Post: #1
Title: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-06-2012, 09:40 PM
تمارس الانقاذ اذلالا وابتزازا للصادق المهدي؛ وتفعل ذلك وهي في اقصى لحظات ضعفها ؛ وذلك لأنها تعرف ان الرجل جبــــان وضعيف أكثر منها؛ وانه كما في كل تاريخه؛ خاف على رويحتو وتولتو *؛ ويختبيئ من المواقف الصحيحة أكثر مما يختبئ المرقوت في طيات حبال العناقريب ..
ولقد ابتز أهل الانقاذ الصادق الضعيف من قبل مرات ومرات وانكسر لهم ؛ كان ذلك يوم احضروه للتلفزيون ذليلا ليشهد ضد رفاقه في الحزب الواقعين تحت التعذيب وقتها؛ في انقلاب مزعوم هو الآخر ... واتوا به بعد عملية الذراع الطويلة ليردد لهم ما يريدون ضد الناس التي كانت تسحل في قلب الخرطوم؛ وحين كانت الاعتقالات والتعذيب تتم على اساس اللكنة والسحنة ؛ لأهل دارفور؛ ممن تربى الصادق على لحم اكـتــافــهــم، وبنى مجده السياسي من دعمهم . وهكذا هو دائما اناني ناكر للجميل لا أمان له ولا هم له سوى شهوة السلطة وشهوة البطن والفرج.
لآن رغم وجود اولاد الصادق في السلطة اللعينة ؛ ورغم انه تبرع بلعب دور الواشي وشاهد الملك المجاني ضد صلاح قوش؛ بتصريحاته اللا اخلاقية ؛ فإن الانقاذ تصر أكثر على ابتزازه واذلاله وعصره كالليمونة ؛ حتى تحصل على هدفها من مناورة الانقلاب؛ وهي استعادة سيطرتها على الاحداث؛ وابتزاز عجائز المعارضة من جهة وتهديدهم بدعوى مشاركتهم في انقلاب "دبابينها" ؛ وحرف بعضا من ممثلي القوى الجديدة عن مهامهم لكي يقولوا انهم جنود للصادق المهدي ؛ من الجهة الاخرى ؛ والرجل بعد ذلك ينكسر ويتعذر ؛ والانقاذ تضغط عليه وتعصره وتهصره؛ وهو ما يلي يواصل الانكار والانكسار .
عجبني للمرقوت ......
|
Post: #2
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-06-2012, 09:52 PM
Parent: #1
دا حنك الصادق المهدي :
Quote: قالوا مشينا لندن تغطية ... صحى اذا ساءت فعل المرء ساءت ظنونه ... انا مشيت لتلاتة محاضرات وندوات ....
واما موضوع مصر ... فالمصريين كسروا حاجز الخوف ... وقام بيناتهم حاجز ثقة ... والطرفين يتكلموا معانا وما بتكلموا مع بعض ... طرف بتكلم معانا بثوب الاسلام وطرف بتكلم معانا بثوب الديموقراطية ...
وزمان حزب الامة بحاحى مصر من السودان ... لانو كانت الذهنية الخديوية تتحدث عن السيادة المصرية على
السودان ... الان الوضع مختلف .. همنا ومصيرنا واحد ومشترك نحنا وجنوب السودان واثيوبيا ودول حوض النيل ...
بعدين كيفن ما نهتم ؟ دى حلة نحنا شادينها ... ادارة البديل بعد هزيمة الطغاة .. حلة نحنا شادينها ودايرنها تنجض ....
وما نجحنا كتير ... بس عملنا نداء لتغيير مكان التظاهر يوم السبت حتى لا يحدث صدام
فى موضوع قوش ... فى اقلام موتورة دايره تستخدم كلامنا لادانة او اتهام قوش .. والحقيقة انو جانى اخر ايامو فى المستشارية وداير يقول لى كلام يقنعنى يالمشاركة فى الحوار لكن مؤسساتنا رفضت ... ولم يحدث اى اتصال بيتى وبينه بعد المستشارية ، وربط كلامى بمحاولات ادانتو ما موضوعى ...
وحيطلع بيان من المجموعة الاتقال معاها الكلام عشان يوضح الكلام دا......
وقبل كدا جانى نميرى ومن بعده البشير للمشاركة معهم فى الجكم وانا قلت ليهم التالى ..
نظام فيهو حريات .. غفير بشتغل معاكم ... نظام فيهو قمع .. رئيس ما عاوز معاكم ....
طيب السودان الى اين ؟
الى فجر جديد ... ونظام جديد .. حتما باذن الله ..
والدليل ما يحدث الان لهذا النظام ... كلى ماشغالة ... قلب واقف .. شرايين مسدودة ... دا نظام عندو .. سل ...
العجز والفشل عناصر مكتملة لهذا النظام ....
وكل القوى السياسية قاعدة تتفق الان على البديل وهو البوصلة الهادية ...
الاغلبية فى مؤتمرهم الاخير محتجة
وناس الوطنى وناس الجيش مواطنين شايفين الحاصل دا وشايفين بلدهم ماشة وين ... فطبيعى انهم يتحركوا ... ليه ما يتحركوا وهم شايفين الحاصل دا ....
24 مارس 2011 قدمت اقتراح للرئيس ... نتفق على حكومة انتقالية وبرنامج متفق عليه ورئيس وفاقى ....
والحالة الان فى النظام ... كريتية .... من كريت ... التسوى كريت ...
وحيتحقق الاتفاق على البوصلة ... بعداك السفينة دى تمشي ولا سبيل لمنع الحروب المتوقعة الا تغيير هذا النظام بالكااااااامل ...
ونعمل اقتراح ابراهيم الشيخ والقيادات تنزل تعتصم مع الجماهير .... |
المرجع : Re: ابراهيم الشيخ :نقول للامام ... نحن ايضا فى المؤتمر السودانى جنودك
معقولة الزول دا كان رئيس وزراء السودان ؟؟
|
Post: #3
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-06-2012, 09:59 PM
Parent: #2
Quote: زول جاك واتغدى معاك في البيت قبال سنة؛ تقوم تلم الصحافيين السودانيين
الفي القاهرة بعد قبضوهو و تقول ليهم قال لي: "النظام بلا راس تعال قودنا" |
حسين ملاسي
أين أسرار المجالس يا سيد الصادق؟!!
|
Post: #4
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-06-2012, 10:16 PM
Parent: #3
عجبني للمرقوت اقتباس من قصة شعبية تعني بإختصار : رب ضارة نافعة
او ربما تعني : المرقوت اشد ايذاءا واكثر ضررا وأكره للقلب من احتراق العنقريب او القطية .
مرقوتة ....
|
Post: #5
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-06-2012, 11:19 PM
Parent: #2
قال ملك التناقض
Quote: وقبل كدا جانى نميرى ومن بعده البشير للمشاركة معهم فى الجكم وانا قلت ليهم التالى ..
نظام فيهو حريات .. غفير بشتغل معاكم ... نظام فيهو قمع .. رئيس ما عاوز معاكم .... |
تشتغل معاهم في نظام فيهو حريات ؟؟ مغتصبين السلطة ممكن يعملوا نظام فيهو حريات ؟؟ ليه اصلا انت تعترف بيهم وتتكلم معاهم وعايز تشتغل معاهم بس مشكلتك عدم توفيرهم للحريات ؟ مبالغة ....
هذا هو فهم المرقوت للديمقراطية والحكم الراشد: ان يتيح مغتصبي السلطة والقتلة "الحريات"؛ حتى يشتغل معاهم الصادق !!
قال يشتغل غفير قال
يا اخي شغل الغفير دا مهنة شريفة ودايرة أمانة ...
|
Post: #6
Title: Re: إذلال الإنقاذ للصادق المهدي : عجبني للمرقوت ....
Author: AMNA MUKHTAR
Date: 12-06-2012, 11:31 PM
Parent: #5
Quote: والدليل ما يحدث الان لهذا النظام ... كلى ماشغالة ... قلب واقف .. شرايين مسدودة ... دا نظام عندو .. سل ...
العجز والفشل عناصر مكتملة لهذا النظام ....
|
طيب نظام زى دا ..
عايز تشتغل ليهو غفير ليه يا الصادق إنت واولادك ..
وقوى الإنبطاح الوطني المعاك .
شكرا عادل ..نورتنا غايتو ..بأنواع المرغوت .
أحيييييييييا ..نلقاها من وين وللا من وين !!
|
Post: #7
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-06-2012, 11:40 PM
Parent: #6
العزيزة آمنة
Quote: طيب نظام زى دا ..
عايز تشتغل ليهو غفير ليه يا الصادق إنت واولادك ..
وقوى الإنبطاح الوطني المعاك .
|
لم يكن الصادق المهدي في يوم واحد من الايام ؛ نصيرا للديمقراطية
بل نصيرا للدكتاتوريين منكسرا امامهم ؛ باحثا عن امانه الشخصي ومصالحه الشخصية
ومستعد للدخول معهم والعمل تحتهم منذ اول ايام مايو مرورا ببورتسودان وانتهاء بجيبوتي
لكنه أعجز حتى من فعل هذا ؛ لذا يرسل نسايبه تارة وتارة اولاده
ويظل ينهش فينا كما المرقوت .
ليك الود
|
Post: #8
Title: Re: إذلال الإنقاذ للصادق المهدي : عجبني للمرقوت ....
Author: Elsanosi Badr
Date: 12-06-2012, 11:49 PM
Parent: #7
العزيز عادل تحايا ومحبة
قلت لي نكرو حطب،
ياخي مبالغة الزول ده، لما الصحفيين في القاهرة ولما جاء الخرطوم نكرو حطب ههههههههه
|
Post: #9
Title: Re: إذلال الإنقاذ للصادق المهدي : عجبني للمرقوت ....
Author: Mohamed Doudi
Date: 12-07-2012, 00:26 AM
Parent: #8
سلام يا عادل
قايتو لو الصادق المهدى والحزب الشيوعى بطلوسياسه امورك حتبوظ شديد لانها فرمالتك الوحيده فى هذا المنبر العام
يااخى ما تعارض معنا الانقاذ شويه وبعد سقوط الانقاذ اعمل الدايرو
عليك الله كفاك تخزيلا ....
|
Post: #13
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-07-2012, 01:04 AM
Parent: #10
حبيبنا الشايقي
Quote: رأفة بالمارقوت ياخ....
ما عندي تعليق على الإمام،،
فهو إمام بلا مأمومين
ودي نشوق رأي الأنصار والمستنصرين من ولادنا......
|
غايتو ما ضرتنا الا قصة امام وسيدي دي
وما حنتقدم للأمام حتى يكون أهل السودان كلهم سواسية كأسنان المشط ؛ ليس بينهم سيد عليهم او امام
هاك النشوق دا
|
Post: #12
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-07-2012, 01:01 AM
Parent: #9
الحبيب دودي سلامات
| Quote: قايتو لو الصادق المهدى والحزب الشيوعى بطلوسياسه امورك حتبوظ شديد لانها فرمالتك الوحيده فى هذا المنبر العام |
مالك بتتكلم عن المستحيلات ؟؟؟ اظن انا حابطل سياسة قبلهم .
Quote: يااخى ما تعارض معنا الانقاذ شويه وبعد سقوط الانقاذ اعمل الدايرو
عليك الله كفاك تخزيلا .... |
يا اخوي انت غلطان شوية في العنوان واختلط عليك الاختصاص؛ أنا اسمي عادل عبد العاطي ما الصادق المهدي - هههههه
ليك الود
|
Post: #11
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-07-2012, 00:58 AM
Parent: #8
السنوسي سلامات ومحبة
Quote: قلت لي نكرو حطب،
ياخي مبالغة الزول ده، لما الصحفيين في القاهرة ولما جاء الخرطوم نكرو حطب ههههههههه |
هو عاد نكر نصاح ؟
مبالغة هذا الرجل
ليك الود
|
Post: #14
Title: Re: إذلال الإنقاذ للصادق المهدي : عجبني للمرقوت ....
Author: Imad Khalifa
Date: 12-07-2012, 01:13 AM
Parent: #11
| Quote: وحرف بعضا من ممثلي القوى الجديدة عن مهامهم لكي يقولوا انهم جنود للصادق المهدي |
سلامات يا عادل
يا اخي ابراهيم الشيخ رجل ثوري أعتقد انه يريد توريط الامام (أن أخرج يا امام وسيب التردد) وستجدني وصحبي في المؤتمر السوداني امامكم في الشارع.
ولمعرفتي الشديدة بابراهيم الشيخ هكذا أولت سياق الحديث الذي أورد فيه عبارة جنود، وهو يعلم بأن اشاوس المؤتمر لا يأتمرون
بامرة أحد ولا يكونون جنودا لغير هذا الوطن المكلوم بأمثال الامام المتخاذل.
لك كل الود والتحايا
|
Post: #15
Title: Re: إذلال الإنقاذ للصادق المهدي : عجبني للمرقوت ....
Author: Abdel Aati
Date: 12-07-2012, 01:39 AM
Parent: #14
الصديق العزيز عماد تحياتي واشواقي
Quote: يا اخي ابراهيم الشيخ رجل ثوري أعتقد انه يريد توريط الامام (أن أخرج يا امام وسيب التردد) وستجدني وصحبي في المؤتمر السوداني امامكم في الشارع.
ولمعرفتي الشديدة بابراهيم الشيخ هكذا أولت سياق الحديث الذي أورد فيه عبارة جنود، وهو يعلم بأن اشاوس المؤتمر لا يأتمرون
بامرة أحد ولا يكونون جنودا لغير هذا الوطن المكلوم بأمثال الامام المتخاذل. |
اتمنى من كل قلبي أن يكون الأمر كما تقول وتفسر
وما تتخيل الكلمة بي فهمها المباشر وجعتني قدر كيف ؛ فالأماجد والماجدات لم يكونوا يوما باشبزق للقديم او انكشارية لإمام مزعوم .
الله يكضب الشينة .
|
|