قطر تحكم بالسجن المؤبد على شاعر بسبب قصيدة

اللهم اجعل كلامنا خفيف على مناصري دولة قطر
والله صحي

محكمة أمن الدولة القطرية أصدرت حكمها على الشاعر القطري محمد بن الذيب
بتهمة التطاول على رموز الدولة قدس الله سرهم
وهذا الحكم سيجعله يقضي بقية عمره خلف القضبان

Quote: العربية.نت أودت قصيدة بالشاعر القطري محمد بن الذيب إلى السجن المؤبد، بعد أن قضت محكمة أمن الدولة القطرية اليوم بالسجن المؤبد عليه، بتهمة التطاول على رموز الدولة والتحريض على الإطاحة بنظام الحكم عبر قصيدة رد بها على الشاعر خليل الشبرمي. وترافع عن الذيب مجموعة من المحامين، منهم د.عبيد الوسمي ونجيب النعيمي بالإضافة إلى وفد من منظمة هيومن رايتس ووتش الدولية. وتقدم المحامي النعيمي بطلب استئناف الحكم ووافق قاضي المحكمة على الطلب، كما قرر وفد منظمة هيومن رايتس وبقية المنظمات الحقوقية الاعتراض على الحكم لدى النائب العام. ويأتي الحكم بعد أن أمضى ابن الذيب قرابة عام في السجن، ولقيت قضيته صدى واسعاً في الأوساط الثقافية والأدبية الخليجية والعربية. وكان إعلاميون وشعراء وكتاب وجهوا أمس خطاباً إلى أمير دولة قطر ناشدوه إطلاق سراح الشاعر المعتقل وتعويضه عن الفترة التي قضاها في السجن. يذكر أن عدداً كبيراً من الأوساط الثقافية والحقوقية والشعبية تفاعلت مع القضية على مواقع التواصل الاجتماعي، لا سيما أن محمد ابن الذيب من أشهر شعراء النبط الشعبي في العالم العربي.

وهل ما تفعله قناة الجزيرة ليس تطاولاً؟
؟؟؟؟؟؟

القصيدة التي زجت بالشاعر خلف القضبان

بشاري تحية ومحبة

الشاعر ده يا بشاري ما عندو علاقة بالسياسة ، حاول تسمع القصيدة واحكم عليها، هذا النوع من القريض ولغ صاحبة في الاعراض وفية تجني علي الحقوق وتحقير للمرأة ،

ناس هيومن رات ووتش لو ترجموا لهم هالقصيدة اكيد تتغير نظرتهم لمثل هذا النوع من الاختلاف.


بالمناسبة الخيط مفتوح في جهة اخري بنفس العنوان تقريبا

سلام اخونا الامين،
القران يقول: *...إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين*
لذلك علينا ان نتدبر ولا نخوض مع الخائضين.. العنصرية والنزعة الجاهلية تفوح من كل كلمة فى شعر هـذا الرجل..


وهـذا ما كبتناه فى بوست مجاور فى ذات الموضوع

فى هـذا المنبـر العجيب.. سفينـة نوح.. ناس شايلـة ليها عدة مكاييل وحايمين..

استمعت الى نصف (القصيـدة).. وهى تنضـح عنصـريـة (العرق دساس).. ونشـر الكراهيـة مما يعد hate crime.. ولو قيلت فى مواطن عادى فى امريكا لكان حظ هـذا الشاعـر 10 اعوام سجن

هـذه القصيـدة هى إعادة الروح الى الجاهلية بكل ما تحمل من معانى العنصرية والبغضاء والهجاء الذى يعتبر جريمـة فى الديمقراطيات الحديثة.. الهجاء يقابله إشانة السمعـة defamation مما يعد
جريمـة كبيرة .. والقصيـدة إنتهاك صريـح لحقوق الذى قيلت فى حقه، ولا أحد هنا فتح الله عليه بالدفاع عنه..

أمرك غريب يا منبـر...

بالمناسبـة لم أعـد مقيمـا فى قطــر.. عشان ما يجى واحد يطلع مكيال جديد من مخلايتو.. ويسيب الموضوع الأساسى.

الأخ اللمين البشاري

تحياتي - يا زول الشاعر دا لم يتقيد بشروط الزمان ولا المكان . وما مدا رجله قدر لحافه !! وبعد دا لن يقضي بقية عمره خلف القضبان بإذن الله حيث معلوم النهايات في مثل هذه القضايا في العالم العربي . بل أذنك يا اللمين وقول البحيراوي قال كدا وإنتظر !!

غايتو يوم جماعتنا يتمكنوا من وسائل هؤلاء والله كلنا ندخل السجن المؤبد دا . ناس عبد الظمار وعيسى وموسى وياتو -ياتو ما عارف .

بحيراوي

سلامات يا بشاري
و الله انه ذيب الرجال هذا ههههه
ياخي ده زول لسانو سليط للحد البعيد و هو عموما اثبات لنظرية أن العرب ظاهرة صوتية كما قال عبد الله القصيمي.
بعدين اسمح لي اقول للأخ ابو الريش أن هذا الحكم قاسي جدا و هو لم يصدر إلا لأن الشاعر هبش شيوخ قطر و اداهم
كلام زي وشهم و لا اتفق معك أن في امريكا ممكن كلام مشابه يدخلو السجن ، على الاكتر قضية slandering/defamation
و حكمها لن يتعدى التعويض. اتفق مع البحيراوي أنه سيخرج بعد مدة قصيرة و المتابع يرى حملات كبيرة في كل الخليج تضامنا معه.

Quote: سلامات يا بشاري و الله انه ذيب الرجال هذا ههههه ياخي ده زول لسانو سليط للحد البعيد و هو عموما اثبات لنظرية أن العرب ظاهرة صوتية كما قال عبد الله القصيمي.

سيف النصر

سلامات وأنا أشهد انه لذيب
الكلمة احياناً امضى ســلاحاً يا د. سيف من الســلاح نفسه
وخصوصاً في مجتمعاتنا العربية ذات الطابع القبلي
رشاهم ليك زي الما حاصلة حاجة ههههههههههههههه

تحياتي

Quote: وبعد دا لن يقضي بقية عمره خلف القضبان بإذن الله حيث معلوم النهايات في مثل هذه القضايا في العالم العربي . بل أذنك يا اللمين وقول البحيراوي قال كدا وإنتظر !!

البحيراوي

كيفك يا صاحب
نعم سوف لن يقضي بقية عمره خلف القضبان
وعشان تكمل المســرحية التي تظهر أمير قطر بمظهر
الرجل الشهم الذي يعفو عند المقدرة وتلك مرحلة لاحقة
عفو اميري معتبر يبين كرم الامير
الحكاية بقت زي الفيلم الهندي يا بحيراوي معروفة النهاية

Quote: غايتو يوم جماعتنا يتمكنوا من وسائل هؤلاء والله كلنا ندخل السجن المؤبد دا . ناس عبد الظمار وعيسى وموسى وياتو -ياتو ما عارف .

يعني ناسنا مقصرين ما ياهم في مرحلة تقطيع الأوصال
والكي بالمكواة والضرب بالسواطير ....... الخ الخ

تحياتي

اخونا ابو الريش وعليكم السلام ورحمة الله

Quote: بالمناسبـة لم أعـد مقيمـا فى قطــر.. عشان ما يجى واحد يطلع مكيال جديد من مخلايتو.. ويسيب الموضوع الأساسى.

علم وجاري التنفيـــذ ابو الريش لم يعد مقيماً في قطر

Quote: القران يقول: *...إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين* لذلك علينا ان نتدبر ولا نخوض مع الخائضين.. العنصرية والنزعة الجاهلية تفوح من كل كلمة فى شعر هـذا الرجل..

سبحان الله! وكالات الأنباء العربية والعالمية اصبحت من الفاسقين بحكمك هذا
النبأ صحيح 100% وحتى بعض المواقع القطرية تناولت ذلك
ومع ذلك فانا لم اخض مع الخائضين كما قلت
فقط لي أجر المناولة وهو جلب الخبر وسبب جلبي له
هو تلك العقوبة المغلظة والغير منطقية من وجهة نظري
والحمد لله إنك عدت وقلت

Quote: استمعت الى نصف (القصيـدة).. وهى تنضـح عنصـريـة (العرق دساس).. ونشـر الكراهيـة مما يعد hate crime.. ولو قيلت فى مواطن عادى فى امريكا لكان حظ هـذا الشاعـر 10 اعوام سجن

يعني متفق معاي ضمنياً إنو عقوبة السجن مدى الحياة مغلظة
وغير متناسبة مع جرم الشاعر بما خطه كيبوردك هنا
كتبت ما يلي:

Quote: هـذه القصيـدة هى إعادة الروح الى الجاهلية بكل ما تحمل من معانى العنصرية والبغضاء والهجاء الذى يعتبر جريمـة فى الديمقراطيات الحديثة.. الهجاء يقابله إشانة السمعـة defamation مما يعد جريمـة كبيرة .. والقصيـدة إنتهاك صريـح لحقوق الذى قيلت فى حقه، ولا أحد هنا فتح الله عليه بالدفاع عنه..

ثم أردفته بما يلي:

Quote: أمرك غريب يا منبـر...

الغريب يا ابو الريش هو انك تود ان تحاكم هذا الشاعر وهو ابن قطر بمعايير
وقيم امريكا وموروثاتها وثقافتها
وين الديمقراطية في قطر عشان تحاكم بيها الشاعر؟
ووين حقوق الانسان؟
ووين؟
ووين؟

كن بخير

Quote: الشاعر ده يا بشاري ما عندو علاقة بالسياسة ، حاول تسمع القصيدة واحكم عليها، هذا النوع من القريض ولغ صاحبة في الاعراض وفية تجني علي الحقوق وتحقير للمرأة ، ناس هيومن رات ووتش لو ترجموا لهم هالقصيدة اكيد تتغير نظرتهم لمثل هذا النوع من الاختلاف.

الســـنوسي بدر

سلام وتحايا
الغريبة يا السنوسي في تفاصيل الخبر تم اتهامه بالتحريض على قلب نظام الحكم
ليس بالضرورة أن يكون الشاعر سياسياً حتى يهجو الحاكم
وأنت زول بادية يعني ما ممكن تقول الحكامة أو الهداي زول سياسي
لكن الهداي/الحكامة لديهم من الادوات ما يزلزل كيان الحاكم .. ولا شنو؟
وبأي سبباً كان؟
ايرادي للخبر هو استغرابي من قساوة الحكم برغم ولوغ قناة الجزيرة
التي ترعاها قطر في سب العديد من الحكام العرب وهنا تأتي المفارقة يا حبيب
فما لا ترضاه لنفسك ينبغي أن لا ترضاه لغيرك

تحياتي

Quote: ياطرطور هذي كلمة اختك لمنك جيت تدور نسب جدك والاعراق دساسه تسموا بسم جدك وفاخر الى سمويت وهب من لدن نفسك لنفسك تحراسه بطون الحراير تنجب الصامل الزنتيت وبطن الخضيريه اخضيري وقباسه وانا مجمل في اخالي وابي فيه ماعقبت لكن حادي العيس يتوككد من اعياسه دعس لحيتك هر شرمك وانت لو ضجيت وش مزعلك بشر ساسك مثل ساسه نتقها وركك بك على البيضه وركيت وصدم بك جبل سلمى وكرفسك كرفاسه وذا الحين تفتل شاربك وانت مااستنقيت تغني من المنكوس ماجات منكاسه كفوني هل الخير بفضايحك وانت اكفيت بعارن يحرم الجفن من لذة انعاسه وشيوخ الضراط الي بلا عز لو ضحيت بعمرك لها ماغنتك....والداسه الداسه على الام بي سي والا على شاشة الاوربيت ترز العلم غيري يتنكس تنكاسه هوس اصلها ينحى بها مثل مانحيت وهي قبل عقدت الاصل فيها تهواسه لك الحمد ياربي على كل مااوتيت ولك الشكر وجداده على اثر دراسه ولك الفضل في نفعي وصبري اذا انضريت ولا العين دماعه ولا الكبد حماسه ودخيلك من اكل السحت ومرافق السحيت وجهل المره والبزر لازاد غلاسه فقيرن بدون ارضاك لوني استغنيت بامرك خضار العود والا تيباسه ايمم لك بوجهي ليمنت ون صليت فاانا عبدك الي خاضعاتن لك احواسه لون المسيحي في الكنيسه ليا اديت صلاتي ..يعارضني بترتيل قداسه ياعبدالله بن غراب طال الرجا وابديت ماكنيت ..يوم القلب فكيت متراسه ابرك بسمع الشور وان كان مابريت غلاك وغلى سالم شقى الوقت ماحاسه كما الشاهقات اشوه مذراك لا ذريت ولكن راس الضلع ماحب نداسه تقاعست عن غزو المعادين لين اغزيت لكن عنتره ماهو يضره تقيعاسه ياريح الشمال البارحه ساع ماهبيت نطحت الشمال وخذت منك تنفاسه وتمثنيتك براسن عصامي وبك مثنيت عزم شاعرن لو طاح ماقلت لكواسه هذي جرتي في غارب الضلع لالبيت مثل جرتي يوم ادهل البر واطعاسه وانا يا اعيش وهيبتي وين مالقيت بها وجهي تشرف مقامي ومجلاسه او ابيعها بيع الكحيله وضيف البيت بعد سد مارب فاض وانهد محباسه وبعد مالله اوحالي من الشعر مااستوحيت اهندسه وانا مرهي في تهنداسه لكن غن يامارد هل الشعر لاغنيت بعد ثورالبارود واشتدت مقباسه اسري من جزال القوافي اليا سريت مايعيك عن طول الكلام وتكداسه على نحتها تسلم انا ملكي النحيت سبايك ذهب ماهيب قصدير ونحاسه على قافيت كم بيت سويت لي كم بيت وغنت بها فرقة سميره وابو ماسه على جرتي تباعتي وين ماقفيت تقلد علي والدرب ياطول مرواسه وانا تجربت شاعر ماني تجربت تصويت وعلى فعل ماهوب حبر بظهر كراسه لو ان الشعر صورت مجله وكم كاسيت كبر قدر ابو نواس في عيون نواسه ياراغب علامه زين صوتك ليا شليت وهزيت وسطك بين طنجا وابو فاسه ترا محمد السادس برستيج واتكيت لو اعطاك من كوسكوسك مااشبع من تكساسه لكن يامدور للفضايح تراك اوديت بنفسك في بحرن ماسلم منه غطاسه لاردت على الورعان والشفط والتفليت هذي شغلتك واسمع ولا فيه دلاسه فضيحتك في كل المحاكم الى الهلفيت تخليك راسك تحت والنفس حواسه هذي الاولى والثانيه فيك كيت وكيت اسولف بصوتن جهر.. والا تهماسه متون الرجال اتشل مالا بعد شليت بيوت الشرف تكرم من اهل تدناسه معاك الحراره ترتفع وانت الى احتريت ايلين العظم عندك ويوجعك مساسه علاجك طبيعي رابين به وبه ربيت طقوسه خصوصيه ولا تجهل اطقاسه تسلقى الى سلقوك ..وانكب الى انكبيت ونفذ الاوامر دام للدقن حلاسه تدور على العزه ولكن ماعتزيت معزبك مثلك وان رمس شف ترماسه يلقمك مصاصه وترضيك لامصيت ويلحسك من زبده ولا اشبعك لحاسه يهزك بباكوره ولاشافك انهزيت تمايس بك وعودك يناسب تمياسه موصينك ابرو منك ..لكنك مااستبريت وهذي شيخة الخايس يبلشك فخياسه تفلفس لكن ماجبت علمن ولا وديت وبه فرق بين الفلفسه والتفلسافه لو منتا بكفو قدي علي اليا قديت علي ذبحتك وديتك دمك كحل عناسه وعيده وريميه عليهم لو استعليت وصلنا لمواصيلك ولا لك تنوماسه غطاويهن اشرف من شماغك اليا رزيت يا###### الفعول الي نظافته في لباسه وانا هل قطر مني وانا منهم اشتقيت فروسيتي واصغر هل الدار فراسه حمد بن خليفه بن عطيه عليه اخزيت وهو شاربه يكرم من الهرج وادناسه تحسب الجبل بيخر مثلك ليا خريت تهطلس ومثلك مايهزك تهطلاسه هذا بن عطيه وليا ظليت طريقك يخزمونك وشفتك مخراسه لكن لاتقاوي كف تتعب لاقاويت وخلك على مزمارة العبد فاعراسه وانا غبت وليا غبت بتموت ماسديت مكاني لكن خذ لك مثل واغلق اقواسه سقا الله فترة حكم صدام ياتكريت قبل مايجي للمالكي ذكر وارياسه كتب روميو قصة غرمه مع جوليت ولحدن توطس في بطنها توطاسه قصصهم تغنى في مسارح هل الاوبريت رغم انف ابو شمى وثومه وبسباسه وانا اقول عندي لغز وان كان له حليت على الطويق باشلك واحطك على راسه وش الي لاهو يسمع مناداك لاناديت في عينه كحل بكري وفي الخشم فنطاسه تشوفه مع الحجاج لو كنت ماحجيت. ويسولف به التكساسي فتكساسه ابوه اصلبي وامه عريبه وهو سكيت صباحه ضباب وعياله تهاب خرماسه اذا طاب حظك قول يالله التثبيت ومن شر وسواسه ومن شر خناسه ترا الشات لاهل الشات والنت للنتيت وابو تكسي الله يرزقه حسب تكاسه وعيال النخاسيه لو تكن ماكنيت ابيهم ولد نخاس من بطن نخاسه اذر التراب في وجهها كل ماذريت والافواه كحاحه والاخشام عطاسه وقصار اليدين الي تراعد اليا حنيت يجسون نبضي واتعبو ماحدن جاسه من يذمني من طيب راسي يجي له صيت وياكثرهم واكثرهم اهل التدنفاسه اذوقهم المره وانشقهم الحلتيت ومن فضل الولي مافيه خوف وتوجاسه اكن الشبور اطوال واقصار وانت عليت يكفيك شوف الصيرمي عن تلماسه ياكم واحد يعرض علي كل مامريت خذاه الحماسه وصار عنده تحماسه بغيت انزل لقدره وحاولت غير ازريت مثل مابغى يطلع علي وانثنى باسه على الهينه لاحدني مثلها عيت ثلاثية اسمي عربتني عن اسداسه لو ان الاماني بتحقق ليا اتمنيت بدال الكلام الي تصفون فاطراسه يحول علي منكم من يهد لاهديت ويبين الشجاع بركض خيله ومفراسه نعرف التفلاته من مصافخ الفليت ونعرف الذليل يضيق حتى من الباسه اغض النظر واصد من قو الى صديت الى صارو العدوان رعيان وبساسه ولو ان كل بعوضه عليها نطش افليت غدت شركة البف باف برباح باماسه يقولون وش نويت واقول وش نويت ياكبر القدر لكن ياصغر ملاسه الين استوت في راسي الصلب ثم وطيت على طارفت بشتن على متن عرماسه كذا وان مقت باسم الحكومه علي مقيت توطيت به روسن على الروس مرياسه وليا قامت الرعيان باسم الشيوخ اتهيت قلبنا الحكم والا عطيناه مياسه يامتن الحكم لاياقع البشت لااسترخيت على صعب ملباسه على هون مخلاسه الى جابت الساسه لي القاز والكبريت علي شبها واول ضحيه هم الساسه ياشيخ الدراهم والله انك علي اهديت هديت عمر وانا اتضرس تضراسه الى اندسو الشيخان مني فلا اندسيت يموت الذليل وما يفيده تدساسه سلامي علي لاذلو القوم ماذليت اوقف لها والبن ينضجه محماسه ايه بالله بدوس الجمر وان دست ماسميت يطيح المطر وتطرش البدو عساسه بني عمي اقرب من احزامي ليا ونيت وخوالي شنار الحرب لا دقت اجراسه من عيال راشد عزم ابو زيد لاهميت ومن عيال ابن جلبان سطوت تجفاسه لكن فزعتي بالله وبالله ولا حديت تحزمت باللي يقدح النار مكباسه ياشيخ البلاستيشن من الراس لين الفيت تبيها دبل كيك او تبيها تقواسه اذا الشيخ جلاسه قليل اصل وسريبيت فسلم العرب قدره مثل قدر جلاسه شيوخ النوادي والبيبي فوت والشوكليت رعاة الردى ومعزبت كل بلاسه ماشاءالله عليها تكشخ ودمها شربيت تبراء وهي خلف الكواليس كلاسه لكن درجها ينشاف حتى على الزفليت درينا بها وحنا من الظيم شراسه بزارين عام الفين .. تقنص سباع الهيت يحسبون مقناص الضواري توناسه قصير العمر ..ردي عليك انت لارديت اباحط راسي عند راسك ماهوب راسه من الله علي ازكى مكارمه لو زليت وعسى الكسر مايجبر ولو طال جباسه ماسبيت مسلم في حياتي والى سبيت اسب الكبير الي له الروس منداسه ولا المدح يرفعني ولا الذم لاذميت يكدر علي وفعول ابو فاس من فاسه حصان التحدي لاتجيبه مع الخرتيت لاهوب ماخذن سيفه ولا ماخذن كاسه لو اسرجت من شرد الاصايل ولو عنيت اصيله مثل بنت العبيا وكرداسه هل الحرب ومراسه فوق ماهقويت لا وش عرف الرعيان بالحرب ومراسه ياشيخ القرانيص الرخيصه لونك اقديت ماخليت صقارك يغامر بقرناسه اتهدا ويفشل كل مره ليا هديت عليمي قنص والطير ماصفت امواسه وانا ريشتي ريشت قطامي ولا هويت. احول بها من عالي الجو رواسه لكن ريشة الطاؤوس ومنين مالديت

Quote: سبحان الله! وكالات الأنباء العربية والعالمية اصبحت من الفاسقين بحكمك هذا النبأ صحيح 100% وحتى بعض المواقع القطرية تناولت ذلك

المقصود الشاعر لانه اتى بنبا (شعر) فيه قذف وعنصرية..

واقول لدكتور سيف النصر.. العنصرية فى امريكا عقوبتها السجن.

Quote: واذا قامت الرعيان باسم الشيوخ اتهيت قلبنا الحكم ولا عطيناه مياسه .. هذا الرجل اسرف في الخصومة وتجنى , واستعدى كثيرين , ومنهم من هم في زمام السلطة , امثالة عبر التاريخ يعاقبون , ويجلبون المشاكل والتعادي والحروب ! , الرجل في القصيدة فخر باعمامه و اخوالة و انتصر بهم , وتجنى على انساب الغير .. عقوبتة حسب العصر الحديث تظل مجال تسائل ! .. لكن لا يمكن ان تشتم اي شخص وتذهب تنام امنا , والرجل بقصد او حماقة اختار خصمة ! ..

Quote: عقوبتة حسب العصر الحديث تظل مجال تسائل ! .. لكن لا يمكن ان تشتم اي شخص وتذهب تنام امنا , والرجل بقصد او حماقة اختار خصمة ! .

شهاب يا صــفوة

سلام ..
ولا يمكن أن تجعل الناس يشتمون الآخرين من داخل بيتك وتنام أنت بهدوء قرير العين
القصيدة كما سمعت هي رد على شاعر آخــر وذيب في رده تعرض للاسرة الحاكمة
يا صفوة انا بالذات تعجبت للعقوبة وأراها أكبر من الجرم المرتكب وهو الهجاء
حياة الناس قيمة كبيرة ولا يمكن رهنها واهدارها بهذه الطريقة
ولا شنو؟

د. شهـاب، سلام.. عارف بن لادن رحمه الله، وكل الإرهابيين والسلفيين، أفضل من هـذا الرجل.. من فتح جـرة هـذا الغول الجاهلى..
من اراد ان يرى حياة الجاهلية فى كل تجلياتهـا العنصريـة لإثارة الحروب والضغائن وإشعال نار البغضـاء والتنابذ بالأنســاب، (.واصل المداخلة أدناه)

فليقرأ لهـذا الرجل.. الزول دا كان مختبئ وين الألفين سنـة الفاتو؟ محظوظ انه فى قطـر، دا لو فى أى دولة عربيـة أخرى
كان مصيره القبـر.. تخيل إنعاش الجاهليـة فى عصـر الإنترنت نتائجـه تكون كيف كارثيـة على العالم بأسـره..

لو ابتليت بمثل هذا يا الأمين البشاري، لأقمت الدنيا ولم تقعدها

والله صحي

مشكلة الحاكم القطري أنه لما أتى لأخذ حقه لم ينظر الناس له
كـ بشر له "عرض" يجب أن يصان، بل نظروا له كـ حاكم فقط
وعلى ذلك ظنوا أن القضية مسألة "سياسية" نظام نضال وكدة!!!!

في حين أن الأمر ليس كذلك

ده شرعاً: زول قليل أدب.. يستحق ما جاءه

راجع معاك وقائع خبر عمر بن الخطاب مع الشاعر (جرول بن أوس)
الشهير بـالحطيئـة وذلك حين هجائه للزبرقان بن بدر

تحياتي

عمده يا عمده جيداً جيت ياخ
وغضبك يبدو أنه انساك الســـلام .. فالســـلام عليكم ياخ

Quote: لو ابتليت بمثل هذا يا الأمين البشاري، لأقمت الدنيا ولم تقعدها والله صحي

طبعاً لم تخيب ظني فيك وكنت متوقع حضورك
وعشان كدا قلنا اللهم أجعل كلامنا خفيف على مناصري قطر
غايتو الريال القطري دا ســرو بااااتع .. والله صحي

Quote: مشكلة الحاكم القطري أنه لما أتى لأخذ حقه لم ينظر الناس له كـ بشر له "عرض" يجب أن يصان، بل نظروا له كـ حاكم فقط وعلى ذلك ظنوا أن القضية مسألة "سياسية" نظام نضال وكدة!!!! في حين أن الأمر ليس كذلك

يا عمده ياخ أنا ما ضد إنو الأمير يأخذ حقه والشاعر يعاقب
دي كل الناس الهنا تقريباً متفقين عليها والشاعر فعلاً تطاول وأخذ حقه
لكن كمان ما لدرجة السجن المؤبد ياخ!
وبعدين الأمير دا حقو العند ابوه لم يتركه وأخذه عنوة واقتدار (انقلاب)
يبقى الشاعر ذيب مفروض كان يتوقع الحكم دا ... والله صحي
النضال شــرف لا ادعيه ... واتهام لا أعترف به يا عمده

Quote: ده شرعاً: زول قليل أدب.. يستحق ما جاءه

الحقنا بالدليل يا عمده ياخ!

Quote: راجع معاك وقائع خبر عمر بن الخطاب مع الشاعر (جرول بن أوس) الشهير بـالحطيئـة وذلك حين هجائه للزبرقان بن بدر

اتفضل قصة جرول هنا

وبرضو الحقنا ب:
ما الشاهد؟
وما المناسبة ؟

اختم ردي ليك دا بهذه التساؤلات:
ماذا لو هجا الشاعر شخصاً آخر غير الأمير
مواطن قطري عادي مثلاً؟
رئيس دولة عربية او اسلامية مثلاً؟
هل كان سيكون مصيره السجن المؤبد؟

كن بخير

وضاح عبد الرحمن شكراً على انزال القصيدة حرفاً

Quote: غايتو الريال القطري دا ســرو بااااتع .. والله صحي

وأنا علاقتي شنو بالريال قطري يا الأمين

يا أخي أنا "ريال مدريد" أقرب لي من الـ"ريال القطري"

بس ما تكون دقستا وتكون قايلني عماد موسى :)

أنا معاك في الرياض يا حبوب، مخرج 5 حي الغدير

شكراً يا برشلونة :)

Quote: أنا معاك في الرياض يا حبوب، مخرج 5 حي الغدير

الرياض ياتا :)))))
يا حليلك يا النايم حيلك

انا رياض الجنة بقت أقرب ليك من رياضك دي
والله صحي

خلينا في موضوعنا بتاع الذيب دا

Quote: الرياض ياتا :))))) يا حليلك يا النايم حيلك انا رياض الجنة بقت أقرب ليك من رياضك دي والله صحي خلينا في موضوعنا بتاع الذيب دا

وفضل فيها فيها ذيب ولّ قعونجة :)

زولك الذيب ده بس تدعو ليهو ربنا يفك ساجورو

قلتا لي كيف يا "رياض الجنة ونور الدجنة"

أهــا.. لقيتني كيف بالله :)

طلعتا ليك عماد موسى ولّ عماد حسين :)

Quote: زولك الذيب ده بس تدعو ليهو ربنا يفك ساجورو

عماد حسين

تحية واحترام .....
أنا قلت اللهم أجعل كلامنا خفيف على مناصري قطر
وبطرحك الهنا دا انت دافعت عن قطر وحق اميرها في اخذ حقه
بعدها تطلع:
عماد حسين
عماد عبد الله
عماد موسى

أي عماد من العمادات الفوق دي ما مهم
انت عملت مداخلة وانا رديت ليك عليها

وكان ما قدرته ترد عليها ياخ قول غلبتني عديييييل
وانا بعفيك من الرد...... والله صحي

احترامي

Quote: وكان ما قدرته ترد عليها ياخ قول غلبتني عديييييل وانا بعفيك من الرد...... والله صحي

تعفيني؟؟؟

مشكور يا كرار التهامي :)

بس ان شاء الله يعفوا ليك زويلك ده :)

عماد حسين
رئيس رابطة مشجعي ريال مدريد :)
الرياض

Quote: تعفيني؟؟؟

آآآآي عليك الله ياخ

ويا ريت كمان تنزلني في المحطة دي :)
لأني ما بقــدر اواصل معاك بالطريقة دي

اها يا اخوي أرقد عافية

Quote: آآآآي عليك الله ياخ ويا ريت كمان تنزلني في المحطة دي :) لأني ما بقــدر اواصل معاك بالطريقة دي اها يا اخوي أرقد عافية

أنزل يا الأمين

الله يعدل خطوتك :)

Quote: أنزل يا الأمين الله يعدل خطوتك :)

غايتو الزول الما بتعلم الصبر في حوش بكري دا
تاني عمرو ما يتعلم

والذيب طلع ذيب ونص رشاهم رش صاح والفارغة يملاها الله
والله صحي

Quote: غايتو الزول الما بتعلم الصبر في حوش بكري دا

يا زول أنت لسة ما نزلت :)
___________________________

نجيكم تنزلوا.. ننزلكم تجونا :)

الله يصبرنا عليكم :)

ود البشارى الحاقد

ويش يطلع هاى الشاعر يكون هاى من البدون مسكين
السجن المؤبد بث
يخسي الا هو
هاى المفروض يحشوا ليه لسانوا حش من البلعوم
قطر الخير وأميرها مستهدفة من قبل الحاقديين والحاسديين
دامت قطر فخر لنا فى كل جيل التباهت فى نهار اعيادها
على خطوة ابو جاسم راعى المجد الجليل الحماها من ردة حسادها

Quote: (عدل بواسطة وضاحة on 01-12-2012, 01:56 PM) (عدل بواسطة وضاحة on 01-12-2012, 01:56 PM) (عدل بواسطة وضاحة on 01-12-2012, 02:52 PM)

كتااااااااااااااحة هببتي شــــنو هنا؟
اوع تكوني ردحتي تاني بس؟


قطر تطير والدايرها يمسك في رجلها

القصيده تعتبر
Rant
والرانت في الموسيقي الامريكيه والراب كثير ..هنالك غرف دردشه للرانت وقله الادب نفسها .. والكلام الذي قيل في اوباما وبوش من قبل اكثر عنف من
شعر هذا الرجل .. لا اعرف اللهجه ولكن الرانت ليس سبب كافي للسجن في امريكا .. قد يجعل السلطات تشاهدك من بعد وخصوصا الرانت السياسي ضد رموز الحكم
مثلا هذه الحاله هنا ..

هنا مثال .. في ايام الانتخابات الاخيره ..في واحد اسمه .. Ted Nugent
قال كلام غير مسؤل وهدد بقتل باراك .اشاهد هنا ..المسكين هدد يقطع راس الرئيس في حالة فوزه للمره الثانيه ..

http://www.youtube.com/watch?v=D-2o1HFiFVI


قال كلام صعب وامن الرئيس صرح بانهم في حاله مراقبه من بعد ..الدستور في امريكا يسمح بحريه كبيره .. هذا الرجل
Ted Nugent صرح وقال لو باراك فاز فهو اي تد سوف يكون ميت او في السجن بحلول شهر اربعه القادم ..تهديد صريح يعني ..واليوم اين تيد ..حر طليق ومن دون مشاكل ..
بالمناسبه تيد قال انه سوف ينفذ مقولته قبل قدوم شهر اربعه السنه القادمه .. .. طبعا الرئيس باراك لن يهتم به وتيد لن يفعل شئ وفي النهايه الراجل كلامه فارغ وللاسف تسبب في خساره
رامني ..
..الكلام في النهايه كلام وعلي حاكم قطر تكبير رائسه ويطلق صراح الشاعر ..

Quote: ..الكلام في النهايه كلام وعلي حاكم قطر تكبير رائسه ويطلق صراح الشاعر ..

تحياتي للجميع

سلام يا ود البشاري

اوكي اتفقنا، الرجل، لسانو سليط وتجني "بالقول" على ناس كتيرين، الشاعر
الرد اساسا موجه ليهو، وزاد شوية وزي ما بنقول احنا بالسوداني بتاعنا
"لا بخاف منك ولا من ناظرك زاتو" اهااااااا ناظرك هنا طلع طويل العمر هيمسيلف

لكن دا كله ما قضية حبيبنا أمينو

الهجاء دا لو اتقال لزول تاني، كان فعلا ممكن يمشي يشتكيهو في ذات المحكمة
ويلموهم ليك في جلسة بتاعت ناي "كبارية" زي محكمة العمد عندنا ويتصالحوا
لبعض والقصة تفرتك هنا، ياخي الدم العديييل دا عنده محاكم اهلية عندنا
بين القبائل والديات بتتدفع والموضوع بنتهي.

الداير اقولوا

طالما ان مثل هذا الهجاء "الحار" كان ممكن معالجتة في جلسة عادية بين كبار القوم
ولا سجن ولا جلد ولا يحزنون.

ويأتي الحكم بالسجن المؤدب، فلابد وان العالم ينظر للامر من ناحية "استغلال السلطة والنفوذ"

وهذا هو جوهر قضية العالم المهتمة بالشاعر.

لو لقيت ديفيد كاميرون رئيس وزراء بريطانيا في الشارع وفلقتو بي بيضة وللا طماطم
ايوه بقبضوك وبودوك القسم والمحكمة وح تحصل على عقوبة ,هي نفس العقوبة الممكن تحصل عليها
لو ضربت بنفس الطماطمه او البيضة، زميل ليك بالعمل او جار مزعج او متشرد في الشارع

خاتمة

هل كان سيحصل الشاعر على نفس العقوبة امام المحاكم القطرية لو وجهت نفس قصيدته تلك لاي قطري آخر؟؟

اذا كانت الاجابة لا، وهي قطعا ستكون لا، يبقى الحكم غير عادل وفول استوب

يعني طارت لينا
من اليوم وغداً ما نكتب شعر سياسي
حرية الكلمة مقيدة في كل البلاد العربية والافريقية
الله يهون القواسي

اهم حاجة في الموضوع انو البدو و اهل البلاد الاصليين لما يتشبكوا في بعض ، المجنسين مفروض يقيفوا بعيد
لأنهم في النهاية بتصافوا و بحلوا مشاكلهم حسب الاعراف المرعية منذ آلاف السنين و الغرباء بروحوا في الرجلين.
دمك يا عمك

ود البشاري
سلام
انا بتضامن مع وضاحة وزمرتها(طبعا ديل كل المغتربين بدولة قطر)
لانه بصراحه الظروف بقت ما مضمونه
وممكن نواصل غربتنا فيها عادي يعني
بامناسبة
قطر اقرب من نجران

Quote: انا بتضامن مع وضاحة وزمرتها(طبعا ديل كل المغتربين بدولة قطر) لانه بصراحه الظروف بقت ما مضمونه وممكن نواصل غربتنا فيها عادي يعني بامناسبة قطر اقرب من نجران

يا حاج دا كلام شنو دا؟
شكلك داير تلحق الظلامي معتز القريش
على المقتبس اعلاه يحول لصديق الموج لاجراء اللازم

العدل اساس الحكم

الناس سواسية امام القانون

الخ

الخ

الخ

Quote: المجنسين مفروض يقيفوا بعيد لأنهم في النهاية بتصافوا و بحلوا مشاكلهم حسب الاعراف المرعية منذ آلاف السنين و الغرباء بروحوا في الرجلين.

يا سيف يعني ديل يثبتوا وطنيتهم كيف لو وقفوا بعيد؟
ما تبالغ ياخ

Quote: يعني طارت لينا من اليوم وغداً ما نكتب شعر سياسي حرية الكلمة مقيدة في كل البلاد العربية والافريقية الله يهون القواسي

ذو اليــد سليمان

سلام ويا زول اكتب كتابتك ساي
السجن للجدعان

تحياتي

Quote: هل كان سيحصل الشاعر على نفس العقوبة امام المحاكم القطرية لو وجهت نفس قصيدته تلك لاي قطري آخر؟؟ اذا كانت الاجابة لا، وهي قطعا ستكون لا، يبقى الحكم غير عادل وفول استوب

يا دفعة ازيك

يعلم الله ما قصرته معاهم وشرحت فابنت
ولكنهم لا يسمعون ولا يبصرون
والاجابة على السؤال في المقتبس اعلاه
هي قطعاً لا

اللهم اجعل كلامنا خفيف عليهم بس

تحياتي

شاحدة ربي يا أيمنوف تطير طيرة خبرك ما يتلقى


هسي انت كان ما زول حاسد وحاقد الله طيرك نجران

الله ينجرك واقف على حيلك بركة جدى حامد أب عصاءة سيف

هوووووووووووووووووووووووووى يا أيمنوف

شوف ليك شغلة تانية غير قطر وحات الله أقبل عليك اطيرك من نجران دى

أنا قطر دى البهبشة معنها هبشنى

يهبشك الشيطان الخليك تزازى بنجران وتلقط الاكياس

Quote: شاحدة ربي يا أيمنوف تطير طيرة خبرك ما يتلقى هسي انت كان ما زول حاسد وحاقد الله طيرك نجران الله ينجرك واقف على حيلك بركة جدى حامد أب عصاءة سيف هوووووووووووووووووووووووووى يا أيمنوف شوف ليك شغلة تانية غير قطر وحات الله أقبل عليك اطيرك من نجران دى أنا قطر دى البهبشة معنها هبشنى يهبشك الشيطان الخليك تزازى بنجران وتلقط الاكياس

وضاحة يا زولة الله يهديك زحي مني كدا ولا كدا الساعة دي
عندك كلام قوليهو في البوست ما عندك كمان مع الســـلامة ياخ