رجل من الزيداب

تقول العجوز عازين وهي تقطن ديار فزان القريبة من وادي الدوم بصحراء ليبيا ان عوض الكريم الفريع واخوة الحسن قد قدما من نهر النوبة الذي يمر بمنتصف ارض السودان.

اضاف الشايب كلس ان الحسن صديق ابنه الخبير عبود تزوج ابنة زعيم عشرة النجعة وسكن وادي الاراك القريب من ديار الكبابيش وانقطعت اخباره عن القوم.

يقول العمدة صالح ان عوض الكريم رجل عضد وجسور. قالت ان دود الخلاء اب عاجات قد هاجم القطيع في كركور وتصدي عوض الكريم وياسين وكلاهما كان يحمل عقال بعير وسكين، قتل الدود ياسين وجرح عوض الكريم وهرب ونجا القطيع.

كان لعوض الكريم (حنفة) من شجر الرتم مربوطة بجلد باعش من عنقها، تقول العجوز امهاني ان جلد الباعش او دود الخلاء كما تسمية قد قتله عوض الكريم والناير قرب بير للماء عند تخوم جبل العوينات.

قبل قدوم عوض الكريم الي ديار فزان يقول الفقير عبدالرحمن ان الهمباتة الطيب ود ضحوية من عشيرة الجعليين وتربو ود عويس من قبائل المحاميد والريح دحلوب قد جاؤا الي تلك الديار وهم ريعان.

قال الشيخ مالك ان تربو ود عويس قد اخاف المفتش النصراني وهدده بنزع عربتة وتحطيمها وجعلها مربط ألبل، تقول العجوز عازين وهي ارملة الهمباتي تربو عويس ان زوجها كانت له صداقات كثيرة وان نار مطبخها لم تخمد منذ زفافها الي خيمة ود عويس

سمعت العجوز عازين عوض الكريم يدوبي وينشد ، ويقول؛
الخبر البيجبو الصديق مقفل جوة
وحالف ما بقيف دونو ان بقيت في هوة
عند طرش الدرق ما بنسي الخوة
كباس للدهم عند البيقول يا مروة

تقول خادم الله ان تلك الابيات سمعتها لود عويس وينسبها لصديقة الطيب ود ضحوية وامنت عليها العجوز عازين وعلمت ان بالرجل هم وحزن عميق

يقول الشايب كلس انه شاهد الناير ود عويس وعوض الكريم الفريع في اسفل الوادي ومعهم رجل من قبائل القرعان واخر من الطوارق يتبادلون بعض الطرود ولفافات التبغ

متابعة وحضور
سلامات

شكرا باسط ولك التحية والمحبة

نكتب من الذاكرة وامل ان ينقشع عنها الجليد لاحداث خلت منذ سنون وما زال بعضها عالق

شكرا لحضورك

متابعين


















------

في كتاب الهمبتة والهمباتة في السودان، ذكر الكاتب (جنوب منطقة العالياب) كمسقط رأس لود ضحوية ,,
العالياب مقسومة بين شرق وغرب النيل ,, الزيداب غرب فقط
فهل المقصودة عالياب شرق ام غرب؟
روايات الكتاب المذكور كلها مسرحها الجغرافي سهل البطانة

جابر ود دحلوب اخبر عباس اخو ياسين انه سمع الناير ود عويس يتنهد وسدرو بكر كرير الدود وعرف بانه يردد

الليله الرويح امست حزينة وعامده
ما بتتغطي بي خرقة حميده وحامده
فارقونا الرجال ابان قلوبا جامده
ناس ياسين العمير ضو القبيلة الصامده

فعرف ان بالقوم جلد وتمر عجاب تقول خادم الله اخت طريح البعبوش ان السماني وحسن الدرويش وطريح الاعبوش قد اخذهم قوم من اسفل الصحراء وهم نيام تقول امهاني ان البعبوش رجل مثل حجارة السماء او اشد صلابة وكانت تربطة بعوض الكريم خوة دم

يقول الفقير انه شاهد عوض الكريم الفريع والبعبوش يجرحان اياديهم ويسلمان علي بعض واختلطت دماءهم تقول الاساطير ان تلك الصفات والاعمال تقود الي خوة تمتد الي الممات وفي مجملها ستمر الي الذرية وتكون احيانا اقوي من صلة الرحم

العزيز قيقراوي رويات الهمباتة شرق النيل معرفتي بيها قليلة او تكاد تكون معدومة ومعظم معرفتي عنها تكونت عن بعض الاهل الذين نجعوا شرق النيل واتخذوا من البطانة مسكنا واختلطوا بسكانها وانقطع اثرهم تماما.


صداقات الطيب ود ضحوية بالمجموعات غرب النيل روياتها سماعية مثل صداقة تربو ود عويس وود دحلوب ملقت حظها من النشر.



قصص الهمباتة داخل جوف الصحراء اختلطت بكثير من الاساطير ويتم تناقلها شفاهة



خليك قريب

يا جماعة السموحة اكتب من جهاز تاب تتش أسكرين علاقتو بالاحرف العربية غريبة وفيها نفور وتطرف وفسوق

متابعة وحضور

Quote: متابعة وحضور

العزيز البشاري تحية ومحبة
خليك قريب نتابع واحدة من ملاحم الصحراء للرجل القادم من جروف نهر النوبة
خليك قريب سند وعضدا لعوض الكريم الفريع

السنوسي يا صاحب
حمدلالك على السلامة
ما تنقطع يا زول..
___
زيدابي

شقي الحال انت كنت غاتس وين

الدكتور الضال ود جبريل كيفنك، يا زول عليك امان الله اخوك شغال ليهو في حته عجيبة خلاص

يا زول ان هدومي البلبسها معروفة

كبك في شكل كدارة وبوت وبنطلون تخين

وشنطة كبيره زي المخلاية والخرتوية فيها دوا بتاع عقارب وتعابين وحشرات
وكميرا صغيرونة وزمزمية وعربية اربعة في اربعة

والخلاء جاك زول بنحبث في حاجات ممكن تبقي دوا


البنية الصغيرونه قالت بابا اتا وشك مالو بقي اسود كدة ، قلت يا بنيه هوي اجري العبي بعيد ابوك مما الله خلقو ايدنو ناشفات ووشو اسود الجد شنو




تلفونك راح مني ختو في الماسنجر عامل راسك المافوقو صوف ده






__________

بالمناسبة عضتني حشرة في ناميبيا ومتاكد انو في شايقي حرش الدهية دي

اا الطيفور اا ات ازول من الزيداب?

ياخي خليك قريب، معناتو يالحبيب فيها صلة رحم ويمكن نسب

أريت حالك زين يا السنوسي يا أخوي ؟
بعد السلامات
أخوك زيدابي يا السنوسي ومتابعين حكاويك بين بحر الزيداب ( النيل ) وجبل ليبيا الكبير
الكلام المنضوم يا السنوسي في ديك البكانات مافي أطعم منو . دحين رأجنك تدينا من مطاميرو .

حشو ساكت
شخوص كثيرة جداً فى أسطر قليلة جداً .. كلام حبوبات ساكت "سو فار".

بريمة

الحبيب القريب عثمان ود موسي

ياخي حبابك الف وحباب كل الزيداب

خليك قريب نحتفي بالجسارة هنا متمثلة في الزول الاسمو عوض الكريم الفريع


الفريع يا عثمان اخوي شخصية اشبه بالاساطير وملاحم الصحراء صنعها شخوص من دماء وعرق وحنين وشعر وغرام

البكان داك يا ود موسي فيهو مصنع للرجال وشغال ليوم الليله ما اتاثر بالاستورتي ولا ظنيتو ح يتاثر

الحبيب بريمه يا خي صافية حليب

صافي


خلينا نحتفل بكلام الحبوبات شوية وننقلو بضبانتو هنا

تقول العجوز ام عزين حفيدة الشيخ اب زهينة ان في سنة المحل والجدب رحل رجال كثيرون اسفل الصحراء لجلب العيش والقوت ويعقب الشايب كلس ان الطريق الي تنمبكتو وفيا يحتاج الي ابل قادرة ورجال اشداء.

في تلك السنون مات خلق كثير من النساء والشيوخ والاطفال، يقول اسماعين الدحلوب ان قافلة جاءت من دار الريح يلبس فيها الرجال ساعات من الفضة وحجر الرخام

يقول الفقير عبود ان تلك القافلة انقذت كثير من الخلق ويعيب الرجل ان فيها رجال زائقي الابصار يختلسون النظر الي النساء.

يقول الشايب كرفو انه لمح احد الرجال يبتسم الي احد النساء. تقول العجوز عازين ان النساء في هذا المكان كثير منهم لا تعرف الوان اسنان الرجال

كان لعوض الكريم الفريع جمل عنافي وحبل مصنوع من نخيل العطرون وقربة ماء ماخوذة من تيس التيتل وسكين جقدية وبندق اخذوه من رجال اسفل الصحراء وخرتوية فيها جبخانه وكان دائما يحمل تلك الحنفة وتتدلي تحت الجحف
تقول الحاجة ام بشار والدة الشريف عيد، انها شاهدت بندق قريب الشبه للذي يستعمله عوض الكريم يحملة رجل يلبس كاكي في بحر النوبة

يقول الشريف عيد نقلا عن الطفل تيراب ان في احد ليالي الهبوب ظهر عجل له ستة ارجل واسنان حادة وظهر كظهر التمساح. يقول تيراب ان النوق جفلت وراي ان العجل يحاول الامساك بالعرجا وهي ناقة للناير ود عويس.

يقول الصبي غبشة ان الاطفال وكثير من النساء قد جفلوا من ذلك المخلوق. يقول كلس ان في تلك التقعة كثير من اثقال الارض تخرج لتقتات باطفال الانسان والحيوان، يقول الشريف عيد انه راي عوض الكريم الفريع ينطلق كالسهم خلف العجل ويضربة بالحنفة ويردية قتيلا، يقول الطفل تيراب ان العجل اصدر صوت مثل فحيح الثعابين

يقول الزين الجريبان انه سمع عوض الكريم والناير يسرجان الجمال ويردف قائلا انو سمع الفريع يقول؛
ليل البروق هبط والنعسان عيونو يدحن
والهم كبس علي القساة قلوبهم وحن
يا حليل الرباع وكتين نتفكرهم ونتمحن
جاينكم يالرفاق لو مد العمر وصحن

يقول الجريبان ان الناير ود عويس بعد مقابلته للشريف عيد انه ترك التنمباك ولكنه يتعاطي القليل من لفافات التبغ ، يقول الطفل تيراب ان التبغ المصنوع في بلاد الفرنجة له رائحة اخف من من ذلك المجلوب من اسفل الصحراء، يقول الطفل عبيد ان الفريع لا يسمح لهم بتعاطي التنمباك والتبغ ويقول ان هذه العروق المصنوعة من صفق الشدر لا تصلح للاطفال ويقول ان فاروق الزنديق سدرو كان تقيل عندما شارف علي الموت.



______
يا جماعة محن الكمبيوتر البتلمسوه لميس ده مع الحروف العربية دايرة ليها وقفه

Quote: في كتاب الهمبتة والهمباتة في السودان، ذكر الكاتب (جنوب منطقة العالياب) كمسقط رأس لود ضحوية ,, العالياب مقسومة بين شرق وغرب النيل ,, الزيداب غرب فقط فهل المقصودة عالياب شرق ام غرب؟ روايات الكتاب المذكور كلها مسرحها الجغرافي سهل البطانة

شيخ العرب ود بدر

تحايا قلبية بشوقي مروية

ارجو ان اعلق علي الكلام المقتبس اعلاه وهو للاخ قيقراوي


طبعاً اتحدث في الجانب الذي اعرف عنه شيئاً بحكم العلاقة وهو الطيب عبد القادر سليمان ود ضحوية امير المهاجرة كما لقبه بعض الباحثين

ولأنه جدي عم والدتي فهو عاليابي وجده علي ود عرمان وابناء عرمان الستة معروفين لدي الجعليين وعلي هذا امه مدفونة في قمة الجبل الذي سمي باسمها وهي منطقةمعروفة (ام علي ) وهي قرية معروفة وبها قبة الشيخ حامد ابعصا وهو جد العمراب القبيلة المعروفة ايضاً

وجدنا الطيب مولود في قرية صغيرة تبعد شمال ام علي بثلاثة او اربعة كيلو فقط وتسمي الضيقة لانها محاطة بسلسلة جبلية ثم تنقل بين عشيرته

في منطقة نفوذ قبيلة العالياب وهي القري الواقعة علي مجرور البحر مثل قباتي والنتيلة والعدلية ثم كبوشية التي دفن بها وشندي والدامر الذي سجن فيه ابان حكم الانجليز سنين عدداًاضافة الي سهل البطانة

والاضافة الواجب ذكرها في هذه المساحة هي ان والدته سرورابية من منطقة الحرة غرب العالياب وينتمي من ناحية والدته الي جده الحاج حمدوبة الشيخ الشهير جهير السيرة وله قبر يزار في منطقة العقيدة وهو جد السروراب الذين اتشرف بالانتساب اليهم وهذه المنطقة اهدت السودان جيلاً من خيار الناس منهم طبعا حاج الماحي الذي انتقل والده عبر الرحلات البحرية المعروفة الي الكاسنجر وهناك احتواه اهلنا الشوايقة ومبروك عليهم فكلنا

ابناء عمومة كما ينتسب للحاج حمدوبة جد الطيب ود ضحوية ابن عمنا الشهيد ابراهيم شمس الدين وغيرهما كثر.

اخيرا هذا ملمح بسيط عن حياة جدي الطيب ود ضحوية ابو فاطنة حيث لم ينجب الا بنتين فقط هما فاطمة وهي ام والد زوجتي احمد الخليفة ود السيدح

بحاضرة الجعليين شندي قرية الشقالوة وابنته الاخري هي ست البنات وهي زوجة خالنا عبد الله ود حمدوبة شبيه الطيب عليهم جميعا رحمة ربي

واختم ببيت شعر مشهور قاله الطيب عندما قتل الخواوير جدنا كرار في سهل البطانة

أكان ما اسكت الباكيات واخلف الكية فوق الكية::: قولة ابو فاطنة ياالصادق خسارة عليَ

والصادق هذا احد اشقائه

وللطيب ود ضحوية صولات وجولات عدا التي ذكرتها انت في حديثك عن رجل من الزيداب مع رفيق دربه طه الضرير البطحاني

وقبيلة العالياب لها مضارب في سهول البطانة وفي منطقة ام شديدة بالتحديد التي سكن فيها جدنا الطيب عقودا من الزمن قبل ان يتوفي ويدفن في مقابر

كبوشية.

مع عاطر تحياتي لجميع المتداخلين

الحبيب السيدح عساك طيب
مشكور علي المعلومات القيمة


وبالمناسبة ات ناس خير التوم والمكابراب القريبين من العقيداب يبقولك شنو، انا سمعت باسم السيدح ده واقترن لي بخير التوم نرجو منك الافادة، وخليك قريب مع عوض الكريم الفريع

سلامات صاحب البوست وضيوفه

العالياب مقسومة بين شرق وغرب النيل ,, الزيداب غرب فقط


قبل أيام فطرنا في العبابدة (شرق الزيداب)
في طريقنا إلى الهوشة والمشايخة ...





تعديل كلمة

Quote: العالياب مقسومة بين شرق وغرب النيل ,, الزيداب غرب فقط

بوست قيم...شكرا لصاحب البوست




التوقيع:

عاليابي (شرق)من الحاوية جهة الاب

زيدابي (غرب) من المشايخة من جهة الام

عطبراوي ....(من جهتي أنا)

Quote: زيدابي (غرب) من المشايخة من جهة الام

يا زول !
إنت من ( أندينا ) ؟؟؟؟
طيب مالك طالع رشاشه !!!!
ما قالوا ( الجنا خال ! )
جعلى و( عينو حمرا ! )
زى لون الدم ....
.....
تحياتى د. ياسر عبدالقادر ...
و تحياتى للسنوسى بدر و بوسته
الرهيب ...
.....
عبدالماجد محمد عبدالماجد
مشايخى 100%

عبدالماجد

ياخ والله نحن الاسعد.....


حبابك ألف.....ومزيد من التواصل

تحياتي و شكري


ولنستمتع بهذا البوست في حضرة الطيب ود ضحوية



عبداللطيف السيدح: في صلات قوية بيناتنا ياخ

إلي حين عودة

دكتور السنوسي

بوستك طاعم وما بنفارقك اعود ليك بمعلومات قيمة عن اهلي اولاد مكابر


دكتور ياسر يازول حرَم حبابك مليون

ومن جبتا سيرة الحاوية انا قلت خلاص الكلام دخل الحوش وتذكرت حينها الماذون عليه رضوان الله وابنه شيخ مصطفي حفظه الله وحبوبتنا بت هميم وذريتها ناس صلاح عبد الله فضل المولي ودالعجب

وكمان اجدك نطيط البحر ومشيت لاهلي المشايخة وهل تعلم ان عمي محمود ود السيدح متزوج مريم بت عبد المجيد شقيقة ناس علي وابنة عم نائب رئيس الجمهورية الاسبق اللواء عمر محمد الطيب

الذين هم حبوبتم بت السيدح شيلة ودقة ، وعمر عبد الماجد ام عياله بت اخوي الفكي عبد الله الخليفة الحسن السيدح رحمه الله توفي قبل عدة اشهر وأسال الله ان يجمع بإبنهم الذي لازال ضائعاً في النيل الازرق.

الاعزاء منتصر ودكتور ياسر والمريخابي العظيم عبدالماجد والسيدح حبابكم الف ، فصلتنا عنكم المشاغل لكين حتما بجيكم صادي

Quote: عبدالماجد محمد عبدالماجد مشايخى 100%

عبد الماجد
المشايخي

كيف حالك يا زول

هل عمر محمد عبد الماجد شقيقك لزم

ياخوي إنت دخلت الحوش عديل.....بجيك صادي

متابعة.... ومستمتعة


زيدابية من جهة الأب...

شكرا للحكي الجميل يا سنوسي
ومرحب بعودتك
وفي إشتياق لطقوسك




_____
بمناسبة الزيداب خالي محمود التني أنتدب من مشروع الجزيرة مديرا لمشروع الزيداب الزراعي لمدة خمسة سنوات نهايتها كانت 1978
كانت فرصة ذهبية له ولاولاده للتعرف على البلد وناسها وخدمتهم في كثير من الامور
يقال أن جدتنا بت حاج بشير لاتزال أرضها في الزيداب تطلب من يتفقدها
وأجمل صدفة فعلا حصلت مساء أمس لما عرفنا ياسر أب أتفة قريبنا

عبد الماجد ....تحياتي


فقدت رقمك لاني خليتو في ميريلاند....إذا أمكن رسلو في الخاص...ولك إعتذاري و تحياتي

العزيزات مريم بت الحسين وراوية العباسي ، حبابكم الف وسعيد ان يجمعنا الود للزيداب وبحرها ومشروعها وكرم اهلها وبطولاتهم علي عمق الصحراء. كونوا معنا ان مد الله في الاجال.،