Post: #3 Title: Re: النشيد الوطنى ماله بقى لى غريب كده؟ اوع لحق المشروع الحضارى! Author: علاء الدين يوسف علي محمد Date: 11-27-2012, 07:55 PM Parent: #2
فرق كبير ما بين وُقف الرّئيس أمام الحرس الجُمْهوري وما بين حرس الشّرف (الكركون) ولو كان هُنالِك احْتفال لرأيت كاميرات القنوات تِتّطاقش هُما كاميرتين فقط كانتا هُنالِك تلفزيون السُّودان و سُوداني نت والأخيرة جات مخصوص لجماعة لأفّاكين الإنترنت وقامت باللّازِم على أحسن ما يكون
ظلمت الراجل ياخ على ما اعتقد الزول ده اسمه البروجى فى العسكرية وهو يعزف على الكورنيت العسكرى ما يسمى بالفنفارة العسكرية وهى معزوفات تعنى كل منها معنى يفهمة العسكريون اما السلام الذى عزف فهو السلام الجمهورى للقائد العسكرى العام وهو غير النشيد الوطنى السودانى المعروف وهناك سلامات عسكرية مختلفة التسميات
كتر خير كديد الخرطوم القديمة والصول عم بابكر وادم زيتون واستاذ مكّى و للدفعة 35&36 وربنا يطراهم جميعاً بالخير
زكرتني بنشيد العلم عندي بتي الصغيرة بحفظ فيها النشيد ده باللحن ، ومجتهد معاهم شديد في الحتة دي بحكم اننا في محل تجاذب ثقافي وانتماء إهها يوم كانوا معاي اصحاب ودعينا البت ومعاها اخوها ينشدوا نشيد العلم ، الود بدأ صاح وفجاة لخبط ليك معاها اللحن بتاع يا قطة صغيرة وانظر اخي للنهر ومصر انو ده هو اللحن فجماعتنا ديل جاطت ليهم الشغلة اظنها زي ما جاطت للشفع
شكرًا يا النصري خبير الدراسات الاستراتيجية في حزب الانقلابيين أوصي بضرورة تغيير كل المعالم في البلد واكد علي ان حتي الأشياء الشكلية مثل تغيير مواقف المواصلات جزء لا يتجزأ من الفكرة عليه يبقي تغيير النشيد الوطني ركن من أركان ثورة الانقلابيين لا تقوم الا به
