Post: #1
Title: نفي وتوضيح من الامام الصادق المهدي حول حديث قوش والانقلاب
Author: عبدالمجيد الكونت
Date: 12-06-2012, 07:55 AM
Parent: #0
هذا ما قاله الامام الصادق المهدي امس الاربعاء بدار الامة
Quote: الامام الصادق المهدي
فى موضوع قوش ... فى اقلام موتورة دايره تستخدم كلامنا لادانة او اتهام قوش .. والحقيقة انو جانى اخر ايامو فى المستشارية وداير يقول لى كلام يقنعنى يالمشاركة فى الحوار لكن مؤسساتنا رفضت ... ولم يحدث اى اتصال بيتى وبينه بعد المستشارية ، وربط كلامى بمحاولات ادانتو ما موضوعى ...
وحيطلع بيان من المجموعة الاتقال معاها الكلام عشان يوضح الكلام دا......
وقبل كدا جانى نميرى ومن بعده البشير للمشاركة معهم فى الجكم وانا قلت ليهم التالى ..
نظام فيهو حريات .. غفير بشتغل معاكم ... نظام فيهو قمع .. رئيس ما عاوز معاكم .. |
الامام الصادق المهدي 5 ديسمبر 2012
|
Post: #2
Title: Re: نفي وتوضيح من الامام الصادق المهدي حول حديث قوش والانقلاب
Author: عمر عبد الله فضل المولى
Date: 12-06-2012, 08:00 AM
Parent: #1
م :
قالوا مشينا لندن تغطية ... صحى اذا ساءت فعل المرء ساءت ظنونه ... انا مشيت لتلاتة محاضرات وندوات ....
واما موضوع مصر ... فالمصريين كسروا حاجز الخوف ... وقام بيناتهم حاجز ثقة ... والطرفين يتكلموا معانا وما بتكلموا مع بعض ... طرف بتكلم معانا بثوب الاسلام وطرف بتكلم معانا بثوب الديموقراطية ...
وزمان حزب الامة بحاحى مصر من السودان ... لانو كانت الذهنية الخديوية تتحدث عن السيادة المصرية على السودان ... الان الوضع مختلف .. همنا ومصيرنا واحد ومشترك نحنا وجنوب السودان واثيوبيا ودول حوض النيل ...
بعدين كيفن ما نهتم ؟ دى حلة نحنا شادينها ... ادارة البديل بعد هزيمة الطغاة .. حلة نحنا شادينها ودايرنها تنجض ....
وما نجحنا كتير ... بس عملنا نداء لتغيير مكان التظاهر يوم السبت حتى لا يحدث صدام
فى موضوع قوش ... فى اقلام موتورة دايره تستخدم كلامنا لادانة او اتهام قوش .. والحقيقة انو جانى اخر ايامو فى المستشارية وداير يقول لى كلام يقنعنى يالمشاركة فى الحوار لكن مؤسساتنا رفضت ... ولم يحدث اى اتصال بيتى وبينه بعد المستشارية ، وربط كلامى بمحاولات ادنتو ما موضوعى ...
وحيطلع بيان من المجموعة الاتقال معاها الكلام عشان يوضح الكلام دا......
وقبل كدا جانى نميرى ومن بعده البشير للمشاركة معهم فى الجكم وانا قلت ليهم التالى ..
نظام فيهو حريات .. غفير بشتغل معاكم ... نظام فيهو قمع .. رئيس ما عاوز معاكم ....
طيب السودان الى اين ؟
الى فجر جديد ... ونظام جديد .. حتما باذن الله ..
والدليل ما يحدث الان لهذا النظام ... كلى ماشغالة ... قلب واقف .. شرايين مسدودة ... دا نظام عندو .. سل ...
العجز والفشل عناصر مكتملة لهذا النظام ....
وكل القوى السياسية قاعدة تتفق الان على البديل وهو البوصلة الهادية ...
الاغلبية فى مؤتمرهم الاخير محتجة
وناس الوطنى وناس الجيش مواطنين شايفين الحاصل دا وشايفين بلدهم ماشة وين ... فطبيعى انهم يتحركوا ... ليه ما يتحركوا وهم شايفين الحاصل دا ....
24 مارس 2011 قدمت اقتراح للرئيس ... نتفق على حكومة انتقالية وبرنامج متفق عليه ورئيس وفاقى ....
والحالة الان فى النظام ... كريتية .... من كريت ... التسوى كريت ...
وحيتحقق الاتفاق على البوصلة ... بعداك السفينة دى تمشي ولا سبيل لمنع الحروب المتوقعة الا تغيير هذا النظام بالكااااااامل ...
ونعمل اقتراح ابراهيم الشيخ والقيادات تنزل تعتصم مع الجماهير ....
**********
جزء بسيط من بقية الحديث لم يستطع راصد هذه الندوة متابعته .. وسنتحصل عليه ونضيفه الى حديث الامام
محمد فول
|
Post: #4
Title: Re: نفي وتوضيح من الامام الصادق المهدي حول حديث قوش والانقلاب
Author: ابوعبيدة النعمان
Date: 12-06-2012, 08:33 AM
Parent: #1
كمراقب مهتم لا أفترض موقفاً معيناً للمهدي او لحزبه لأحاكمه وفقاً لذلك ..
لكن نتعامل مع ما هو واقع فنتسائل:
لماذا كثيراً ما يحتاج الإمام لشرح و تفسير تصريحاته...!
أ لأنها حمالة أوجه؟ بقصد او بغيره...
فيهرول الرجل للملمة عواهن التصريحات.. الأمثلة كثيرة:
* دعوة الترابي للمشاركة في الانقلاب.
* حديث الجلد (بكسر الجيم) و الشوك طرف محكمة الجنايات الدولية.
*مشاركة النجل مستشاراً للعميد الانقلابي.
* علاقة و عدم علاقة الحزب بالثورية.
* فصل نصرالدين.
ذكر محدثي و هو سفير سوداني سابق في فرنسا أبان الحكومة الديمقراطية
الأخيرة عند إحتدام الصراع ما بين ليبيا العقيد القذافي و تشاد حسين حبري
إذ صرح السيد رئيس وزراء السودان صادق المهدي تصريحاً يبدي تأييداً
ظاهراً للجانب الليبي في قضية نزاعاته مع دولة تشاد، و كان الحديث مستبقاً لاي
موقف رسمي للحكومة وقتها ، و لكنه أغضب حسين حبري جداً مما دعى المستشارين و الحصفاء
من أهل السياسة السودانية بالاشارة للمهدي بتسرعه في ذلك و وجوب إرسال وفد
لتشاد لتوضيح المواقف و إجلائها او تقديم إعتذار مغلف لحبري..
محدثي كان ضمن الوفد و عندما صاروا بين يدي حسين حبري تقدم افراد الوفد بالاعتذار
من ناحية ( الراجل ما قاصد حاجة - و نحن مع التحكيم الدولي - موقنا محايد ..الخ)..
حسين حيري كان يستمع اليهم و ينظر اليهم بسخرية..فرد علي إعتذار المهدي قائلاً:
( تٌفاف دة و كتين يمرق من الخشم ... تاني بقبل؟)
- اي البصاق عندما يخرجه الشخص لا يستطيع ارجاعه مرة أخرى إلى فمه..
|
Post: #5
Title: Re: نفي وتوضيح من الامام الصادق المهدي حول حديث قوش والانقلاب
Author: مهدي صلاح
Date: 12-06-2012, 10:57 AM
Parent: #4
Quote: كمراقب مهتم لا أفترض موقفاً معيناً للمهدي او لحزبه لأحاكمه وفقاً لذلك ..
لكن نتعامل مع ما هو واقع فنتسائل:
لماذا كثيراً ما يحتاج الإمام لشرح و تفسير تصريحاته...!
أ لأنها حمالة أوجه؟ بقصد او بغيره... |
كل العائلة موبوءة بالحاجة دي ... مثال على الطاير :بنتو مريم اول امبارح في حوار في فرانس 24 تقول انها ضد اسقاط نظام البشير وتنادي بتغيير النظام وليس باسقاطه
طبعا المواقف الرسمية للحزب تتداخل وتتناقض مع مواقف وتصريحات الصادق وتصريحات مريم وبيانات الاجهزة الاخرى للحزب ... حزب فيهو صقور وحمائم وطواوويس ان جاز جمع التكسير لطاؤوس .. لخبتة اختساس ما انزل الله بها من سلطان
|
Post: #7
Title: Re: نفي وتوضيح من الامام الصادق المهدي حول حديث قوش والانقلاب
Author: كمال عباس
Date: 12-06-2012, 04:00 PM
Parent: #6
سلامات ياعبد المجيد
هذا التوضيح لابد منه وأعتقد أن الإمام الصادق أختار التوقيت والظرف الخطأ لإطلاق تصريحه الأول - الأمر الذي أفرز ردود الفعل السالبة والإدانات في حق الصادق فضلا عن أحد تيارات الإنقاذ تلقف التصريح وإستثمره في قضيتهم ضد قوش..
عموما الإمام مشكور علي التوضيح والذي ربما دفع عنه تهمة سوء النية
..
|
Post: #8
Title: Re: نفي وتوضيح من الامام الصادق المهدي حول حديث قوش والانقلاب
Author: Hafiz Bashir
Date: 12-06-2012, 04:16 PM
| Quote: عموما الإمام مشكور علي التوضيح والذي ربما دفع عنه تهمة سوء النية |
لا أشك أبداً في حسن نوايا الرجل فهو طيب للغاية و لكن توضيحاته المتكررة لن تدفع عنه صفة عدم الحصافة في القول
|
Post: #9
Title: Re: نفي وتوضيح من الامام الصادق المهدي حول حديث قوش والانقلاب
Author: الشفيع وراق عبد الرحمن
Date: 12-06-2012, 04:31 PM
Parent: #8
شكرا يا كونت
وشكرا سيدي الامام
هشام هباني و من شايعه (ابلع)
|
Post: #10
Title: Re: نفي وتوضيح من الامام الصادق المهدي حول حديث قوش والانقلاب
Author: Mohamed Doudi
Date: 12-06-2012, 07:20 PM
Parent: #9
Quote: سلامات ياعبد المجيد
هذا التوضيح لابد منه وأعتقد أن الإمام الصادق أختار التوقيت والظرف الخطأ لإطلاق تصريحه الأول - الأمر الذي أفرز ردود الفعل السالبة والإدانات في حق الصادق فضلا عن أحد تيارات الإنقاذ تلقف التصريح وإستثمره في قضيتهم ضد قوش..
عموما الإمام مشكور علي التوضيح والذي ربما دفع عنه تهمة سوء النية |
الاخ كمال
لقد رديت عليك رد مشابهه لكلام الصادق المهدى فى بوست كستاوى ....كلام الصادق المهدى واضح جدا لكن فى ناس تحب تفسر اى كلام للصادق المهدى على حسب احلامها وهنالك ادانه جاهزه للصادق والبعض يهاجم الصادق اكثر من الهجوم على المؤتمر الوطنى....على الرغم من ان الصادق المهدى السياسى الاكثر نشاطا ومعارضه للنظام
دودى
|
|