المؤمن صديق: الزول ضربته كهربة في الفرن و ناس الفرن خافو من المشاكل

المؤمن صديق: الزول ضربته كهربة في الفرن و ناس الفرن خافو من المشاكل
يقومو يشيلو الجثمان و يختو في العربية. اها العربية تدور و السواق يسوقها والجثة الهامدة في ضهرية العربية البوكسي
السواق يسوق العربية لغاية باب اهلو و برضو يخافو يكلمو اهل المرحوم الجثة في ضهرية العربية خوفا من المشاكل. الله لا جاب المشاكل ما قلنا شئ غير ما يرضي الله و رسولو
يقومو مع الدغش يجدعو الجثمان في قدام البيت و فللي يجرو بالعربية لا من شاف لا من دري
لا خوفا من رب العالمين حيث قيل في الاحاديث النبوية حرمة الموتي اولا و مواراتهم الثري قبل كل شئ
البوليس عرف بالمشكلة من الصحف السيارة البقت تسير في الشبكة العنكوبتية متل الدبايب و العناكب
البوليس في صمة خشمو الناس يتهموهو بانو كتل الزول . الزول الضربتو الكهربة
البوليس يقول يضربكم الضريب يا ناس الشبكة العنكبوتية الما تخافو الله. الزول ضربتو كهربة شوفة عينينا دي
و طيب يا البوليس عارفين الكهربة بتضرب بدون اذن و الكهربة ما غلطانة. غلطان المرحوم الهبشها و الكهربة ما بتتحاكم
الخوف من شنو البخلي صاحب االفرن يجدع جثة المرحوم مع الدغش قدام باب اهلو.
و ما دام كلفتو نفسكم و عملتو تحرياتكم و عرفتو انو صاحب الفرن خاف من المشاكل و قام جدع الجثة قدام بيت اهلو طيب كده صاحب الفرن ما جاب المشاكل لنفسو تب و انقبض بالثابته مالكم ما حاكمتوه علي جريمة جدع الجثة في الدغش؟
مالكم ما وريتوهو الله قال و رسول قال و تاني ما تعمل الشئ الكعب
مالكم ما مشيتو الفرن و اجبرتهو يصلح الاسلاك عشان تاني ما في زول يروح ضحية
و يا البوليس مالكم طلعتو بيان في الانترنت و بدون عنوان عشان الناس تلقي المرجعية و التحريات بالكامل
يا ناس الله خافو الله و خافو علي روحكم من حساب رب العالمين.


المؤمن صديق

Quote: وفي الواقع هناك الحقيقة ماثلة وغالبية الناس تميز بين الاكاذيب والحقائق غالبية من ادعوا انهم قتلوا بيد الامن طلعوا بحوادث حركة او صعقة كهرباء راجعي كل قصص الشهداء التى اقامت الثورات السايبرية ستجدي ما ذكر هنا لاستثارة العواطف لا يمت الى الحقيقة بصلة

الكوت اعلاه من احدي البوستات السيارة في هذا المنبر و يتحدث عن احدي حوادث القتل التي تعرض لها واحد من ابناء الجامعات السودانية.
في وقتها كانت الرواية التي خرجت بها هيئة محامي دارفور هو ان المقتول وجدت جثته بالقرب من منزل اسرته صباح التالي لاختفائه.

بعدها بيومين خرج علي النت بيان مذيل بأسم الشرطه ان المقتول مات بسبب صعقة كهربائية و هو يعمل في احدي مخابر العاصمة.

السؤال الذي طرح نفسه في ذات الوقت.
ان المرحوم مات بسبب صعقة كهربائية ما الذي يخيف صاحب المخبز لان يتصرف برمي الجثة امام منزل اسرته؟
لماذا ارغمت جهات مجهولة اسرة الفقيد من الادلاء بأي معلومات لأي جهة؟

_____________
كان الفقيد قبل يوم واحد من مقتله شارك في مظاهرة طلابية من جامعة الخرطوم.

اما المرجعية الاخري بخصوص حادث الحركة ايضا وحسب رواية اسرته ان شخصا اتصل بالمرحوم ليلا حوالي الثامنة او التاسعة مساء (يبدو انه علي معرفة به) خرج علي اثره و لم يعد.
في صباح اليوم الثاني تداولت الرواية ان شخص ما اوصله الي المستشفي و هو بين الموت و الحياة فارق الحياة علي اثرها و اتصل بأسرته ليبلغهم ان ابنهم بالمستشفي و لم يكشف عن هويته او سبب دخوله الي المستشفي.
خرجت رواية الجهات الرسمية بأن سبب الموت كان في حادث حركة.
لم يشر احدا الي مكان الحادث او ملابسات الحادث الذي اودي بحياته.

المؤمن صديق علي كل حال

حادثة محمد موسي (كانت الاولي تقريبا)
تم اختطافه في وضح النهار و وجدت جثته مرميا في العراء اليوم الثاني.

كانت رواية الجهات الرسمية حينها ان كان ينتمي الي مجموعة عبدالواحد محمد نور و قامت بقتله مجموعة من داخل تنظيم عبدالواحد لاختلاف الرؤي بينهم

المؤمن صديق ايضا والحمدلله

الرواية الرباعية الان بأمر الطبيب الشرعي ايضا ان الاشخاص الاربعة ذهبو للاستحمام في مياه الترعة و بما انهم من غرب السودان و بديهي انهم لا يعرف السباحة فأنهم ماتو غرقا

المؤمن صديق و الحمدلله

القاسم المشترك بين كل هؤلاء انهم طلاب جامعيين ولدو في عهد الانقاذ و ظروف اختفائهم واحد.
اختطاف ثم رمي الجثة في مكان ما
الجثة دائما بها اثار تعذيب او فعل فاعل .
لا يعرف من هو الفاعل
الجهات الرسمية تتبني الموضوع و تصدر بيانا يبعد شبهة الــ Foul Play

سلام يا حبيب

هو فى حد بيعرف اكثر من الحكومه!! خصوصا عندما تكون اسلاميه...تهليل يا محجوب

الله لا كسبهم خير

دودى

Quote: هو فى حد بيعرف اكثر من الحكومه!! خصوصا عندما تكون اسلاميه...تهليل يا محجوب

الهبيب الدودي
كيف حالك يا اخي
المشكلة في بعض الناس هنا مستعدين يصدقو اي شي من طرف الحكومة و تكذيب الطرف الاخر

تحايا يا مهجوب
هناك جهازان للامن وهم
جهاز الامن الرسمي البنعرفو كلنا ده NISS وده شغلو معروف وعندو قانون بغض النظر عن التجاوزات الفيهو ولكن ترك مهمة الطلاب والمعارضين الشباب لجهاز الامن الشعبي
وما يسمى بجهاز الامن الشعبي وهو جهاز غير رسمي وهو مشكل من قبل الانقلاب ومن مؤسسيه نافع وقوش وكمال عبد اللطيف
وهو ما يوكل اليه بممارسة الاعمال القذرة والتصفيات الجسدية
وهناك ما يعرف بمكاتب التامين التابعة لطلاب المؤتمر الوطني في الجامعات وهي تعمل بالتنسيق مع جهازي الامن
احدها للحصول على التغطية الرسمية في حالة حدوث جرائم كبرى وذلك بالضغط على الشرطة والمستشفيات لتزييف الادلة وفبركة القصص الوهمية من شاكلة ضربتو كهرباء او بردة
والثاني وهو جهاز الامن الشعبي لتقديم الدعم اللوجستي والافراد في حالات الانتخابات او احداث العنف
المطلوب الان هو معرفة من هو قائد جهاز الامن الشعبي (كان كمال عبد اللطيف في فترة هو القائد والمسئول عنه)
كل الكيزان ملة واحدة

العزيز محمد ابراهيم
نعم هناك اكثر من جهاز امن و فعلا في مجموعة معروفة بمجموعة نافع تلقاهم في معظم مدن السودان و لكي اكون اكثر تحديدا في مدينة الفاشر لهم مكاتبهم في شرق المدينة و كل الناس هناك يهمسون بكلمة "اولاد نافع" و تقريبا ليس فيهم شخص من دارفور.

المشكلة هنا في البورد من امثال الدكتورة اللي خالص ما بستخدمو اي نوع من العقل لوزن معقولية الحادث و تجدهم دائما حريصين علي تصديق الرواية الحكومية مهما كانت (غير منطقية).

محجوب ياخوى والله بقيت نستغرب لمن نشوف الهوان الوصلتو ليهو دة, كلامكم بقى كتير, و "حركاتكم" اكتر...ياخوى التار الواحد دة كدى عيبو لى!!!! كتلو ليك , تكتل!!!!! ولا تشيل فاتحة ولا تخلى "حزب الاسرة" يعمل ليك بيت عزاء.

ولى هسى يامحجوب, كتلة ال###### الاعور محمد طه محمد احمد مبسوط منها, كان سووها الجماعة ولا لفقوها ليهم, المهم ما تكتر الشكوى وتغنى ظلمونى.
مرات مرات سلطناتكم داك ببقى لى كلام حبوبات ساكت.
تحياتى

"كلام ذي الورد واتفق معه.مية.المية
من زمن بنكلم في الناس دي المشكلة.بين الحكومة بمكوناتها كلها وضد الشعب بمكوناته
لكن محللين اللجوء وتجار القضايا عايزنها تبقى جهوية وعايزين يحتوا عقدهم وامراضهم واحساسهم
بالدونية في من يسمونهم الجلابة وهم ضحايا مثلهم لانقاذ
مع الاحترام "

انتهى الاقتباس.

يعنى كدة كويس؟؟؟
نقعد فى لا والله انحنا ما معقدين بس كتلو لينا عيال وزاتو خليناهم لى الله؟؟؟

هذا القتل لن يقف إلا باستهداف القادة واغتيالهم..

المواطن بوزير ومحل رهيفة تنقد..

الثأر لا القصاص.