Post: #1
Title: صور من داخل قصر البشير بحوش بانقا
Author: خالد فهمي
Date: 12-10-2012, 06:19 AM
Parent: #0
|
Post: #2
Title: Re: صور من داخل قصر البشير بحوش بانقا
Author: خالد فهمي
Date: 12-10-2012, 06:21 AM
Parent: #1
|
Post: #3
Title: Re: صور من داخل قصر البشير بحوش بانقا
Author: حيدر حسن ميرغني
Date: 12-10-2012, 06:27 AM
Parent: #2
سبحان الله
من ضابط جيش براتب حلال ومعلوم مصدره
لحرامي لا يفرَق بين جيبه وفلوس البلد
|
Post: #4
Title: Re: صور من داخل قصر البشير بحوش بانقا
Author: محمد إبراهيم علي
Date: 12-10-2012, 06:39 AM
Parent: #3
ده جيب من جوة خالص خالص
النظام ياكل نفسه من الداخل
حوش بانقا ياتا يا خالد
الفي الشمالية ولا الفي الخرطوم
|
Post: #5
Title: Re: صور من داخل قصر البشير بحوش بانقا
Author: ABDELMAGID ABDELMAGID
Date: 12-10-2012, 06:40 AM
Parent: #3
ده حوش ده !!!
و لا ماكنتوش !!!
IT'S A JAW-DROPPING SCENE
.......
سبحان الله ...
هى لله ...
أو كما قال !!!
!!!!!!!!
|
Post: #6
Title: Re: صور من داخل قصر البشير بحوش بانقا
Author: الطيب مصطفى
Date: 12-10-2012, 06:44 AM
Parent: #5
إختلف اللصوص وظهر المسروق....
تحياتي حبيبنا خالد
|
Post: #7
Title: Re: صور من داخل قصر البشير بحوش بانقا
Author: Ahmed musa
Date: 12-10-2012, 06:53 AM
Parent: #6
حسبي الله ونعم الوكيل
نمرة واحد شنو البياك ده قصر البشير ولا بيته ؟
نمرة اتنين ده انتهاك لخصوصية ما صاح ومن زول خاين امانة دخوله البيت
نمرة تلاتة ده بيت انا المحامي ده ممكن اعمل احسن منه خاصة في الاقاليم البرة دي
|
Post: #8
Title: Re: صور من داخل قصر البشير بحوش بانقا
Author: Faisal Elrasheed
Date: 12-10-2012, 07:02 AM
Parent: #7
يا صاحب البوست ...
يبدو انك ستبلع بوستيك بمرسيدساته وبرادوهاتو وكورلاته ...
لا يمكن ان يكون هذا البيت يتبع للبشير ..
فمستوي المباني و والتصميمات تدل علي ان صاحبه لا يعدو ان يكون تاجر في سوق شندي او مغترب عائد الي (حظيرة ) الوطن لقي ليه مقاول وواطه كبيره وبني البيت ده ..
صراحه مستوي التصميات والتشطيبات لا ترقي ان تكون منزل رئيس جمهوريه .. ثم ان العربات الانت جايب صوره دي لا يمكن ان تكون عربات البشير ونشرك لارقام اللوحات سيعرضك لمسائلة قانونية عاجلا ام اجلا ..
والجماعه اللابسين عراريق ديل لا اعتقد انهم من رئاسة الجمهورية او حرس الرئيس فهم لا يعدون كونهم عمال عاديون ان اصحاب البيت او قرايبهم ..
عليك بالبلع السريع قبال ما يبقي ليك اللون فوشي ..
ـــــــــــــــــ
|
Post: #9
Title: Re: صور من داخل قصر البشير بحوش بانقا
Author: عصام مدنى
Date: 12-10-2012, 10:11 AM
Parent: #8
Quote: حسبي الله ونعم الوكيل
نمرة واحد شنو البياك ده قصر البشير ولا بيته ؟
نمرة اتنين ده انتهاك لخصوصية ما صاح ومن زول خاين امانة دخوله البيت
نمرة تلاتة ده بيت انا المحامي ده ممكن اعمل احسن منه خاصة في الاقاليم البرة دي |
|
Post: #10
Title: Re: صور من داخل قصر البشير بحوش بانقا
Author: معاوية الأرباب
Date: 12-10-2012, 10:21 AM
Parent: #9
Quote: فمستوي المباني و والتصميمات تدل علي ان صاحبه لا يعدو ان يكون تاجر في سوق شندي او مغترب عائد الي (حظيرة ) الوطن لقي ليه مقاول وواطه كبيره وبني البيت ده ..
صراحه مستوي التصميات والتشطيبات لا ترقي ان تكون منزل رئيس جمهوريه |
تنويه :
كان والد البشير حلاب بقر في حظائر حلة كوكو.
|
Post: #11
Title: Re: صور من داخل قصر البشير بحوش بانقا
Author: سيف النصر محي الدين
Date: 12-10-2012, 12:51 PM
Parent: #10
اذا ده بيت في الحلة عشان بس لما سيادتو لو واحد من جماعتو يمشي لفاتحة او معايدة او خلافو يتكل فيهو فلابد
أن نسأل من أين لك هذا ؟
ثم المفروض بعد كده الكيزان يسألوا نفسهم من هو الذي يسرب الصور و احاديث الغرف المغلقة و المستندات
و يطعنوا الفيل عديل . اي زول تجيهو في ايميلو حاجة زي دي غالبا ما ينشرها.
شكرا يا خالد فهمي.
|
Post: #12
Title: Re: صور من داخل قصر البشير بحوش بانقا
Author: Hassan Bakri Nugud
Date: 12-10-2012, 01:02 PM
Parent: #11
إنتهاك خصوصيــة !!
ديل إنتهكــوا آدميتنا كبشر ، وصادرو حقنا الطبيعي في الحياة نفسهــا ؛ تاني ياتو حقوق ليهم علينا !؟
إذا فعلا دا منزلو ، من حقنا نسأل : مــن أيـــن لـــك هـــذا ؟؟
|
Post: #13
Title: Re: صور من داخل قصر البشير بحوش بانقا
Author: مها عبد الله
Date: 12-10-2012, 01:09 PM
Parent: #12
شئ غريب لمن يتحدث عن إنتهاك خصوصية ، فالمجرم البشير لا يُمثل نفسه ، ولا عند السرقة فقط يبقي خصوصية ، هو حر يسرق ما يشاء !
بعدين يا فيصل الرشيد ، أعتقد كلامك بأنو دا بيت مواطن او تاجر او مغترب ، يؤكد أنه اللص البشير لمايسرق بيسرق جمل فعلا وهذا المنزل المتواضع ( فى نظرك ) لا يشبهه سرقة الكبار ) ( أتفق معك ) !
|
Post: #14
Title: Re: صور من داخل قصر البشير بحوش بانقا
Author: خالد فهمي
Date: 12-10-2012, 03:33 PM
Parent: #13
سلام يا المتداخلين
مافي بلع ولا حاجة .. الصور أكيدة ..
والقالوا منزل عادي زي بيوت التجار او المغتربين .. البشير تاجر ولا مغترب ؟؟؟ ليه ما قلت ذي بيوت الموظفين ولا ضباط الجيش ؟؟
و يا ناس الخصوصية صدقتو المال العام بقى من خصوصيات البشير وإخوانه .. الله ليك يا بلد ..
,,
|
Post: #15
Title: Re: صور من داخل قصر البشير بحوش بانقا
Author: صديق الموج
Date: 12-10-2012, 03:52 PM
Parent: #14
غايتو ان بقى البيت ده فى حوش بانقا التى نعرف الله يستر
على بيوت اهلها من ازيز ماكنات مكيفات الاسبلت هذا ان
لم تطيح بسقوف البيوت وتدمر المرافق.
بانقا حيث اهلنا انا لم اراها منذ العام 1987 ولكن خلال ترددى
عليها لا اعرف الا اننا نتمنى زيارتها لنشرب من الروب وناكل
ترمس المحطة ، وكان اهلها كعادة اهلنا فى قرى المنطقة يعانون الفقر
والاملاق وجور السلطات فى الخرطوم لا ماء ولا كهرباء ومثل
هذا الصرح لا يرونه الا فى السينما المتجولة فقط..
لو كان هذا بيت هذا الموتور فهو استفزاز صارخ لانسان المنطقة
ومن أين لابن غفير فى كافورى ان يشيد مثل هذا القصر المنيف
فى تلك الارض البلقع؟، حتى لو ولد مشيراً لا يمكن ان يبنى مثل
هذا القصر الشامخ فى قرية لا يزورها الا لماماً وخطفا و فى مناسبات اجتماعية
هذا ان كان يفعل..
اللهم اننا نشكو لك ظلمنا وهواننا وضعفنا امام هزلاء اللصوص الذين
استباحو اموال الغلابا، شيدوا القصور والناس تموت لانها لاتجد ثمن الحقنة.
ان كان هذا بيت هذا الغافل اتمنى قبل ان يأخذه الله ان يحولة الى مستشفى
من اجل اهله فهذا سوف يذكر له بالخير رغم سواءته،،،
|
Post: #17
Title: Re: صور من داخل قصر البشير بحوش بانقا
Author: Adil Ali
Date: 12-10-2012, 04:06 PM
Parent: #15
| Quote: نمرة تلاتة ده بيت انا المحامي ده ممكن اعمل احسن منه خاصة في الاقاليم البرة دي |
استغرب للمنظراتية البتكلموا عن خصوصية القتلة واللصوص والمجرمين الهاربين من العدالة.
بمعنى آخر: "ممنوع عرض المسروقات حتى لا "نجرح مشاعر اللص وننتهك خصوصيته"!!
دا قريتو وين يا أحمد موسى؟؟
بعدين ياخي إذا إنت "المحامي ده" ممكن تعمل أحسن من البيت دا مااالك بتفتش للإغتراب؟؟
واضح إنك "قنعت من خيراً في نافع علي نافع"!!
|
Post: #16
Title: Re: صور من داخل قصر البشير بحوش بانقا
Author: نجلاء قرافي
Date: 12-10-2012, 03:55 PM
Parent: #14
بغض النظر عن انو البيت تابع لي منو؟
مافي اي انتهاك خصوصية ياها الغرفة المفرشة دي ولا حاجه تانية دي صور عادية مافيها اي خصوصية
تبقى خصوصوية لما يجيبوهو هو واحده من نسوانو في غرفة النوم .
يا احمد موسى (المحامي) كدي راجع مواد الخصوصية البتتكلم عنها
وقلت لي بتعمل بيت زي دا ... لما تعملو ابقى اعزمنا في كرامة البيت طيب؟
|
Post: #18
Title: Re: صور من داخل قصر البشير بحوش بانقا
Author: Abdlaziz Eisa
Date: 12-10-2012, 04:21 PM
Parent: #16
Quote: بانقا حيث اهلنا انا لم اراها منذ العام 1987 ولكن خلال ترددى
عليها لا اعرف الا اننا نتمنى زيارتها لنشرب من الروب وناكل
ترمس المحطة ، وكان اهلها كعادة اهلنا فى قرى المنطقة يعانون الفقر
والاملاق وجور السلطات فى الخرطوم لا ماء ولا كهرباء ومثل
هذا الصرح لا يرونه الا فى السينما المتجولة فقط..
لو كان هذا بيت هذا الموتور فهو استفزاز صارخ لانسان المنطقة
ومن أين لابن غفير فى كافورى ان يشيد مثل هذا القصر المنيف
فى تلك الارض البلقع؟، حتى لو ولد مشيراً لا يمكن ان يبنى مثل
هذا القصر الشامخ فى قرية لا يزورها الا لماماً وخطفا و فى مناسبات اجتماعية
هذا ان كان يفعل..
اللهم اننا نشكو لك ظلمنا وهواننا وضعفنا امام هزلاء اللصوص الذين
استباحو اموال الغلابا، شيدوا القصور والناس تموت لانها لاتجد ثمن الحقنة.
ان كان هذا بيت هذا الغافل اتمنى قبل ان يأخذه الله ان يحولة الى مستشفى
من اجل اهله فهذا سوف يذكر له بالخير رغم سواءته،،، |
الاخ العزيز / صيدق الموج
سلام
لقد مررت بحوش بانقا في يناير 1990م ولم ار صرح بهذه الطريقة خاصة وبيوت الاقاليم لها طابعها من البساطة..
ويمكن لاي شخص من المنطقة ان يحدثنا من من الاهالي له بيتا بهذه الصورة..
الناس درجت تلوك في مفردة الخصوصىة!!
الخصوصيية تنتفي عن اي شخص خرج للعمل العام
واي نقص او عيب للشخص الذي خرج للعمل العام لا يعتبر من الخصوصيات..
ويحق الوصول الى غرفة نومه ان كانت بها شبهة فساد..
فمن به نقص او عيب فليزم داره ولا يتقدم الناس ولا ينصب نفسه عليهم..
لك الشكر أخي خالد فهمي..
وخطوة جميلة لكشف كل الفساد وسارقي اموال الشعب..
تحياتي
|
Post: #19
Title: Re: صور من داخل قصر البشير بحوش بانقا
Author: الزبير صالح الزبير
Date: 12-10-2012, 05:06 PM
Parent: #18
Quote:
نمرة تلاتة ده بيت انا المحامي ده ممكن اعمل احسن منه خاصة في الاقاليم البرة دي
|
يا رااااااااااجل؟
كدي عيني في عينيك كدة
|
Post: #20
Title: Re: صور من داخل قصر البشير بحوش بانقا
Author: محمد حسن العمدة
Date: 12-10-2012, 05:35 PM
Parent: #19
سلام شباب
طبعا البيت ما عادي ولا عدد العربات الفارهة عادي ولا تاريخ البشير واسرته الكانت في مزرعة كافور عادي انها تمتلك عربة واحده من العربات دي لانها قبل 89 لم تكن تمتلك شيئا
فقط من الصعب التاكد من حقيقة الصور الا بقدر الثقة في صاحب البوست لكن هذا لا يعني التشكيك في مصداقيته لان حوش بانقا معروف لكل الناس والابنية الفخمة به معروفة ومعروف ملكيتها ..
اذا اتضح ان هذه الصور حقيقة من احد بيوت البشير فدى ليه دلالات كثيرة جدا جدا جدا
الاهم من دا انو مزارع نافع وعلي عثمان والخواض والبشير نفسو افخم من هذه البناية وبها ملا عين رات في عيون ابناء الشعب السوداني
المزارع دي فيها اسطبلات وابقار وحدائق ترفيه في غاية الفخامة والتنسيق ومكلفة جدا فمن اين لابن غفير البلدية علي عثمان وسائق التاكسي نافع والمزارع الخواض مثل هذه المزارع الفخمة والضخمة ان لم تكن من مال هذا الشعب ؟!!
http://www.sudaneseonline.com/news-action-show-id-30220.htm
الاخ خالد أستميحك عذرا في اعادة نشر هذه الصور في مواقع اخرى أشارك فيها مع حفظ حقك الأدبي في ملكية هذه الصور
|
Post: #21
Title: Re: صور من داخل قصر البشير بحوش بانقا
Author: محمد حسن العمدة
Date: 12-10-2012, 05:40 PM
Parent: #20
من اين لهم بهذه الاموال والقصور والمزارع ؟!!
|
Post: #22
Title: Re: صور من داخل قصر البشير بحوش بانقا
Author: عبد المنعم ابراهيم الحاج
Date: 12-10-2012, 05:55 PM
Parent: #20
| Quote: نمرة تلاتة ده بيت انا المحامي ده ممكن اعمل احسن منه خاصة في الاقاليم البرة دي |
بتسويهو في الحلم يا أحمد ماك راضع في الرسمة .
تعرف يا أحمد انت عندك مشكلة في تحديد الفاصل بين
الأشياء . بالذات في المسائل الأخلاقية والخصوصية.
وتنتقي التعامل مع المسائل بطريقة جزئية لا تنظر لها
كوحدة متكاملة من الناحية الموضوعية.
|
Post: #23
Title: Re: صور من داخل قصر البشير بحوش بانقا
Author: خالد فهمي
Date: 12-10-2012, 06:16 PM
Parent: #22
العزيز العمدة ..
تحياتي
الصور أعلاه لاستراحة البشير داخل مزرعته الخاصة ..
ولا يوجد شك في ذلك ..
...
|
Post: #24
Title: Re: صور من داخل قصر البشير بحوش بانقا
Author: قيقراوي
Date: 12-10-2012, 06:41 PM
Parent: #23
بروف نافع علي نافع كان سواق تكسي؟
تكسي PhD!?
------
لا يجرمنكم شنان قوم على الا تعدلوا ,,,,
بس الكتابة الما مسئولة بتضيع الحقوق والحقايق ,, وبتدي كرديت لناس لا يستحقون الرحمة او الدفاع عنهم ابداً
|
Post: #25
Title: Re: صور من داخل قصر البشير بحوش بانقا
Author: عبدالمنعم الطيب حسن
Date: 12-10-2012, 07:06 PM
Parent: #24
| Quote: ده بيت انا المحامي ده ممكن اعمل احسن منه خاصة في الاقاليم البرة دي |
احمد
سلام
دخل المحامي العادي ماممكن يعمل تمن بيت زي دا في اي اقليم !
ليه ؟
كنت في السودان قبل 4 شهور صديقي بنا صالون كلف 60 مليون والعمل جاري ...
البيت الشافتو عيني دا يكلف ملايين الملايين ...
لا اتوقع انها تتوفر عند محامي عادي ...
وبالمناسبة حوش بانقاجنبنا، يعني ايام الشباب وفي موسم الامطار، ممكن نزح عادي لمن نصل حوش بانقا ،
حوش بانقا كانت ومازالت افقر من ما تتوقع
المنزل بهذا الشكل ،وهذه الفارهات، استفزاز شديد لاهل المنطقة كلها ،
التي بيوتها بسيطة، واهلها ابسط ...
|
Post: #26
Title: Re: صور من داخل قصر البشير بحوش بانقا
Author: osama fadlalla
Date: 12-10-2012, 07:18 PM
Parent: #25
ناس حوش بانقا بقو يرعو العربات بدل الغنم
قادر ربك وحكمتو بالغة
Quote: لا يجرمنكم شنان قوم على الا تعدلوا ,,,,
بس الكتابة الما مسئولة بتضيع الحقوق والحقايق ,, وبتدي كرديت لناس لا يستحقون الرحمة او الدفاع عنهم ابداً
[/QUOTE
بالجنبة كده يا قيقراوي ما تستغرب في الكلام بتاع التاكسي ده
اخوي زميل نافع في التدريس .. وكان عامل عربتو نقل طاري في نفس الفترة
اضطر للاغتراب مؤخرا عشان يكمل دراسة اولادو .. ويكمل بيتو .. بالمناسبة البيت
ذاتو شبة عشوائي ولم يكتمل بعد ...لكن الاولاد نجحو :) :)
|
Post: #28
Title: Re: صور من داخل قصر البشير بحوش بانقا
Author: قيقراوي
Date: 12-10-2012, 07:47 PM
Parent: #26
Quote:
بالجنبة كده يا قيقراوي ما تستغرب في الكلام بتاع التاكسي ده
اخوي زميل نافع في التدريس .. وكان عامل عربتو نقل طاري في نفس الفترة
اضطر للاغتراب مؤخرا عشان يكمل دراسة اولادو .. ويكمل بيتو .. بالمناسبة البيت
ذاتو شبة عشوائي ولم يكتمل بعد ...لكن الاولاد نجحو :) :) |
كدا مبلوعة يا اسامة
عاااادي
-----
ثم انو سواقة التكسي او اي مهنة شريفة ما عيب ,, (ذاتو دخلها اكبر من استاذ جامعي)
يعني ذكرها هنا ما كان موفق من اساسو ,, وانا ذاتو كلامي ما في محلو ,, بعتذر عنو
بالجمبة كدا
نافع دكتور واستاذ جامعي عدييييل كدا ,, لكن عوير سااااي، وكلامو دراب دراب
نسوي ليو شنو؟ :)
|
Post: #27
Title: Re: صور من داخل قصر البشير بحوش بانقا
Author: Ahmed musa
Date: 12-10-2012, 07:26 PM
Parent: #22
بتسويهو في الحلم يا أحمد ماك راضع في الرسمة .
تعرف يا أحمد انت عندك مشكلة في تحديد الفاصل بين
الأشياء . بالذات في المسائل الأخلاقية والخصوصية.
وتنتقي التعامل مع المسائل بطريقة جزئية لا تنظر لها
كوحدة متكاملة من الناحية الموضوعية.
ـــــــــــــــــــــــــــــــــــــــــــــــــــــــــــــ
تعرف يا منعم حاتجاوز سخريتك اللاذعة ...وجهلك بان الرؤى والاحلام الزول ما بختارها
والرؤى والاحلام لمن الواحد يحكيها في منبر بفترض فيه الوعي ويفاجئ بان افتراضه اطغاث احلام
تبقى المسائل بعدها سواسية
الهام بيت البشير وخمرة مرته وسرير الدبل حقهم دي قضايا تتمتع بخصوصية عالية عندي
اما رايك في جواز قبول فكرة تخطي الخطوط الحمراء والولوج للمنازل
والادهي ان الصور من خائن دخل البيت وسرق حق التصوير
فنبقى نحن مبدئياً محتفين بخائن سارق منتهك لخصوصية زول دخله بيته وان كان الزول ده رئيس بنكرهه
بعدين نفترض انو ده بيت او استراحة الرئيس ...سووو وط .؟؟؟
انا برجع ليك اني وبدون احلام قادر اعمل استراحة زي دي
انت معاي انو اخونا خالد نفسه تنازل عن فكرة قصر واقتنع بتسمية استراحة .؟؟؟
|
Post: #29
Title: Re: صور من داخل قصر البشير بحوش بانقا
Author: Ahmed musa
Date: 12-10-2012, 07:50 PM
Parent: #27
مافي اي انتهاك خصوصية ياها الغرفة المفرشة دي ولا حاجه تانية دي صور عادية مافيها اي خصوصية
تبقى خصوصوية لما يجيبوهو هو واحده من نسوانو في غرفة النوم .
يا احمد موسى (المحامي) كدي راجع مواد الخصوصية البتتكلم عنها
وقلت لي بتعمل بيت زي دا ... لما تعملو ابقى اعزمنا في كرامة البيت طيب؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
والله يانجلاء انا لو جيت صورت اوضة نومك بدون اذنك ونشرتها ده انتهاك للخصوصية
دي الخصوصية البعرفها انا
انتي عندك خصوصية تاني ده شئ برجع ليك
اما عن قدرة المحامي على بناء استراحة زي دي فلعلمك في محامين هنا بانين ابراج موش استراحة
بدون عزومة
ولعلمك هسع انا البيت الساكن فيه في بري لو بعته بشتري زي استراحة زولكم الجايبها ده واملاها بقر وضان ونعاج
|
Post: #30
Title: Re: صور من داخل قصر البشير بحوش بانقا
Author: منتصر صلاح
Date: 12-10-2012, 08:04 PM
Parent: #27
| Quote: بخائن سارق منتهك لخصوصية |
زول قتل وسرق وعذب وشرد كل الشعب نخاف علي مشاعرو
ونقعد نقول انتهاك خصوصية ؟ المفروض الصور اللـي زي
دي - بشرط تتوفر فيها المصداقية - تتنشر علي اوسع نطاق .
خالد تشكر علي الصور ( المعبرة )
|
Post: #31
Title: Re: صور من داخل قصر البشير بحوش بانقا
Author: محمد حسن العمدة
Date: 12-10-2012, 09:18 PM
Parent: #30
Quote: لا يجرمنكم شنان قوم على الا تعدلوا ,,,,
بس الكتابة الما مسئولة بتضيع الحقوق والحقايق ,, وبتدي كرديت لناس لا يستحقون الرحمة او الدفاع عنهم ابداً |
يا قيقراوي وهل عهدتني كاذبا في هذا المنبر وفي خارجه ؟!!
لم اقل ان مهنة سائق التاكسي عيبا هذا شئ خاص بك انت لم اقله انا
انا قارنت بين وضعه في 1989 وبين وضعه في 2012 هل يمكن لسائق تاكسي ان يبني مثل هذه القصور والمزارع ؟!! قطعا لا ولا حتى استاذ جامعي
يكفي فقط العربة التي يركبها ابنه والبودي قارد الخاصة به
يكفي قصر ابنته
تكفي المزرعة
هل دخله لو كان سائق تاكسي او استاذ جامعي او حتى رئيس جمهورية يتكفل بكل هذا الترف ؟!!
المقارنة في الدخل وليست في المهنة افهم اولا ثم تكلم بعد ذلك بما تشاء
ثم لماذا لم تتحدث عن سكنه بالايجار في العام 1989 ؟؟!! الا يدل ذلك علي امكانياته المتواضعه حينها من حيث الدخل ؟
والمسالة بسيطة يا سيدي يمكنك ان تسال من سكنو جيرانه في تلك الفترة ومنهم معاوية المدير عضو هذا المنبر يمكنك ان ترسل له ماسنجر وتستفسر منه ذلك
|
Post: #32
Title: Re: صور من داخل قصر البشير بحوش بانقا
Author: عبد المنعم ابراهيم الحاج
Date: 12-10-2012, 09:51 PM
Parent: #30
Quote: تعرف يا منعم حاتجاوز سخريتك اللاذعة ...وجهلك بان الرؤى والاحلام الزول ما بختارها
والرؤى والاحلام لمن الواحد يحكيها في منبر بفترض فيه الوعي ويفاجئ بان افتراضه اطغاث احلام
تبقى المسائل بعدها سواسية |
تعرف ياأحمد .. هذه السخرية جزء من المكون البجاوي الثقافي ، والحس الرفيع الخالص لمجموعاتهم.
رغم إني ذكرت الحلم وذكرت الرسمة على أساس أنهما إفتراضيتين ولا أساس لهما
على الواقع .. ولكن بحكم بعض قراءاتي المرتجلة عن علم النفس، فهنالك دائما رابط ما
بين الحالم والحلم ، وبؤر الخزين الغائر في اللاوعي الذي يصعب للمرء تكيف إشاراته التي يرسلها ذلك الخزين للوعي مرارا تكرارا
كرغبات مكبوتة ، لكنها لا تظهر على الوعي كنسق يتكيف مع واقع المرء والمجال الإجتماعي والثقافي الذي يتحرك فيه ، فترتد هذه الإشارات
لبؤرة في الدماغ خاملة أو غير موظفة بالشكل المطلوب ، وبدون قاعدة بيانية ممنطقة نسبيا .. لذلك تبدو كأضغاث ..
Quote: قد يبدو ذلك
الهام بيت البشير وخمرة مرته وسرير الدبل حقهم دي قضايا تتمتع بخصوصية عالية عندي
اما رايك في جواز قبول فكرة تخطي الخطوط الحمراء والولوج للمنازل
والادهي ان الصور من خائن دخل البيت وسرق حق التصوير
فنبقى نحن مبدئياً محتفين بخائن سارق منتهك لخصوصية زول دخله بيته وان كان الزول ده رئيس بنكرهه
بعدين نفترض انو ده بيت او استراحة الرئيس ...سووو وط .؟؟؟
انا برجع ليك اني وبدون احلام قادر اعمل استراحة زي دي
انت معاي انو اخونا خالد نفسه تنازل عن فكرة قصر واقتنع بتسمية استراحة .؟؟؟ |
مسألة الأخلاق والخصوصية دي نسبية ، ولكن لا يمكن أن تقرأ أي ظاهرة بمعزل عن الهدف والغاية
وهنا أنت لم تتوفق ابدا كما لم تتوفق في مسائل أخرى كثيرة في ما تطرح من آراء سابقا..
لانك تنتقي الأحداث بطريقة لا تنسجم مع بصيرتك المدركة .. كيف تعزل السياق العام الذي يتفق معه كل
الحريصين على إظهار فساد الدولة ثم تمسك بجزئية قد لا تمثل أدنى مرحلة من مراحل الغرض لفتح
هذا البوست. والهدف من الصور.
هل يعني ذلك أن البشير غير سارق أو مفسد ؟
يا أحمد صراحة تحتاج الي مراجعة في الطريقة التي تطرح بها آراءك ..لأن خلاصة تلك الآراء
تفتح طريقا ملتويا إليك بانك تدافع بطريقة غير مباشرة عن بعض مناسيب الإنقاذ .. ومدخلك
الأخلاق رغم الأخلاق دي قفة مجنونة كما قال صديق تجمع المتناقضات.
لك التحية.
|
Post: #33
Title: Re: صور من داخل قصر البشير بحوش بانقا
Author: عبد المنعم ابراهيم الحاج
Date: 12-11-2012, 00:38 AM
Parent: #32
Quote: فنبقى نحن مبدئياً محتفين بخائن سارق منتهك لخصوصية زول دخله بيته وان كان الزول ده رئيس بنكرهه
بعدين نفترض انو ده بيت او استراحة الرئيس ...سووو وط .؟؟؟ |
يا احمد برضو شايف الحتة دي عايزة إضاءة
إننا لم نحتفي بالصور والمصور بقدر ما نحاول ابراز المفارقات بين اشخاص لا يملكون كل هذه الثروات قبل أن يكونوا في السلطة
بحيث انهم يعملون للدولة برواتب معلومة حتى نثريات الإمتياز بالضرورة أنهم
صرفوها لأغراضها التي منحت من أجلها .. فيبقى السؤال الذي تطرحة بما يفيد المعنى.
في حالة القصر او الإستراحة غير ذي ضرورة..
لأن الإستراحة في منطقة تعاني البؤس والفقر والمرض كحوش بانقا ..يظل ترف وأهدار لمال الدولة .
بالمناسبة حتى إذا افترضنا هذا المبنى مشفى فيدخل تحت إطار المحسوبية.
والتوزيع الغير عادل إلا إذا كان هنالك مشافي بذات الدرجة في كل قرية سودانية ..
ثم أخيرا البوست في حد ذاته لم يثير انتباهي بقدر مافعلت مداخلتك الملتوية وقد شاركت معظم
المتداخلين لما بها من استفزاز .
|
Post: #34
Title: Re: صور من داخل قصر البشير بحوش بانقا
Author: Ahmed musa
Date: 12-11-2012, 06:32 AM
Parent: #33
ثم أخيرا البوست في حد ذاته لم يثير انتباهي بقدر مافعلت مداخلتك الملتوية وقد شاركت معظم
المتداخلين لما بها من استفزاز .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ملتوية عديل كدة ؟؟؟؟
كدي يا عبدالمنعم دخلني بيتك وتعال بعد كم يوم تلقاني باذل صورك في النت
ده حتسميه شنو ؟؟
نضال ؟؟؟
تعرية ؟؟؟
الإلتواء هو انكم دايرين قطيع يهلل لكل ماهو ضد النظام حتى لو كان ضد قناعاتكم ومبادئكم واخلاقكم وقيمكم
تعرف يا عبدالمنعم انا معياري للخصوصية خاص
يمكن نتفق او نختلف حلوه لكن يظل هو معياري الخاص
يعني انا بفهم لو المصور ده جاب صورة القصر الاتقلب فجاة لاستراحة ده من الخارج
اقول ممكن ..معليش ...ده رصد
لكن زول يدخل لحدي غرف النوم و (يسرق) لقطات ونجي هنا ندق ليها دلوكة ؟؟؟
إت إز شيم فل ... آي ثنك ...
|
Post: #35
Title: Re: صور من داخل قصر البشير بحوش بانقا
Author: Adrob abubakr
Date: 12-11-2012, 07:16 AM
Parent: #34
Quote: حسبي الله ونعم الوكيل
نمرة واحد شنو البياك ده قصر البشير ولا بيته ؟
نمرة اتنين ده انتهاك لخصوصية ما صاح ومن زول خاين امانة دخوله البيت
نمرة تلاتة ده بيت انا المحامي ده ممكن اعمل احسن منه خاصة في الاقاليم البرة دي |
مقزز لدرجة الغثيان!!!
وكمال محامي قال...
تفو علي المحاماة لو وصلت إلي هذا المستوي من الجهل والملق!
متي كانت لرئيس جمهورية متهم بقتل شعبه وأكل أمواله خصوصيات؟
إن لم يكن هذا إستغباء أو ضحكا علي الدقون...فماذا يكون إذن؟
أمثال هؤلاء الذين يقلبون الحقائق ويجملون وجوه الكيزان مؤهلين أكثر من غيرهم ليلعبوا دور الغواصات
إنهم العدو, فإحذروهم!
|
Post: #38
Title: Re: صور من داخل قصر البشير بحوش بانقا
Author: Ahmed musa
Date: 12-11-2012, 01:16 PM
Parent: #35
Quote: مقزز لدرجة الغثيان!!!
وكمال محامي قال...
تفو علي المحاماة لو وصلت إلي هذا المستوي من الجهل والملق!
متي كانت لرئيس جمهورية متهم بقتل شعبه وأكل أمواله خصوصيات؟
إن لم يكن هذا إستغباء أو ضحكا علي الدقون...فماذا يكون إذن؟
أمثال هؤلاء الذين يقلبون الحقائق ويجملون وجوه الكيزان مؤهلين أكثر من غيرهم ليلعبوا دور الغواصات
إنهم العدو, فإحذروهم! |
ادروب انت اكبر جهلول انجبته البسيطة
يعني هسع خلاص واحد جرى اتلصص صور ليه سريرين ########ين خلاص ناضلتو ؟؟
والله لو نضالكم ان شاء الانقاذ دي تبقى فوق راسكم مية سنة
وانت لو راجل ما تتضارى وراء كيبورد وتعال ناضل هنا مع الرجال
افتح صدرك للنار
موش قاعد محل ماقاعد وشغال وتصرف ومشغل المكيف البااااارد وتجي تكتب كلمتين ا###### من قاذروات الكون وتقول حمدلله ناضلت
قوم لف لفاك قطر راجل ما محترم
|
Post: #39
Title: Re: صور من داخل قصر البشير بحوش بانقا
Author: Ahmed musa
Date: 12-11-2012, 02:05 PM
Parent: #35
Quote: مقزز لدرجة الغثيان!!!
وكمال محامي قال...
تفو علي المحاماة لو وصلت إلي هذا المستوي من الجهل والملق!
متي كانت لرئيس جمهورية متهم بقتل شعبه وأكل أمواله خصوصيات؟
إن لم يكن هذا إستغباء أو ضحكا علي الدقون...فماذا يكون إذن؟
أمثال هؤلاء الذين يقلبون الحقائق ويجملون وجوه الكيزان مؤهلين أكثر من غيرهم ليلعبوا دور الغواصات
إنهم العدو, فإحذروهم! |
ادروب انت اكبر جهلول انجبته البسيطة
يعني هسع خلاص واحد جرى اتلصص صور ليه سريرين ########ين خلاص ناضلتو ؟؟
والله لو نضالكم ان شاء الانقاذ دي تبقى فوق راسكم مية سنة
وانت لو راجل ما تتضارى وراء كيبورد وتعال ناضل هنا مع الرجال
افتح صدرك للنار
موش قاعد محل ماقاعد وشغال وتصرف ومشغل المكيف البااااارد وتجي تكتب كلمتين ا###### من قاذروات الكون وتقول حمدلله ناضلت
قوم لف لفاك قطر راجل ما محترم
|
Post: #36
Title: Re: صور من داخل قصر البشير بحوش بانقا
Author: أسامة عبد الجليل
Date: 12-11-2012, 07:25 AM
Parent: #34
عليك الله نحن فساد البشير وزمرته واخوانه ومحاسيبه
محتاجين ليه دليل بعد الشايفنو في البلد...
البشير لص فاسد مكن أهله ومحاسيبه وأعضاء حزبه من سرقة البلد
ويستميت في الدفاع عن الفساد.
أي مواطن أو مواطنة يعرف هذه الحقيقة .. الذين ينكرونها هم أصحاب المصالح
حتى بعض أعضاء حزبه والمقربين قالوا بذلك وطالبوا بمحاربة الفسادولكن رئيسهم لا يريد
لأنه فاسد في نفسه مفسد لغيره.
|
Post: #37
Title: Re: صور من داخل قصر البشير بحوش بانقا
Author: عثمان دغيس
Date: 12-11-2012, 08:01 AM
Parent: #36
| Quote: إت إز شيم فل ... آي ثنك ... |
يسعلوك من الخير يا أبو الزمل
حكاية الإنجليزي النزل عليك فجأة دي شني ....؟
تحياتي لبانقا وحوشو ...!
بالمناسبة اليومين دي معانا بي هنا عمر ( بانقا ) ...
|
Post: #40
Title: Re: صور من داخل قصر البشير بحوش بانقا
Author: tarig almakki
Date: 12-11-2012, 02:10 PM
Parent: #37
يا أخوان والله الزميل أحمد موسى ده عندو وجهة نظر مفروض تحترموها حتى لو ما إتفقتو معاهو
وهو بتكلم في الموضوع من ناحية أخلاقية يجب أن لا ينكرها عليه أحد
وإن كان البشير مجرم وقاتل وسفاح ولص فده ما هو البخلينا ننحدر لي مستواهو ونحاربو بي أسلحتو
يعني الصور بتاعت بيت بت نافع دي أنا شايف إنها عادية جداً لأنها واجهات
لكن كلام غرف النوم ده ما صاح
نحنا سودانيين مهماً كان وشغل الباباراتزي ده لا حقنا لا بشبهنا
وما مفروض نحنا الرافضين الإنقاذ ومشروعها الحضاري نكون باكورة إنتاجو
|
Post: #41
Title: Re: صور من داخل قصر البشير بحوش بانقا
Author: Ahmed musa
Date: 12-11-2012, 03:02 PM
Parent: #40
Quote: يا أخوان والله الزميل أحمد موسى ده عندو وجهة نظر مفروض تحترموها حتى لو ما إتفقتو معاهو
وهو بتكلم في الموضوع من ناحية أخلاقية يجب أن لا ينكرها عليه أحد
وإن كان البشير مجرم وقاتل وسفاح ولص فده ما هو البخلينا ننحدر لي مستواهو ونحاربو بي أسلحتو
يعني الصور بتاعت بيت بت نافع دي أنا شايف إنها عادية جداً لأنها واجهات
لكن كلام غرف النوم ده ما صاح
نحنا سودانيين مهماً كان وشغل الباباراتزي ده لا حقنا لا بشبهنا
وما مفروض نحنا الرافضين الإنقاذ ومشروعها الحضاري نكون باكورة إنتاجو |
تسلم ياطارق ياخ ... ده الداير اوصله لكن مرات تلقانا من كرهنا للشئ نعمله
والله انا من اكتر الناس مغيوظ من الحاصل ويومي بمر بقصر ود الزبير محمد صالح وبتغاظ
لكن ما حاجيز فكرة اجيب او زول يجيب صورة لغرفة نومه او نوم اولاده
من برة ما مشكلة ياريت تتنشر على اكبر نطاق ممكن
لكن جوة البيت بجد ما مقبول ... وببقى مهزوم بجد لو تابعت الانقاذ في خطاياها
|
Post: #42
Title: Re: صور من داخل قصر البشير بحوش بانقا
Author: عبد المنعم ابراهيم الحاج
Date: 12-11-2012, 05:08 PM
Parent: #41
Quote: ملتوية عديل كدة ؟؟؟؟
كدي يا عبدالمنعم دخلني بيتك وتعال بعد كم يوم تلقاني باذل صورك في النت
ده حتسميه شنو ؟؟
نضال ؟؟؟
تعرية ؟؟؟
|
واللاي يا أحمد امرك عجب ، يبدو إنك تقرا أيضا بإنتقائية لتبرير ورطتك التي ورطت نفسك فيها هنا ..بكلامك
الذي لم تترك لأي شخص أن يفهم القصد منه غير دفاعك عن الأخلاق بصورة ملتوية..
لأنو تفرق بين أن يكون الشخص مالك ومؤتمن لأموال الناس وبين شخص آخر قاعد في بيتو ومحدد علاقاتو بمن يعرف.
وقد قال بعض المتداخلين بذلك ، رغم إني ما عندي أي مشكلة لو عرضت صور بيتي لهدف نبيل .
المشكلة هنا ليست الصور في حد ذاتها بقدر ما يعني الهدف منها ..
وهذه الطريقة أبدا لا تشبهك يا أحمد أو تشبهك مؤخرا .
ثم من أدراك بمصدر الصور ؟
ولماذا تفترض بأنه مناضل وكلام ما جايب حقو ..
تعامل مع الحدث في إطاره المتكامل وبطل انتقائية.
ثم إنك لو كنت حريص على الأخلاق والخصوصية لكنت قد كتبت كلاما غير الذي جادت به قريحتك!
أن تكتب عن عدم الاخلاق التي تجعل مؤتمن على المال العام ببناء قصر أو بيت أو استراحة
في مسقط رأسه بيدما الآخرون يحتاجون لمأوى ولعلاج ولظل شجرة . ثم تعرج على الجزئية
التي تراها لا تتوافق مع خصوصية أخلاقك وتنتقد إيرادها.
Quote:
الإلتواء هو انكم دايرين قطيع يهلل لكل ماهو ضد النظام حتى لو كان ضد قناعاتكم ومبادئكم واخلاقكم وقيمكم
تعرف يا عبدالمنعم انا معياري للخصوصية خاص
يمكن نتفق او نختلف حلوه لكن يظل هو معياري الخاص
يعني انا بفهم لو المصور ده جاب صورة القصر الاتقلب فجاة لاستراحة ده من الخارج
اقول ممكن ..معليش ...ده رصد
لكن زول يدخل لحدي غرف النوم و (يسرق) لقطات ونجي هنا ندق ليها دلوكة ؟؟؟
إت إز شيم فل ... آي ثنك ... |
مبادئنا وأخلاقنا وقيمنا ترفض أن يسرقنا أحد ، أو أن يعتدي على ممتلكاتنا ، وسنطارده حتى رحم
أمه لو لجأ إليه ..
والshame يا أحمد ان نسكت ونقول طالما اللص وضع مسروقاتنا في منزله فهذه خصوصية
ومن يقول بذلك فهو فاقد للقيم والأخلاق.
صراحة أمرك عجب .
|
Post: #43
Title: Re: صور من داخل قصر البشير بحوش بانقا
Author: محمد حسن العمدة
Date: 12-12-2012, 01:48 AM
Parent: #40
الاخ خالد أستميحك عذرا في اعادة نشر هذه الصور في مواقع اخرى أشارك فيها مع حفظ حقك الأدبي في ملكية هذه الصور
|
Post: #44
Title: Re: صور من داخل قصر البشير بحوش بانقا
Author: مرتضي عبد الجليل
Date: 12-12-2012, 10:29 AM
Parent: #43
Quote: مبادئنا وأخلاقنا وقيمنا ترفض أن يسرقنا أحد ، أو أن يعتدي على ممتلكاتنا ، وسنطارده حتى رحم
أمه لو لجأ إليه ..
والshame يا أحمد ان نسكت ونقول طالما اللص وضع مسروقاتنا في منزله فهذه خصوصية
ومن يقول بذلك فهو فاقد للقيم والأخلاق. |
|
|
|