من افواه البسطاء - لا المجانين - خذوها

الحكمة ...
......................................................

على افواه البسطاء من الناس تجري الحكمة ...والراي السديد
والعبارة الحراقة ، تلك التي تختصر كلاما كثيرا ،
ولا تخلو من الفكاهة الامر الذي يعمق رسالتها وديمومتها ..
ساحاول هنا ايراد نماذج من عبارات فخيمة وحكيمة
وغريبة ......
قالها الشعب ذات مناسبة .

- 1 -
( الدنيا بخير طالما البقالات مفتوحة )

هكذا عبر صديقنا حافظ وقد كاد ان يهزمنا شر الجوع ،
حنِّك صاحب البقالة الذي طالما تاخرنا معه في السداد ،
ياعم الكاش في الطريق وبس عاوزين نص كيلو عدس ،
وبعد فترة صمت
وماجي ....

- 2 -

( ان شاء الله بيت مال )

عثمان العيص مباركا لنا زواج احدى قريباتنا
وهي تفعلها للمرة الاولى وقد شارفت الستين ....
وقد علقت سعاد التي هي اربعينية ولم تتزوج بعد :-
غايتو نحن بعد ما عرسو فلانة -وقد سمتها- ما بنقنع تب من العرس

-3 -


( البنوت كلهن لقيناهن ابكن الا نفيسة بت الماحي لقيناها تاكل ليها في بتيخ )

مريم اختي تحكي لنا بعد لفة في الحلة -مع بعض الجارات- على البنات اللاتي لم يتوفقن
في امتحانات الشهادة السودانية ذات مارس ماسك كتف ابريل

- 4 -

( هوي يا نسوان جيبوا لينا شطة )

هكذا نادت نفيسة بت الماحي وهي تطلب المقبلات في اليوم الاول من عزاء والدها ...

- 5 -
( غلطان ثم غلطان )

يقصد الزوج ..،
هكذا يُعلق عمي الشيخ بمجرد سماعه ان احدهم طلِّق زوجته .

احيك يامنعم علي هذا البوست الجميل وخفيف الظل واهو متابعين ياصديقي ......
وويبدو اني داخل الصورة في كثير من حكاويه...........
واصل ابداعك يارجل

Quote: ( ان شاء الله بيت مال ) عثمان العيص مباركا لنا زواج احدى قريباتنا وهي تفعلها للمرة الاولى وقد شارفت الستين .... وقد علقت سعاد التي هي اربعينية ولم تتزوج بعد :- غايتو نحن بعد ما عرسو فلانة -وقد سمتها- ما بنقنع تب من العرس

ود العيص ببالغ بجيبها على بلاطة
كتر لينا منو ود العيص

شكرا يا منعم على الاستراحة اللطيفة شكرا ليك خالص خالص

Quote: احيك يامنعم علي هذا البوست الجميل وخفيف الظل واهو متابعين ياصديقي ...... وويبدو اني داخل الصورة في كثير من حكاويه........... واصل ابداعك يارجل

صديقي العزيز ابراهيم ، كيف انك يا امير ...
لسع التقيل وراء ...
وانت ذاتك حاضر بقوة في هذا البوست ...
فانت من بسطاء الشعب ، ومن اهل الظرف والحكمة ياخ
تسلم والاسرة ...

قفشات حلوة وظريفة وخفيفة ومن واقعنا
في انتظار التقيل يا عبد المنعم


وطالما "عنكبة" صديقك، اذا انت صديقنا ومرحب بيك في الحوش











بس مع قفشاتك اللازعة دي ان شاء الله ما تكون زيو شايت لفت

Quote: ود العيص ببالغ بجيبها على بلاطة كتر لينا منو ود العيص شكرا يا منعم على الاستراحة اللطيفة شكرا ليك خالص خالص

الاخ محمد ابراهيم على شكرا لمرورك المقدر ، وصاحبنا ود العيص اصلا اسمو عسمان شواكيش ،
ويقول الشباب عندما وصل الشاكوش ال11 ، ذهب بنفسه وخطب اجمل واغنى بت في الحلة ، وعندما ساله الشباب لماذا هذا التهور ؟
قال عاوز يتم الشواكيش دستة ، عدلة حساب وكدة ، وهو رجل لطيف ومحبوب جدا لكن الشواكيش دي قسمة ...
ويقال انه يوصي من ارسله للخطبة في حالة فشل المقصودة يمشوا طوالي لبت فلان نظام احتياطي ....
قابلته في عز بحثه الدؤوب عن النص الحلو ، وسالته يا زول ما اتوفقت ؟ اجاب : لسع والله ، لكن انا بفتش وابوي بفتش ،
وعندما يشاغله اصدقائه ان يخفض حكاية الامتيازات شوية يجيب ساخرا : امتيازات شنو الشرط الوحيد الما اتنازلت عنو ان تكون انثي ،
صديقي عسمان الان اولاده في المدرسة واخر انبساطة ...
.................................................
ود ابراهيم صديقي عثمان سيرد في اكتر من مداخلة قادمة فالرجل كنز من اللطف والحكمة ...

Quote: امتيازات شنو الشرط الوحيد الما اتنازلت عنو ان تكون انثي ،

لوووووووووووووووووول
الزول ده فرش عديل في الشارع كويس انو ما وصل مرحلة بالله شوفي لي Even a hole in a wall

Quote: ( البنوت كلهن لقيناهن ابكن الا نفيسة بت الماحي لقيناها تاكل ليها في بتيخ )

Quote: ( هوي يا نسوان جيبوا لينا شطة )

مباااااالغة


__________
سلام اخ عبدالمنعم
بوست ظريف واصل بالله

....
... انييييي .....اّاّاّاّ........منت ......
...
..
..
..الصعايده ........وصلوا.....
..
..
..
..
..
..
.
.
.
.
.
..سمعت بالصعيدي ..... البلع ...رٍيقو ...
..
..
..
..
..
..
..
..
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
..و اتسمم....؟؟؟
.
.
.
.
.
.
.
.
.
.
.
.
.و اللاّ ......لع ...؟؟؟؟؟؟؟
...
...
.
.
.
.
.
.
.
.
.
.
.
.
.
.
.
.
.ثالثة الاثافي ...
.
.
.
.
.
.
.
.
.
.
.الله يجيب رابعها ...
.
.
.
.
.
.
.
.
.
.
.
.عمر مساعد ........
.
.
.
.
.
..وين الزول ده ؟؟؟؟....
..
.
.

الشفيع وراق ...
---------------
شكرا لمرور العطر...
وماشين في السكة نمد ...
..........................
ومن زمان بلعب جناح لفت ... ولما يعاكسني الباك اليمين ما بنط جوز، ولكني بعكس قدام ،

عبدالوهاب علي الحاج ...
-----------------------
شكرا لمرورك الكريم ، احكي ليك شوية من معركة نفيسة بت الماحي ايام خطوبتها ،

........................
ونفيسة بت الماحي حكيمة وعملية
يحكى انه عندما تقدم لخطبتها الحيطة -لقب لاحد الشباب- واجهت خطبتهما عقبات
من اهلها
يقال والعهدة على الراوي انها ذهبت للحيطة وقالت له :
( حمِّلني يا الحيطة )

...................

اوووه
حللي
يا صديقي العزيز ،اخبارك مقطوعة وتلفونك برد ( بالاسترالي)
ولا يواصل سرعان ما يفصل ، لو هنالك رقم جديد ارسله لي ،،،،

عمر مساعد في امريكا شغال في لاندري ، قلت ليه شغلك مريح الامريكان ديل نضيفين ياخ
رد : القالك منو ؟ والله جنس كدوبة ...
..............

وفي الفيس بك راشنا انجليزي تقيل ، هو انا لو بعرف انجليزي قدر دا بقعد هنا..
اخبارك ،الوالدة والعيال ،
وتسلم من كل شر ...
...............

- 6 -

( طَقِشْ ولَّ مو طَقِشْ ااالسر اااخوي )

عمنا بركات ود الجبل يختم اخباره لصديقه السر بعقد قران احد من الشباب على احدى الحسناوات ...
بعد ان طلق بنات اعمامها الاثنين ولم يدخل بهما ،
العريس ليس له علاقة قرابة مع بنات الاخوان التلاتة من اي جهة ،

بالله طقش ول مو طقش ...

Quote: يقال والعهدة على الراوي انها ذهبت للحيطة وقالت له : ( حمِّلني يا الحيطة )

يازول الفرامل الفرامل..



تحياتنا يا صديقي الجديد..

Quote: يازول الفرامل الفرامل.. تحياتنا يا صديقي الجديد..

ايمن ياصديقي ، تسلم وشكرا للمرور ...
قاليك واحد، تعب في تاشيرة العمرة شديد، باع الوراهو والقدامو وجاء عمرة ،
يوم انتهاء التاشيرة قبضوا ليك العسكري
زولنا نتل ايدو قائلا : فك يازول انت قائل الجية هنا ساهلة ...
دحين ...
دي اخر رفعة للابنس عندنا ...
بعدين الكلام دا يتم تداوله عادي في الحياة اليومية...
والمسالة في النهاية ونسة ...
شكرا يا امير
........................................

عبد المنعم إزيك .......

منعم يا وجيه سلامات اخبارك والاسرة الكريمه
بوست يستحق المتابعه خفيف وكل ما تمشي لي قدام يحلي
ذكرني برنامج من الامس بتاع التلفزيون الغريبه الرنامج الوحيد الممكن الزول اتابعو في تلفزيون السودان

ابوحسين ...
-----------
عباس الدسيس الشريف ...
----------------------
شكرا لمروركما ، شكرا شديد شكرا كتير ،
تسملوا جميعا .....

- 7 -

( صدرها انتفاضة ، وخصرها اضيق من افق برجوازي صغير )

صديقي اليساري خليل يعبر ، في لحظة اندياح في جلسة انس وخاصة ...

عبدالمنعم الطيب الحسن..الزول الزين.

بوست جميل وجاييك إن شاء الله برواقة.

تقديرى وإحترامى وسلامى لصاحبى.

الاستاذ اسماعيل
شكرا لمرورك يارجل
منتظرين مشاركتك التي قطعا من بيت الكلاوي ،
صاحبك تمام التمام ،
ولك مني ومنه كل التحايا،
وكل الاحترام ،

أخير قبيل..
____________

فاطمة شندى إمراْة من الزمن الجميل كنا نرتاح لها وهى جارة لنا.. ونحن أطفال كنا نسعد بالجلوس معها ونسمعها وكلنا أذن صاغية .

كان الحديث عندما لا يعجبها تقول (((أخير قبيل)))

تقديرى وإحترامى.

- 8 -

( الارض خصبة شَرَقتْ البصل )

عبدالدائم اخوي ؛ يشرح لبعض اصدقائه المزارعين قصة بصله الذي زرعه في الجرف على حافة النهر ،
ولم يكبر ابدا ،
وزي ما زرعو زي ما قلعو ...

- 9 -

(تاني ياالشيخ داير تضيِّع سنة في الفلفلية )

العوض محذرا الشيخ حجازي من زراعة الفلفلية - التي ابدا رغبته في تجريبها هذا الموسم - هذا الشيخ يزرع كل عام على غير ما تعارف المزارعون ،
وفي كل عام زراعته لا تنجح ابدا ،
واكمل عوض
يازول ازرع بصل وطماطم زي الناس ، وبيع في السوق ...

- 10 -

( دا من غير الفلوس يا استاذ )

التلميذة الخصوصية انوار تشكر في امها،
مخاطبة استاذها الخصوصي :
- امي كريمة تعمل ليك الشاي والعصير والكيك -
خاتمة بالجملة اعلاه



.................................................. .
وسبق ان حكيت ذات الحكاية لصديقي العريس لتوه ، وزوجته العروسة
ومرة كانوا مساهرين معانا ، وعندما هموا بالمغادرة طلبت منهم مط السهرة قليلا
، كعادة السودانيين
قالت العروس :
( والله عدتي مردومة وعاوزة اكوي ، دا من غير الفلوس يا استاذ )

- 11 -

( ياعثمان ياخ نحن الناس الهِنا كملناهم )

مدثر زاجرا عثمان العيص - في جلسة ونسة شبابية تدور معظمها حول ناس الحلة-الذي سال بشرى عن اولاد عمه،
ونسابته في نفس الوقت ...
الذين هم بالامارات ، رغم علمه ان بشرى لا يحب هذه السيرة
ولم يكضبنا بشرى فجاط وهاج وماج وغادر الجلسة ،

يازوووووووووووووووووول
كنت وين الزمن دا كلو
عبدالمنعم الطيب حسن
حبابك وحباب اليوم الجابك
يا زول الفخ ساهي ما تسمع كلام ناس حلاوة لكوم ديل وماتعلم كيبوردك الهوبان
قال ارفع كراعك من البنزين قال
اربط كوزك وسايرين واطلع العالي وادلا بالدقداق
وفي سنار انكسر مسمار وصلحو العمال عمال البلد داك
واحرق الجزلين
.
.
موعدكم سيداتي آنساتي سادتي مع قلم من النوع ابو كديس
هييييييييييييييييييع

تقاتك دي يا عبدالمنعم اصلا ما بتنفات
ملانة عيش وجرول وقديلو
.
.
بحاحي ليك وأمشي واجيك راجع
كسح كسح بجيك صاد وضاد لحدي لام الالف والياء نقطتين من تحت
يا زول هوي دا بوسط دا ولا خريف ابو السعن
ولا سمك بخار عديل
.
.
حكاوي كثيرة من هذا القبيل ولكنها الان تتقافز وتفور فوران في الذاكرة الخربة
لكن حمالتك علي انجضا ليك نجاض قبورة

صديقي عبد المنعم

بوست جميل وظريف ودمو خفيف

Quote: (غلطان ثم غلطان ) يقصد الزوج ..، هكذا يُعلق عمي الشيخ بمجرد سماعه ان احدهم طلِّق زوجته .

ذكرني واحد صديقي اكتشف مؤخرا ان والده متزوج سرا بواحده ست عرقي

علق جاري ببحري وهو من النوع المتزوج ود عمو

" زي دي بتزوجوا فيها "

" علي اليمين لو زوجتي طول اليوم اقعد الحس فيها في الايسكريم ..."

يا شيخ وراق

Quote: بس مع قفشاتك اللازعة دي ان شاء الله ما تكون زيو شايت لفت

من الناحيه دي اطمن

زي جكسا بالضبط

Quote: يازوووووووووووووووووول كنت وين الزمن دا كلو عبدالمنعم الطيب حسن حبابك وحباب اليوم الجابك يا زول الفخ ساهي ما تسمع كلام ناس حلاوة لكوم ديل وماتعلم كيبوردك الهوبان قال ارفع كراعك من البنزين قال اربط كوزك وسايرين واطلع العالي وادلا بالدقداق وفي سنار انكسر مسمار وصلحو العمال عمال البلد داك واحرق الجزلين . . موعدكم سيداتي آنساتي سادتي مع قلم من النوع ابو كديس هييييييييييييييييييع ملانة عيش وجرول وقديلو . . بحاحي ليك وأمشي واجيك راجع كسح كسح بجيك صاد وضاد لحدي لام الالف والياء نقطتين من تحت يا زول هوي دا بوسط دا ولا خريف ابو السعن ولا سمك بخار عديل . . حكاوي كثيرة من هذا القبيل ولكنها الان تتقافز وتفور فوران في الذاكرة الخربة لكن حمالتك علي انجضا ليك نجاض قبورة

عبدالله ود البوش ،
ياخ شكرا ليك ،
ولكلماتك الطيبة ،
التي ستظل ابدا وساما على كتفي احمله للابد ،
.................
الهوبان الله لا جابو ، واخوك كوزو مربوط من زمن ،
يُنِغِم يا مشرع الحلم الفسيح انا بيني ما بينك جزر، وعندما يستبد به الحنين
، غزلية وين الرايقة يا الفنية ناري الليلة ...
ومرات نمة ، الشم خوخخخوت بردن لياااالي الحرة
............................................
لازم ترجع من بيت الكلاوي تجيب ،
يحكي محمد محمد خير انه كان مسجونا، وكانت زوجته سعاد تاتيه حسب المسموح الاربعاء كل اسبوعين
يوم اربعاء قاليها : عليك الله يا سعاد الاربع البعد الجاية ما تشريني ،
دحين يا عبدالله عليك ما تشر البوست ،
منتظرك ...
..............................
شكرا لك بقدر ما اسعدتني كلماتك

عزيزي طارق ميرغني
شرفت البوست شكرا لحضورك اللطيف وكلماتك المشجعة،
.........
ولسع التقيل في السكة ..
شكرا تاني ،

- 12 -

( نحن وَكِتْ اللحم دا ما لامين فيهو، الله لايحرمنا من الشوربة )

صديقي القسيم في قمة مراهقته المتطرفة ،
شاف البت السمحة خارجة لتوها من الحمام ،( وتقطف ) في البلاعة خارج حوشهم الوثير
فتلكأ صديقي ،
تلكأ ريثما غادرت البت واغلقت الباب وراها
فجثم القسيم
على ركبتيه جثم مستندا على يديه
وتكرف الشوربة الطازجة ،
وكاد ان يتذوق ....
وانا ارفع فيه من الركوع وميت من الضحك وهول المفاجاة
ردد العبارة اعلاه ...

وطاوعني قائما محتفظا باكبر قدر من الشهيق داخل رئتيه المراهقتين ،

عبد المنعم الطيب
الف مرحبا وبوست طاعم جدا
وواصل متابعين

شكرا باسط
شكرا اخي للمرور والمتابعة،
خليك قريب ..

- 13 -

( والله البلد دي تمشي منها ياالله ، وتجي راجع ياالله )

سالني عبدالوهاب اخوي وكان معنا هنا في السعودية،
وقد عدت لتوي من اجازة ،
وهويعلم البير وغطاها؛ ولكنه سالني :
يازول ما سويتلك حاجة في البلد ؟
رديت :
حاجة شنو ااخوي ، انا ياالله قدرت اجي راجع ...

وعلق العبارة اعلاه ....

- 14 -

( محمد بابكر دا راجل صاحبنا ومحاسب الجمعية ، لكن قوليهو مرة واحدة الجميل قاليك 7 في 6 بكم )

المساعد الطبي في شفخانة حلتنا، المرحوم الجميل مخاطبا احد العمال المرضى ،
الذي ارسله محاسب الجمعية الزراعية وقال ليهو
قول للجميل يديك كبسولات مضاد حيوي .

- 15 -
( عارف عليك الله غسِّلْ معاك الموية )

مغترب قال لود اخته عارف عمره 10 سنوات : ياعارف شايف الكوز داك املاه موية من الزير ،
وتعال غسل ايديك قدامي ، وامشي املاهو تاني وتعال غسل الكوز قدامي ، وبعد داك امشي
التلاجة جيب لي موية عشان اشرب ،

وهنا تدخلت اخت المغترب -خالة عارف-في خارطة الطريق هذه واضافت العبارة اعلاه

تعال اضرع
.
.
ايام الانتخابات المخجوجة
زنبار قداد الهبوب اكورك محجتا بالقرب من مركز الاقتراع
جاء عسكري قاليهم أمشوا كوركو بعيد من هنا ... ممنوع التجمهر هنا والكواريك
وهو لايدري ان زنبار شايل ورقة تحتوي على التوجيهات والتي من ضمنها يمنع التجمهر بالقرب من المركز
لمسافة لاتقل عن 10 أمتار
فحدر اليه شذرا وقاليهو تعال اضرع

- 16 -
( المجالس بالامانات )

اخونا المرحوم الباقر ودالجبل مجلسه عامر وهو الرجل الفكه ،
يتسع المجلس واخونا يواصل حلو الحديث ،
مرات لو جات منو كلمة مطفِرة وخاف ان تتدحرج ،
ينظر ناحية من يتوقع انهم يُدحرجون قائلا :
هوي ياناس المجالس بالامانات ،

Quote: علق جاري ببحري وهو من النوع المتزوج ود عمو

قالها طارق ميرغني و هو يرجف كعادته .......

جارك دا في بحري و ل في باريس ....

Quote: قالها طارق ميرغني و هو يرجف كعادته ....... جارك دا في بحري و ل في باريس ....

كعادته دي كيفنها يا ابو حسين

يعني انا رجافه ولا شنو ؟؟

ان شاء الله بس امام الحريم ما الرجال...!!!

__________________________


واحدبرضو كان شغال معانا في السودان مخاطبني : -

" انتو كويسين حبيتو وعرستوا

نحن زمان يلزوا ليك ود عمك يقولوا ليك دي بت عمك عرسا " ....!!!!!

ههههههههههههههههههههه

-17-

( سَوِّيتن خمسين والله تلقاهن مية )

مغترب بسيط وقد اخذته معي في العربية من اطراف الرياض الى سنترها ،
وقد بدا يتجاذب معي اطراف الحديث سائلا عن منطقتي وعندما اجبت ،
قال لي وين دي ما سمعنابا في الخريتة ،
اوضحت انها على بعد خمسين كلم شمال الخرطوم بحري
فرد بالعبارة اعلاهو ...

- 18 -

( كُلُّ بَرْكَة، ما بي ولد )

المغترب متضجرا وحزينا في ليلته قبل الاخيرة من سفره ، وقد
جاء ( الضيفان ) لزوجته العروسة فاحبط مرتين ، وحكى لاخوهو الكبير
فطمنه بالعبارة في الاعلى

Quote: علق جاري ببحري وهو من النوع المتزوج ود عمو

عمك في الحلة متزوج بت عمو ، التفت ، ليضمن خلو المجلس من المدحرجين
وقال قولته الشهيرة : والله والواحد بعد عشرين سنة خدمة اكتشف انو معرس اخوهو ود عمو ..

طارق ميرغني ، صباح الخير وكل المرور

- 19 -

( والله نحنا ، يا حاج نَمَهِر الخشب )


هكذا رد شاب صاحبنا على احد اقاربه ، عندما شكك في قدراته


......................
تعديل 18 الى 19

- 20 -
( حقو الزول ، يِكَفِتْ تماضر )

نسرين بنت السبع سنوات ، تنفس عن غضبها عندما عاقبها والدها
وعاوزة تنتقم من اختها الاصغر، تماضر

- 21 -

( غايتو انا حاجة بِتَنْقَلِبْ ، اصلي ما بشتريها )

عمنا حسن رجل علمته السنين والتجارب ، ارسل له اولاده من اغترابهم، نهاية التسعينات ، مبلغ لشراء حافلة لتساعد في مصاريف الاسرة ، وما ان استلم عمك المبلغ حتى ذهب
يبحث عن بيت ، وانتهى الامر بشراء بيت في المدينة ، وفعلا كانت نظريته على المستوى
البعيد فعالة جدا وعملية ومربحة ،المهم عمك سكن في البيت ،
وعندما ساله اولاده : لكن ياحاج وين الحافلة ؟
رد باعلاه

- 22 -

( المفتاح يا عبدالحميد ياولدي المفتاح ، الخرابة دا ، انا ما عاوز اشغلو ركاب )

الخرابة اعلاه مقصود بها التركتر الذي يحرث الاراضي ويعدها للزراعة
وعبد الحميد يجيد سواقة التركتر، ولكنه لا يعرف يحرث الارض ولا يعرف يشغل
القصابية، وغيرها من الات التراكتور في وظيفته الرئيسية ،
يومين عبد الحميد يسوق البابور للتحتانية، ويجي راجع وهو ما حرث اي ارض وما جاب فلوس ،
بعض المزارعون وصلو الشمار لعمنا الطاهر :
الذي خاطب عبحميد بالعبارة اعلاه

- 23-

( الزِّيط ولا الغِنا )

احد وجهاء الحلة- قريب الوالدة - لفَّا فَريقنا ورشا كل اسرة 100 الف جنيه ،
ولما وصل بيتنا سلم وقال لي امي : طبعا انت ياحاجة ماشاء الله ما محتاجة عندك 3 اولاد
في السعودية وفي تلك الايام كان ناس البيت مفلسين جدا ...
لتاخر المصاريف عنهم ... المهم شكرت امي الوجيه وامَّنت على كلامه
وما ان غادر حتى قالت قولتها المشهورة :

الزيط ولا الغنا ،

- 24 -

( ان من يرش رملي باللبن ، سنرشه الدم بالحديد بالنار بشمهروش )

هذا فكي من اهلنا- اسرته صوفية واهل سجادة - ورملي هذا اخوهو ،
والكلام رسالة مكتوبة وجهها هذا الفكي لي صاحبن لينا،
سوى شكلة لي رب السماء في النادي مع رملي....
...........................................
نفس الفكي دا - الظاهر الخطابات ساهلة معاهو - اختلف مع صاحبنا الشيخ ادريس الصديق
فارسل له رسالة بدأها بالعبارة ؛
زفت الصديق ..

- 25 -

( والله يا يابا، ترانا مطهرين وقاعدين )

هكذا رد صديقنا الحبر وهو الموظف الميري ،
رد على والده عندما ساله ان كان جاهزا للعرس ...