Post: #1
Title: قدر شنو أنت (إمعة )؟!
Author: داليا حافظ
Date: 12-12-2012, 02:42 PM
Parent: #0
بطريقة تانية كمية التبعية للآخرين عندنا قدر شنو؟
(نقاش) ..
|
Post: #2
Title: Re: قدر شنو أنت (إمعة )؟!
Author: داليا حافظ
Date: 12-12-2012, 02:45 PM
مثلا..
هل بتتأثر برأي (ناس) في (ناس)..؟
او بكلام (ناس) عن (ناس) ..؟
بتحارب مع أصحابك ؟
بتاخد موقف من شخص في موضوع ما(بخصك)..؟
|
Post: #3
Title: Re: قدر شنو أنت (إمعة )؟!
Author: داليا حافظ
Date: 12-12-2012, 02:50 PM
Parent: #2
رأيك في شخص / موضوع / فكرة / مكان / أيا كان ..
بتستند فيهو على شنو ؟
(المرجعية) وكدة 
لا جد جد ..
|
Post: #4
Title: Re: قدر شنو أنت (إمعة )؟!
Author: داليا حافظ
Date: 12-12-2012, 03:05 PM
Parent: #3
وقس على ذلك ..
|
Post: #5
Title: Re: قدر شنو أنت (إمعة )؟!
Author: مريم بنت الحسين
Date: 12-12-2012, 03:17 PM
Parent: #4
غايته البجي يرد عليك ده، حقو يراجع كلامك تاني لوووول... وجعتي لينا خشومنا بي وشوشك الخضرا الكتيرة دي!
|
Post: #8
Title: Re: قدر شنو أنت (إمعة )؟!
Author: داليا حافظ
Date: 12-12-2012, 03:33 PM
Parent: #5
ذكية دايما يا مريومة ..الضحك ده دايرين نخفف بيهو الاحراج ..
مافي أحرج من مواجهة الذات ..
|
Post: #6
Title: Re: قدر شنو أنت (إمعة )؟!
Author: محمد البشرى الخضر
Date: 12-12-2012, 03:18 PM
Parent: #4
شنو الأسئلة المحرجة دي يا داليا :)
غايتو في البورد بصفة عامة في ناس بتعتمد على العنوان و المداخلة الأولى في تحديد موقفها و تشوت على اتجاهها لغاية ما يجي متداخل يوجهة نظر مغايرة أو بمعلومة صحيحة تنفي البوست أو برابط يثبت ان الصورة قديمة مثلا او الخبر غير صحيح
حتى يغيروا موقفهم
|
Post: #7
Title: Re: قدر شنو أنت (إمعة )؟!
Author: ABUHUSSEIN
Date: 12-12-2012, 03:20 PM
Parent: #6
| Quote: أو برابط يثبت ان الصورة قديمة مثلا |
|
Post: #9
Title: Re: قدر شنو أنت (إمعة )؟!
Author: داليا حافظ
Date: 12-12-2012, 03:39 PM
Parent: #6
يعني لازم "تبردنو"ـ من بوردـ انا أتحدث بشكل عااااام يا ودالبشرى فلا تتحسسوا
وأهي فرصة أسال نفسي رفع الكلفة ومناداتك بود البشرى دي مابتصنفني في خانة إمعة برضو.. ؟
|
Post: #10
Title: Re: قدر شنو أنت (إمعة )؟!
Author: Hayat Hussien
Date: 12-12-2012, 03:50 PM
Parent: #9
سلام يا داليا
اكيد لم يولد بعد من يقول اويعرف عن نفسه انه امعة
ودي اكيد صفة يلصقها الحاقدون فقط في رأي الاغلبية
|
Post: #12
Title: Re: قدر شنو أنت (إمعة )؟!
Author: داليا حافظ
Date: 12-12-2012, 03:58 PM
Parent: #10
Quote: اكيد لم يولد بعد من يقول اويعرف عن نفسه انه امعة
ودي اكيد صفة يلصقها الحاقدون فقط في رأي الاغلبية |
أهلين يا حياة
ماضروري الشخص يقول أنو إمعة المهم أنو يعرف ويستدرك
أما من ناحية انو الحاقدين قد يستخدومها لزعزعة ثقة الأغلبية فدي واردة لكنها ليست قاعدة ..
فهناك إمعات (حقيقيين) ..غض النظر عن معرفتهم بذلك من عدمه..
|
Post: #11
Title: Re: قدر شنو أنت (إمعة )؟!
Author: محمد البشرى الخضر
Date: 12-12-2012, 03:53 PM
Parent: #9
بردناها عشان التحسس دا يا داليا ههههههه
الموضوع معقد و انتي بصراحة قفلتيه باستخدام قولة إمعّة دي
غياب المعلومة الصحيحة وثقتك في أو معرفتك بمصدر معلوماتك ورايك في مصداقيته ح يأثر بالتأكيد في تبنيك أو تكوينك لرأي
الطريقة بتم بيها عرض المعلومة أو صياغة الخبر ح تأثر برضو
| Quote: رفع الكلفة ومناداتك بود البشرى دي مابتصنفني في خانة إمعة برضو.. ؟ |
انت كمان ما تبالغي :)
غايتو طالما كاتباها صاح بالألف المقصورة ما في عوجة لكن لو عملتي زي الشباب و رزعتيها ياء تكوني إمعة و جنريتر كمان ههههههههههه
|
Post: #13
Title: Re: قدر شنو أنت (إمعة )؟!
Author: بشير جبريل علي
Date: 12-12-2012, 05:23 PM
Parent: #11
قدر الكون ده كلو وأكتر بكتير ..
قال ليهو والله الدنيا دي كلها مآسي .. قال لي يا عم أصلاً هو أنت مآسك كااااام ..
أبى ديكو مكشن ..
تحياتي ..
|
Post: #14
Title: Re: قدر شنو أنت (إمعة )؟!
Author: Khalid Saeed
Date: 12-12-2012, 06:09 PM
Parent: #13
الأخت داليا وجميع المتداخلين
تحياتي ،
بالنسبة لي امعة دي .. ( يجوها ناسه هههه)
لكين عن تجربة شخصية .. انا اقتنعته انو الشلاقة بتعادي .. مره كنته في اجازة وجه خبر صغير انو في زول اتوفه في الحلة التانيه
الجاب الخبر ده واحد شليق ( قال سمعه في الرادي )
فجأة الجيران ضربهم فايروس شلاقة نشروا الخبر واتلموا .. والحلة بقت جاهزة للبكه .
ربك رب الخير جات قريبة الراجل من مشوار لقت الحلة واقفه على رجل واحدة .. سألتهم حكوا ليها الحاصل قالت ليهم الخبر ده ماصحيح .. اصر الشليقين كلهم انو الخبر ده صحيح وسمعوه في الرادي ..
قامت قريبة المرحوم طلعت الجوال واتصلت على المرحوم شخصياً فرده عليها .. وقال ليها لا الأتوفه ابوي .
من اليوم داك .. انا بقيت اول ما اشوف واحد بده يتشالق بسدد اضني .. ههههههه
|
Post: #15
Title: Re: قدر شنو أنت (إمعة )؟!
Author: Muna Khugali
Date: 12-12-2012, 06:38 PM
Parent: #14
سؤال صعب يا داليا..
أنا عن نفسي مابقدر أجاوب!
|
Post: #16
Title: Re: قدر شنو أنت (إمعة )؟!
Author: Rawia
Date: 12-12-2012, 08:18 PM
Parent: #15
داليا سلامات
ماعارفة الحكاية دي حتخليني إمعة ولا لا
لكن أنا حاسة باني مجرمة وجبــانة ليس الا
وماعارفة روحي ساكتة للان لييه؟
أنا مابشارك في بوستات سياسية
وعندي أسباب كتيييرة
لكن في رأي سياسي وأخلاقي
واقف لي في حلقي
وماعاوزة أقوله لاني ماعاوزة
أشق وحدة الصف الوطني
تفتكري كدا بكون إمعة ولا زولة حلوة ماعاوزة مشاكل؟؟
|
Post: #17
Title: Re: قدر شنو أنت (إمعة )؟!
Author: يحي قباني
Date: 12-12-2012, 08:37 PM
Parent: #16
سلام اختنا داليا .. و الأخوات و الأخوة المتداخلين ...
ما كانت من صفاتنا زمان ...لما كل السودانيين كانو عايشين في البلد الكان بخير ...
الناس اغتربت و هاجرت ... والحابل يناتل في النابل ... والقصة جاطت ...
الحياة صعبت علي الناس و ضعاف النفوس بدو يكوسو ليهم مكان ...
عشان يعيش لابد من ان يكون تابع ...مع الاسف ...
وانخلقت حكاية التطبيل و معاكم معاكم ...عليكم عليكم ...
اها المصيبة ما هنا ... لانه من كان فينا إمعة ...فهو تابع و عارف قيمة نفسه ...
المدهش ... الشخص الذى يعشق ان يلتف حوله ذلك الامعة ... و يحب ان يلفت الانظار ...
اعتقد انه مرضه اكثر خطورة من ذلك الامعة ... لانه لو خسر امعة ... سيسعي لجلب عشره حوله ...
ينادون له بطول العمر ...
|
Post: #20
Title: Re: قدر شنو أنت (إمعة )؟!
Author: داليا حافظ
Date: 12-13-2012, 07:59 AM
Parent: #16
| Quote: تفتكري كدا بكون إمعة ولا زولة حلوة ماعاوزة مشاكل؟؟ |
يا راوية ما مشيتي بعيد معظم الإمعات حلويين وما دايرين مشاكل
ثم وين الصف البشقو ده..هههه
عن البفتكرو انت مستبعدة من حكاية الإمعات دي ..(مجرد انطباع) ..
|
Post: #21
Title: Re: قدر شنو أنت (إمعة )؟!
Author: داليا حافظ
Date: 12-13-2012, 08:03 AM
Parent: #15
Quote: سؤال صعب يا داليا..
أنا عن نفسي مابقدر أجاوب! |
ماشي يامنو ..ههههه
|
Post: #19
Title: Re: قدر شنو أنت (إمعة )؟!
Author: داليا حافظ
Date: 12-13-2012, 07:50 AM
Parent: #14
| Quote: قامت قريبة المرحوم طلعت الجوال واتصلت على المرحوم شخصياً فرده عليها .. وقال ليها لا الأتوفه ابوي . |
قلت لي المرحوم ردا ههههه..
شكرا للمحاولة ياخالد ..أعد ..
|
Post: #18
Title: Re: قدر شنو أنت (إمعة )؟!
Author: داليا حافظ
Date: 12-13-2012, 07:44 AM
Parent: #13
| Quote: قدر الكون ده كلو وأكتر بكتير .. |
ياالنبي نوح أو كما كان يقول محسن خالد قبل النيو لوك
بالنسبة للسايز وما أدراك ما شنو ..فإقنور..هههههه
|
Post: #22
Title: Re: قدر شنو أنت (إمعة )؟!
Author: حمد عبد الغفار عمر
Date: 12-13-2012, 08:22 AM
Parent: #18
سلام يا داليا
المصدر بتاع إمعة شنو ؟ التمعمع مثلا؟
طيب لو ما كان في إمعات الزعماء ديل إبقوا زعماء كيف ؟ أطلعوا مظاهرة يطلعوا ، لا ما تطلعوا مظاهرة ما يطلعوا
ياخ التمعمع دا ضروري أحيانا خصوصا في وحدة الصف دي زي ما قالت ليك راوية فوق
بس في خيط رفيع بين الإمعية دي والرأي الجمعي المتفق عليه بواسطة أشخاص في مواقف محددة ودي بتعتمد فقط على جرأة الشخص الأول المبادر بطرح الرأي.
أنا في رأي أخطر أنواع الإمعية هو تقييم شخص استنادا على تقييم شخص آخر ليهو
في الحالة دي الزول موش بيكون إمعة وبس وإنما مجرد هلام
|
Post: #23
Title: Re: قدر شنو أنت (إمعة )؟!
Author: Asim Fageary
Date: 12-13-2012, 08:39 AM
Parent: #22
سلام يا استاذة داليا
سبق يا داليا أن قمت بالتعاون مع الزميل زهير زناتي في عمل إستقصاء آراء
وكان ذلك حول مدى تأثير المجاملة لدى السودانيين في إتخاذ قرارات
وكيف تصل هذه الممارسة أعني ممارسة المجاملة حد إنه الناس تستند عليه في التقرير في أشياء مصيرية
وكانت نتيجة الإستفتاء دون إستقراء للتفاصيل طبعاً
أن السودانيين يجاملون حتى في القضايا المصيرية متأثرين بالوقوقف إلى جانب آراء تبناها بعض معارفهم وأصدقائهم
أو هكذا
وهذا أعتقد يندرج تحى مرمى البوست هذا
السبب في (الإمعية) أو (التبعية) يأتي بسبب روح المجاملة
فيكون الأصل في الخلل هو المجاملة وتوظيفها بشكل غير صحيح في الحياة العامة
مع تحياتي
التعديل = الإسم
|
Post: #24
Title: Re: قدر شنو أنت (إمعة )؟!
Author: osman righeem
Date: 12-13-2012, 09:58 AM
Parent: #23
| Quote: بتاخد موقف من شخص في موضوع ما(بخصك)..؟ |
خاصية سودانية بإمتياز
-----------------------------
ممكن تعمل جدول الامعية
يعني مثلا
امعة بنجمة واحدة ( ملازم)
بنجمتين (ملازم اول )
وهكذا الي درجة المشير
وسلام وتحية
|
Post: #25
Title: Re: قدر شنو أنت (إمعة )؟!
Author: دينا خالد
Date: 12-13-2012, 03:58 PM
Parent: #24
عارفة يا داليا
القصة دى شكلها بتظهر مع العرس لوووووووووووب
رايى ورايك وانتى بتسمعى كلام اهلك
وانت بتسمع كلام اهلك .. خلى عندك راى وخلى عندك راى ..
ولب لب لب لب لب
اها الموضوع دا نحن معتزلنو ..
لانو قالوا كل واحد بدووس على كرامة التانى
عاااااادى بدون ما التانى كرامتو توجعوو ...
احتسبى احتسبى ...
وما تسمعى كلام ناس ود البشرى ديل
الواحد من ما يجى هنا يكتب ليك نص صفحة بكون ممعمع لما ممعمع !
ـــــــــــــــــــــــ
انا شخصيا اصللو ما امعة لانو مزاجى بتاع مخالفة لو الناس
قالوا يمين انا بمشى شمال ولو قالوا الزول دا كعب بلقى نفسى بدافع عنه وكدا
غايتو ما امعة لكن لو فى زول امعة عادى ممكن اصاحبو بنففففع معاى !!
|
Post: #26
Title: Re: قدر شنو أنت (إمعة )؟!
Author: Barakat Alsharif
Date: 12-13-2012, 05:41 PM
Parent: #25
داليا
تحية
واحد شيخ عرب عندو صاحبو كضاب جدا، ومع ذلك شيخ العرب مبسوط منو ويناولو كل مرة ما تيسر، الجماعة سألو شيخ العرب:
- انت عارف الزول دا كضاب درجة اولى ليه تديهو قروش ؟
فرد شيخ العرب:( الزول دا كلامو بيريحني)
وحسب خبرتي المتواضعة في هذا البورد معظم الناس تفتش عن الشخص ( البريحها) نفسيا، وفي ناس من كتبة البوستات فهموا مسألة الراحة النفسية دي واشتغلوا عليها وسووا زبائن ...مع اقتناع الزبائن التام ان ثلاثة ارباع اخبار هذه البوستات فشنك، ومن فشنكتها انها مرات كتيرة دخان ما فيها، لكن على اي حال بتخليهم روحوا ينوموا مبسوطين
ولو نظرنا مليا ...اظن في هذه الحالة الإمعات هم اصحاب هذه البوستات الفشنك، لأنهم يسايرون اهواء الناس وليس العكس
|
Post: #27
Title: Re: قدر شنو أنت (إمعة )؟!
Author: رشا سالم
Date: 12-13-2012, 06:34 PM
Parent: #26
داليا يا ما إمعة ازيك :)
انا غايتو إمعة شدييييد.. عندي صاحبتي بريدها شديد.. كان اتشاكلت مع زول.. تاني يوم طوالي انا بكون صارة ليهو هههههه
اللذيذ في الموضوع اني بواصل في الزعل حتى لو هي صالحت الزول.. يعني ناس البكا غفرو والجيران كفرو
|
Post: #28
Title: Re: قدر شنو أنت (إمعة )؟!
Author: Yassir Tayfour
Date: 12-13-2012, 08:17 PM
Parent: #27
يا داليا
أنا لو الناس أحسنوواااا، بحسن، لكن كان أساءوواا بستفتى ضميري..
___
لوما المشغولية كان عمت ليك بوست بعنوان: العشرة "الإمعات" في المنبر ؛)
|
Post: #29
Title: Re: قدر شنو أنت (إمعة )؟!
Author: Rawia
Date: 12-13-2012, 08:27 PM
Parent: #28
Quote:
___
لوما المشغولية كان عمت ليك بوست بعنوان: العشرة "الإمعات" في المنبر ؛) |
سبحان من شدهك أحلى شدهة
خليك كدا على طول
بس طل مرة مرة عشان بنشتاق ليك وكدة
لوووول
| Quote: أنا لو الناس أحسنوواااا، بحسن، لكن كان أساءوواا بستفتى ضميري.. |
إييييه
دحكتني
|
Post: #30
Title: Re: قدر شنو أنت (إمعة )؟!
Author: داليا حافظ
Date: 12-14-2012, 11:02 PM
Parent: #22
| Quote: أنا في رأي أخطر أنواع الإمعية هو تقييم شخص استنادا على تقييم شخص آخر ليهو |
والعجب يا حمد كان الأنت قافل على رأيه هو ذاته مستند على غيره ...والأدهى أنك تكون أمعة لزول كضاااااب ..هو ينجر وانت تسمكر ههههه
|
Post: #31
Title: Re: قدر شنو أنت (إمعة )؟!
Author: داليا حافظ
Date: 12-16-2012, 08:30 AM
Parent: #30
مرحبتين استاذ يحي ..
| Quote: المدهش ... الشخص الذى يعشق ان يلتف حوله ذلك الامعة ... و يحب ان يلفت الانظار ... |
صدقت ..الاشخاص المابعروفوا يعيشوا إلا وسط مطبلين عندهم نقص ما بحاولوا تعويضو او التغطية عليه ..
بس للأسف الإمعة بقوم بدور المغفل النافع بإمتياز ..
|
Post: #32
Title: Re: قدر شنو أنت (إمعة )؟!
Author: بشير جبريل علي
Date: 12-16-2012, 11:30 AM
Parent: #31
| Quote: بالنسبة للسايز وما أدراك ما شنو ..فإقنور..هههههه |
سايز شنو يا داليا العاملة منو إقنور.. سايس الخيل ..
|
|