فرقة طيور الجنة..اعملوا حسابكم من الكيزان ..بيركبوكم التونسية..

اللهم قد بلغت فاشهد

التذاكر انتهت !!!!!


ذهبت لكل الاماكن المعلن أنها مراكز توزيع فلم أجد


ثم ذهب لمركز قاوا انه المركز الاساسى فى التوزيع فى شركة أعلان جوار مستشفى مكة للعيون (الخرطوم) وبكل بلاهة قال لى الشخص الموجود

ان التذاكر انتهت .. كان هناك اشخاص يدخلون ويخرجون ويبدو انهم لهم علاقة بهذه الشركة

وبعد خروجى لحق بى أثنين منهم قال احدهم اسمعنى وصفوا لينا مكان جوار العفراء مول تباع فيه التذاكر سوق اسود

قلت له كم يعنى (.وقد فهمت اللعبة). قال لى يعنى ابو 30 بخمسين جنيه .. رديت عليهو شكرا لو بقت بعشرة جنيهات ما داير

كان ذلك أول أمس الثلاثاء .. اليوم سمعت بأن اسعارها تضاعفت

هؤلاء الناس لا يمكن أن يكونوا آدميين ابدا


وياريت لو الناس تقاطع هذه الحفلة ونفهم أولادنا أنه فى ناس دايرة تبتذ حبهم لهذه الفرقة ليتكسبوا منها .. وبالتالى عليهم مقاطعتها


وما ضرورى نقول ليهم ديل الإنقاذيين

Quote: هؤلاء الناس لا يمكن أن يكونوا آدميين ابدا

ود العجمي

دي الخلاصة

الناس ديل ما ادميين

هذه الفرقة غنت لجميع الدول العربية تقريبا

فهل غنت اغنية للسودان !!!!

Quote: فهل غنت اغنية للسودان !!!

الموضوع برمتو موضوع فى الكثير من الريبة

لكن نعمل شنو ؟ بس عشان العيال .. يعنى الحكاية بقت زى خروف الضحية مجبورين عليهو


الحمد لله الجات منهم

Quote: هذه الفرقة غنت لجميع الدول العربية تقريبا فهل غنت اغنية للسودان !!!!

الاخ وليد تحياتي لك ولصاحب البوست
ياخ انت مقتنع بحكاية عروبتنا مع الاوباش ديل ياخ ديل في شئ جامعنا معاهم الا اللغة دي ولو لقينا طريقة اتكلمنا لغة غيرها يكون احسن
احكي ليك الطرفة دي
في بداية مشكلة دارفور وكنت وقتها في المملكة العربية السعودية وتحديدا في مدينة الرياض كنت اعمل في احدى المستشفيات الكبيرة بها وعلي مااذكر كان معنا استشاري باطنية
سوري الجنيسية وفي سؤاله عن مشكلة دارفور سالني هذا الاستشاري سؤال لحدي الان لم اجد له الاجابة سالني السؤال الاتي ياسامة ياخ قالو الحرب في دارفور في السودان بين العرب
والزرقة بالله انتو عندكم في السودان (عرب) تخيل سؤال زي دا من انسان واعي ويمكن تطلق عليه مثقف ترد عليه تقول ليه شنو
برضو تقول عصافير الجنة يغنو للسودان
اسامة

قناة تفتقد لأبسط القواعد في أبجديات تعليم الأطفال وتعتمد طريقة الحفظ و التلقين بدون إعطاء أي فرصة لتفاعل الطفل مع المواد المطروحة
و الأخطر حشر ماهو ايدلوجي أو سياسي في عقول أطفال صغار بالزج بمواضيع مثل فلسطين والقدس بدون مراعاة لعقول الأطفال في مثل هذه السن
القناة قناة (حماسية كيزانية بحتة) و شكرًا عمر للفت الانتباه.

الأخ/ عمر التوم

لك التحية ولجميع المتداخلين

إنت قلت حيركبوهم التونسية (لأن الفرقة دي زاتها مركبانا نحن التونسية وكل أطفال العرب)

هذه مداخلتي في هذا البوست للزميلة/ وجدان جمال

فرقة طيور الجنه فى اول زيارة للسودان

Quote: السلام عليكم ورحمه الله وبركاته الأخت وجدان جمال والأخوة والأخوات البورداب أسحموا لي أعبر عن وجهة نظري في تلك القناة أنا عندي ثلاث بنات والحمدلله ويشاهدون تلك القناة ولكني حريص أن أبعدهم بقدر الإمكان عنها وأبلغتهم بمتابعة قناة الجزيرة للأطفال وقناة براعم وأغلب القنوات التي ليس لديها خدمة (الرسائل) والسبب سأشرحه في الفقرة الثانية. أنا تابعت قناة طيور الجنة منذ إنشائها (وأقول لم يتطرقوا إذا إفترضنا للسودان) ولم يتقنوا له ولم يعطونا أي إعتبار (فهل هي عنصرية)؟؟ ثانياً: والأهم جداً (لمن يصدقني) هي قناة تجارية بحته جداً جداً كقناة إسبيس تون وذلك بإستغلال الأطفال (رسائل أس أم أس) و (منتجات مش عارف شنو .... ألبان وحلاوة و.... و.......) أخيراً : إذا رجعنا لعشرون عاماً كان أطفالنا يبدعون إما في المدارس أو النوادي أو حتى الشارع تجدهم يقومون بصنع سيارات أو مركبات بأنفسهم إضافة للألعاب الرياضية (لذا من المفيد) إيجاد فرص لهم لتحريك أجسامهم وتنشيط دورتهم الدموية لأن الجلوس لفترات طويلة وامام التلفزيون والكمبيوتر سيجمد (تفكيرهم) وسيؤدي إلى أمرض لا نحمد عقباها... بإختصار حاولوا إبعاد أطفالكم عن التلفزيون والكمبيوتر إلا لما ندر (اليوم نرى أطفال مصابون بأمراض السكري أو هشاشة العظام .. أو..... أو.....) نتمنى الصحة والسلامة لجميع أطفالنا وربنا يجنبهم الشر (آمين). ولكم مودتي