حالة مشابهة لفاول المعز مع الباشا بالأمس انظر ماذا فعل الحكم !!!

وفي تقديري ان حالة الأمس كانت تستوجب الطرد اكثر لأن الباشا كان منفرداً ومواجهاً للمرمي مباشرة اى ان فرصة احرازه لهدف تكاد تصل الى 100 %

ليست المرة الأولي التى يتقاضي فيها حكم عن طرد المعز في هلال مريخ

Quote: مسك الكرة عمداً خارج منطقة الجزاء ومنع فرصة تسجيل هدف محقق .....

بتاريخ 11 - 3 - 2011م كان على الحكم طرد المعز بالبطاقة الحمراء لانه :

جنابو
تحياتي ومبروك الكاس
حالة المعز كان يستحق فيها الطرد ولو حصلت امام مرمي المريخ ناهيك عن كون الباشا منفرد
لان المعز لعب على قدم الباشا بقوة بقصد إصابته ولم يكن يقصد الكره وهو مايسميه قانون التحكيم اللعب بتهور
وبالمناسبة هذه المرة الثانية التى يعفي فيها الحكام المعز من الطرد بعد إعتدائه على لاعب منفرد من المريخ
فهل كل ذلك صدفة؟

Quote: جنابو تحياتي ومبروك الكاس

مبروك للجميع يامعاوية ياصفوة تحياتي ........

Quote: حالة المعز كان يستحق فيها الطرد ولو حصلت امام مرمي المريخ ناهيك عن كون الباشا منفرد لان المعز لعب على قدم الباشا بقوة بقصد إصابته ولم يكن يقصد الكره وهو مايمسه قاون التحكيم اللعب بتهور وبالمناسبة هذه المرة الثانية التى يعفي فيها الحكام المعز من الطرد بعد إعتدائه على لاعب منفرد من المريخ فهل كل ذلك صدفة؟

كلام سليم 100 % وهذا المعز لم يتعلم ولم يتطور ابداً نفس العنف نفس السذاجة معتمداً على خوف الحكام من الهلال

تصرفاته هذه بخلاف الطرد من الحكم تستحق العقاب من اتحاد الكرة وناديه فقد يتسبب يوماً ما بقتل لاعب او ابعاده من الملاعب نهائياً

Quote: كلام سليم 100 % وهذا المعز لم يتعلم ولم يتطور ابداً نفس العنف نفس السذاجة معتمداً على خوف الحكام من ال

والغريبة انو عمل نفسه شيطان وداهية وإعترض حتى على الكرت الأصفر
والحكم الجاهل عمل نفسه واثق من قراره فاعطي احد لاعبي المريخ كرت أصفر وطرد ريكاردو
وليس فى ذلك شي غريب فرئيس هذا الحكم الجاهل صلاح محمد صالح نفسه أعفي أحمد النور من الطرد عندما قام بكسر أضلع عبد المجيد جعفر وجاء واعترف بذلك بعد إعتزاله التحكيم
ومساعدة التحكيم المحلي للهلال هي الذي تمنعه من الفوز بكاس خارجي
وبالمناسبة ياجنابو كورة خليفة تم العثور عليها ولا لسع .

Quote: فرئيس هذا الحكم الجاهل صلاح محمد صالح نفسه أعفي أحمد النور من الطرد عندما قام بكسر أضلع عبد المجيد جعفر وجاء واعترف بذلك بعد إعتزاله التحكيم

احد الحكام اعتزل لاداعي لذكر اسمه قابله صديقي وساله امبارح نقضت هدف .......... (لاعب في المريخ) في الهلال ليه !!!

قال ليهو معقول اخلي ........... يجيب قون سمح زي ده في الهلال

Quote: وبالمناسبة ياجنابو كورة خليفة تم العثور عليها ولا لسع .

شهود عيان في الارجنتين قالوا شافوها جات مره فوقهم ولسه ماشه قدام

يا جنابو حالة المعز مع الباشا ما محتاجة لي حالة مشابهة .. القرار طرد بس الحكم ########
=
لو كان الحكم طرد المعز كان في صالحنا , بعدم طرد المعز الحكم تعاطف معكم
اللاعبين متضامنين مع البرنس
مبروك الفسيخ أو كما قال أبودية
=
موضوع التكريم ماشي كيف ؟
مودتي

ياحبيب مع التحكيم في مباريات الهلال غمض عينيك وانسى






ياخي في الثانية ماضرب اديكـو كف عديل معقول لا هو ولا رجل الراية





لكن احسن لو الغلب دا بعد الطرد بقولوا ناقصين احسن كــدا




اخذو المعلوم وكسحــوا









أبومصطفى

Quote: لكن احسن لو الغلب دا بعد الطرد بقولوا ناقصين احسن كــدا

لا لا انا كنت عاوز بهاء الدين (ملوص) يخش بديل وياخد ليهو تلاتة اربعات بسطونات زي السم

تحياتي ابومصطفي ...........

جنابو صباح الخير
عادة ما قاعد اشوف الكور
ولامن اشوفها ما بخش بوستاتها
ولا بحللها

بس عجبتني حكاية "السوابق القضائية" دي والتطابق في الفيديو
وفعلا الحالة مشابهة بي درجة كبيرة

بس ما تنسى العوامل التانية، طبيعة المباراة ومكانها وجنسية الدولة والحكم ودرجة العنف المسموح بيها








المهم
لو كان تم الطرد، كنتو ح تترشو تلاتة، لانو الحكم "شعر" بي تأنيب ضمير وبقى متحيز ليكم باقي المباراة

-----------------
انت قايل الغلاط ده في السياسة بس

Quote: بس عجبتني حكاية "السوابق القضائية" دي والتطابق في الفيديو وفعلا الحالة مشابهة بي درجة كبيرة

ههههههه وكلو بالقانون

من امتع المحاضرات كانت محاضرات القانون الجنائي لمن يكون فيها سوابق

Quote: انت قايل الغلاط ده في السياسة بس

هههههههههههههه ما بتتذكر الجماعة الكانوا بقعدوا يتغالطوا في الكورة جنب ميدان الامم المتحدة بالخرطوم

تحياتي يادكتور عبدالمجيد ...........

Quote: يا جنابو حالة المعز مع الباشا ما محتاجة لي حالة مشابهة .. القرار طرد بس الحكم

كلام عقل يادكتور لو كلنا هلالاب ومريخاب اتكلمنا بالعقل والنصيحة ممكن نصلح حال الكورة

Quote: موضوع التكريم ماشي كيف ؟

بطيء والتفاعل اقل من المطلوب دعنا ننتظر قليلاً عسى ولعل !!!

يا جنابو والله مصدقينك من غير ما تجيب لينا تأكيد حاله مشابهة
لكن يا حبيب ده حال تحكيمنا داخله فيهو الترضيات، ومحاولة لملمة المواضيع عشان ما تكبر
الحصل ما عايز تفكير المعز مفروض ياخد كرت أحمر
أي حكم في بداياتو عارف إنو الإنفراد الكامل لو داخل التمنطاشر بيكون الفاول فيهو كرت أحمر وبلنتي ولو خارج الخط كرت أحمر وفاول
لكن الحاجه الوحيده الحقو إنكم يا مريخاب أو هلالاب ما تتكلموا فيها هي التحكيم
الحاجه دي قعد تحصل طوالي، يعني ما جديده كل فريق بيكون عندو بلنتي بلنتيين ما حسبوهن ليهو ومفروض برضو يطردوا ليهم لاعب لاعبين من كل فريق
القضيه ما مستوى كورتنا بس
ياخ تحكيمنا أسوأ من كورتنا
شوف من بداية دخولنا عالم الكرة الجميل هل حصل حكم سوداني أدار أي نهائي، غايتو أنا ما سمعت و ما عارف يمكن في الستينات أو لما كنا تلاته دول كونا الإتحاد (ديك) ولعبو إثيوبيا ومصر والله شنو ماعارف بيكون يمكن درناها لأنو ما ممكن يديروها هم بي نفسهم
ياخ ولا حكام رايه في النهائي ما ظن ده حصل
أنا في الكلام الفات ده كلو والله ما معتمد علي إرشيف لكن علي ذاكره فقط فلو حصل بالله ورونا
كورتنا و تحكيمنا و إدارة إتحادنا وإعلامنا وحتى تشجيعنا كوللللللللهم إلى مذبلة التاريخ
لا بد من إعادة بناء كل سابق الذكر من الصفر إذا أردنا أن يكون لنا موطئ قدم في حقل كرة القدم والرياضات الأخرى

Quote: الحاجه دي قعد تحصل طوالي، يعني ما جديده كل فريق بيكون عندو بلنتي بلنتيين ما حسبوهن ليهو ومفروض برضو يطردوا ليهم لاعب لاعبين من كل فريق

صاح ياكمال لكن كمان ما بسوها ظاااااااهرة كده شكلها ببقي شين جداً

Quote: كورتنا و تحكيمنا و إدارة إتحادنا وإعلامنا وحتى تشجيعنا كوللللللللهم إلى مذبلة التاريخ لا بد من إعادة بناء كل سابق الذكر من الصفر إذا أردنا أن يكون لنا موطئ قدم في حقل كرة القدم والرياضات الأخرى

دي النجيضة ياكمال ومش في الكورة او الرياضة بس اى شيء في السودان عاوز نفض وإعادة بناء بالجد كده

Quote: وفي تقديري ان حالة الأمس كانت تستوجب الطرد اكثر لأن الباشا كان منفرداً ومواجهاً للمرمي مباشرة اى ان فرصة احرازه لهدف تكاد تصل الى 100 %

حتى أحمد يا جنابو شكلو مستغرب من تجاهل الحكم لطرد المعز ..

ماسمعت بي مقولة السودان بلد العجائب
يبدو ان الرشاشة المدعو صلاح احمد محمحد صالح لديه قانون تحكيم جديد

Quote: ماسمعت بي مقولة السودان بلد العجائب يبدو ان الرشاشة المدعو صلاح احمد محمحد صالح لديه قانون تحكيم جديد

طالما ادارة المريخ بهذه المسكنة لن يجد المريخ حكم ينصفه

Quote: حتى أحمد يا جنابو شكلو مستغرب من تجاهل الحكم لطرد المعز ..

ماشاء الله ربنا يحفظه ياعصام ...

ليهو مليون حق انو يستغرب ويكون بقول في سرو يااااخ دي عملية طفل ما يعمله

Quote: احد الحكام اعتزل لاداعي لذكر اسمه قابله صديقي وساله امبارح نقضت هدف .......... (لاعب في المريخ) في الهلال ليه !!! قال ليهو معقول اخلي ........... يجيب قون سمح زي ده في الهلال

وحكي ايضا أحد لاعبي المريخ من جيل مانديلا بأنهم كانوا فائزين على الهلال 2/صفر ومع قرب نهاية المباراة ارتكب أحد لاعبي الهلال ضربة جزاء ظاهرة مع احد لاعبي المريخ فلم يحتسبها الحكم فلمااحتج لاعبي المريخ وتجمهروا حول الحكم قال لهم الحكم ماكفاكم هدفين انتو اصلو عاوزين تفرتقوهم
فهاهم حكام السودان لا نافعين فى الكورة ولا في السياسة

المريخ استحق الكاس عن جدارة لعبا ونتيجة رغم انها بركلات الترجيح والمعز يستحق الطرد دون اي مجاملة الف مبروك للمريخ وهاردلك للهلال .


هلالابي علي السكين واحمد الله هههههه

تخريمة
يامعاوية محمد الحسن ياصفوة تزكر لما زيكو شال الكورة وطلع بيها من الميدان رائك شنو بي صراحة يا ابيض يا اسود انا اللون الرمادي ما بحبوش ههههههه

تحياتي يا جنابو

Quote: تخريمة يامعاوية محمد الحسن ياصفوة تزكر لما زيكو شال الكورة وطلع بيها من الميدان رائك شنو بي صراحة يا ابيض يا اسود انا اللون الرمادي ما بحبوش ههههههه

يامتولي الحكم والجمهور فهمو زيكو غلط !!! زيكو كان ماشي ينفخ الكورة

Quote: المريخ استحق الكاس عن جدارة لعبا ونتيجة رغم انها بركلات الترجيح والمعز يستحق الطرد دون اي مجاملة الف مبروك للمريخ وهاردلك للهلال . هلالابي علي السكين واحمد الله هههههه

دي الروح واللغة الممكن تودي الرياضة لي قدام شكراً متولي

Quote: ماكفاكم هدفين انتو اصلو عاوزين تفرتقوهم

هههههههههههههههههههههه

هههههههههههههههههههه

ياااااخ ده بالغ والله ............

جنابو عمر

تحياتى

هاك دى .. حدثت لى أنا شخصيا ..

( نيل الخرطوم / الهلال ام درمان ) .. استاد الخرطوم .. الدورة الثانية .. موسم 70 - 71 .. الحكم أحمد قنديل - له الرحمة - .. مباراة مولعة نار - كنا فى النيل بعبع اندية ام درمان !!
الشوط الثانى .. النتيجة صفر / صفر .. كنت العب مهاجم أيسر - النيل اول فريق سودانى يلعب بخطة 4-3=3 - .. النيل يلعب فى اتجاه من الجنوب الى الشمال .. يعنى أنا اهاجم من الشمال الغربى ( جانب جماهير الهلال ) .. يلعب للهلال جناح أيمن اللاعب المزعج أخى / عبده مصطفى .. و بذلك كنا فى خط واحد من الملعب .. عبده مصطفى عمل معى تداخلين خشنين .. و لم ينذره الحكم ( قنديل ) و دا زعلنى شديد .. فى هجمة مشتركة ( هبرت ليك ) فى عبده رميته برا الخط .. و تعال شوف جماهير الهلال كلها وقفت تصيح !!
و اشوف ليك ( قنديل ) بصفارته الطويلة و جارى نحوى .. و أنا مقبل منو و ماااااشى .. يا كبتن !! يا كبتن !! و انا داقى طناش .. الى أن وقف أمامى و دار بيننا الحديث التالى - بالمناسية قندبل كانت تربطه بكثير من اللاعبين و الاداريين صلات و معرفة فهو ايضا كان فنان مشهور :

- اسمك يا كبتن ؟
- .....
- اسمك يا كبتن ؟
- انت ما شايف اللاعب دا عمل معاى فاولين ليه ما اخذت اسمه ؟
- اسمك يا كبتن ؟
- ما عندى اسم يا قنديل !!
- يا يوسف تعال ادينى أسمك ياخ ؟
- يا قنديل قلت ليك ما عندى أسم .. ح تعمل شنو ؟
يقف أمامى هامسا :
- يوسف انت ما نصيح ؟ أنا أخوك .. انا كان ما كتبت اسمك .. امرق من التتر ديل كيف ؟
و أنا أضحك ..
- طيب .. اكتب يوسف ابو صلعة
- ايوا كدا خليك ظريف !!

( تصفيق حاد من جماهير الهلال للحكم احمد قنديل ) ..

كان اول كرت اصفر اناله .. و الآخير الى أن تركت الملاعب

Quote: - طيب .. اكتب يوسف ابو صلعة - ايوا كدا خليك ظريف !! ( تصفيق حاد من جماهير الهلال للحكم احمد قنديل ) ..

هههههههههههههههه

موبالغة ياسعادتك .................

Quote: كان اول كرت اصفر اناله .. و الآخير الى أن تركت الملاعب

والله ياسعادتك يحز في نفس الزول يقول انو دي اجيال لن تتكرر لا في ملاعبنا ولا في اى منحى من مناحي الحياة في السودان ....

Quote: يامتولي الحكم والجمهور فهمو زيكو غلط !!! زيكو كان ماشي ينفخ الكورة

ياجنابو عمر

اهااااا انشاء الله يكون نفخها بس لانو لحدي هسي الكورة منفسة

تعرف يا جنابو أمثال هذا الحكم هو من يجعل جمهور وإعلام الهلال يصاب بالصدمة وحالة من الإنكار المرضي للحقائق الثابتة وذلك عندما يأتي حكم من زامبيا أو النيجر لا يعترف بمعايير لجنة "صلاح أحمد محمد صالح" ويحتسب ركلتي جزاء ضد الهلال!! فلذلك تسمع العجب العجاب من الإعلام والجمهور عن الرشوة وشراء ذمم الحكام!!
تخيل أن مثل هذا التحيز يحدث حتى ضد المريخ، الند التقليدي للهلال والذي يملك ثقل إعلامي وجماهيري موازيا للهلال فكيف هو الحال عندما يلعب الهلال ضد أحد فرق الأقاليم التي لا بواكي عليها!!!

http://www.youtube.com/watch?feature=player_d...ilpage&v=TSSp_wLWX1s




لمشاهدة حالة المعز للمقارنة



الدقيقة 19:00 فى الفيديو
الدقيقة 18:00 فى المباراة