الرئيس البشير بخير و لم يغادر الخرطوم ، و كمان من شويه اتصل بسلفاكير

لا صحة مطلقا لما نشر عن مغادرة البشير للخارج لتلقى جرعة

بل من شويه كان فى اتصال بسلفاكير بخصوص الاوضاع الامنيه

بين البلدين. هذا للمصداقية فقط.

الأخ هجو الأقرع

تحياتي - وحمداً لله على السلامة يا زول !
مالك ليك زمن ما باين يا أخي ؟

بحيراوي

كنت اول من اكد ان البشير اجرى جراحة فى سقف الحلق و ان الورم حميد

و تمت ازالتة بعد بوست الاخ معاوية ، ومن واقع معايشة بل متابعة 2 من مرضى

ورم سقف الحلق هو اخف انواع السرطانات بل سريع الاستجابه للعلاج ، لا شماته

فى المرض . اللهم اصلح حال البلاد و العباد.

شيخنا الكريم بحيرواى و الله اخوك غائب بسبب المشغوليات

وكمان الوضع فى المنبر ما بساعد. قلنا البعد احسن ، الزول يبقى

زول اجتماعيات ساكت تحياتى يا طيب الاصل.

يرجي ايراد رقم الاي بي الخاص بالمكالمة للتاكد من ان مصدر المكالمة الخرطوم

حمد لله سلامة !!!!!!!!!!!!!!

نتابع

البشير وسلفا كير يتفقان علي تسريع تنفيذ اتفاقية التعاون المشترك


شكرا ياشيخ العرب

الخبر اورده تلفزيون السودان الساعة السابعة مساء اليوم دون ان يحدد مكان الرئيس

سلام هجو
في حاجة غريبة سونا جابت الخبر اليوم ونشرته في وكالة الانباء السعودية قبل ساعة وفي رويترز

Quote: Kiir said he spoke to Bashir two days ago by phone to restart border security talks.

رويترز قبل 52 دقيقة

وراد

ممكن يكون تم نقل البشير للخرطوم ..لانو اصلا جا من اجل الجرعة التانية ..وحصلت ليهو مضاعفات
اثناء الجرعة ...ونقل على اثرها للعناية المركزة ...بنفس المستشفى

شكرا للجميع على التداخل

لا يا معاوية البشير لم يغادر الخرطوم

اصلا ، و انت اكثر الناس معرفة بود عمك

المسلمابى .

سلفاكير : الخرطوم رفضت مرور صادرات النفط عبر أراضيها الا بعد تنفيذ مهمة مستحيلة



(رويترز) - قال رئيس جنوب السودان سلفا كير اليوم الإثنين إن السودان رفض الموافقة على مرور صادرات النفط من الجنوب عبر أراضيه بعدما تقدم بطلبات "مستحيلة ".

وقال كير أمام مسؤولي الحكومة في جوبا إن الخرطوم طلب من الجنوب نزع سلاح متمردين يقاتلون الحكومة كشرط للسماح بنقل صادرات النفط.

وأضاف "إنها مهمة مستحيلة تلك التي يريد أشقاؤنا في الحكومة السودانية أن نضطلع بها. لهذا السبب رفضت سلطات الخرطوم قبول مرور نفط الجنوب عبر أراضيها وصولا للسوق."

المشكلة فى اعلام الرئاسة الذى يفترض ان البشير من الملائكة الذين لا يمرضون
الثابت الان ان الرئيس كان يعانى من ورم حميد و قد تمت ازالته
فلا اقل من اصدار نشرة مقتضبة بين الحين و الحين عن الحالة الصحية للرئيس خصوصا ان الناس لا يشاهدونه فى كل الفعاليات الهامة
التى ناب عنه فيها نائبيه
اعلام الرئاسة بصمته ############ هو سبب تفريخ الشائعات او الحقائق التى يتم تداولها بكثافة فى النت و فى الموبايلات, و باصراره فى بادئ الامر ان الحكاية هى "نزلة"

Quote: المشكلة فى اعلام الرئاسة الذى يفترض ان البشير من الملائكة الذين لا يمرضون الثابت الان ان الرئيس كان يعانى من ورم حميد و قد تمت ازالته فلا اقل من اصدار نشرة مقتضبة بين الحين و الحين عن الحالة الصحية للرئيس خصوصا ان الناس لا يشاهدونه فى كل الفعاليات الهامة التى ناب عنه فيها نائبيه اعلام الرئاسة بصمته ############ هو سبب تفريخ الشائعات او الحقائق التى يتم تداولها بكثافة فى النت و فى الموبايلات, و باصراره فى بادئ الامر ان الحكاية هى "نزلة"

يديك العافية
وده الحاصل بالظبط

وفى السعودية اى اجراء طبي للملك مباشرة الاعلام الرسمي بطلع بيان بالتفاصيل
اسم المستشفى / نوعية الفحوصات او العملية المفروض
كل شئ بالتفصيل

Quote: وفى السعودية

هسه الملك ذاتو ما معروف حي و للا ميت و المنتديات السعودية مليانة بالغلاط حول وضعه الصحي و الجهات الرسمية
زيها و زي رصيفتها في السودان و دول العالم الثالث مستمرة في التأكيد انو بخير و عال العال رغم انه غيابو مستمر عن
اعماله الرسمية.

Quote: بين البلدين. هذا للمصداقية فقط.

هجو مصداقية شنو دى البتتكلم عنها دى؟
هل ده تأليه للبشير وكأنه لايمرض او يموت؟
وبعدين فى زول بشمت فى المرض؟
ثالثاً يازول انت قايل نحن بنفرح بموته؟ زى ما عذبنا احياء نعذبه حى
لكن وحاتك زولك ده فى الرياض من امبارح وبعدين نوع اخباركم
البايته دى هى التى تؤكد مصداقيتنا وتشكك فيكم
الاتصال ده كان أول امبارح واوردته كل الصحف ولو كان امبارح فى الصباح
وحاتك زولك ده ما بات فى الخرطوم ..
انت زول مصداقيتك عندنا كبيرة ما تلخبت روحك مع الناس الملخبتين ديل،،،

Quote: كنت اول من اكد ان البشير اجرى جراحة فى سقف الحلق و ان الورم حميد و تمت ازالتة بعد بوست الاخ معاوية ، ومن واقع معايشة بل متابعة 2 من مرضى ورم سقف الحلق هو اخف انواع السرطانات

كيف يا شيخ هجو.؟؟؟
يعني شنو؟

زولك موجود فى التخصصى والعتبر عليه حراسة مشددة
ودا كلام زول شغال فى التخصصى

والمرض ما بقتل زول,,,

لكن ناسكم بتكاتلو فى الخلافة,
عموما ربنا يشفيه

هجو الناس ديل بكره بجو يقولو ليك الزول ده مشى للتاكد من سلامة
الجراحه انت شيخ عرب يتودى وشك وين؟ بعد حديثك عن المصداقية
وتأكيدك القاطع ده ومرقت الناس كلهم كذابين،،،

يا صديق يا خوى إن ثبت ان كلامى خطأ و ملفوح

ورب الكعبه اعتذر هنا و بالخط العريض ، انا مالى

ايدى و عارف بقول فى شنو. يا صديق مالو البوست

ده شغلكم كدى. بعدين يا صديق انا ما مرقت زول كضاب

ولم اتداخل فى بوستاتكم ، ولان الامر متاح لنا برضو

قلنا ان الامر( مافيهو سفر و لا جرعة) وبرضو عشان

الناس برضو تكون على بينه و هى الحكم و الايام بيننا

اخى ابوقوته تحياتى يا حبيب ، اقول لك ان موضوع

الشكل على من يخلف البشير لم اتطرق له و اعلمه جيدا

انا هنا اتحدث عن واقعة محددة ذكرت هنا . يا حبيب

Quote: زولك موجود فى التخصصى والعتبر عليه حراسة مشددة ودا كلام زول شغال فى التخصصى

Quote: Re: الرئيس البشير بخير و لم يغادر الخرطوم ، و كمان من شويه اتصل بسلفا

وبعدين الحل شنو؟؟؟
نحن الشعب الفضل دا عايزين نعرف رئيسنا دا فى الخرطوم ولا فى الرياض ؟

Quote: وبعدين الحل شنو؟؟؟ نحن الشعب الفضل دا عايزين نعرف رئيسنا دا فى الخرطوم ولا فى الرياض ؟

صديق عيسى .سلام

مادام الاعلام الرئاسى عامل اضان الحامل طرشا اقع الوداعيات
لوووووووووول،،،

مرة اخرى اشكر كل الاخوان المتداخلين فردا فردا و لهم بالغ التقدير و الاحترام

و اسمحوا ، لى ان اقول ان البشير لم يغادر الخرطوم مطلقا ، و بوستات الاخوان

تناقض نفسها ، احدها يقول ان البشير تدهورت حالته الصحية بعض الجرعة ، ثم

يقول ربما اعيد للخرطوم ، الجرعة مرهقة فى بدايتها و يستمر الارهاق لساعات

طويلة ، و المعلوم ان الجرعات لا تدهور الحالة . ولكن الواقع و الحاصل انو ما فى

زيارة و ما فى جرعة ، بعدين الجرعة دى فى غاية البساطة ممكن ياتى اسطاف كامل

يعملها و يرجع ، لو ان الامر يتطلب ذلك. يعنى بالواضح مما ممكن يعاد زول وحالته

متدهورة .

صديق الموج يعلم تماما اننى لا اكذب و لا مصلحة لى فى الكذب فى امر يتعلق باى

موضوع. إذا كان قول الحقيقة يجعلنى من ضمن الملخبطين فهذه عجيبة و الله.

و يذكر الجميع يوم ان قال اخونا معاوية ود الصائم انها عملية تجميلية ابنت الحقيقة

وقلت جراحة خفيفة فى سقف الحلق.

و الاعمار بيد الله و كذلك المرض لكن الواضح ما فاضح ان هنالك رائحة غير كريمة

فى بعض البوستات.

ثم من قال ان البشير اله و انه لا يمرض ، عندما تحدث عن المصداقية فاننى اعنى الامر

تماما . وسوف تثبت الايام صدق كلامى. اتفق تماما مع ان من حول البشير هم اس البلايا

مفروض ينوروا الناس اول باول.

شيخ هجـــو حمد لله على الســلامة يا شيخ العرب ...
لا حظت إختفائكـ من المنبر فترة ليست بالقصيرة
عسى المانع خير ...

أسأل الله أن يسبق نعمة الصحة والعافية على الريس وكل مريض

ومن كثرة الإشاعات بقينا نقرأ ونعــدي ...

ربكـ يهــون ...

يا دكتور احمد كيفك و الاسرة و عساكم بخير

و الله قاعدين نتاوق ساكت من بعيد لى بعيد

لكن لما الجماعة كبروها شديد قولنا برضو

ندخل ، تحياتى للاسرة الكريمة.

Quote: وبعدين الحل شنو؟؟؟ نحن الشعب الفضل دا عايزين نعرف رئيسنا دا فى الخرطوم ولا فى الرياض ؟

رئيس الغفلة
امكن فات
امكن مات
امكن باعو
امكن صفو
امكن عرس
وامكن في لاهاي
البعيد شنو؟ كل شئ وارد من عيال كوز

هجو يا اخوى انت ناسى انك فى الدوحه وانا فى الرياض؟
هسه كان وقفت سيارتى فى الباركنق بتاع المستشفى و سألت
لى غفير ، او لاحظت سيارات سغارتنا ام لوحات خدر دى
داخله و مارقه ما بكون خبرى اصدق من خبرك؟

Quote: http://suna-sd.net/suna/showNews/K8e6YjugavX3...UpOYfT6__ufbxprFrc/1 رئيس الجمهورية يطمئن على صحة خادم الحرمين الشريفين الخرطوم 26-11-2012(سونا) أجرى المشير عمر البشير رئيس الجمهورية مساء اليوم اتصالاً هاتفياً بصاحب السمو الملكي الأمير سلمان بن عبدالعزيز آل سعود ولي العهد نائب رئيس مجلس الوزراء وزير الدفاع بالمملكة العربية السعودية للإطمئنان على صحة خادم الحرمين الشريفين الملك عبدالله بن عبدالعزيز آل سعود بعد العملية الجراحية التي أجريت له خلال الأيام الماضية سائلاً الله سبحانه وتعالى أن يمتعه بالصحة والعافية . من جانبه أعرب سمو ولي العهد عن شكره وتقديره لرئيس الجمهورية على اهتمامه وسؤاله عن صحة خادم الحرمين الشريفين . suna*

Quote: رئيس الجمهورية يطمئن على صحة خادم الحرمين الشريفين الخرطوم 26-11-2012(سونا) أجرى المشير عمر البشير رئيس الجمهورية مساء اليوم اتصالاً هاتفياً بصاحب السمو الملكي الأمير سلمان بن عبدالعزيز آل سعود ولي العهد نائب رئيس مجلس الوزراء وزير الدفاع بالمملكة العربية السعودية للإطمئنان على صحة خادم الحرمين الشريفين الملك عبدالله بن عبدالعزيز آل سعود بعد العملية الجراحية التي أجريت له خلال الأيام الماضية سائلاً الله سبحانه وتعالى أن يمتعه بالصحة والعافية . من جانبه أعرب سمو ولي العهد عن شكره وتقديره لرئيس الجمهورية على اهتمامه وسؤاله عن صحة خادم الحرمين الشريفين

التجانى انت طيب
نفهم من كده الرئيس اشترى ليه شريحة موبايلى بختنا كان كده ..
ولقى خبر مرض خادم الحرمين قدامه وقال اخير يضارى خجلته
ما ممكن يتصل من هنا يعنى؟ غايتو الزول لما يجاهد نفسه
ويحاول يكضب بتعب تعب، انت قايل البشير ما بمرض يا اللخو
وقول رجع العشاء ده واتصل دى علاقته بانه كان هنا شنو؟
ياخى من لم يشكر الخلق لا يشكر الخالق، اشكروا البلد الطيب
اهلها دى انهم رضو يعالجو الزول برغم كل ما يفعل من تهديد
لامنهم، اها ومسؤول من الخير هم ما اتصلو كفروا ليه؟

Quote: http://suna-sd.net/suna/showNews/DHUlWEE_w7uV...utEDiswAyLhJsh2Nh4/1 البشير يخاطب الجلسة الافتتاحية للمؤتمر الثاني عشر للثروة المعدنية الخرطوم 26-11(سونا) يخاطب السيد رئيس الجمهورية المشيرعمر البشير صباح غد بقاعة الصداقة الجلسة الافتتاحية للمؤتمر الثاني عشر لوزراء الثروة المعدنية العرب ، الذي يعقد في الفترة 27-29 نوفمبر الجاري ، برعاية رئاسة الجمهورية واشراف وزارة المعادن بالتعاون مع المنظمة العربية للتنمية الصناعية والتعدين . كما سيخاطب الاستاذ كمال عبد اللطيف وزير المعادن الجلسة الافتتاحية للمؤتمر ، الي جانب مداخلات الخبراء في مجال التعدين ...........الخ

و الله فكرة حلوة يا صديق حقو تتحرك فورا نحو المستشفى

و تصور لينا سيارات السفارة وهى صافة فى الباركنغ

ما فى شىء يخلى اعلامنا يقول البشير اتصل بخادم الحرمين ربنا يعجل له بالشفاء

لو ما فى اتصال ، يعنى البشير مش زى ما قلتو فى حالة حرجة. شفت الحال ده كيف

غايتو يا صديق الله يعينك ساكت ، معاوية عبيد يعرف مقدرات ود عمو عشان

كده طوالى عمل خط رجعة.

Quote: البشير يخاطب الجلسة الافتتاحية للمؤتمر الثاني عشر للثروة المعدنية غدا الثلاثاء

Quote: ما فى شىء يخلى اعلامنا يقول البشير اتصل بخادم الحرمين ربنا يعجل له بالشفاء لو ما فى اتصال ، يعنى البشير مش زى ما قلتو فى حالة حرجة. شفت الحال ده كيف غايتو يا صديق الله يعينك ساكت ، معاوية عبيد يعرف مقدرات ود عمو عشان كده طوالى عمل خط رجعة.

هجو طبعا داير تنفى التهمة دى ( باعتبار المرض تهمة كبيرة ) بالحق او
بالباطل بدون ما تقرأ كتبنا شنو، يازول القال ليك ما اتصل منو لكن الاتصال
ده من وين ممكن تأكده لينا؟ يعنى اتصل من المستشفى هنا او من السودان؟
زاللا ما ممكن يتصل من هنا؟
يا زول المرض ده ما شمت وكلنا بنمرض واهلنا ماتو بالقلب وبالسرطان وهو
زاتو زوجته جاها سرطان يعنى البشير ده منزه واللا كلامكم ده كيف؟
المره الاولى واحدين فيكم قالو لامرضان لاجابوهو ولا نقلوه للمستشفى
وواحدين قالو انه البشير اجرى عمليه جراحية ، واخوهو قال شالو منه عينه
ورسلوها لالمانيا و نتائج الفحوصات ما جات..
وا قول ليك لو بكره حضر افتتاح المؤتمر فى السودان وصوقر ده ما بنفى انه
امس نقل الى هنا ودخل المستشفى اليوم ،،،

Quote: وا قول ليك لو بكره حضر افتتاح المؤتمر فى السودان وصوقر ده ما بنفى انه امس نقل الى هنا ودخل المستشفى اليوم ،،،

عنزةٌ ولو طارت



صديق الموج وهجو

إنتو الأتنين بتنقلوا حسب مصادركم، وما في زول فيكم شافوا بي عينو، سواءاً في الخرطوم او في الرياض

ولغوياً هذا خبر يحتمل الصدق أو الكذب (الخبر من المصدر).

يا صديق يا خوى من القال البشير ما بمرض و الاعلام الرسمى ذكر ذلك

وانا اكدت العملية الاولى . غايتو حالتكم بقت صعبه ، جيب لينا صور

عربات السفارة.

تسلم يا شيخ العرب
ويسلم البشير من كل شر
والحمد لله علي صحة خبرك وقد كذب المنجمون كالعادة

سمعنا تحت تحت ..قالوا زولكم دا مات سريريا واشاعة الاخيرة لم تكن انقلاب اصلا انما تغطية لموت البشير والقبض على البعض لتجنب الصراع حول السلطة بعد اعلان موت البشير....انتظروا حتى تسمعوا الخبرولتقتنعوا بموته..

سمعنا تحت تحت ..قالوا زولكم دا مات سريريا واشاعة الاخيرة لم تكن انقلاب اصلا انما تغطية لموت البشير والقبض على البعض لتجنب الصراع حول السلطة بعد اعلان موت البشير....انتظروا حتى تسمعوا الخبرولتقتنعوا بموته..

....................................................................................

بنق بونق

الليلة بتقيل من الساعة 10 مالك جنيت

نتمنى ان يكون الرئيس بخير يا هجو، و لكن اليس من الممكن ان ينقل التلفزيون السوداني صورا حية للبشير حتى يقطع دابر الاشاعات.
الشئ المحير رغم الحديث عن الانقلاب و المحاولة التخريبية الاّ ان الرئيس لم ينبث ببنت شفة حتى الآن. ان مثل هذا السكوت يشكل ارضا خصبة لتصديق الاشاعات.

Quote: ان مثل هذا السكوت يشكل ارضا خصبة لتصديق الاشاعات

الأخ/ هجو
تحياتي
الله جل جلاله نسأل أن يكون الرئيس دائما بخير، بس ما في دخان بلا نار،
والإشاعات كثيرة بدرجة مبالغ فيها، وغياب الرئيس والصف الأول من قدامى
المحاربين يضع سؤال وسؤال؟ فيلزم الدولة مساعدة الناس كيما يفتتنوا
بالإشاعات المضللة.

التحية لكل الاخوة الكرام ، يا احباب عدم التزام البشير بالتقيد بالراحة فى العملية الاولى

اتعبه كثيرا ، الان مطلوب منه ان يستريح و ان لا يرهق نفسه و خاصة الحبال الصوتيه

حلوة الحبال الصوتيه مش.