلك وجدت ان الصفحات وصلت الاربعة ولقيتها
تقيلة اجى بعد الصفحة الرابعة ...لذلك قرر ان افرد
هذا البوست خصيصا للتهنئة بهذا الانجاز العلمى الذى
شرفتنا به ....وعلى قول سنيرنا الذى بنواحى جدة
المافى شنو ...الباندويث موجود والزمن موجود ...وتستاهل
الف بوست يادكتور ...مبروك مبرووووك منها لامدرمان ...
ومزيدا من النجاحات التى تستاهلها ....

Quote: زيادة على ذلك وجدت ان الصفحات وصلت الاربعة ولقيتها تقيلة اجى بعد الصفحة الرابعة

الديوان املأ ناس لان ود المشرف اشرف ويستاهل
انا كنت هناك والديوان ملان طب قلت اجي هنا كمان آخد لي انجمامة
وأشرب موية الشربات هنا في المحل الطرواة دي
وعقابلك يا امحمد ولدي

ديل أولاد بلدي
البشدوا الحيل ..
مليار مبروك للاخ العزيز محمد المشرف
هذا الانجاز والتفوق الذي شرفنا
مع أمنياتي له بدوام النجاح ..
شكراً الأخ محمد عبد الرحمن ..
ودمتم جميعاً بالف خير ..

فرصة الواحد يقشر بانو قريب محمد حيدر المشرف.
مبروك يا قريبي.

Quote: زيادة على ذلك وجدت ان الصفحات وصلت الاربعة ولقيتها تقيلة اجى بعد الصفحة الرابعة ...لذلك قرر ان افرد هذا البوست خصيصا للتهنئة بهذا الانجاز العلمى

مافي أجمل من كده....كلام يدل على إحساس عالي جدآ....ما أجمل أن يحوي البورد من يحملون هذه الروح الجميله.

مشكور محمد عبدالرحمن على هذا الدرس المجاني القيم.

ودي وتقديري.

سئيلي الله شفتو اول يوم ما فتحو وانا في وسط زحمة اشارة مرور غتيتة كدة وقلت خلاص لما ارجع المكتب اخش ابارك
لكن اللوم بجب بالغفلات يا ود المشرف غايتو امسح لينا في وش بورد بكري الما بنستر ده
الف مبروك يا اخونا وحبيبنا وعجبنا وسر بالنا ونتمنالك الخير والطيب والرفعة
شكرا يا محمد عبد الرحمن وكت شلتنا في لوريك ده نقضي الواجب

وتاني مبروك لود المشرف
يستاهل اكثر من تهنئة
ولصديقه محمد عبد الرحمن

_
امام مصري صلى بالناس صلاة عصر
قام نسى وصلى بيهم اكثر من عدد ركعات الصلاة المفروضة
الجماعة بعد الصلاة شدوه ليك
إيه ده ياشيخ العصر اربعة ركعات بس
قال ليهم ... في إيه؟
ده ربنا يستاهل اكثر من كده

نبارك هذا الانجاز الذي يشرفنا ويرفع رأسناجميع سوداني حمد والدوحة(باعتبار اني اصبحت من اهل الدوحة)
مزيد من الانجازات العلمية لاستعادة بعض ممافقدنامن ريادة مهنية وعلمية
سلمت يا ودالمشرف
وشكرا محمدعبدالرحمن

شكرا محمد عبد الرحمن
بهذه المثابرة و الكرم
اديتنا فرصة نهنيء
المشرف المشرف
من غير شهايد !
الف مبروك و اتمني للمشرف مستقبل مهني زاهر في تلك البلاد
واتمني لك يا محمد عبد الرحمن
احلي الاماني

طه جعفر

الف مبروك وود المشرف يستاهل الف تهنئة ولكل مجتهد نصيب.

حاجة تسر الخاطر

فى زمن الاحباط

تهانينا القلبية د. محمد حيدر

تهانينا الحارة لدكتور المشرف
ومزيداً من النجاحات ان شاءالله

وتشكرات الف لمحمد عبد الرحمن صاحب البوست

نحن بنهني بي هنا وبهناك
الله بيسألني بيستاهل الزول دة
ياخي يتراد لي الله كدة








محمد كيفنك ياخ
صحبك داك قاطع مني ما عندك اخباره

محمد عبدالرحمن ..

ياخى والذى نفسي بيده ..
لا أجد ما أقول ..

غايتو جاتنى فيوض وتداعيات كتبتها للناس بهناك ..
وسأكتبها هنا فى المداخلة التى تلى هذه..

كما وسأستغل هذا العنوان الجاذب .. "انجاز" .. للكتابة عن البورد الأمريكى للتخصصات الصيدلانية..
وأرجو أن يكون بمثابة تنوير للصيادلة فى السودان ..
"شفت تنوير دى كيف .. ما تربية عساكر !!"

واحده من المسائل المهمة .. "واحدة فقط"
أهميته كمؤهل للعمل فى الخليج مستقبلا ..
ولا ندعو للهجرة ولكن ..
هى واحده من الجوانب وبتعكس أهمية التخصص الصيدلانى الآن فى العالم الآن..
فالناس لم تعتاد كلمة التخصص الا عند الأطباء ..
بيد أن من الطبيعى جدا أن تكون للصيدلة تخصصات مختلفة باختلاف علوم الصيدلة السريرية..
وللاسف لم ينتبه لها لها الكثيرون ..
ولا يوجد بدولة قطر الا صيدلانيان- فى حدود علمى- يحملان شهادة هذا البورد ..
معتز ابراهيم ( ويحمل تخصصان PHARMACOTHERAPY AND AMBULATORY CARE
وخالد بسطامى (AMBULATORY CARE)

ولكن وللمقارنة فقط .. فى هذا العام أقيمت أربعة مراكز لهذه التخصصات فى مصر
ويوجد مركز فى الامارات ..
ومركز فى قطر ..

والجدير بالذكر أن تكلفة الجلوس للامتحان هى 600 دولار امريكى زائدا 150 دولار للمادة نفسها
مع استيفاء متطلبات قليلة تتعلق بالخبره فى الجانب العملى ..

بالنتيجة لذلك ..
سنجد بعد عدد قليل من السنوات .. كم كبير من الصيادلة المصريين يحملون شهادات تخصص أمريكية فى مجال من المجالات .. وصدقنى عندما أقول ستنعدم تماما فرصة المنافسه معهم ..

هذا وكما قلت جانب ..
الجانب الأهم يتعلق بالمهنة نفسها وتطورها فى بلدنا ..
وذلك حديث يطول ويطول ..

كتر خيرك يا محمد ..
وتحياتى لكم واحدا واحدا ..
ولا تتصورى سعادتى وانا أقرأ كلماتك هنا و هناك ..

يا الله !!
يا الله !
ما أشد ظلام هذا النور "ابن عربى"


ومن فرحة كانت لتكون عابرة ..
لهذا الزخم الإنسانى الأجمل والذى عشته وعلى الإطلاق ..
ووالله لقد تملكتنى روح "الزين" فى عرسه ..
وحتى هممت "بالكواريك" فيكم : يا ناااس هووووى, محمد ود حيدر مكتووووول فوق حوشكم ده ..فوق حوشكم وفوقكم آجمعين !!!

والقصه ما قصة نجاح وتهانى وأمنيات ..
القصة قصة هذا التفرد .. هذه الفرادة السودانوية فى ارتكاب هذا التواصل الانسانى الرحيم وكاجمل ما يكون.. لم أجد فى شعوب الأرض قاطبة إهتماما بالتواصل فى المناسبات الاجتماعية كإهتمامنا نحن بذلك.

الا تجد/ى - يا هداك الله- أن الناس فى هذه البلاد "الغبشاء" ذات الحنان .. يغفرون لك كل شيء إلا غيابك عن افراحهم و مواقيت الحزن!.. وللحزن سطوته الشاهقة فى هذه البلاد الحزينة, وللناس أفراحهم كما لهم من الأحزان ما تنوء عنه الجبال. وهكذا فإن الفرح قليلُ والأحزان كثيرة.. وأقصاها -اى الأحزان- الموت .. موت أؤلئك الذين قاسمونا حزن الحياة .. واؤلئك الذين قاسمونا أفراحها القليلة المتفرقة ..ألا رحمة الله عليهم آجمعين ..

هذه "المقاسمة" .. هذه "الاشتراكية الوجدانية" .. هى جدوى الحياة عندنا وأطيب ما فيها .. وهكذا يغنى مغنينا الرسول " ايه الدنيا غير .. لمة ناس فى خير .. أو ساعة حزن "..

تفرقت بنا السبل فإلتقينا على سراط هذا الوطن المستقيم, وعلى هذا المنبر يتجلى فينا ذلك التراب بجوهره الانسانى الرحيم, بجوهره ذلك البرزخى السحيق وكأنه المهد الأول لمكابدات الحياة واعتمالها رهقاً طيباً فى النفوس .. أرضٌ طيبةٌ, تصليها الشموس وأيادى العسكر بشواظ النار فلا تقول الا خصباً .. ولا تفعل الا خصباً .. ثم ولا تموت أبدا, ولن تموت ..

وهكذا هو أنسانها, تفرقت بهم السبل ولكنهم عائدون ..أكاد أراهم الآن يرجعون لرحم تلك الأرض العظيمة .. مواسم الرجوع تؤذن فى الناس بالعشق نحو هذا الوطن من جديد, ليأتونه وعلى كل عشقٍ مضمَخٍ بالانفعال, وعلى كل غضبٍ طامحٍ طموح الدميرة والهبباى .. يأتونها, ليضخوا فى عروق الوجود دماء السودان الجديد, السودان الوعد, السودان الوطن الواحد, وبذات تلك الملامح الوسيمة فى برزخ الوعى الوطنى .. ذات الملامح الوسيمة التى فى يقينى الآن وأكاد أراها وأراهم يرجعون بها ولذات تلك الدوزنات الاليفة للاناشيد الأجمل وللثورة والهتاف ..

"وطن بالفيهو نتساوى .. نحلم, نقرأ, نتداوى ... مزارع, كهربا وموية .. تحتنا الظلمه تتهاوى"

تفرقت بنا السبل, بيد أننا عائدون, وسنلتقى على ذات تلك الدروب المتشاجنة بالوعود القديمة, وستحتفى بنا تلك الدروب .. وأخالها الآن تحتفى بالخطوات التى لم تمر بعد على ترابها الرحيم الا خاطراً سيكوننا ونكونه وعدا فى طريقه نحو التحقق والإمكان ..

فيوض من فيوض كثيرة تجتاحنى الآن, وما زلت أدور حولكم واحدا واحدا, وأخشي الإقتراب ..
وحالى وتماما وكما قال عالم عباس:
اذا زدت قربا إحترقت ..

لا أعلم ماذا أقول ولكن ..
كتر خيركم آ ناس ..
ولكم وعليكم السلام آجمعين ..
وواحد واحد ..
كتر خيركم كتير ..
مررت على كلماتكم الطيبه كلمة كلمة ..
وأدين لكم جميعا بهذه اللحظة التى أعيشها .. ولن استطيع معها وصفا و.. كفى

مبروك ومزيدا من النجاحات د. المشرف

شكرا محمد عبد الرحمن

ألف مبروك يا ود المشرف ، وان شاء الله من نجاح لي نجاح

مبارك هذا النجاح يامحمد ، وجدير بك

1000 مبروك يا ود المشرف هذا الانجاز المشرف....

ومزيدا من التفوق والانجازات.....

ونتمني إن ايضا عدد آخر من الاخوة قد تخصصوا في مجال الصيدلة..

حتي نرتقي بهذا المجال الحساس والحيوي في بلادنا,,,,,

شكراً محمد عبد الرحمن وألف مبروك لدكتور محمد المشرف ونتمنى له المزيد من التقدم والنجاح

مليون مبروك ومزيد من النجاحات على جميع الاصعدة يا المشرف

والتحية للشاب القامة محمد عبالرحمن

مليون مبروك للفاضل د. محمد المشرف وإنجاز وراء إنجاز إن شاء الله ، يستحق كل الخير
تسلم العزيز محمد عبد الرحمن

ونحسب أنها ستصب يوما من الأيام في مصلحة أهلنا (مرضى أو طلاب) في السودان
بعد تحريره من الأوباش

صادق التهاني لك يا مشرفنا والأسرة

وشكرا للصديق محمد عبد الرحمن أن لفتنا لهذا الإنجاز

alf mabrook for your great acheivement,thank you mohamed.

التهنئة بالنجاح الباهر الذى يثلج صدر كل سودانى

لود المشرف ومزيد من النجاحات والإنجازات التى تصب

فى رصيد أهل السودان فى الخارج ويرفع من أسهمهم

وأتمنى أن يشجع نجاح ود المشرف الآخرون على السير

قدما فى سبيل التحصيل فى مجال الصيدلة وغيرها من

المجالات .

شكرا محمد عبد الرحمن

الف الف مبروك دكتورنا محمد حيدر المشرف

ومع امنياتنا الصادقة لك بدوام التفوق

ومزيدا من الانجازات ياود المشرف


وحقيقة تستاهل

خالص التهنئة للأخ العزيز محمد مع الدعوات بالتوفيق والسداد في كل خطواته. نجاح مستحق يا محمد.
وشكرا لصاحب البوست الأخ محمد عبد الرحمن.

الف مبروك للدكتور محمد المشرف هذا الانجاز السوداني
في زمن الفشل والانكسارات السودانية .

الف مبروك للدكتور محمد المشرف هذا الانجاز السوداني
في زمن الفشل والانكسارات السودانية .

الف مبروك دكتور المشرف لها الانجاز المهني ، حتما سيحتاجكم الوطن يوما لمداواة جراحه العضوية والسياسية
شكرا الاخ محمد عبدالرحمن

حافظ ايشو

الف مبروك يا مشرف..
فرحنالك كتير والله ومزيداً من الانجازات..

والله قريبي يستاهل مليون مبروك

ونقولها ليو تاني الف الف مبروك وللامام

ومشكور اخي العزيز محمد عبد الرحمن وربنا يوفقك ويديك الفي مرادك