|
من افواه البسطاء - لا المجانين - خذوها
|
الحكمة ... ......................................................
على افواه البسطاء من الناس تجري الحكمة ...والراي السديد والعبارة الحراقة ، تلك التي تختصر كلاما كثيرا ، ولا تخلو من الفكاهة الامر الذي يعمق رسالتها وديمومتها .. ساحاول هنا ايراد نماذج من عبارات فخيمة وحكيمة وغريبة ...... قالها الشعب ذات مناسبة .
|
|
|
|
|
|
|
|
Re: من افواه البسطاء - لا المجانين - خذوها (Re: ibrahim alnimma)
|
Quote: ( ان شاء الله بيت مال )
عثمان العيص مباركا لنا زواج احدى قريباتنا وهي تفعلها للمرة الاولى وقد شارفت الستين .... وقد علقت سعاد التي هي اربعينية ولم تتزوج بعد :- غايتو نحن بعد ما عرسو فلانة -وقد سمتها- ما بنقنع تب من العرس |
ود العيص ببالغ بجيبها على بلاطة كتر لينا منو ود العيص
شكرا يا منعم على الاستراحة اللطيفة شكرا ليك خالص خالص
| |
|
|
|
|
|
|
Re: من افواه البسطاء - لا المجانين - خذوها (Re: محمد إبراهيم علي)
|
Quote: احيك يامنعم علي هذا البوست الجميل وخفيف الظل واهو متابعين ياصديقي ...... وويبدو اني داخل الصورة في كثير من حكاويه........... واصل ابداعك يارجل |
صديقي العزيز ابراهيم ، كيف انك يا امير ... لسع التقيل وراء ... وانت ذاتك حاضر بقوة في هذا البوست ... فانت من بسطاء الشعب ، ومن اهل الظرف والحكمة ياخ تسلم والاسرة ...
| |
|
|
|
|
|
|
Re: من افواه البسطاء - لا المجانين - خذوها (Re: الشفيع وراق عبد الرحمن)
|
Quote: ود العيص ببالغ بجيبها على بلاطة كتر لينا منو ود العيص
شكرا يا منعم على الاستراحة اللطيفة شكرا ليك خالص خالص |
الاخ محمد ابراهيم على شكرا لمرورك المقدر ، وصاحبنا ود العيص اصلا اسمو عسمان شواكيش ، ويقول الشباب عندما وصل الشاكوش ال11 ، ذهب بنفسه وخطب اجمل واغنى بت في الحلة ، وعندما ساله الشباب لماذا هذا التهور ؟ قال عاوز يتم الشواكيش دستة ، عدلة حساب وكدة ، وهو رجل لطيف ومحبوب جدا لكن الشواكيش دي قسمة ... ويقال انه يوصي من ارسله للخطبة في حالة فشل المقصودة يمشوا طوالي لبت فلان نظام احتياطي .... قابلته في عز بحثه الدؤوب عن النص الحلو ، وسالته يا زول ما اتوفقت ؟ اجاب : لسع والله ، لكن انا بفتش وابوي بفتش ، وعندما يشاغله اصدقائه ان يخفض حكاية الامتيازات شوية يجيب ساخرا : امتيازات شنو الشرط الوحيد الما اتنازلت عنو ان تكون انثي ، صديقي عسمان الان اولاده في المدرسة واخر انبساطة ... ................................................. ود ابراهيم صديقي عثمان سيرد في اكتر من مداخلة قادمة فالرجل كنز من اللطف والحكمة ...
| |
|
|
|
|
|
|
Re: من افواه البسطاء - لا المجانين - خذوها (Re: Hololy)
|
.... ... انييييي .....اّاّاّاّ........منت ...... ... .. .. ..الصعايده ........وصلوا..... .. .. .. .. .. .. . . . . . ..سمعت بالصعيدي ..... البلع ...رٍيقو ... .. .. .. .. .. .. .. .. . . . . . . . . . . . . . . . . . . . . . . . . . . . ..و اتسمم....؟؟؟ . . . . . . . . . . . . .و اللاّ ......لع ...؟؟؟؟؟؟؟ ... ... . . . . . . . . . . . . . . . . .ثالثة الاثافي ... . . . . . . . . . . .الله يجيب رابعها ... . . . . . . . . . . . .عمر مساعد ........ . . . . . ..وين الزول ده ؟؟؟؟.... .. . .
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
اوووه حللي يا صديقي العزيز ،اخبارك مقطوعة وتلفونك برد ( بالاسترالي) ولا يواصل سرعان ما يفصل ، لو هنالك رقم جديد ارسله لي ،،،،
عمر مساعد في امريكا شغال في لاندري ، قلت ليه شغلك مريح الامريكان ديل نضيفين ياخ رد : القالك منو ؟ والله جنس كدوبة ... ..............
وفي الفيس بك راشنا انجليزي تقيل ، هو انا لو بعرف انجليزي قدر دا بقعد هنا.. اخبارك ،الوالدة والعيال ، وتسلم من كل شر ... ...............
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 6 -
( طَقِشْ ولَّ مو طَقِشْ ااالسر اااخوي )
عمنا بركات ود الجبل يختم اخباره لصديقه السر بعقد قران احد من الشباب على احدى الحسناوات ... بعد ان طلق بنات اعمامها الاثنين ولم يدخل بهما ، العريس ليس له علاقة قرابة مع بنات الاخوان التلاتة من اي جهة ،
بالله طقش ول مو طقش ...
| |
|
|
|
|
|
|
Re: من افواه البسطاء - لا المجانين - خذوها (Re: أيمن دياب)
|
Quote: يازول الفرامل الفرامل..
تحياتنا يا صديقي الجديد.. |
ايمن ياصديقي ، تسلم وشكرا للمرور ... قاليك واحد، تعب في تاشيرة العمرة شديد، باع الوراهو والقدامو وجاء عمرة ، يوم انتهاء التاشيرة قبضوا ليك العسكري زولنا نتل ايدو قائلا : فك يازول انت قائل الجية هنا ساهلة ... دحين ... دي اخر رفعة للابنس عندنا ... بعدين الكلام دا يتم تداوله عادي في الحياة اليومية... والمسالة في النهاية ونسة ... شكرا يا امير ........................................
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 10 -
( دا من غير الفلوس يا استاذ )
التلميذة الخصوصية انوار تشكر في امها، مخاطبة استاذها الخصوصي : - امي كريمة تعمل ليك الشاي والعصير والكيك - خاتمة بالجملة اعلاه
.................................................. . وسبق ان حكيت ذات الحكاية لصديقي العريس لتوه ، وزوجته العروسة ومرة كانوا مساهرين معانا ، وعندما هموا بالمغادرة طلبت منهم مط السهرة قليلا ، كعادة السودانيين قالت العروس : ( والله عدتي مردومة وعاوزة اكوي ، دا من غير الفلوس يا استاذ )
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 11 -
( ياعثمان ياخ نحن الناس الهِنا كملناهم )
مدثر زاجرا عثمان العيص - في جلسة ونسة شبابية تدور معظمها حول ناس الحلة-الذي سال بشرى عن اولاد عمه، ونسابته في نفس الوقت ... الذين هم بالامارات ، رغم علمه ان بشرى لا يحب هذه السيرة ولم يكضبنا بشرى فجاط وهاج وماج وغادر الجلسة ،
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
يازوووووووووووووووووول كنت وين الزمن دا كلو عبدالمنعم الطيب حسن حبابك وحباب اليوم الجابك يا زول الفخ ساهي ما تسمع كلام ناس حلاوة لكوم ديل وماتعلم كيبوردك الهوبان قال ارفع كراعك من البنزين قال اربط كوزك وسايرين واطلع العالي وادلا بالدقداق وفي سنار انكسر مسمار وصلحو العمال عمال البلد داك واحرق الجزلين . . موعدكم سيداتي آنساتي سادتي مع قلم من النوع ابو كديس هييييييييييييييييييع
| |
|
|
|
|
|
|
Re: من افواه البسطاء - لا المجانين - خذوها (Re: عبدالله ود البوش)
|
تقاتك دي يا عبدالمنعم اصلا ما بتنفات ملانة عيش وجرول وقديلو . . بحاحي ليك وأمشي واجيك راجع كسح كسح بجيك صاد وضاد لحدي لام الالف والياء نقطتين من تحت يا زول هوي دا بوسط دا ولا خريف ابو السعن ولا سمك بخار عديل . . حكاوي كثيرة من هذا القبيل ولكنها الان تتقافز وتفور فوران في الذاكرة الخربة لكن حمالتك علي انجضا ليك نجاض قبورة
| |
|
|
|
|
|
|
Re: من افواه البسطاء - لا المجانين - خذوها (Re: عبدالله ود البوش)
|
صديقي عبد المنعم
بوست جميل وظريف ودمو خفيف
Quote: (غلطان ثم غلطان )
يقصد الزوج ..، هكذا يُعلق عمي الشيخ بمجرد سماعه ان احدهم طلِّق زوجته .
|
ذكرني واحد صديقي اكتشف مؤخرا ان والده متزوج سرا بواحده ست عرقي
علق جاري ببحري وهو من النوع المتزوج ود عمو
" زي دي بتزوجوا فيها "
" علي اليمين لو زوجتي طول اليوم اقعد الحس فيها في الايسكريم ..."
يا شيخ وراق
Quote: بس مع قفشاتك اللازعة دي ان شاء الله ما تكون زيو شايت لفت |
من الناحيه دي اطمن
زي جكسا بالضبط
| |
|
|
|
|
|
|
Re: من افواه البسطاء - لا المجانين - خذوها (Re: طارق ميرغني)
|
Quote: يازوووووووووووووووووول كنت وين الزمن دا كلو عبدالمنعم الطيب حسن حبابك وحباب اليوم الجابك يا زول الفخ ساهي ما تسمع كلام ناس حلاوة لكوم ديل وماتعلم كيبوردك الهوبان قال ارفع كراعك من البنزين قال اربط كوزك وسايرين واطلع العالي وادلا بالدقداق وفي سنار انكسر مسمار وصلحو العمال عمال البلد داك واحرق الجزلين . . موعدكم سيداتي آنساتي سادتي مع قلم من النوع ابو كديس هييييييييييييييييييع
ملانة عيش وجرول وقديلو . . بحاحي ليك وأمشي واجيك راجع كسح كسح بجيك صاد وضاد لحدي لام الالف والياء نقطتين من تحت يا زول هوي دا بوسط دا ولا خريف ابو السعن ولا سمك بخار عديل . . حكاوي كثيرة من هذا القبيل ولكنها الان تتقافز وتفور فوران في الذاكرة الخربة لكن حمالتك علي انجضا ليك نجاض قبورة
|
عبدالله ود البوش ، ياخ شكرا ليك ، ولكلماتك الطيبة ، التي ستظل ابدا وساما على كتفي احمله للابد ، ................. الهوبان الله لا جابو ، واخوك كوزو مربوط من زمن ، يُنِغِم يا مشرع الحلم الفسيح انا بيني ما بينك جزر، وعندما يستبد به الحنين ، غزلية وين الرايقة يا الفنية ناري الليلة ... ومرات نمة ، الشم خوخخخوت بردن لياااالي الحرة ............................................ لازم ترجع من بيت الكلاوي تجيب ، يحكي محمد محمد خير انه كان مسجونا، وكانت زوجته سعاد تاتيه حسب المسموح الاربعاء كل اسبوعين يوم اربعاء قاليها : عليك الله يا سعاد الاربع البعد الجاية ما تشريني ، دحين يا عبدالله عليك ما تشر البوست ، منتظرك ... .............................. شكرا لك بقدر ما اسعدتني كلماتك
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 12 -
( نحن وَكِتْ اللحم دا ما لامين فيهو، الله لايحرمنا من الشوربة )
صديقي القسيم في قمة مراهقته المتطرفة ، شاف البت السمحة خارجة لتوها من الحمام ،( وتقطف ) في البلاعة خارج حوشهم الوثير فتلكأ صديقي ، تلكأ ريثما غادرت البت واغلقت الباب وراها فجثم القسيم على ركبتيه جثم مستندا على يديه وتكرف الشوربة الطازجة ، وكاد ان يتذوق .... وانا ارفع فيه من الركوع وميت من الضحك وهول المفاجاة ردد العبارة اعلاه ...
وطاوعني قائما محتفظا باكبر قدر من الشهيق داخل رئتيه المراهقتين ،
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 13 -
( والله البلد دي تمشي منها ياالله ، وتجي راجع ياالله )
سالني عبدالوهاب اخوي وكان معنا هنا في السعودية، وقد عدت لتوي من اجازة ، وهويعلم البير وغطاها؛ ولكنه سالني : يازول ما سويتلك حاجة في البلد ؟ رديت : حاجة شنو ااخوي ، انا ياالله قدرت اجي راجع ...
وعلق العبارة اعلاه ....
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 15 - ( عارف عليك الله غسِّلْ معاك الموية )
مغترب قال لود اخته عارف عمره 10 سنوات : ياعارف شايف الكوز داك املاه موية من الزير ، وتعال غسل ايديك قدامي ، وامشي املاهو تاني وتعال غسل الكوز قدامي ، وبعد داك امشي التلاجة جيب لي موية عشان اشرب ،
وهنا تدخلت اخت المغترب -خالة عارف-في خارطة الطريق هذه واضافت العبارة اعلاه
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
تعال اضرع . . ايام الانتخابات المخجوجة زنبار قداد الهبوب اكورك محجتا بالقرب من مركز الاقتراع جاء عسكري قاليهم أمشوا كوركو بعيد من هنا ... ممنوع التجمهر هنا والكواريك وهو لايدري ان زنبار شايل ورقة تحتوي على التوجيهات والتي من ضمنها يمنع التجمهر بالقرب من المركز لمسافة لاتقل عن 10 أمتار فحدر اليه شذرا وقاليهو تعال اضرع
| |
|
|
|
|
|
|
Re: من افواه البسطاء - لا المجانين - خذوها (Re: ABUHUSSEIN)
|
Quote: قالها طارق ميرغني و هو يرجف كعادته .......
جارك دا في بحري و ل في باريس .... |
كعادته دي كيفنها يا ابو حسين
يعني انا رجافه ولا شنو ؟؟
ان شاء الله بس امام الحريم ما الرجال...!!!
__________________________
واحدبرضو كان شغال معانا في السودان مخاطبني : -
" انتو كويسين حبيتو وعرستوا
نحن زمان يلزوا ليك ود عمك يقولوا ليك دي بت عمك عرسا " ....!!!!!
ههههههههههههههههههههه
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 22 -
( المفتاح يا عبدالحميد ياولدي المفتاح ، الخرابة دا ، انا ما عاوز اشغلو ركاب )
الخرابة اعلاه مقصود بها التركتر الذي يحرث الاراضي ويعدها للزراعة وعبد الحميد يجيد سواقة التركتر، ولكنه لا يعرف يحرث الارض ولا يعرف يشغل القصابية، وغيرها من الات التراكتور في وظيفته الرئيسية ، يومين عبد الحميد يسوق البابور للتحتانية، ويجي راجع وهو ما حرث اي ارض وما جاب فلوس ، بعض المزارعون وصلو الشمار لعمنا الطاهر : الذي خاطب عبحميد بالعبارة اعلاه
| |
|
|
|
|
|
|
Re: من افواه البسطاء - لا المجانين - خذوها (Re: عبدالمنعم الطيب حسن)
|
- 24 -
( ان من يرش رملي باللبن ، سنرشه الدم بالحديد بالنار بشمهروش )
هذا فكي من اهلنا- اسرته صوفية واهل سجادة - ورملي هذا اخوهو ، والكلام رسالة مكتوبة وجهها هذا الفكي لي صاحبن لينا، سوى شكلة لي رب السماء في النادي مع رملي.... ........................................... نفس الفكي دا - الظاهر الخطابات ساهلة معاهو - اختلف مع صاحبنا الشيخ ادريس الصديق فارسل له رسالة بدأها بالعبارة ؛ زفت الصديق ..
| |
|
|
|
|
|
|
|