حميد ياخوانا ..... عووووك ....!

https://fbcdn-sphotos-a-a.akamaihd.net/hphotos-ak-snc6/9662_10151277414862937_72290365_n.jpg

WIDTH=710 HEIGHT=510>



شلتَ من جودة الرماد



وقمت مورقت الزراعة



بتَّقت كل البلاد



بي ولاد طول باله باعه




شهداك الهيلا قاموا



وبوغوا التاريخ جداعة



توروني وراحوا ناموا



في حِضن سيد الوداعة



اللي ما خان الوداعة




حملوني أمانة أغنِّي



معجزاتك بي براعة



ولا أبالي تكنِّي جنِّي



ماهُن أدُّوني الشجاعة


ــــ
الزول ده ياخوانا ما مشتاقين ليهو ؟

لو كل الناس عملو عُشر العملتو ياحميد ما كنا محتاجين هسي لشعار اسموا معا لاسقاط النظام ... لو اي زول انجز عُشر واجبك ده النظام ده كان سقط براهو خجل واستحاء ساي من فعايلو امام فعايل شعبو ؟

كنت الأصدق لأنك ببساطة كنت زول صادق ودوغري .... يعني ما شغلت روحك بي امور الدنيا من مال وبنون وفيس بوك وتويتر وحسابات في المنابر
كان يكفي أن تجلس بلمبة جاز في نواحي نوري وتترجم ما عجزت عن ترجمته التكنلوجيا بإستنارتها ومدنها وحساباتها ومطاراتها وساستها .
ياخ انت كنت بتقعد الكلام في بطن الوجع ... وبتقعد الوجع في بطن الكلام .... كنت اكتر زول شواف ... أكبر من أي حزب الله خلقوا في الدنيا زيما
كنت براك بتفاوض وتصنع أجمل الأحلام لبني وبنات وطنك

بلد ما محظوظة يا صاحبي

والله بلدا فيها البشوفوا السمح ...زي شوفك ده يا خدر يا ود حسين .. بلد واعدة والخير راجيها بس انت ابقي قريب

انا لله ياخ
ازيك يا صاحب

"بالله ياااااا نخب الكساح:
وديتي وين وطني الخزين؟
سبتيلي هادي الـ "تاح"، "تراح"!!"

أييييه يا خدر ياخ!

مالك علينا يا خضر متور علينا المواجع
الله الله من الحزن الماب ينتهي والكل يوم بيزيد
اكثر من (تماينة) شهور على رحيلك ولم تجف ماقينا اخي وحبيبي
كنت لا تخطئ ابدا وتقول (ثمانية) سبحان الله دائما (تماينة) على لسانك لا ادري ما السر وانت الذي كانت حياتك كلها جهر
جزء من الوفاء لك كتبت وما زلت اكتب


عيان بيان
شامخ شموخ
متجلي في داك المكان
واقف مع محمودنا راضي ومبتسم
تتحدوا لي ظلم المشانق يا الحنين
روحك بتفدي وطن نفيس
في البرزخ انت هناك عريس
لا صفقة مافيش لا رقيص
لا حني لا طنبور وكشف القرمصيص
مافيش تعب
مافيش نصب
يبراك ملاك
وسراك براك
ليك ما تريد
كل ما تشاء وهل من مزيد
وحسن الجلالة عليك يميس
ميست....ميس !
ضلن رهين.. آمين..آمين
موتك قطع حبل الوتين
الشمس تشرق كل حين
تخفي القمر
ونور النجوم الانكدر
نوريك جريف قيفها انكسر
توشل تقاويها الدموع مطر..مطر
ما صدقت ... تغزل كتر
يهوداك مع عيوشة راكبين القطر
سفرا بعيد يتمارى من زمن القطر
غفلتنا وسويت في سبب العلاج
والظلم ينهب في الارض يقطع فجاج
مرقت حرفك ومنو ما فكيت ريق
اسوعت اندهدهت وين؟
تاريك انت نزلت في نص الطريق
فاقد جنيات الفريق
رشعت فوقن يامطر عز الحريق
لاعبتهم...وهدهتهم
يا الماك ضنين
عترلك الحجرآآآآآالبخيت
خليتنا لي ظلم البشر
وحكم الكجر
ولي كل شر
يا خي الله في
ايوه الله في
وكمان قوافيك المطرزة باليقين
مابرضو في
وان شاء الله مايغشاك شر
سي... ياوفي

خضر مالك ياخى!!
حميد قال:
هزى سعن البينا كنك!!!!!!!!!!!!!!