Post: #1
Title: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 08:29 PM
Parent: #0
هذه والله متعة لا تدانيها متعة ..
الا ما أحلى هزيمة الهلال ..
الا ما أحلى هزيمة الهلالاب ..
الا ما أحلى هذا الموعد المتجدد ..
الا ما أحلى أن تنام ملً جفونك وفى بالك
أنو خشومن ملح ملح ..
وأن تتبسم فى نومك وأنت على يقين تام
انو الموضوع حارقم شديد .. حارقم جووووه .. حارقم للطيش
البلنتى الاول فى احضان الحضري
البلنتى التانى فى احضان الحضرى ..
والرجفة بتاعت خليفة قدام الحضرى ..
وعييييييك ..
ده ما ياهو الاستلاب بتاع بشاشا !!
ثم ..
ودقى يا مزيكا ..
الرقص على جنازة تيم عايش بالشهرة ..
والرقص على العارضة ..
على الواحده ونص وخمسه ..
ورقصنى يا جدع ..
وهناك الصمت ..
صمت الحملان ..
والحرقة ..
ووجع القلب ..
والسهاد ..
كاس السودان ده يا هلالاب .. كاس ما تشيلو الا تغلب المريخ ..
وقع ليكم الكلام ده ..
يعنى واسطات مافى ..
يعنى ده الكاس .. وهنااااك المريخ
تصل هناااااك فى الاول ..
وتغلب المريخ تانيا ..
حتين تمد ايدك للكاس ..
وكاسك يا وطن ..
ورقصنى يا جدع على واحده ونص ..
وطوبى لمن بات غالب ..
أو ما أحلى هزيمة الهلال ..
ما أحلى هذا الموعد المتجدد ..
والف مبروك لصفوة البلاد ..
الف مبروك لصفوة المنبر ..
كونوا على الوعد ..
سيكون المريخ على الموعد ..
وقريبا جدا ..
ستنقضى هذه السنوات العجاف ..
أقل حاجه فى أمل ..
فتفائلوا خيرا تجدوه عند المريخ ..
أما هناك ..
فلا يوجد أمل .. ولا حتى شبهة أمل .. ولا محتمل ذاتو يكون قريب ..
واحد هلالابى بتاع ركشة كتب عليها ..
فى أمل ولا محتمل ؟!
لا يوجد امل يا فرده ..
عن كل أمل تخلوا أيها الداخلون الى هنا ..
أو كما قالت تلك اللافته المعلقه فوق بوابة الجحيم بحسب دانتى ..
وما أجدر أن نعلقها على بوابة نادى الهلال ..
ويااا للبؤس ..
ويااا للبؤساء ..
و ..
كاااااااك
|
Post: #2
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 08:36 PM
Parent: #1
المريخ فريق لا يمكن وبأى حال من الاحوال يلعب فيهو أحمد الباشا ..
لا المريخ البنعرفو ..
ولا الكوره البنعرفها ..
والحال كذلك مع مصعب و نجم الدين
الا أن إجتهادهم ميزة تميزهم عن الباشا ..
الزول ده قايل نفسو العب من منو ؟!
العب من قرعم ولا احرف من كمال عبدالوهاب ؟!
|
Post: #3
Title: Re: يا بخت من نام غالب.. أو ما أحلى هزيمة الهلال
Author: هاشم عبدالله بشير
Date: 11-28-2012, 08:50 PM
Parent: #2
الف مبروك يا المشرف
والفريق بحاجة لغربلة شديدة
|
Post: #8
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 09:01 PM
Parent: #3
الف مبروك يا هاشم يا صفوة ..
وما أحلى هزيمة الهلال ..
ما أحلى ذلك الموعد المتجدد ..
وأما الغربلة ..
فحدث ولا حرج ..
هناك لعيبة لا يجوز شرعا ان يلعبوا فى المريخ العظيم يا هاشم ..
واعنى شرعة أهل المريخ ..
الولاء ..
والدماء المتحفزة للانتصار ..
والغيرة على الشعار ..
والحرفنة ..
مبروك يا صفوة ..
|
Post: #4
Title: Re: يا بخت من نام غالب.. أو ما أحلى هزيمة الهلال
Author: ABDELMAGID ABDELMAGID
Date: 11-28-2012, 08:50 PM
Parent: #2
Quote: والف مبروك لصفوة البلاد ..
الف مبروك لصفوة المنبر .. |
و إنت من أهلو يا دكتور ...
| Quote: يا بخت من نام غالب.. أو ما أحلى هزيمة الهلال |
عدوك سهروا و لا منامو  ...
|
Post: #6
Title: Re: يا بخت من نام غالب.. أو ما أحلى هزيمة الهلال
Author: طارق جبريل
Date: 11-28-2012, 08:57 PM
Parent: #4
شغلنا دايما نضيف يا حبيب
صفوة جد جد
|
Post: #11
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 09:32 PM
Parent: #6
صفوة ونص وخمسة يا ود جبريل ..
وشغلنا نضيف واستادنا ناصية وطابقين والحمدلله ..
واهم حاجة بى كاساتنا
وزادو واحد كمان ..
مبروك يا صفوة ..
|
Post: #9
Title: Re: يا بخت من نام غالب.. أو ما أحلى هزيمة الهلال
Author: عبدالوهاب علي الحاج
Date: 11-28-2012, 09:04 PM
Parent: #4
| Quote: يا بخت من نام غالب |
هو الغلب دا غيرو مع دوري المحترفين دا ولا شنو ؟
المباراة انتهت بالتعادل يا حبيب ... غايتو يالوصيفاب بقيتو تحننوا والله
دايرين تخلقوا ليكم فرحة من لا شيئ
دي موش بطولة الكاس القلتو السنة الفاتت انها بطولة ضعيفة ولا تستحق ولا دي بطولة تانية ؟
قال هزيمة الهلال قال
والله دا (عنف ذهني) منكم بس !!
________________
والسنة القبليها خالد عبدالرحمن الحكم موش اداكم ليها بدون خجل ولا خشا
بعلية أشبه بالخيال العلمي عديل ... يا زول كاس شنو الانت فرحان بيهو دا
نحن فزنا بالدوري ما سوينا سواتكم دي اختشوا خخخخخخخ
|
Post: #12
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 09:43 PM
Parent: #9
أهو واحد أعصابو باظت وحرقو الموضوع ..
| Quote: والله دا (عنف ذهني) منكم بس !! |
وقيل هلل وكبر عند البلنتى الأول بتاع كاريكا ..
ثم أصابه الحضرى بنوع من الحريقان مع بلنتى سادومبا ..
قبل يباغت بى زمًه صدرية مع بلنتى مهند ..
هذا ولم يشاهد بلنتى خليفة حتى الآن ..
| Quote: نحن فزنا بالدوري ما سوينا سواتكم دي |
الدورى الانجليزى ؟!!!
قرقرقرررررر
|
Post: #10
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 09:25 PM
Parent: #4
عبدالماجد يا صديق يا صفوة ..
هو المريخ لا كذب
نتحدث عن التأريخ والمستقبل فى البال ..
وعما قريب سينصلح الحال ..
حال البلد .. وحال المريخ
ويرجع لنا الهتاف ..
بالطول .. بالعرض .. مريخنا يهز الأرض
وسأدعوك عندها لباسطة من الطيب سيد مكى ..
رأيك شنو ؟!
|
Post: #5
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 08:55 PM
Parent: #2
ثم انو رمضان عجب ده داير ليهو مدرب شاطر يوزنو ..
خامة جيدة تحتاج لعملية صقل ومن بعد ذلك عملية تأهيل وحتى يكون لاعب وسط صاحب شخصية وحضور تليق بلاعبى وسط المريخ ..
وما أدراك ما لاعب وسط فى المريخ ..
ثم ما أدراك ما لاعب وسط فى المريخ ..
الا رحم الله سامى عزالدين رحمة واسعة !!
|
Post: #7
Title: Re: يا بخت من نام غالب.. أو ما أحلى هزيمة الهلال
Author: حاتم محمد حاج المهدي
Date: 11-28-2012, 08:59 PM
Parent: #2
Quote: أنو خشومن ملح ملح ..
وأن تتبسم فى نومك وأنت على يقين تام
انو الموضوع حارقم شديد .. حارقم جووووه .. حارقم للطيش |
سلامات يا ود المشرف
والله وبكل صدق ما حارقنا
بعد أنت تناوشتنا الفرق المغمورة والضعيفة وبعد هزيمة المنتخب من أثيوبا، والمنتخب الشاب من الصومال،
والهلال من دجوليبا والمريخ من ليوبارد، أصبح جلدنا تخين..
أول مرة لا أحزن لخسارة الهلال من المريخ.
لم أفرح لفوز الهلال بالدوري قبل عدة أيام والآن لم أحزن لخسارة الكأس..
أعتقد أنها علامات بداية شفائي من داء كرة القدم السودانية.
والحمدلله..
عقبالك يا ود المشرف.
|
Post: #13
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 09:52 PM
Parent: #7
حاتم سلامات ..
Quote: عتقد أنها علامات بداية شفائي من داء كرة القدم السودانية.
|
اما هذه فالحمدلله ..
| Quote: عقبالك يا ود المشرف. |
وأما هذه فلا ..
فالمريخ حالة وجدانية لا تنتهى ..
وحب المريخ نعمة نسأل الله أن يديمها ..
هاردلك يا حاتم ..
|
Post: #14
Title: Re: يا بخت من نام غالب.. أو ما أحلى هزيمة الهلال
Author: ABUHUSSEIN
Date: 11-28-2012, 09:52 PM
Parent: #7
رشينا الوهم ....
|
Post: #15
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-28-2012, 09:56 PM
Parent: #14
الايامات دى رش تقيل يا ابوحسين ..
محل ما يلاقونا نرشهم ..
ولن نسأم ذلك مطلقا ..
|
Post: #16
Title: Re: يا بخت من نام غالب.. أو ما أحلى هزيمة الهلال
Author: عمار عبدالله عبدالرحمن
Date: 11-28-2012, 10:30 PM
Parent: #15
مبروووووووووووووك الفوز
مع ان ما قادر اتصالح مع الكورة في السودان
من بعد الرياضة الجماهيرية
|
Post: #17
Title: Re: يا بخت من نام غالب.. أو ما أحلى هزيمة الهلال
Author: ibrahim alnimma
Date: 11-28-2012, 10:46 PM
Parent: #16
والله يا ود المشرف اول مرة قريت لي حاجة عن الكورة كان في صحيفة الميدان عن العنف الرياضي .......وكان مقال جميل يتحدث عن طبيعة كرة القدم بشكل خاص وعن الرياضة بشكل عام .........وكيف انها تدعم السلام ........
وثاني مرة بوست عن كرة القدم .........لحسن موسى في فور اول ........وثالث مرة هذا البوست لاني لا استطيع ان افوت لك كلمة .........
علي كل حال الف مبروك الفوز
|
Post: #18
Title: Re: يا بخت من نام غالب.. أو ما أحلى هزيمة الهلال
Author: Mahmoud Mustafa Mahmoud
Date: 11-28-2012, 11:00 PM
Parent: #17
أسعدني البوست يا صفوتنا أكثر من سعادتي بالمباراة...
صاح أولادنا كانوا أفضل بكتير من الجماعة الرقدوا ديل..
ثم..مشتاقين وكدا..
..
.
|
Post: #31
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-29-2012, 06:49 PM
Parent: #18
الصفوه محمود مصطفى محمود ..
سلامات آ زول و .. مشتاقين
| Quote: أسعدني البوست يا صفوتنا أكثر من سعادتي بالمباراة... |
نعم يا صديقى ..
كان هناك مواعيد أجمل ولكن ..
أنهى المريخ الموسم بكاس السودان ..
ولعب نصف النهائي بالكونفدرالية ..
وكان الاقرب للعب النهائي فيها ..
بوضع هذه النتائج ازاء معطياتنا فى السودان ..
كان حالنا ياهو ذات الحال القديم ..
هذا الم يكن أفضل قليلا ..
فصبرا جميلا يا مصطفى ..
ف ..
فى أمل .. ومحتمل جدا كمان
تحياتى ...
|
Post: #19
Title: Re: يا بخت من نام غالب.. أو ما أحلى هزيمة الهلال
Author: حاتم محمد حاج المهدي
Date: 11-28-2012, 11:01 PM
Parent: #17
|
Post: #20
Title: Re: يا بخت من نام غالب.. أو ما أحلى هزيمة الهلال
Author: نادر الفضلى
Date: 11-29-2012, 01:52 AM
Parent: #19
Quote:
اد
يا بخت من نام غالب.. أو ما أحلى هزيمة الهلال
|
هى جنس نومه دى .. لحدى الموسم الجاى
الصفوة حيدر .. كلام مليان كلام مليان
|
Post: #21
Title: Re: يا بخت من نام غالب.. أو ما أحلى هزيمة الهلال
Author: معاوية محمد الحسن
Date: 11-29-2012, 06:06 AM
Parent: #20
فعلا يادكتور
أحلي نومة وانت فائز على الهلال واحلي صباح الذي يعقب الفوز
ولو كان هناك حكم له ضمير ما كانوا سيصلون معنا لضربات الترجيح لان بديل المعز الذي يستحق الطرد كان سيكون بهاء الدين ملوص كما سموه هم انفسهم
ولكن هذا هو السودان لا يوجد به حكام لا فى الكورة ولا فى السياسة
|
Post: #22
Title: Re: يا بخت من نام غالب.. أو ما أحلى هزيمة الهلال
Author: وليد محمد المبارك
Date: 11-29-2012, 06:11 AM
Parent: #21
| Quote: كاس السودان ده يا هلالاب .. كاس ما تشيلو الا تغلب المريخ .. |
عليك نووووووووووووووووووووووووور يا دكتور
وعشان كده طوالي المريخ شايلو
امبارح بقت 12 مرة قصاد 6 مرات
السته مرات فيها انسحابين
وفيها مرتين قدام فرق تانية غير المريخ
يعني شايلنو مننا مرتين قصاد 12
بل تقيل
هاهاهاهاهاهاهاهاههااههااهاهاه
في كاس السودان
لا هلال كادكلي فتح ولا النسور شرد
|
Post: #23
Title: Re: يا بخت من نام غالب.. أو ما أحلى هزيمة الهلال
Author: Abdlaziz Eisa
Date: 11-29-2012, 07:07 AM
Parent: #22
Quote: ده الكاس .. وهنااااك المريخ
تصل هناااااك فى الاول ..
وتغلب المريخ تانيا ..
حتين تمد ايدك للكاس ..
وكاسك يا وطن ..
ورقصنى يا جدع على واحده ونص ..
وطوبى لمن بات غالب ..
أو ما أحلى هزيمة الهلال ..
ما أحلى هذا الموعد المتجدد ..
والف مبروك لصفوة البلاد ..
الف مبروك لصفوة المنبر ..
كونوا على الوعد ..
سيكون المريخ على الموعد ..
وقريبا جدا ..
ستنقضى هذه السنوات العجاف ..
أقل حاجه فى أمل ..
فتفائلوا خيرا تجدوه عند المريخ .. |
عزيزي الصفوي ود المشرف
سلام
بدأت الكورة عندنا الساعة 12:30 ليلا..
ومع ضربات الترجيح يعني انتهت قريب 3:00 صباحا..
سهرة ليها طعم
ونومة أطعم وصباح بالأطعمين..
كلامك الفوق ده مريح بشكل..
الصافي علي الصافي..
والخمج على ناس الخمج
وكلامك الصافي أيضا عندهم حار وخمج..
معليش
العيون مضهبة من أمبارح
والى الموسم القادم..
باصطحاب الصفر الدولي..
وتبقى الصفوة صفوة
ماضي - حاضر - مستقبل..
تحياتي
|
Post: #24
Title: Re: يا بخت من نام غالب.. أو ما أحلى هزيمة الهلال
Author: صبري طه
Date: 11-29-2012, 08:16 AM
Parent: #23
| Quote: كاس السودان ده يا هلالاب .. كاس ما تشيلو الا تغلب المريخ .. |
تاريخ مواجهات الهلال والمريخ في الدوري الممتاز
بوست مّنذ العام 2010 اضغط هنا
كم مرّة فاز الهلال على المريخ حتى العام 2012 ؟
كم مرّة فاز المريخ على الهلال حتى العام 2012 ؟
ـــــــ
نحن ناس نجيضة وبنعرف نكتل الدُش كيف يا مان 
|
Post: #25
Title: Re: يا بخت من نام غالب.. أو ما أحلى هزيمة الهلال
Author: معاوية محمد الحسن
Date: 11-29-2012, 08:26 AM
Parent: #24
عاجل من موقع الحدث
لا زال البحث جاريا عن كورة خليفة داخل وخارج الاستاد
|
Post: #26
Title: Re: يا بخت من نام غالب.. أو ما أحلى هزيمة الهلال
Author: فضيلي جماع
Date: 11-29-2012, 09:19 AM
Parent: #24
الأخ الصديق/الدكتور محمد حيدر المشرف
بوست خفيف الظل ، أعدت لي فيه طيف الراحل المقيم البروف على المك عليه رحمة ربي. كان مريخيا (وبلغة الكرة السودانية: مريخابي!!). يكتب عن الكرة مثلما تكتب أنت الآن
لغة تجمع بين حزالة الفصحى وطلاوة العامية. كان يحفظ كل شيء جميل وأصيل عن المريخ والهلال (أو الهلال والمريخ) وعن ام درمان. تعلمت من على المك وقلة آخرين من مثقفي ونخبة بلادي أن المثقف الحقيقي هو الذي يهبط بقلمه إلى قضايانا اليومية. يعرف أن الناس يستطعمون فول أبو العباس والأقاشي في الأبيض و"سلات" بورتسودان..وكول ريحتو طاقة في السما يعرفه ويعرف سحره أهلي الميامين في دارفور ..يتغزلون فيه بقولهم: ول ميسر تاكلوا بالأيمن وتشمو بالأيسر !!! وفي عفونته - الحلوة يقولون: دفنوه في دار فور..في مصر كتل زول !!! فاعجب لأدب شعبي يفيض حكمة ، يطربك ويشهيك في وجبة "الكول" .. ومن النقائض يا دكتور وصلتنا "شحنة" كول من السودان!! استغربنا كيفن تكنولوجيا مطار هيثرو دي كلها ما حاصرت الشحنة ذات الريحة التي تكتل زول شم "عبيرها" في مصر !! النقيضة التانية: بينما أنا والمدام فرحانين بيهو..رغم إنها لا تتناوله، الشباب في البيت حلفوا دا ما يكون مقره المطبخ. كانوا يستغربون: ما الحكمة ان يأكل السودانيون هذا الشيء العفن؟!
ما لا يعرفه أبنائي وأبناء الكثيرين - خاصة في الشتات السوداني- أن الأكل ثقافة وأن العالم مليء بمثل هذه الوجبات التي هي جزء من طباع وثقافة الشعوب.
نعود لمقالك الذي أكبرت فيه اثنتين: لغتك الجزلة والمحكمة كما هو شأنك دائما حين تكتب (كان ذلك بالعربي الجزل أم بالدارجة الفصيحة)..وأعجبني فيه إقامة المثقف التقدمي مع العامة حين ينظر إلى هذه الرياضة الأكثر شعبية وتأثيرها في المزاج العام. و"مكاواتك" الظريفة لأصدقائك من فرقة الهلال (ند المريخ القوي)، حيث لا تحلو الكرة السودانية في نظر البعض بدون هلال - مريخ. وكما قلت لك ، كان لي أساتيذ تعلمت منهم كيف أن الشعب هو المدرسة التي نظل - ونحن نعالج الكتابة- في حاجة ماسة لتلقي الحكمة منها. من بين أولئك أمير القافية في الشعر السوداني الأستاذ محمد المهدي المجذوب.. فقد كتب عن بائعة الكسرة وعن سيرة العرس وعن مولد المصطفى (ص) فكان يقدم لقارئه الثقافة الشعبية السودانية في طبق من ذهب.
الهلال والمريخ كانا جزءا من مزاج عام..وكنت أشجع أحدهما بتطرف (المريخ)، لكني صمت عنهما تماما..ربما أن حزنا بحجم وطن يتمزق على مرأى من عيني صرفني عنهما.
لكني قرأت بوستك والمداخلات الظريفة وضحكت من قلبي على خفة دم البوست. تسلم أيها الصديق الأديب.
|
Post: #27
Title: Re: يا بخت من نام غالب.. أو ما أحلى هزيمة الهلال
Author: أحمد محمد عمر
Date: 11-29-2012, 09:51 AM
Parent: #26
|
Post: #28
Title: Re: يا بخت من نام غالب.. أو ما أحلى هزيمة الهلال
Author: وليد محمد المبارك
Date: 11-29-2012, 11:53 AM
Parent: #27
تاكيدا لحديثك على يا ود البشري
السنة القبل الفاتت الهلال شال كاس الممتاز
والمريخ هو الفريق الوحيد الذي لم يتغلب فيها
!!!!!!!!!!!!!!!!!!!!!!!!!!!!!!!
هل تعلم انو طوال 22 سنة الهلال جاب قون واحد في المريخ في بطولة كاس السودان
قون واحد بس
هاهاهاهاهاهاهاهاهاه
|
Post: #38
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-30-2012, 11:54 AM
Parent: #27
أمك !!
الموضوع جاب ليهو جزم ..
يعنى الجماعة يا أحمد محمد عمر يا صفوه ..
رفعو الجزم عاليا فى وجه الادارة !!!
هذا ويجيك حاتم ووهبة يقولو ليك الموضوع عااادى وما حارقنا ولا حاجة ؟!!!!!!!!!!
ققرقرقررررر ..
هم قايلين الحرقة دى شنو ؟!
ما ياها كلامهم ده ذاتو !!
|
Post: #36
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-30-2012, 11:40 AM
Parent: #26
أستاذنا الكبير فضيلى جماع ..
وقد آتاك حديث البذاءة
هاشم الامام وغيره ..
ينزعون عنك فضلاً هو لك ..
ولا ينزعون الا آخر مزعة من أديم يستر عورتهم الانسانية ..
وأتسائل ..
كيف لمن يمالى شياطين الإنقاذ أن يتحدث عن الفضل
ولا يعرف الفضل الا أهله ..
ولا يُعرف الا باهله ..
وأنت أهل لذلك ..
ولا فضل لهم ولاهم مؤهلون للحديث فى ذلك ..
فى أمر هذا البوست ..
فلقد "كتلت" فحواه يا أستاذنا ..
وكتلت هنا بمعنى أصبت كما تعلم عن تلك اللغة الشعبية والتى تحوى فيما تحوى الكثير من المدهشات ..
ف "مكاواة" الهلالاب تمثل جزءا أصيلا من فكرة التشجيع ..
ولعلها تكون الفكرة الاساسية فى بعض الأحيان ..
ثم وأن الكورة دى ..
ارتباط حميم بذلك الوطن ..
ناسو, شوارعو و .. المزاج العام
وفى هذه الساعة بالتحديد من ظهيرة الجمعة ..
وعقب الانتهاء من الصلاة ..
سيلتقى على نتيجة المباراة الملايين من الناس ..
"يكاوون" بعضهم بعضا ..
ويجرى ونسهم المعافى كثيرا حول الحضري وبلنتى العجب ورجفة خليفة ..
وأتصور هذا الأسفير كحبل سري يمتد ما بينى وبينهم ..
كما يمتد الآن ما بينى وبينك ..
ولك أن تتصور سعادتى وأنت رفيقى فى هذا الونس الكونى ..
أنت والأصدقاء هنا ..
يا الله يا الله !
كتر خيرك يا أستاذنا ..
كتر خيرك كتير ..
|
Post: #37
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-30-2012, 11:49 AM
Parent: #24
أوووو صبري ..
| Quote: حن ناس نجيضة وبنعرف نكتل الدُش كيف يا مان |
دش شنو الاتكتل ..
فى طرح واضح جدا ..
كاس السودان ده ..
عبارة عن مباراة ما بين الهلال والمريخ ..
ده المريخ ..
وده الهلال ..
وداااك الكاس ..
وبحسب كلام وليد ..
الموضوع ده اتكرر 14 مرة ..
غلبناكم فى 12
وغلبتونا فى اتين ..
أين الدش ؟؟؟؟
|
Post: #39
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-30-2012, 11:57 AM
Parent: #23
الصفوة العزيز عبدالعزيز ..
Quote: وتبقى الصفوة صفوة
ماضي - حاضر - مستقبل.. |
ويبقى المريخ وانتصاراته ..
إنشوده فى قلوب الصفوة ..
ومواعيد مكررة لهزيمة الهلال ..
تحياتى ..
|
Post: #35
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-29-2012, 07:22 PM
Parent: #22
ولى يا صديقى يا صفوة ..
بالله شوف الكلام ده عجيب كيف !!
Quote: امبارح بقت 12 مرة قصاد 6 مرات
السته مرات فيها انسحابين
وفيها مرتين قدام فرق تانية غير المريخ
|
ال 6 كاسات بتاعتم ..
مرتين انسحاب !!
ومرتين قدام فرق تانية !!!
تعرف !!
لو جردنا الحساب كويس حيكون آخر اتنين تصاريف حكام ..
الكلام ده واضح كالشمس فى رابعة أمدرمان ..
راس لى راس الناس ديل ما بياكلوا معانا عيش ...
والموضوع لو ما فيهو دغمسة ولولوة وحجابات وتعاويذ وحكام ..
غير هيثم مصطفى الهلال ده ما فيهو التكتح ..
|
Post: #34
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-29-2012, 07:12 PM
Parent: #21
معاوية محمد الحسن ..
إزيك ياخ وان شاء الله طيب ..
| Quote: ولو كان هناك حكم له ضمير ما كانوا سيصلون معنا لضربات الترجيح |
أجمل تعليق كان لبابكر سلك ..
قال :
| Quote: لو في زول جا ماشي في الشارع سااااي ·وقلنا ليهو احكمها لينا ·كان طرد المعز ·المعز زاتو ·لو قالوا ليهو اختار الكرت المناسب ·كان شال الكرت اﻻحمر |
وكما قلت ..
بلد مافيها حكام بى تعريفة !!
|
Post: #33
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-29-2012, 07:02 PM
Parent: #20
والله يا نادر الفضلى ..
مافى ما يعدل المزاج زى هزيمة الهلال ..
حالة من الائتلاق الروحى والانبساط والبهجة المريحة والرضا الوجدانى والسعادة و .. الحبور
وما أحلى النومة التى تلى ذلك كلو ..
كانت دايره ليها باسطة من الطيب سيد مكى يا نادر !!
|
Post: #32
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-29-2012, 06:55 PM
Parent: #19
بالله شوفو الزول ده !!
وأعنى حاتم محمد حاج المهدى ..
وأعنى مداده الذى يادوبك اتدفق ..
قال بدأ رحلة الشفاء قال !!
كراكاتيرك حرقنا يا شاب !!..
|
Post: #30
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-29-2012, 06:40 PM
Parent: #17
ابراهيم النعمة يا صديق ..
سلامات وكيف الحال ..
قلت لى | Quote: والله يا ود المشرف اول مرة قريت لي حاجة عن الكورة كان في صحيفة الميدان عن العنف الرياضي |
ههههههه ..
تعرف !!
الزملا بكونوا حكو ليك الموضوع لمن جاب الدم ..
وبالتأكيد كانو عنيفين جدا تجاه العنف الرياضى !! ..
وأما حسن موسي !..
فالرجل .. والحق يقال .. زول ممتع جدا .. وصاحب رؤية و .. فنان
ولا أعلم له انتماء ..
وأجدر به -كمستنير يعنى- أن يكون مريخابى
أو كما نتمنى يا عزيزي ..
شكرا يا ابراهيم ..
|
Post: #29
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-29-2012, 06:22 PM
Parent: #16
يا عمار يا صفوة يا حردان ..
كيفك وكيف كيفك يا صديق ..
Quote: ع ان ما قادر اتصالح مع الكورة في السودان
من بعد الرياضة الجماهيرية |
وعلاقتى بالكورة أكثر حميمية ..
وشغال معاها بى فكرة الجانى منك ومن تباريح الهوى وصفو يصعب يا جميل ..
وهى -أى الكورة- جزء لا يتجزأ من الإنتماء الكبير ..
والذى وبدوره شغالين معاهو بشيء من لا شيء بس كفاية ..
علو بمسو نجد نصاح !!
قلبت معاى غناوى يا عمار
|
Post: #40
Title: Re: يا بخت من نام غالب.. أو ما أحلى هزيمة الهلال
Author: شهاب الفاتح عثمان
Date: 11-30-2012, 12:04 PM
Parent: #29
Quote: البلنتى الاول فى احضان الحضري
البلنتى التانى فى احضان الحضرى ..
والرجفة بتاعت خليفة قدام الحضرى ..
وعييييييك ..
ده ما ياهو الاستلاب بتاع بشاشا !! |
اوسكار عديل يا صفوة ..
مبروك النصر الخصم و الكاس الاهل ,,
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #41
Title: Re: يا بخت من نام غالب.. أو ما أحلى هزيمة الهلال
Author: محمد حيدر المشرف
Date: 11-30-2012, 12:18 PM
Parent: #40
مش كده يا دكتور شهاب !!
Quote: اوسكار عديل يا صفوة ..
|
خليفة كان بعانى من حالة استلاب واضحة جدا للخديوي عصام الحضرى ..
وهكذا أضاع البلنت لانهزامو الذاتى قدامو ..
فالمستلب كاره ذاتو لن يسنطيع مجرد توجيه الكره نحو المرمى ..
ناهيك عن إحراز الهدف ..
وعيييييييييييك ..
ده ما كلام بشاشا ذاتو يا دكتور ..
|
|