Post: #1
Title: الانقاذى للانقاذى " اديهم يومين تلاته.. بنسو الموضوع وسنعود لقتلهم""
Author: النصرى أمين
Date: 12-08-2012, 08:17 PM
هى نفس استراتيجتهم التى تقول ان الشعب سريع النسيان ..اقتل نصهم
وانتظر شهرا لينسى النصف الاخر ماحدث ..
اغتصب حرايرهم واديها يومين تلاته وسينسى "السودانى القلبه حار" ماحدث..
هجرهم ..اطردهم.. افعل ماتشاء
والزمن فى صالحنا ...
والله الواحد بعد ان فقد المقدرة على الدهشة
وصل مرحلة فقد فيها المقدرة على الغضب
|
Post: #2
Title: Re: الانقاذى للانقاذى " اديهم يومين تلاته.. بنسو الموضوع وسنعود ل
Author: ABDELMAGID ABDELMAGID
Date: 12-08-2012, 08:30 PM
Parent: #1
| Quote: الانقاذى للانقاذى " اديهم يومين تلاته.. بنسو الموضوع وسنعود لقتلهم"" |
و لللأسف ! هذا ما سوف يحدث يا النصرى ...
مات و قتل و عذب و حرق و أغتصب الآلاف ...
و تعود ساقية إبليس من جديد ...
...........
ده نفس المنطق الوصو بيو أخيهم فى الكوزنة ( مرسى مصر ! )
لكن المصريين المكنه ما مشت عليهم و طلعوا أشطر مننا و كسروا
ليم الدش و ورطوا الفرعون ( المرسى ! )
و بقى فى الطريقه التحلو !!!
......
يا جماعه الحصل فى جمعة ( الصادق الإمام ) شنو ؟؟؟
......
عبدالماجد
|
Post: #3
Title: Re: الانقاذى للانقاذى " اديهم يومين تلاته.. بنسو الموضوع وسنعود ل
Author: النصرى أمين
Date: 12-08-2012, 08:38 PM
Parent: #2
سلام عبدالماجد
الطريقة الوحيدة لايقاف الانقاذ فى حدها هى تخويفها
غير التخويف ما اظن فى حل تانى ....
لازم الانقاذ تصل لمرحلة تفكر الف مرة قبل ان تقتل سودانى واحد...
|
Post: #4
Title: Re: الانقاذى للانقاذى " اديهم يومين تلاته.. بنسو الموضوع وسنعود ل
Author: Dr.Mohammed Ali Elmusharaf
Date: 12-09-2012, 00:48 AM
Parent: #3
سلام النصري
وكمان واحد هلال مريخ واتوقع تكون الاسبوع القادم احتفالا باعياد الاستقلال
والسودان والمنبر يبقى كلو بطيخ وماسورة وووووالكلام الفارغ
كيف ما تكونوا يولى عليكم
|
Post: #5
Title: Re: الانقاذى للانقاذى " اديهم يومين تلاته.. بنسو الموضوع وسنعود ل
Author: munswor almophtah
Date: 12-09-2012, 01:22 AM
Parent: #4
والله الواحد بعد ان فقد المقدرة على الدهشة
وصل مرحلة فقد فيها المقدرة على الغضب
والله يا النصرى بقيت تقوليك كبار كيف
والله حيرتنا فعلا اليومين دى فتح من الله
كبير قال الدهشه قال.
منصور
|
Post: #7
Title: Re: الانقاذى للانقاذى " اديهم يومين تلاته.. بنسو الموضوع وسنعود ل
Author: النصرى أمين
Date: 12-09-2012, 01:59 AM
Parent: #5
سلام يا دكتور
طبعا الحياة ماشة والانسان ربنا اكرمه بخاصية النسيان..
لكن المظالم يجب ان لا تنسى ابدا والغضب نحو الظالمين يجب ان لا يخبو
ويخف...
الانقاذ لا تعتمد على انه الشعب نساى وبس
هى تظن انه نساى وقلبه ابيض شغال بعفى الله عما سلف..
يعنى لمن الانقاذ تدفن عشرات الضباط احياء وتخفى جثامينهم هى تفترض
ان الامر انتهى والعفو والعافيه...
حادثة صفية مثال اخر ....فار الدم فى عروقنا وفى النهاية لم نستطع فعل شئ
ونسينا .....
طلبة نيالا اغتالتهم الحكومه منتصف النهار ..ولا شئ ...
ده غير كوارثها ال super size
|
Post: #6
Title: من أين لنا ببوعزيزي سوداني؟
Author: elhilayla
Date: 12-09-2012, 01:49 AM
Parent: #3
النصري
مستحيل أقتنع أن الشعب التونسي
أشجع مننا
ولا المصري أشجع من السوداني
ولا حتي أبو يمن قلبوا أحر من
السوداني
أم ياتري
نظام زين العابثين بن علي
حمل وديع مقارنة مع حكومة الكيزان
بل لا يقبل عقلي أن نظام مبارك
نعامة مقارنة - بصقور - الإنقاذ
ولا يمكن أن تكون حكومة أبو يمن
تلميذ خائب أما قضنفر الإنقاذ
قل لي بربك أين الخطأ؟
من أين لنا ببوعزيزي سوداني
إذا كان كف و كلمة من شرطي
نفر قلب الموازين في أعتي دكتاورية
عربية, فما بالنا نحن كل يوم قتيل
والإنقاذ فوق روسينا تخلف حكرها
الفاتحة علي وطن إسمه السودان
____
الحليلة
|
Post: #8
Title: Re: من أين لنا ببوعزيزي سوداني؟
Author: النصرى أمين
Date: 12-09-2012, 02:08 AM
Parent: #6
سلام يا منصور
الاولاد الماتو ديل اولاد صغار المستقبل لسه قدامهم واحتمال
كبير انه اسرهم فى انتظارهم ليحملو عب المسئولية..
عشان اقرب ليك الصورة ..اتخيل الاولاد ديل من السروراب وانت تعرف
اهلهم ..
ماذا سيكون شعورك عندها ؟
هل ستغضب حتى تكاد تخرج عن طوعك؟
هل ستقبل الامر بانه شئ عادى؟
وماذا عن شعور المنطقة باكملها
بفقدان ثلاث من نوارة شبابها ؟
|
Post: #9
Title: Re: من أين لنا ببوعزيزي سوداني؟
Author: النصرى أمين
Date: 12-09-2012, 02:20 AM
Parent: #8
سلام يا الحليلة
| Quote: قل لي بربك أين الخطأ؟ |
والله العظيم ماعارف..قرينا الاف التحليلات وما وصلنا
وين العلة ...
الانقاذ عملت شنو فى الشعب ده وخلتو بقى كده؟
مرات نقول تجويع ..
واحيانا نقول ارهاب ..
وشوية نقول خداع وغش ..
ومرات نقول مسكته من الحته البتوجعه (عقيدته) واللعب بها واستغلالها..
غالبا تكون عملت ليها وصفه سحرية تشمل الحاجات الفوق دى ...وصفه
المقاييس والمقادير فيها محكمة فى الدقه
الشئ الكويس ياالحليلة (واحيانا يساعدنى ويرفع معنوياتى) ان نحن
دفعنا التمن نيابة عن الاجيال الجالية ..نحن شفنا ظلم الاسلاميين وبطشهم
والاجيال الجاية معفية من معايشة التجربة من جديد..
فقد اثبتت فشلها البائن
|
Post: #10
Title: Re: من أين لنا ببوعزيزي سوداني؟
Author: د.خالد اصيل احمد محمد
Date: 12-09-2012, 04:15 AM
Parent: #9
الشعب السودانى اثبت بما لا يدعو مجالا للشك انه من اجبن الشعوب على سطح الكرة الارضية
ولا يؤمن بالتضحيات اطلاقا
والا لما تجرأت عصابة الانقاذ بالتنكيل بالشعب السودانى لهذا الحد
|
Post: #11
Title: Re: من أين لنا ببوعزيزي سوداني؟
Author: حماد الطاهر عبدالله
Date: 12-09-2012, 07:16 AM
Parent: #10
الاخ/ النصري
تحياتي
| Quote: عشان اقرب ليك الصورة ..اتخيل الاولاد ديل من السروراب وانت تعرف اهلهم .. |
هي دي المصيبة. طالمامن يقتل من (الطرف الآخر)، من (الجهة الأخري)، من ( القبيلة الأخري)...
فلا يهم، أما من نعرف أهلهم فلا ... تصور يا أخي بأن من قتل من تلك الأصقاع البعيدة هم بشر
ولهم أهل نعرفهم، بل نتحمل فقد من قتل منهم، وهو متمرد أو يحمل البندقية لكونه جنديا
بالقوات المسلحة، ولكن قل لي بربك كيف نتحمل قتل الطلبة؟ أو قتل رجل يعمل بدكانه فتقتله
الأيدي الآثمة، فالحقيقة اليوم لا طرف آخر ولا سروراب، فكلنا طرف آخر وكلنا سروراب.
|
|