فيديو مدور في السعودية عن ظهور كائن مشع في الروضة يوم الجمعة (صورة)

كل الدوائر ... تتداول
ايميلات ... منتديات ... موبايلات... واتساب
تويتر ...فيس
الفيديو حول كائن في هيئة رجل
ظهر في الكاميرا اثناء خطبة الجمعة الفاتت في الحرم النبوي عبارة عن كتلة من نور
رئاسة الحرم المدني قالو انو عبارة عن سقوط ضوء على شخص جالس في الحرم
وانو مافي شي غريب ونفوا نفي تام اي احتمالية لكرامة او اي شي من قبيل ظهور ملك

التفسيرات كتيرة جداً ...
ومنها :
نفت رئاسة الحرم النبوي الشريف ما تداولته مواقع التواصل الاجتماعي حول ظهور كائن غير بشري التقطته كاميرات التصوير أثناء صلاة الجمعة الماضية.
ووفقا لصحيفة "عكاظ" السعودية أكدت رئاسة الحرم النبوي أن ما حدث هو مجرد ضوء انعكس على ذلك الشخص والتقطته الكاميرا خلال توثيقها لصلاة الجمعة من المسجد النبوي الشريف، فظهر للناس وكأنه رجل غريب في زي الثوب والشماغ يجلس بين المصلين بينما وجهه وجسده يشعان نورا.
وعلق مدير العلاقات العامة في وكالة شؤون رئاسة الحرم النبوي الشيخ عبدالواحد الحطاب على هذا الحدث بأنه مجرد لعب في المونتاج لا أقل ولا أكثر ، وليس من الحقائق التي يصدقها العقل.

المصدر:
http://inlightpress.com/index.php?option=com_...-18-42-36&Itemid=299

العاجبني في الناس ديل

في حتات كدا ما بيدوا فيها اي فرصة للدجل

وبتعاملوا مع حتى الجزئية الروحانية من الدين زي حساب المثلثات

لا بلفوا ولا بدوروا ولا بيجيبوا أقاويل زي جماعتنا ناس الفكي طار وقطع البحر بسجادة

دي حتة مهمة جداً وإيجابية

Quote: العاجبني في الناس ديل في حتات كدا ما بيدوا فيها اي فرصة للدجل وبتعاملوا مع حتى الجزئية الروحانية من الدين زي حساب المثلثات لا بلفوا ولا بدوروا ولا بيجيبوا أقاويل زي جماعتنا ناس الفكي طار وقطع البحر بسجادة دي حتة مهمة جداً وإيجابية

عاصم فقيري
الله اديك العافية يا رجل
عبرت عني تمااااااااااااااااااااااما
شكرا جزيلا
مع تحياتي للاخ بدر

Quote: عاصم فقيري الله اديك العافية يا رجل عبرت عني تمااااااااااااااااااااااما شكرا جزيلا مع تحياتي للاخ بدر

ود البوش ياخي القلوب عند بعضيها

سلام اخونا طاهر بدر
عدت مرة اخرى لكي اكمل لك الاسم الصحيح لاني لست متعودا على التعديل ولا احبذه
وتقبل تحياتي

Quote: عدت مرة اخرى لكي اكمل لك الاسم الصحيح

عبد الله ...حبابك
.
.
عارف يا عبد الله السايبر دا مليان بي جنس محن ...
وفي اي حتة منو بتلقى البخصمك والبحلفك باعادة النشر او بنصرة الرسول او باكتساب حسنات
وتجد الساخرون البعملو ليك موضوع شرك واستفتاء باغلاق موقع
او غرفة في البالتوك
وموضوع ال Share في مواقع التواصل مصيبة
وما تستبعد انو يكون في ناس قاصدة القصة دي لالهاء الناس والسخرية منهم
تحياتي يا ود البوش

Quote: العاجبني في الناس ديل في حتات كدا ما بيدوا فيها اي فرصة للدجل وبتعاملوا مع حتى الجزئية الروحانية من الدين زي حساب المثلثات لا بلفوا ولا بدوروا ولا بيجيبوا أقاويل زي جماعتنا ناس الفكي طار وقطع البحر بسجادة دي حتة مهمة جداً وإيجابية

عاصم ...ازيك
عارف الشي الايجابي فيهم هو انو فعلاً ما بخلوا فرصة "لقرطسة" الوهم
والا كنت هسي حتشوف بوستات تتطاقش حول لبس الملائكة للغترة السعودية
وان الرسول "سعودي" كما قالها احد كبار الفنانين
يديك العافية ...

طاهر بدر

أولاً آسف إني دخلت كدا من غير سلام وكلام

أخدنا البوست بتاعك ونسانا الواجب

لك التحية والتقدير

والغريب انه نفس الناس ديل هم البدرّسوا في المدارس انه الله أجرى المعجزات على أيدي بشر مثلنا... منهم الرسل والانبياء وبعض الصالحين (الرجل الذي عنده علم من الكتاب في قصة سيدنا سليمان)، وهم نفسهم البسارعوا لنفي اي شي خارق للعادة او غير طبيعي .. كأنه اسباب اتصال السماء بالارض انقطعت، وكأنه الدنيا دي بقت ماديات وبس... اعتقد انه ديل نفسهم لو جاهم سيدنا المسيح حسي دي راجع، ما حيصدقوه!

كل شئ وارد

لكن الفي الصورة دى يا فعلا مساله ضوء .. او لعب فى الصورة والله اعلم

Quote: والغريب انه نفس الناس ديل هم البدرّسوا في المدارس انه الله أجرى المعجزات على أيدي بشر مثلنا... منهم الرسل والانبياء وبعض الصالحين (الرجل الذي عنده علم من الكتاب في قصة سيدنا سليمان)، وهم نفسهم البسارعوا لنفي اي شي خارق للعادة او غير طبيعي .. كأنه اسباب اتصال السماء بالارض انقطعت، وكأنه الدنيا دي بقت ماديات وبس... اعتقد انه ديل نفسهم لو جاهم سيدنا المسيح حسي دي راجع، ما حيصدقوه!

بت الحسين ...حبابك الف
ليكي حق ... بس هم بيعملوا حساب حاجات كتيرة ممكن تتفبرك
سبحان الله ما يعلم جنود ربك الا هو ...
بس انتي مش معاي انو مرات في مبالغات في مواضيع التصوير دي او حتى الكرامات البنسمعا

Quote: طاهر بدر أولاً آسف إني دخلت كدا من غير سلام وكلام أخدنا البوست بتاعك ونسانا الواجب لك التحية والتقدير

>
>
مرحبتين حبابك فقيري
.
.
.
عارف الموضوع دا لما قوقلتو ...جاني ليك كترة مواقع
وقعدت لي فترة مع المواقع البكون فيها تعليقات تحتها
والله حاجة عجيبة ...
الشيعة بقولوا دا مهديهم ...
وفي البقول ليك ملك ...
والما مصدقين الموضوع من اساسو اكثر
والمحللين بتوع المونتاج والتصوير بفتو عن موضوع ايزو وضوء وتصوير
غايتو ...

الأخ طاهر بدر.

يا ربي ده بكون سيدي الصادق المهدي!
أصلو قبل كده قالو هو لمن بكون نايم بالليل بضوي وبيخرج منو شعاع.

مساء الخير

لو لاحظت في الصورة الناس الخلف النور والملاصقين ليهو مافي زول شغال بيهو ممايدل على انو كلام جرايد ساكت

تحياتي

زاتوووو

نلاحظ لى صورة الزول القدامو طوالي
يبدو انها نفس الصورة منسوخة وملعوب فيها




لو لاحظنا نفس ابعاد الشماغ والوجه والقعدة والتفاصيل

الاخ طاهر سلام

كل شئ جايز فإحتمال ان يكون كما قالوا انعكاس وهذا لا ينفي امكانية حدوث خوارق او كرامات ..

Quote: يا ربي ده بكون سيدي الصادق المهدي! أصلو قبل كده قالو هو لمن بكون نايم بالليل بضوي وبيخرج منو شعاع.

دينق لو ما دخلت سيدك دا في اي موضوع ما بترتاح ؟

Quote: والغريب انه نفس الناس ديل هم البدرّسوا في المدارس انه الله أجرى المعجزات على أيدي بشر مثلنا... منهم الرسل والانبياء وبعض الصالحين (الرجل الذي عنده علم من الكتاب في قصة سيدنا سليمان)، وهم نفسهم البسارعوا لنفي اي شي خارق للعادة او غير طبيعي .. كأنه اسباب اتصال السماء بالارض انقطعت، وكأنه الدنيا دي بقت ماديات وبس... اعتقد انه ديل نفسهم لو جاهم سيدنا المسيح حسي دي راجع، ما حيصدقوه!

شكرا يامريم

الايمان بالاديان السماوية برتكز بشكل اساسى على الايمان بالغيب
السؤال هل الوهابية حددت شكل العلاقة بين السماء والارض وكشفت اسرار الغيب ؟


كامل تضامنى مع المسيح حين عودته فقد يكون مصيره سيف القصاص

.

Quote: كامل تضامنى مع المسيح حين عودته فقد يكون مصيره سيف القصاص

عصام ... سلام
عارف في ناس هسي بتروج انو موضوع كوكب الارض النحن فيهو دا حينتهي موضوعو يوم الجمعة الجاية 21 ديسمبر
لانو في كوكب خشا المجموعة الشمسية واربك مسار المجموعة وحيرتطم بالارض ويهرسا
القصة في ناس اخدتا بالجدية وواقعين صلاه واستغفار
رغم علمهم بانو الرسول الكريم اخبر عن "سيناريو" نهاية الكون واخرها نزول عيسى عليه السلام بعد المسيخ الدجال والمهدي المنتظر
يبقى ما دام عيسى بجي من فوق ...ما تخاف عليهو من البتقول عليهو دا بس تقول
"البجي من الله حياه الله"

Quote: الاخ طاهر سلام كل شئ جايز فإحتمال ان يكون كما قالوا انعكاس وهذا لا ينفي امكانية حدوث خوارق او كرامات ..

.
.
نيازي كيفك
ياخي ما كدي نسوي لينا نداء لي الناس المتخصصة في التصوير والحوش دا اكيد فيهو على الاقل اتنين تلاتة منهم

Quote: كل شئ جايز فإحتمال ان يكون كما قالوا انعكاس وهذا لا ينفي امكانية حدوث خوارق او كرامات ..

نيازي ...كيفك
على ما يبدو انو موضوع الانعكاس دا الارجح ...

Quote: نلاحظ لى صورة الزول القدامو طوالي يبدو انها نفس الصورة منسوخة وملعوب فيها لو لاحظنا نفس ابعاد الشماغ والوجه والقعدة والتفاصيل

وضاح ... ازيك
كولو وارد بس انت ركزت على الصورة بس
بس الموضوع في الفيديو مختلف
كدي شوف الفيديو الفي الرابط الفوق

الاخ طاهر بدر

تحياتي ,,,


ما يدور من محاولات من بعض الدجالين لإشاعة الأكاذيب خاصةً فى الأمور الدينية ذكرني تصرف أدروب الذكي الذي كان يعمل أمين مستودع دقيق للجيش, أيام عنفوان الترابي ومشروعه الحضاري الذي انفض من حوله الجميع مؤخراً

المهم فى الأمر, كان الترابي يخطب فى التلفزيون بعد اخبار الساعة التاسعة مساءً وأدروب المغلوب على امرهـ يتابع كلام الترابي الى ان قال وهو يخاطب جموع من المجاهدين فى جنوبنا الحبيب ... "ألم تشاهدون بام اعينكم بان الله قد انزل عليكم ما تشتهون؟" !!!!

أدروب طوالي قام من سريرهـ وقام باع ليك الدقيق اللى فى المخزن ورقد نام .... اليوم التالي حضر احدهم لاستلام الكوتة اليومية وتفاجأ بأن المستودع مغلق وأدروب ما زال نائم حتى الساعة 9 صباحاً ... فصحى وفتح الباب فلم يرى الندوب الدقيق ودار الحوار التالي ما بين المندوب القادم لاستلام الدقيق وأدروب:-

المندوب: وين الدقيق يا أدروب؟

أدروب : دقيق شنو؟ أمس الليل كله ما نومت ؟

المندوب: ليه الحصل شنو؟

أدروب: الملائكة تنقل الدقيق للجنوب حتى الساعة 5 صباحاً ... وفى رواية اخرى قال ... إنت بتشكك فى كلام الترابي ؟

ما يدور من محاولات من بعض الدجالين لإشاعة الأكاذيب خاصةً فى الأمور الدينية ذكرني تصرف أدروب الذكي الذي كان يعمل أمين مستودع دقيق للجيش, أيام عنفوان الترابي ومشروعه الحضاري الذي انفض من حوله الجميع مؤخراً
الفاتح ...كيفك
متذكرا النكتة بس البحكمنا هنا الغرض
الفيديو المنشور دا ما فيهو اي غرض ولا غاية سياسية او دينية
ادروب هسي بكون عرف درب الدهب

Quote: مساء الخير لو لاحظت في الصورة الناس الخلف النور والملاصقين ليهو مافي زول شغال بيهو ممايدل على انو كلام جرايد ساكت تحياتي زاتوووو

حبابك ...
المنطق بقول كدا ...
بس ممكن يجيك واحد يقول ليك ديل مصروفين عن رؤيتو
غايتو استنتاجك لو من الصور ..كدي اعفص الفيديو مرتين تلاتة
تسلم

.

Quote: الأخ طاهر بدر. يا ربي ده بكون سيدي الصادق المهدي! أصلو قبل كده قالو هو لمن بكون نايم بالليل بضوي وبيخرج منو شعاع

يا دينق ...ازيك ياخ

ليه بتستبعد كرامة الصادق؟؟؟ ..
ما اي سوداني جاتو السلطة ما سرق واثرى بالحرام
وما نافق وما قتل وما شرد وما عذب وما فبرك وكذب بكون ملاك ونص وخمسة ..ومفروض يبق بق من النور

ثانياً :
الزول الظاهر دا
1- لابس غترة (خليجية)
2- شاب
اذاً ليس هو ...وهو المطلوب اثباتو ..
سعدت بمرورك

لا ننفي ولا نؤكد ولا نسخر

فكل الأديان السماوية قائمة على الغيبيات ..

وكلها تمتلئ بقصص الكرامات والمعجزات ...

فخلق الإنسان نفسه الذي يدعي العلم ويرفض الغيبيات

لا يستطيع أن يفسره أكثر العقول علماً ...

نقول فقط ...

سبحان الله يخلق ما نعلم وما لا نعلم ...

سلآمات أخونا الطاهر وضيوفو.

الزول اب فنيلةً حمرا دا غايتو كشّف ليهو
علي ما يبدو...

Quote: سلام اخونا طاهر بدر عدت مرة اخرى لكي اكمل لك الاسم الصحيح لاني لست متعودا على التعديل ولا احبذه وتقبل تحياتي

غايتو يا ود البوش حساسيتك مفرطه وتهذيبك عالي ((الوشوش الضاحكه البشاري ما علمني ليها))
سلام صاحب البوست ... تحية خاصة لود البوش
واحد من جدودنا الاشراف جاتو هدية بطارية من خواجة والخرطوم الوقت داك صقيع النوم بره في السهلة ممكن عادي لو ما جنبك عكاز الغنم تنكرش في العنقريب والكلاب تهوهو لو ما كنت ما صاحي ممكن تلقي منها عمايل شينه اقصد الكلاب .
اها كل ما الشريف احس ليهو بي حركه تقلق نومو اولع البطارية للاستكشاف .
الحيران قاعدين بعيد اعاينو كل ما تولع البطارية اقولو بصوت واحد (( سيدي ولع سيدي بقه سيدي نور)) شغالين كده للصباح مع كرامات البطارية.

هذه السنة كنت في الحرم النبوي الشريف، وأنا داخل على الروضة الشريفة كنت ألتقط بعض الصور بالآيفون،
فجاءت احدى اللقطات (بيضاء عديل... كلها) ما عدا بعض الشخوص هنا وهناك صورهم غير مكتملة، والغريبة كل اللقطات بعدها وقبلها كانت طبيعية وواضحة جداً. أنا قلت يمكن الآيفون ضرب ولا الإضاءة عكست على العدسة. لكنها فعلا كانت لقطة غريبة ما زلت أحتفظ بها ضمن لقطات نادرة من داخل الروضة الشريفة.

Quote: لو لاحظت في الصورة الناس الخلف النور والملاصقين ليهو مافي زول شغال بيهو ممايدل على انو كلام جرايد ساكت

القاعدين حوله فى المسجد ما شافهو بالعين المجردة، .. عدسة الكاميرا فقط شافتو !!

سلام الطاهر
شغل في الفوتشوب ما اخد اكتر من 5 دقايق
نفس التعديل ممكن تعملو في الفيديو

الاخ طاهر، سيد البوست.. معليش اعفي لي، كنت مغتاظة شويه ونسيت احيّك.. فاعتذر عن ذلك... وتحياتي وتقديري لك...


انا استغرب استماتت الناس في محاولة النفي وكأنهم لا يؤمنون بالملائكة... أليس هذا ركن من أركان الإيمان!!! انا برضه لا أؤكد ولا انفي، لكن أبقي قلبي وعقلي مفتوحاً... فهم مذكورين في القر’ن والسنة... ولا الدنيا دي بقت الثابت فيها القرش وبس!

Quote: سلام الطاهر شغل في الفوتشوب ما اخد اكتر من 5 دقايق نفس التعديل ممكن تعملو في الفيديو

نبيل كيفك .. الحي بيك يا حبيب
شغلك نضيييييف ومن الاخر
بس
الملاحظة انو ادارة الحرم نفسها ما اكدت انو الفيديو فيهو تلاعب والا
كانوا حيستندوعلى الفيديو الاصلي لكشف التلاعب
بس موضوع امكانية التلاعب بالفوتوشوب تبقى احتمال قائم للحالات القادمة
تسلم يا حبيب ... وابقى عافية

Quote: القاعدين حوله فى المسجد ما شافهو بالعين المجردة، .. عدسة الكاميرا فقط شافتو !!

شفت كيف يا ود الفضلي ...
القصة ما استغراب او محاولة لي دحض امكانية حدوث الخوارق
التحليل الوارد في مداخلتي منعمشوف ودكتور سيف ياههن ام الفهم زاتو

Quote: هذه السنة كنت في الحرم النبوي الشريف، وأنا داخل على الروضة الشريفة كنت ألتقط بعض الصور بالآيفون، فجاءت احدى اللقطات (بيضاء عديل... كلها) ما عدا بعض الشخوص هنا وهناك صورهم غير مكتملة، والغريبة كل اللقطات بعدها وقبلها كانت طبيعية وواضحة جداً. أنا قلت يمكن الآيفون ضرب ولا الإضاءة عكست على العدسة. لكنها فعلا كانت لقطة غريبة ما زلت أحتفظ بها ضمن لقطات نادرة من داخل الروضة الشريفة.

عوض ...
اكيد الروضة الشريفة ما تستبعد اي اسرار فيها
دي حتة من الجنة ...
حتى انا في اخر مرة مشيت ازور وانا في الصف
ذاهب لالقاء السلام على سيدنا النبي عليه افضل السلام واتم التسليم وصاحبيه رضوان الله عليهم
كنت انظر شمالي واتأمل الوجوه الموجودة في الروضة
بالجد الواحد بحس انو في ناس كدا ما عاديين وفيهم وضاءة في وجوهم
وبعدين انت براك شفت تأدب الناس في الروضة والجلال والصمت
كدي حاول حمل الصورة وختها لينا هنا

Quote: الحيران قاعدين بعيد اعاينو كل ما تولع البطارية اقولو بصوت واحد (( سيدي ولع سيدي بقه سيدي نور)) شغالين كده للصباح مع كرامات البطارية

عباس ...
كيفك ...
عارف يا عباس
الدنيا دي وحتى السياسة قايمة على فكرة الحوار والشيخ
والشيخ حتى لو صحت كراماتو بدون حيران يهللو ما بسوى شي ...

Quote: سلآمات أخونا الطاهر وضيوفو. الزول اب فنيلةً حمرا دا غايتو كشّف ليهو علي ما يبدو...

معاوية ...
ازيك
اولا مشكور على تضمين الفيديو ...
غايتو الفيديو ما بيظهر فيهو اي شكل من اشكال الحيلة او التلاعب
والا ما كدا؟؟؟

الأخ الطاهر بدر، تحية طيبة لك ولضيوفك،
بالرجوع للفِديو يتضح أن التباين ~contrast~ العالى جداً بين ضوء النهار والظل داخل المسجد وجلوس
الرجل ذو الملابس البيضاء فى دائرة ضوء الشمس القوى جعلا الكاميرا الإلكترونية أن لا تتعرف عليه
إلا ككتلة من الضوء، يعنى لوأغلق المصور عدسة كامرته الإلكترونية قليلا لأظلمت صورة المصلين الجالسين
فى الظل وبانت تفاصيل الرجل ذو السحنة البيضاء واللحية البيضاء والمرتدى ملابس ناصعة البياض.
يعنى لا كائن مشع، لا حيل فوتوشوب ولا لعب منتاج كما صرح الشيخ الحطّاب.
الصدفة وحدها أجلست هذا المصلى فى هذا المكان كى لا تتعرف عليه الكاميرا ~ وتطشش ~ من جراء
إنعكاس ضوء الشمس القوى والواقع عليه.

Quote: الأخ الطاهر بدر، تحية طيبة لك ولضيوفك، بالرجوع للفِديو يتضح أن التباين ~contrast~ العالى جداً بين ضوء النهار والظل داخل المسجد وجلوس الرجل ذو الملابس البيضاء فى دائرة ضوء الشمس القوى جعلا الكاميرا الإلكترونية أن لا تتعرف عليه إلا ككتلة من الضوء، يعنى لوأغلق المصور عدسة كامرته الإلكترونية قليلا لأظلمت صورة المصلين الجالسين فى الظل وبانت تفاصيل الرجل ذو السحنة البيضاء واللحية البيضاء والمرتدى ملابس ناصعة البياض. يعنى لا كائن مشع، لا حيل فوتوشوب ولا لعب منتاج كما صرح الشيخ الحطّاب. الصدفة وحدها أجلست هذا المصلى فى هذا المكان كى لا تتعرف عليه الكاميرا ~ وتطشش ~ من جراء إنعكاس ضوء الشمس القوى والواقع عليه.

منعم ... مساء الخير
كلامك مظبوط مية في المية ...
وممكن نقول بدل ضوء شمس اضاءة قوية لانو الروضة ما فيها ضوء شمس بخش ليها
الضوء بتاع الشمس والخيم البتفتح ديك لي ورا كتير من الحتة المصورة دي
وما ذكرته ملاحظ عندما نشاهد مباراة بالعصر متلفزة وتكون الشمس في نص الملعب والنص التاني ضل
مساهمة في الصميم يا منعم ...لا عدمناك

Quote: لا ننفي ولا نؤكد ولا نسخر فكل الأديان السماوية قائمة على الغيبيات .. وكلها تمتلئ بقصص الكرامات والمعجزات ... فخلق الإنسان نفسه الذي يدعي العلم ويرفض الغيبيات لا يستطيع أن يفسره أكثر العقول علماً ... نقول فقط ... سبحان الله يخلق ما نعلم وما لا نعلم ...

ونعم بالله يا عبد الباقي
تحية طيبة ..
موضوع الفيديو ما فيهو لا غيبيات ولا نفي كرامات
وليس مدعاة للسخرية انما هي محاولة للفهم
والوقوف على الحقيقة
والمؤمن كيس فطن ...

سلامات يا قريبي
ده واحد حاول يفسر المسألة: