Post: #1
Title: ألغاز المغامرون الخمسة - هدية لناس ابوالريش و سيف الدوله وكل اعمامنا
Author: يحي قباني
Date: 11-24-2012, 10:29 PM
Parent: #0
الي كل العجايز و الشيبان ...
حينما تسأم من قراء السياسة الممجوجة ...
و البوستات المملة ... و ما شاكلها ...
حينما تريد ان تقرأ شيئا يعود بك الي الزمن الجميل ايام المراهقة في بداية السبعينات ... و لا تريد ارهاق زهنك ...
لا تجد اجمل من الغاز المغامرون الخمسه ...
تختخ ... و عاطف ... و نوسة ... و محب و لوزة ... كلـــبهمــم زنجر ...
انقرو ما لقيت ليكم كل الالغاز القديمة " اون لاين " ...
|
Post: #2
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 10:34 PM
Parent: #1
اللغز رقم 1 - لغز عصابة التزييف
|
Post: #3
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 10:36 PM
Parent: #2
اللغز رقم 2 - لغز زعيم العصابه
|
Post: #4
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 10:39 PM
Parent: #3
اللغز رقم 3 - لغز ملك الشطرنج
|
Post: #5
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 10:44 PM
Parent: #4
اللغز رفم 4 - لغز الفهود السبعه
|
Post: #6
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 10:49 PM
Parent: #5
اللغز رقم 5 - لغز الفانيلة الحمراء
|
Post: #7
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: osama fadlalla
Date: 11-24-2012, 11:05 PM
Parent: #6
لن تجد لغز الامير المخطوف
ياخي اللغز ده عمل فينا عمائل وقتها......
|
Post: #8
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 11:19 PM
Parent: #7
هدية لاخونا الحبيب اسامه فضل الله
اللغز رقم 6 - الأميـــر المخطـــوف
|
Post: #9
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 11:24 PM
Parent: #8
اللغز رقم 7 - لغز بحيرة قارون
|
Post: #11
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-24-2012, 11:34 PM
Parent: #10
مجموعة مشيرة و فلفل و طارق
اللغز رقم 9 - لغز بيت الاشباح
|
Post: #12
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: omer osman
Date: 11-25-2012, 06:30 AM
Parent: #11
Quote: تختخ ... و عاطف ... و نوسة ... و محب و لوزة ... كلـــبهمــم زنجر ...
|
والمفتش سامي والشاويش فرقع ....
قل للزمان ارجع يازمان ...
تحياتي يحي ..........
|
Post: #13
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: Abureesh
Date: 11-25-2012, 06:59 AM
Parent: #12
سلام يا يحى..
نحن إذا جاء المطر نجرى ونلعب بالزهـر ثم ننظف ثوبنا ليكون ثوبا معتبر
بامانة لم اقرا المغامرون الخمسـة.. ولكن قرأنا الكشكول وصور من العالم والمحفوظات الاوليـة.
الثعلب وابو مركوب..
بالمناسبـة، مسكين ابو مركوب راح فيها اول امس!! تعلم الحكمة للحمامة ولا تعلمهـا لنفسك؟
|
Post: #14
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: وضاح عبدالرحمن جابر
Date: 11-25-2012, 07:20 AM
Parent: #13
ذكريات وذكريات
|
Post: #16
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: محمد أبوالعزائم أبوالريش
Date: 11-25-2012, 07:33 AM
Parent: #14
شايف أخونا محمد عثمان أبوالريش لبس الطاقية .... طبعاً أداني فرصة إني (ألبد) .. لكن ما بعرف أزوغ.
لكن يا يحي، لو عارفينك بتاخد الحكاية بالحساسية دي، كنا كلمنا أستاذ سيف الدولة ما يجيب سيرة التاريخ والأميرية ... إلخ.
بعدين إنت متابعين (دلاس) بتاعة التمنينات طلّعتهم (جدي التاريخ)
____
الهدية مقبولة.
|
Post: #15
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: خالد العبيد
Date: 11-25-2012, 07:22 AM
Parent: #13
|
Post: #17
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: عاطف عمر
Date: 11-25-2012, 09:26 AM
Parent: #1
ألغاز المغامرين الخمسة ... ... نحن جيلها نترقبها في شوق نوفر من مصروفنا المدرسي لنقتنيها ترجعنا لأزمنة وشخوص وذكريات مدرسة رفاعة الأميرية الثانوية العامة الحاج وراق سيدأحمد ( السياسي الصحفي لاحقاً ) ، ياسر عمر الجعلي ( الخبير الزراعي لاحقاً )، مصطفى أحمد حامد ( الفنان مصطفى الشريف لاحقاً ) ، حسن عثمان أحمد ( اللواء معاش مهندس لاحقاً ), وشخصي الماثل أمامكم نقرؤها اليوم وأنظارنا ممدودة للأمس نستدعي وقفتنا الباكرة في ( مكتبة التاج ) إنتظاراً لوصولها من الخرطوم بعد أن تأتينا ( الأخبار المؤكدة ) بوصولها للخرطوم ..... كيف تأتينا ؟؟ حقاً لا أدري ( مكتبة التاج ) وصاحبها عمنا المرحوم التاج مصطفى أحد منارات رفاعة وجزء من ذلك التاريخ .. بل هو ركن أساسي فيه عمنا التاج مصطفى هو والد صديقنا و زميلنا في هذا المنبر مولانا إسماعيل التاج ليت سمعة يمر على هذه المساحة ليحدثنا عن الجانب الآخر من الصورة صورة أصحاب المكتبات إن ظفر أحدنا باللغز فقد ظفرنا به جميعنا زحمة وخلوق كلهم أبناء ذات المرحلة العمرية ساعتين زمان لكل منا لقراءته ساعتين شاملتين - مشوار الكداري - لتوصيله لمن عليه الدور تقرأه وتعيش - كالمنوم مغنطيسياً - أحداثه أثناء مشوارك وطيلة يومك
إذاً يا هندسة إنها مرحلة عمرية أنت تنقلها بكاملها إلى هاهنا
____________
سلامات يا حبيب
|
Post: #18
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: اسامة دفع الله ابوالحسن
Date: 11-25-2012, 11:01 AM
Parent: #17
يالها من ايام وذكريات عشنا فيها بخيالنا مع مغامرات المغامرين الخمس اول مغامرة قراتها للغامرين الخمس كانت باسم المنزل رقم ثمانية وتسعون علي مااذكر وانا طالب بالصف الخامس الابتدائي وقعت بالصدفة في يدي من جاري بالفصل انذاك طارق الهادي الطيب المصباح وبعدها صرنا نتبادل هذه الالغاز مع بقية الطلاب بالمدرسة . وبعد مرحلة الالغاز للمغامرين الخمس انتقلنا في مرحلة متقدمة لقراءة قصص ارسين لوبين وجيمس بون والفرد هتشكوك واجاثا كريستي وهذه كانت في المرحلة الثانوية العامة
|
Post: #19
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: طارق جبريل
Date: 11-25-2012, 11:36 AM
Parent: #18
انتو ما كان عندكم بلي استيشن زينا
|
Post: #20
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: وضاحة
Date: 11-25-2012, 11:47 AM
Parent: #19
يا الله يا يحي شكلوا كان زمن جميل
والاجمل انوا عاطف من ذلك الجيل الماسي
أنظر لى كتاباته فتجدها موزونة رصينة معتقة بالاحساس الصادق النقى بعيدا كل البعد عن الزيف واتملق بتاع الجيل الحديث
ليتنى كنت من ذلك الجيل الجميل
فاكانت اللغة الانجليزية فى السودان قوية كما ارها فى والدى الغالى وكذلك اللغة العربية فهو شاعر لا يشق له غبار وكاتب باللغة العربية
وطبيب استشارى حضر في اقوى واعظم الجامعات الغربية باللغة الانجليزية
فهل هذا نفس المستوى الحين فى الجيل الحديث في السودان ؟؟؟؟؟؟؟؟؟؟؟؟
|
Post: #21
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: عبد الناصر الخطيب
Date: 11-25-2012, 12:06 PM
Parent: #20
.
المهندس / يحي قباني
تحية وتقدير ,,,
رجعته الواحد لسنين بعيدة , كان وأحد من أشياؤها المحببة سمير وميكي والألغاز والشياطين الـ 13 ......... وفي إجازة المدرسة بالذات بتبقي الهواية دي هي الغالبة .......... وعلى الزمن داك كان الواحد بشبع الهواية دي بزيارات متكررة للمحطة الوسطي أم درمان وبالقي معظم الالغاز البقتش ليها مفروشة على رصيف المحطة جهه موقف التكاسي .....كانت قراءات الطفولة ومداخل الصبا
ايام الشباب حول مبني البوسته امدرمان برضوا كان في ناس بفرشوا الكتب والمجلات الواحد لقي عندهم بأثمان زهيدة نسبيا , مجلات وكتب .... في مصر سمعته كتير عن سور الأزبكية ... وفيما بعد زرتوا لممارسة نفس الهوية في شراء الكتب القديمة ....
ما مستمر في هوايتي دي بنفس الشقف القديم , لكين من حين لحين .... بشتري كتب قديمة من حراج جدة ........ معظم الناس بعرفوا الحرج كمحل لشراء أو بيع الاجهزة والاثاث المنزلي المستعمل ..... قبل كم سنة عرفته بالصدفة أنو فيهوا برضوا كم محل ببيع الكتب المستعملة الماظن تلاقيها في أي مكتبة ..... خصوصا والمكتبات لا تقدم غير كتب الطهو والازياء والموضة الابراج وووووووو الخ ما يقراء ويهتم الناس في هذا الزمان
-----------
شكرا ياهندسه فعليا القراءة حتظل رغم إستحداث كثير من الوسائط هواية لا غني عنها
تحياتي
|
Post: #22
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: محمد أبوالعزائم أبوالريش
Date: 11-25-2012, 12:58 PM
Parent: #21
Quote: انتو ما كان عندكم بلي استيشن زينا |
الله يبل راسك ده في عطرون أم الحسين.
إنت تلاقيك كنت بتاع (بلي فريت) و(أم الحُفرة)
|
Post: #23
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: طارق جبريل
Date: 11-25-2012, 01:44 PM
Parent: #22
Quote: الله يبل راسك ده في عطرون أم الحسين.
إنت تلاقيك كنت بتاع (بلي فريت) و(أم الحُفرة) |
يا حبيب كيفنك
|
Post: #24
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-25-2012, 04:25 PM
Parent: #23
اجمل ما في البوست ده انو جاب احلي الناس ...
حاجيكم نتسامر واحد واحد ... فوالله لهو اجمل الازمان ...
ابوالعزائم ... ود جبرين قال بليستيشن ؟؟
أم الحفر شنو ؟؟؟ البلّي لقوهو وين ؟؟؟
وحياتك كان راس مالهم دباره ولا بكرة "خيت" ...
نصهم بيشرّك لي ابو الحدّاد من حفره لي حفره ...
والنص التاني رابط كدنداره بباقي الخيط وجاري بي وراها ؟؟؟
ولا كان بالغو يكونوا كاسرين كراع جراده يعفِّصوا في وركها وشغالين " محمد قال اقيفو و محمد قال أقُعْدُوا ..."
|
Post: #25
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: وضاحة
Date: 11-25-2012, 04:41 PM
Parent: #24
ام الحفرة دى معنها شنو ؟؟؟؟
|
Post: #28
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-25-2012, 04:55 PM
Parent: #25
أم الحفر دي يا وضاحه
ناس أبو الريش كانو يلعبوها بالحصاص
اما انحنا فكان في حاجة مدورة زي الكوره لكن صغيرة شديد
ملونه زي عيون بنات الحور ... اسمها بلي بتشديد اللام
الخواجات بيسموها marble
اها يجوك ناس عاطف يشرحوا ليك القوانين
وبالمرة يمروا علي كل أنواع مباريات البلي
وحكمك شق اللين يا وضاحه
|
Post: #26
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: محمد حيدر المشرف
Date: 11-25-2012, 04:50 PM
Parent: #24
ايواااا يا ناصر .. بس ميدان البوسته ولا المحطه الوسطى ؟!
Quote: بتبقي الهواية دي هي الغالبة .......... وعلى الزمن داك كان الواحد بشبع الهواية دي بزيارات متكررة للمحطة الوسطي أم درمان وبالقي معظم الالغاز البقتش ليها مفروشة على رصيف المحطة جهه موقف التكاسي .....كانت قراءات الطفولة ومداخل الصبا |
شرق البوسته كان فى كشك أو اتنين .. وغربها فى واحد .. " جنب بار عبير " ولو أسعفتنى الذاكره كان سيدو اسمو "عم عثمان" وأجمل ما فى الأمر ريحة الكتاب الجديد .. شباطين 13 مغامرين خمسة .. والمغامرين الثلاثه فى اتنين .. واحد "عارف وعامر وعاليه " عندهم خال غامض فى المخابرات عندو عربية الفاروميو قوية تنهب المسافات " واتنين " محسن و هادية و .. و ,, و .. تبا لهدى الذاكرة المهم .. كتر خير قبانى .. وتحضرنى الآن تلك المسافة/ الفرح / الرجوع ما بين المكتبه والبيت .. وبيدك كتب الاسبوع .. ومساحة للفرح الاضافى لو كان كان "عثمان" وكرته الجهنمية مشاركا فى المغامرة .. تعرف يا صديقى .. عثمان كان أخطر من أحمد .. والله صحى !! الا براك عارف اولاد بمبه ديل بتاعين حركات كيف .. الا أنهم أصحاب ذلك الجمال وأسياد حق .. حندقونا تمام بالليمونادة الباردة والجيلاتى المثلج فى شوارع الزمالك .. ياااا لذلك الزمان !!
مجتمعين عند النبي يا شباب .. عاطف عمر والاصدقاء .. وشكرا لقبانى ..
|
Post: #27
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: معاوية المدير
Date: 11-25-2012, 04:50 PM
Parent: #24
ولد محمود سالم عام 1929م، وهو صاحب ألغاز المغامرون الخمسة التي تعد أشهر سلسلة مغامرات بوليسية عربية, كذلك سلسلة الشياطين ال13
تحياتي...
|
Post: #29
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: عبد الناصر الخطيب
Date: 11-25-2012, 05:03 PM
Parent: #27
.
ود المشرف
سلام وتحية ,,,
Quote: بس ميدان البوسته ولا المحطه الوسطى ؟! |
يالدكتور ألف تحية ليك وللزمن الجميل المحطة الوسطي أمدرمان تجاه موقف التكاسي البتمشي الثورة ومحل كان بتقيف الباصات للخرطوم وما ميدان البوستة حول مبني البوسته نفسوا ...... لانوا كلامي ما على الاكشاك البتبيع الكتب الجديدة كان شعر ما عندي رأس وانا تلميذ باخد مصروف عشان كدة بشتري من الناس البفرشوا الالغاز والمجلات في الارض كان أسمهم ( الفراشّة ) ..................... أتغير فيما بعد الموقع من المحطة الوسطي وبقي حول مبني البوسته لانو وكت كنت بشتري كتب مستعملة من حول البوستة امدرمان كنت خريج وشغال ............................................
* والكلام ده ما قبل 2001م
كتير التحية والسلام يادكتور
|
Post: #30
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: Hadia Mohamed
Date: 11-25-2012, 05:03 PM
Parent: #27
Quote: ام الحفرة دى معنها شنو ؟؟؟؟ |
دى حقرة كبيرة بنوقع فيها المطرطشين فى اللعب
|
Post: #31
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: الزبير صالح الزبير
Date: 11-25-2012, 05:57 PM
Parent: #30
Quote: كذلك لا ننسى حي الزمالك وقد ذكر كثيرا في المغامرات |
حي المعادي يا عمك انا كنت مقرر لو ربنا وداني القاهرة الا امشي ازورهم في بيوتهم واكل جيلاتي في كازينو الجود شوط واركب من باب الحديد الي باب اللوق الي باب الخلق واخد لي نقزة لغاية بلد عمك اميتاب باتشان اصبح علي سبنا وزينات امان وممتاز
|
Post: #32
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: عاطف عمر
Date: 11-25-2012, 06:10 PM
Parent: #1
Quote: يا الله يا يحي شكلوا كان زمن جميل
والاجمل انوا عاطف من ذلك الجيل الماسي
أنظر لى كتاباته فتجدها موزونة رصينة معتقة بالاحساس الصادق النقى بعيدا كل البعد عن الزيف واتملق بتاع الجيل الحديث
ليتنى كنت من ذلك الجيل الجميل
فاكانت اللغة الانجليزية فى السودان قوية كما ارها فى والدى الغالى وكذلك اللغة العربية فهو شاعر لا يشق له غبار وكاتب باللغة العربية
وطبيب استشارى حضر في اقوى واعظم الجامعات الغربية باللغة الانجليزية
فهل هذا نفس المستوى الحين فى الجيل الحديث في السودان ؟؟؟؟؟؟؟؟؟؟؟؟ |
الله يجبر بخاطرك يا وضاحة وكتر خيرك على حسن الظن
_________________
تحياتي في المبتدأ للغالي والدك العزيز له ولكم أتمنى دوام التوفيق عارفة يا وضاحة وكما أشار ( الجلكين )*** قباني لأدوات ترفيهنا تجدين قطيعة بائنة بيننا والتكنولوجيا... لم نكن نعرفها ولم تكن تعرفنا لكن لهذه القطيعة جانب إيجابي آخر فقد ربطت معظم جيلنا والأجيال السابقة لنا بالكتاب لذلك ترين ونرى السيد والدكم نطاسي بارع وشاعر مجيد وكاتب بفصيح اللغة العربية تلك كانت سمة جيل تضمحل هذه السمة كلما ولجنا عوالم التكنولوجيا أحرص على إصطحاب أنجالي لمعارض الكتاب المختلفة وأشجعهم على إقتناء الكتب لكن قراءاتها شئ جد عسير عليهم فالمعلومة عندهم - وعند جيلهم - صارت على طريقة الـ Take away عندما يحتاجونها يجدونها على النت
_______________
( الجلكين )***
سوف تسألين حتماً جلكين معناها شنو ؟؟؟
يلا يا أبو الريش
المايك معاك
|
Post: #33
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: عاطف عمر
Date: 11-25-2012, 07:16 PM
Parent: #32
تحياتي وسلامات عزيزي د. المشرف
Quote: مجتمعين عند النبي يا شباب .. عاطف عمر والاصدقاء .. وشكرا لقبانى .. |
ياخ دي قعدة عجيبة خلاص قرأت ..أو أعدت قراءة ثلاثة ألغاز مما أورده قباني أعلاه وأثق أنك مصدقي عندما أقول لك أن كوووووول عوالم بداية السبعينات قد حضرت في تلك اللحظات وتركتني بعدها مستنشقاً لبعض عبيرها
_______________
حفزت إبني أمين ( إبن الخامسة عشر ) ليقرأها قرأ هذا البوست وعدني ضاحكاً أن سوف بأن ( يمر عليها ) في الـ ويك إند
" عشان أشوفك إنت وأصحابك هايجين كدا مالكم ؟؟ "
|
Post: #34
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-25-2012, 07:39 PM
Parent: #33
Quote: ياخ دي قعدة عجيبة خلاص قرأت ..أو أعدت قراءة ثلاثة ألغاز مما أورده قباني أعلاه وأثق أنك مصدقي عندما أقول لك أن كوووووول عوالم بداية السبعينات قد حضرت في تلك اللحظات وتركتني بعدها مستنشقاً لبعض عبيرها
_______________
حفزت إبني أمين ( إبن الخامسة عشر ) ليقرأها قرأ هذا البوست وعدني ضاحكاً أن سوف بأن ( يمر عليها ) في الـ ويك إند
" عشان أشوفك إنت وأصحابك هايجين كدا مالكم ؟؟ " |
يا سلاااام يا عاطف ...
والله انها اجمل قعده ...
اتذكر بداياتي كانت كشك الجرايد الكان في صينية مكي القصاد محطة خال العيال العلي شارع ابروف ...
كنت ساكن ود أرو وقتها ... الكشك ده اتغير مره مطعم فول ومرة كشك توتو كوره ...
ولما انتقلنا للخرطوم .. كان كشك حسن حق الجرايد في سوق الخرطوم اتنين هو مركز تجمع اولاد الحله ...
كان حسن يحجز لينا الالغاز ... ضمان نلقاها ... والقراية كانت قعده فوق سور الخور القدام دكان اليماني ...
رغيفة و طحنية بالجبنه ... و هاك يا قراية ...
والله يا عاطف ... بعاين لاولادنا و بقول هل فاتتهم الايام الرائعة دى ... ولا انحنا اديناهم ايام افضل ؟؟؟
تخريمة " البنوت الدفعه مالهم ما عقّـــبوا ... ولا كانوا روايات عبير بس ؟؟؟
|
Post: #35
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: محمد حيدر المشرف
Date: 11-25-2012, 07:59 PM
Parent: #33
عاطف يا عزيزي ..
Quote: قرأت ..أو أعدت قراءة ثلاثة ألغاز مما أورده قباني أعلاه |
أما أنا قأعدت قراءة "ملك الشطرنج" .. وعاد لى ذلك الزمان بأبهى تفاصيله .. تصور !! تذكرت صورة الغلاف الجابها ود المدير بتاعت لغز الشاويش فرقع وكأنى مررت بها البارحة !!! ولو لم تخنى الذاكرة فهى المغامرة الاولى للمغامرين الخمسة ؟!.. ولقد بحثت عن هذه المعلومة فى الصورة ولم أجد ذكرا لرقم المغامرة ..
اما ناس "أمين" و "عمار" ديل .. فلهم ذاكراتهم ولنا ذاكرة .. الا ده كلو هين يا عاطف .. تصور "عمار" طلع كيشه فى الكورة !! بالله انا مراقبو من اليوم الاول .. ما خليت كورة ما جبتها ليهو .. كدارات أديداس ذاتها .. فنايل زيدان وراؤول ورونالدو وروونى ولييييى ميسى .. وده كلو ما نفع .. غايتو الحمدلله وبعد جهد جهيد طلعتو مريخابى .. أولاد آخر وطن .. لهم ذاكراتهم ولنا ذاكرة .. ونزعم أنها الأجمل .. وهى كذلك .. لا لشيء الا لأنها تخصنا .. وأخونا قبانى شكلو حريف فى تتبع ما يخصنا .. قرأت له بوستا عن محمد أحمد عوض .. يا الله يا عاطف .. وشكرا - مرة أخرى - يا قبانى
|
Post: #36
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-25-2012, 08:13 PM
Parent: #35
للاخ اسامه دفع الله و كل الدفعه العجيبة ...
لغز المنزل رقم 98
|
Post: #37
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-25-2012, 08:28 PM
Parent: #36
لغـــز وادي الذئاب
من اغرب الاشياء في اللغز ده ...
وهي عملية خطف و تهريب وفيها سيرة السودان ...
اتذكر في صفحة 91 انو في مؤامرات لفصل جنوب السودان عن شماله ....!!!
|
Post: #39
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: مهدي صلاح
Date: 11-25-2012, 08:47 PM
Parent: #38
البدين دايما ينمط في دور الشخص الساذج الخامل ولو رحموهو بيخلوهو خفيف دم لكن تختخ شذ عن القاعدة فقد كان على درجة من الذكاء أهّلته ليكون زعيما للمغامرين ويضع لهم الخطط ويوزع الادوار بينهم لوزة دي ام ضفيريتين طائرتين لو ما اخاف الكضب وعاطف طويل كدة في نُص المغامرة كانت هناك رسومات توضح بعض المواقف في القصة
انا جيت اصحح عنوان سكن المغامرين الخمسة لكن الاخ الزبير سبقني
برضو مجلات ميكي وميكي جيب وسوبر ميكي لينا معاها ذكريات ..عم دهب البخيل... محظوظ وبطوط اللي كانوا بينتافسوا للفوز برضا الحسناء زيزي وما ننسى حبوبة الكل الجدة بطة ومعاهم الشفع سوسو ولو وتوتو ... بطوط في مقام عمهم
التحية لصاحب البوست ولكم جميعا
|
Post: #40
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-25-2012, 08:47 PM
Parent: #38
عمر عثمان يا جميل
هاك ...
لغـــز الشاويش فرقع ...
|
Post: #50
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: Ridhaa
Date: 11-27-2012, 02:07 AM
سلام لصاحب البوست وضيوفه الكرام ................. المؤلف محمود سالم كان غاشي الناس ..... السلسلة الحقيقية هي من تأليف كاتبة إنجليزية لقصص الاطفال إسمها إينيد بلايتون والسلسلة إسمها بالإنجليزي The Five Find-Outers أو المتحرون الخمسة وبدأت أول عدد منها بعنوان The Mystery of the Burnt Cottage أو
لغز الكوخ المحترق
نقل منها نقل مسطرة ولم يكلف نفسه أي إشارة لصاحبة المجهود الأصلية..
الرابط :
http://www.sudanforum.net/showthread.php?t=125099
|
Post: #41
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: ناذر محمد الخليفة
Date: 11-25-2012, 08:56 PM
Parent: #38
حاجة غريبة ..!!
مع إني ما من الجيل دا لكن المغامرين الخمسة ديل برضو حضرناها وقريناها (طبعا كلامي دا عشان يا الزبير ما تجي تقول لي الخرطوم في زمنكم كان فيها مغامرات هههه) ..
داير اذكر الناس بي حاجة ...
في فترة نهاية التمنينات تقريبا ظهرت سلسلة مغامرات سودانية فكرتا من الواضح جدا أنها مستوحاة من المغامرون الخمسة ومؤلفا كاتب سوداني ما متذكرو منو .. السلسلة دي اسمها (مغامرات أولاد بشارة) وابطالا على ما أذكر بشير و ابشر و بشرية ما متذكر لو معاهم ###### ولا لا .. بس البتذكرو أنو المغامرة فيها نفس سوداني بحت .. وكمان أذكر تماما في واحدة من المغامرات أولاد بشارة ديل تتبعوا مجرمين وركبو خلسة على ظهر عربية لوري شايلا عيش ريف .. حتى بالأمارة واحد من أولاد بشارة ديل كان جنو اكل وفتح شوالات عيش الريف وقعد ياكل فيها رغم خطورة المغامرة ..
ما اظن أولاد بشارة أستمرت كتير أمكن خمسة أو ستة اعداد .. غايتو لو في زول عندو معلومات أو اضافة يقولا ..
|
Post: #42
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: ناذر محمد الخليفة
Date: 11-25-2012, 08:58 PM
Parent: #41
برضو ما ننسى الشياطين التلطاشر وعثمان من السودان ..
دي برضو سلسلة مغامران با جماعة والله ما قاصد حاجة تانية ...!!
|
Post: #43
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: محمد أبوالعزائم أبوالريش
Date: 11-25-2012, 10:28 PM
Parent: #42
Quote: وحكمك شق اللين يا وضاحه |
وتكّس حريتو ... وتكّس يتناش ...... وحكم النظر .......
يا قباني سيبك من طارق ده، عايز يعمل فيها حنكوش ....... ديل هم الكانوا بيلعبوا (بلي فريت) وضرّابهم كان حصاص. نحن كنا بنلعب (بلي قزاز) وضرّابنا (جُلّة). تقول لي بلي ستيشن؟
أولادنا هسي بقوا يلعبوا Wii و X Box وحاجات عجيبة.
ناس طارق جبرين ديل، مع أبو الدنان و(كراع الجرادة) ... كان تلقاهم قانصين بي (قلّوبية) لي ود أبرك أو شرك (سبيب) لي أم قيردون والاّ كدّاد الدواك. إنت قايل ناس الدرجة التالتة والديوم ما معانا هنا والاّ شنو؟
|
Post: #44
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-26-2012, 02:15 AM
Parent: #43
Quote: وتكّس حريتو ... وتكّس يتناش ...... وحكم النظر .......
يا قباني سيبك من طارق ده، عايز يعمل فيها حنكوش ....... ديل هم الكانوا بيلعبوا (بلي فريت) وضرّابهم كان حصاص. نحن كنا بنلعب (بلي قزاز) وضرّابنا (جُلّة). تقول لي بلي ستيشن؟
أولادنا هسي بقوا يلعبوا Wii و X Box وحاجات عجيبة.
ناس طارق جبرين ديل، مع أبو الدنان و(كراع الجرادة) ... كان تلقاهم قانصين بي (قلّوبية) لي ود أبرك أو شرك (سبيب) لي أم قيردون والاّ كدّاد الدواك. إنت قايل ناس الدرجة التالتة والديوم ما معانا هنا والاّ شنو؟ |
ولما كبرو شوية كانو بيضربو عصفورين بحجر ... السهرة يوم الخميس في الليل
جنب لسان الموية .. في الغابة ... و" المُشُـــــك ْ" الجايبنو معاهم يرموهو في الموية الراكنة ديك ... ***
ويوم الجمعه الصباح يجو لي نفس المكان يلقو السمك يضحك ليهم و راجيهم يصطادو ...
الله يدينا خيرهم بس ...!!!
تخريمة ... ذكرتني بالديوم دى ...
ناس فرقة جاز الديوم كانو بيغنو في حفله اغنية جيمس براون I feel alright
و بدل ما يقولو I feel alright
شبكونا ليك " الفيــــل اوررايت " ...
تقول في جنينة حيوانات !!!
*** تعريف كلمة مُشُــــكْ لناس وضاحه
المشك ( moshok ) هو " شاي بي لبن مَـقَـنّـــــنْ" ... حسب ما ورد في " المُنجِـــــدْ " ...
وما تقول ولا كلمه يابو الريش ... بس قرط علي كده ...
|
Post: #45
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: محمد أبوالعزائم أبوالريش
Date: 11-26-2012, 05:41 AM
Parent: #44
Quote: وما تقول ولا كلمه يابو الريش ... بس قرط علي كده ... |
أقول شنو؟ أنا زاتي أوّل مرة أسمع بالـ "مُشُك" ده ..... لمّا سألت عنو قالوا ياهو الشاي باللبن حق السمك .... وحتى قهوة السمك إسمها "بقنية"
|
Post: #46
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: اسامة دفع الله ابوالحسن
Date: 11-26-2012, 11:04 AM
Parent: #45
Quote: ولد محمود سالم عام 1929م، وهو صاحب ألغاز المغامرون الخمسة التي تعد أشهر سلسلة مغامرات بوليسية عربية, كذلك سلسلة الشياطين ال13 |
الاخ ود المدير تحياتي علي حسب علمي ان الاستاذ محمد سالم قد اقتبس قصص هذه المغامرات من كاتبة بريطانية اسمها اينيد بلايتون " Enid Blyton " والتي تعد واحدة من أبرز أعلام أدب الطفل في القرن العشرين عاشت بلايتون بين (1897-1968 ) ، وقدمت أكثر من سلسلة من المغامرات الشيقة والألغاز البوليسية يقوم ببطولتها مجموعة من الأولاد والبنات أبرز هذه السلاسل هي : المغامرون الخمسة " The five find-outers " صدرت ما بين أعوام 1943 و 1961 ، كتبت خلالها بلايتون 15 رواية ، و تروي مغامرات بوليسية لمجموعة من الأولاد والبنات يشكلون فريق" المغامرون الخمسة" المصدر http://forum.art-en.com/viewtopic.php?f=59&t=24175 لمزيد من الفائدة والاطلاع ارجو مراحعة الرابط اعلاه
اسامة دفع الله
|
Post: #47
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: singawi
Date: 11-26-2012, 12:06 PM
Parent: #46
يا سلااااااام ياخ يديك الفي مرادك لي زمن بفتش لي حاجاتنا القديمة دي المغامرين الخمسة وك لبهم ( زنجر ) والشاويش فرقع إذا لم تخني الذاكرة بدأت السلسلة بـلغز ( الكوخ المحترق ) حليل المحطة الوسطى امدرمان والكتب والمجلات المتوفرة حولها وحول البوستة والسينماء الوطنية امدرمان الآن متردد أرجع أقراها ولا الواقع البقى يتفوق على الخيال حيخليها مسيخة وباهتة لا لون لها ولا طعم ولا رائحة تعلمت منها حب الاطلاع وأدمنت القصص البوليسية للفريد هتشكوك وأجاثا كريستي وقصص أرسين لوبين ثم اكتشفت نجيب محفوظ ، وإحسان عبد القدوس ، ويوسف السباعي إييييييييه كانت أيام ما أحلاااااها .
|
Post: #48
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-26-2012, 03:51 PM
Parent: #47
سنجاوي سلامات ...
كدي اقرأ ليك اتنين تلانه منهم الواحد بياخد عشره دقايق من وقتك ...
وارجع بالزمن لي ورا وأتذكر الزمن الجميل ...
ما. حتندم .... وبالله ترجع تقول لينا اتذكرت شنو ...
|
Post: #49
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: سيف الدولة كامل
Date: 11-27-2012, 01:36 AM
Parent: #48
سلامات يا يحييي ,,, وتحياتي للجميع
والله يا اخوانا يحيي أقدم من المغامرين الخمسة بسنين
وانا الشاهد علي ذلك ويدعم كلامي اخونا ابو الريش
انت يا يحيي من زمن طه القرشي في المستشفي وهبنقة
المغامرون الخمسة قريتها كبير يا دفعة ,,ونحن معاك .
والله يا يحيي من شهرين فتشت علي الالغاز ووجدها وخزنتها
في الكمبيوتر , كتب ممتعة للصغير والكبير ,,تشكر يا هندسة .
تقديري
|
Post: #51
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: Ridhaa
Date: 11-27-2012, 02:18 AM
Parent: #49
سلام لصاحب البوست وضيوفه الكرام ................. المؤلف محمود سالم كان غاشي الناس ..... السلسلة الحقيقية هي من تأليف كاتبة إنجليزية لقصص الاطفال إسمها إينيد بلايتون والسلسلة إسمها بالإنجليزي The Five Find-Outers أو المتحرون الخمسة وبدأت أول عدد منها بعنوان The Mystery of the Burnt Cottage أو
لغز الكوخ المحترق
نقل منها نقل مسطرة ولم يكلف نفسه أي إشارة لصاحبة المجهود الأصلية..
الرابط :
http://www.sudanforum.net/showthread.php?t=125099
|
Post: #52
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-27-2012, 02:22 AM
Parent: #49
Quote: أقول شنو؟ أنا زاتي أوّل مرة أسمع بالـ "مُشُك" ده ..... لمّا سألت عنو قالوا ياهو الشاي باللبن حق السمك .... وحتى قهوة السمك إسمها "بقنية" |
ضحكتني لامن داير اموت يا ابو الريش ... الله يجازى محنك ...
|
Post: #54
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: Ridhaa
Date: 11-27-2012, 02:25 AM
Parent: #52
|
Post: #55
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: Ridhaa
Date: 11-27-2012, 02:31 AM
Parent: #54
لغز الكوخ المحترق ( الأصلي ) ....
|
Post: #56
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: جميلة ابراهيم السيد
Date: 11-27-2012, 02:53 AM
Parent: #55
بوستك دة يا قباني مافي واحدة حتجي تقول ليك عندها ذكريات مع المغامرين الخمسة ..
دة بوست شرك هههههههههههههههههه
|
Post: #57
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-27-2012, 03:09 AM
Parent: #56
Quote: سلامات يا يحييي ,,, وتحياتي للجميع
والله يا اخوانا يحيي أقدم من المغامرين الخمسة بسنين
وانا الشاهد علي ذلك ويدعم كلامي اخونا ابو الريش
انت يا يحيي من زمن طه القرشي في المستشفي وهبنقة
المغامرون الخمسة قريتها كبير يا دفعة ,,ونحن معاك .
والله يا يحيي من شهرين فتشت علي الالغاز ووجدها وخزنتها
في الكمبيوتر , كتب ممتعة للصغير والكبير ,,تشكر يا هندسة .
تقديري |
سيف الدوله يا دفعه ...
والله اجمل زمن و انت شاهد علي ذلك العصر ...
بالله صحن الفول حق محمد طُبّيــــز ما زى الكباب فى زمننا القبيح ده ؟
لنا عوده لاجترار ذكريات الزمن الجميل ...
|
Post: #58
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: سيف الدولة كامل
Date: 11-27-2012, 04:04 AM
Parent: #57
Quote: بالله صحن الفول حق محمد طُبّيــــز ما زى الكباب فى زمننا القبيح ده ؟ |
سلامات يا يحيي ,,,
اخر زيارة للسودان قابلت محمد طبيز والله يا يحيي ما شاء الله
يا هو طبيز القبل 40 سنة ما اتغير ,بس اتصوف وبقي درويش
ربنا يمتعه بالصحة والعافية , فعلا زمن جميل وحليل باسطة
عبد السيد نتلب بالحيطة يا دفعة عشان قطعة الباسطة بقرش .
طبعا في ناس تانين كانوا بتلبوا وبمشوا شرقا بنعرفهم من الريحة .
مودتي
|
Post: #59
Title: Re: ألغاز المغامرون الخمسة - هدية لناس ابوالريش و سيف الدوله وكل اعمام
Author: يحي قباني
Date: 11-27-2012, 04:28 AM
Parent: #58
[QUOTE ]بوستك دة يا قباني مافي واحدة حتجي تقول ليك عندها ذكريات مع المغامرين الخمسة ..
دة بوست شرك هههههههههههههههههه
|
قصدك ناس منو ؟؟؟
|