Post: #1 Title: اكتر نفرين عندهم شجاعة أدبية في السودان Author: omer osman Date: 12-05-2012, 04:52 PM
1- افراح عصام.
2- احمد الصادق.
Post: #2 Title: Re: اكتر نفرين عندهم شجاعة أدبية في السودان Author: omer osman Date: 12-05-2012, 04:54 PM Parent: #1
مع الاعتذار لكل معجبي المذكورين ........
لكن بصراحة لو عندي نص شجاعتهم الادبية كنت نافست وردي زااااتو هههههههه
Post: #3 Title: Re: اكتر نفرين عندهم شجاعة أدبية في السودان Author: حيدر حسن ميرغني Date: 12-05-2012, 05:00 PM Parent: #2
ياجنابو ديل مجرد ناس برددوا غناء غيرهم دي كمان عايزة ليها شجاعة :))
- من العنوان إفتكرتك بتتكلم عن السياسة
Post: #4 Title: Re: اكتر نفرين عندهم شجاعة أدبية في السودان Author: omer osman Date: 12-05-2012, 05:44 PM Parent: #3
ياجنابو ديل مجرد ناس برددوا غناء غيرهم دي كمان عايزة ليها شجاعة :))
- من العنوان إفتكرتك بتتكلم عن السياسة
<<<<<<<<<<<<<<<<<<<<<<<<<
هلا حيدر ...........
ماهي دي الشجاعة ذاااااااااااته غناء ما حقك وانت صوتك ما سمح (ماعاوزين نقول شين) وتصر انك تغني !!!!
شجاعة وال مش شجاعة ياحيدر ههههههههههههههههه
اما بالنسبة للسياسة فبقيت مهتم بالشان المصري ههههههههههههههه
Post: #5 Title: Re: اكتر نفرين عندهم شجاعة أدبية في السودان Author: الشيخ سيد أحمد Date: 12-05-2012, 06:07 PM Parent: #4
اخونا عمر عثمان
تحايا وود
ياخي انا كنت متابع بوستك "من الذي قتل كرستينا"...سليت لي روحي هههههههههههه....وفي النهايه ما قدرت اعرف النهايه شنو؟ بالله ورينا القتل "كرستينا منو"....السرد كان جميل جدا....انا وصلت لغاية انو قبضوا الشماشي وبدا يعترف.
ودي وتقديري
Post: #8 Title: Re: اكتر نفرين عندهم شجاعة أدبية في السودان Author: omer osman Date: 12-06-2012, 07:17 AM Parent: #5
Quote: تحايا وود
ياخي انا كنت متابع بوستك "من الذي قتل كرستينا"...سليت لي روحي هههههههههههه....وفي النهايه ما قدرت اعرف النهايه شنو؟ بالله ورينا القتل "كرستينا منو"....السرد كان جميل جدا....انا وصلت لغاية انو قبضوا الشماشي وبدا يعترف.
ودي وتقديري
الشيخ سيداحمد تحياتي وتقديري ........
تخيل قصة كريستينا دي عقدتني عديييييل كده ابت تتم كلو كلو !!
لكن ليك علي انكرب واتمها كان ربنا هون قبل نهاية الربع ده .......
شاكر وممتن جداً لمتابعتك للقصة ........
Post: #6 Title: Re: اكتر نفرين عندهم شجاعة أدبية في السودان Author: صبري طه Date: 12-05-2012, 06:25 PM Parent: #4
يا جنابو .. أحمد الصادق .. بعض الأغاني أدّاها بشكل جميل ياخ
ركّز في أغنية سلمى ومقطع "كم قلباً منوّر شوقو تطفيهو" يشهد الله راسي قال زننننننننننن حتى المُبدعة منار سرحت في عالم تاني مع الحتّة دي ...
الأغنية عذاب وإبداع بي صوتو ياخ (أسمعها بي سمّاعة أذن)
Post: #7 Title: Re: اكتر نفرين عندهم شجاعة أدبية في السودان Author: osman righeem Date: 12-05-2012, 07:22 PM Parent: #6
غايتو مادام المناسبة جات اشجع ادبيا من البشير يطرشني خاصة في حاجات مثل اكرام الجعلي للغرباوية!!!! لكن الغربية الترابي زوي الحكاية بي شعرت جلد دفع الله الكـلبت ؟؟؟؟ لكن ما متأكد انه ادان الاغتصاب ؟؟؟؟
__________________________ الموضوع ذو صلة بالمناسبة الطيب في مدني خليهو يستوطح بتاع النيابة
Post: #9 Title: Re: اكتر نفرين عندهم شجاعة أدبية في السودان Author: omer osman Date: 12-06-2012, 07:24 AM Parent: #7
Quote: غايتو مادام المناسبة جات اشجع ادبيا من البشير يطرشني
هههههه ياعمك انا طبعا بقيت ما بتكلم في الشأن السياسي السوداني
لكن اديك زول اشتر في الشان الرياضي (البرير) قال في لقاء على الهواء
مع الاذاعة الرياضية انو بعد يفتح نادي الهلال للرواد ح يعمل ضوابط مشددة جداً
للدخول والخروج اها ضوابط الدخول عرفناها ياربي ضوابط الخروج دي شنو هههههههه
Post: #11 Title: Re: اكتر نفرين عندهم شجاعة أدبية في السودان Author: أيمن الطيب Date: 12-06-2012, 07:31 AM Parent: #9
Quote: للدخول والخروج اها ضوابط الدخول عرفناها ياربي ضوابط الخروج دي شنو ههههههه
يا عمر والله ما طالبنى حليفة أمين البرير دا راجل هادئ وخلوق جدا بس لما يزعل طوالى بقلب الأسد الأطرش,,,
والمصيبة كمان لفتاوى وأشتر,, أسأل منو صاحبو على سر الختم...
Post: #12 Title: Re: اكتر نفرين عندهم شجاعة أدبية في السودان Author: omer osman Date: 12-06-2012, 07:42 AM Parent: #11
Quote: يا عمر والله ما طالبنى حليفة أمين البرير دا راجل هادئ وخلوق جدا
بعرفو كان بجي في دار الشرطة يومياً في 93-94 تقريباً وصراحة شايفو زول مهذب وهادئ
Quote: بس لما يزعل طوالى بقلب الأسد الأطرش,,,
والمصيبة كمان لفتاوى وأشتر,,
كان كده ما تجيب ليهو سيرة البوست ده
Post: #10 Title: Re: اكتر نفرين عندهم شجاعة أدبية في السودان Author: omer osman Date: 12-06-2012, 07:28 AM Parent: #6
Quote: يا جنابو .. أحمد الصادق .. بعض الأغاني أدّاها بشكل جميل ياخ
هلا صبري .......
شفت المشكلة كلها في (بعض) دي هسي عمك وهبة الواحد المعانا ده لو سمعتو وهو بغني في الاوصفوك
تقول ده فنان السودان الأول عشان كده الفنان يا يجضم
اى اغنية يا يبقي زول هاوي ساكت وممكن يغني لي نفسو او لناس الحلة بالكتير
Post: #13 Title: Re: اكتر نفرين عندهم شجاعة أدبية في السودان Author: أيمن الطيب Date: 12-06-2012, 08:11 AM Parent: #10
Quote: بعرفو كان بجي في دار الشرطة يومياً في 93-94 تقريباً وصراحة شايفو زول مهذب وهادئ
هو من أحرف الناس فى السودان فى ال Snooker وكورة القدم بجليها واااقفة سيم سيم صلاح إدريس وجمال الوالى
Post: #14 Title: Re: اكتر نفرين عندهم شجاعة أدبية في السودان Author: صبري طه Date: 12-06-2012, 08:24 AM Parent: #10
Quote: عشان كده الفنان يا يجضم
اى اغنية يا يبقي زول هاوي ساكت وممكن يغني لي نفسو او لناس الحلة بالكتير
أُحيلك للمُختصين .. لأنّ ذلك يعتمد على حسب إمكانيات صوت الفنان ...
مثلاً: الكابلي لا أعتقد أنّه يستطيع أن يغني لود الأمين في نفس المناطق الحادّة (مثال: بتتعلّم من الأيام)
Post: #15 Title: Re: اكتر نفرين عندهم شجاعة أدبية في السودان Author: Ashraf el-Halabi Date: 12-06-2012, 09:54 AM Parent: #14
يا سعادتك يبدو إنو (نظرك) ضعف! ياخ أكتر نفرين في السودان عندهم شجاعة أدبية تلاتة هنا تالتن
Post: #16 Title: Re: اكتر نفرين عندهم شجاعة أدبية في السودان Author: أحمد الشايقي Date: 12-06-2012, 01:11 PM Parent: #15
الرائد يونس
بتاع... (أيها الشعب السوداني البطل .. )
ملك الشجاعة الأدبية ... بلا منازع ...
Post: #17 Title: Re: اكتر نفرين عندهم شجاعة أدبية في السودان Author: aosman Date: 12-06-2012, 02:53 PM Parent: #16
جنابو, طلقتك النارية أصابت الهدف بدقة فائقة, إنت عارف فرعون ما كان حيكون فرعون لولا البشر الذين وقفوا خلفه ودعموه, ووصلوه مرحلة يصدق نفسه ويقول ليهم: أنا ربكم الأعلى.
عندي صاحب حكى لي بأنه في السودان في واحد مستهبل شديد, كان يشتغل عسكري, مره أدوه شريط, قام عمل حفلة كبيرة وعزم أصحابه من الشرطة وخلافه وأصاحبه من الشرطة بدءوا في أطلاق أعيرة نارية بكثافة مما دعى أحد سكان الحي الذين تفاجئوا بالأعيرة النارية الإتصال بالشرطة الأمنية, ولمن حضروا إلي مكان الحفل وعرفوا سبب الحلفة, قالوا ليهو: يا فلان إنت أدوك شريط واحد علمت كده؟ لو رقوك لي ضابط كنت حتعمل شنو؟ والشريط ده زاتو شلناهو منك, وعليه تم فصله من الخمة. طبعا لقى نفسه عاطل قام أجر ليهو بوكس لبن ومع بعض العواطلية وبقى يمشوا لي بيوت العرقي وهو كان بقول ليهم أنا وكيل النيابة الجديد فلان, وبكشهم وبقول ليهم حنعمل ليكم محاكمة فورية في البوكس ويذكر لهم بعض المواد التي حفظها كشرطي ويصدر حكمه بمصادرة العرقي مع الغرامة. واحدة من ستات العرقي أبلغت أحد من روادها الضباط و قالت ليهو ياخي إنتو جبتو لينا وكيل نيابة جديد عواليق خلاص كرهنا الحياة, كل مرة بعمل لينا كشة ومحاكمات فورية في البوكس وبصادر العرقي وبغرمنا, وعليه نصب له كمين وتم قبضه وأخدوه إلي المحكمة, القاضي قال ليهو يا فلان شنو طوالي كده تنصب نفسك وكيل نيابة؟ قال للقاضي: يا مولانا فرعون قال أنا ربكم الأعلى !!!! انا ما أقول وكيل نيابة؟!!!!!!!!!! طبعا المحكمة إنفجرت من الضحك وتم محاكمته
