Post: #2
Title: Re: مرض سوداني شهير (الظهور بمظهر العارف و المطلّع على كل شيء)
Author: الامين موسى البشاري
Date: 11-24-2012, 11:49 AM
Parent: #1
حمانا الله وأياكم شر مرض العارف بالله ربيــــع العاطي والمطلع على كل شئ
|
Post: #3
Title: Re: مرض سوداني شهير (الظهور بمظهر العارف و المطلّع على كل شيء)
Author: الشيخ سيد أحمد
Date: 11-24-2012, 11:55 AM
Parent: #1
Quote: المطلّع على البورد في اليومين الفاتو يبدو له جليّا استفحال المرض دا و انتشاره و سودانيته
|
تحياتي ..ود البشرى
مشكور على اثارة الامر..واحد من عيوبنا الكبيره.
كامل الود.
|
Post: #4
Title: Re: مرض سوداني شهير (الظهور بمظهر العارف و المطلّع على كل شيء)
Author: محمد عمر الفكي
Date: 11-24-2012, 01:24 PM
Parent: #3
يا جرير
اما زلت في ضلالك القديم؟ 
الواحد يغيب سنة يجي يلقاك في حالك ويلقى ود البشاري في خطراتك
للعلم
نحن بنعرف ومطلعين على كل شئ الا الغيب بس !!! عجبك؟
والله داير افتح ليكم بوست عن الاجازة في السودان لكن خايف ناذر يزعل
|
Post: #5
Title: Re: مرض سوداني شهير (الظهور بمظهر العارف و المطلّع على كل شيء)
Author: الصادق صديق سلمان
Date: 11-24-2012, 01:40 PM
Parent: #4
محمد عمر الفكي
| Quote: والله داير افتح ليكم بوست عن الاجازة في السودان لكن خايف ناذر يزعل |
يا خوي ناذر كان زعلان ما يزعلي نحن نعمل ليهو شنو؟؟
|
Post: #6
Title: Re: مرض سوداني شهير (الظهور بمظهر العارف و المطلّع على كل شيء)
Author: سيف النصر محي الدين
Date: 11-24-2012, 07:36 PM
Parent: #5
سلامات يا ود البشرى
كلام مدثر ده تبسيط مخل للموضوع. يعني معقولة زول كان مستشار للرئيس و حاليا مستشار لوزير الاعلام و مجال عمله الاعلام
و قيادي في حزب المؤتمر الوطني و كوز قديم من سنة حفروا البحر، و متصدي لمسألة القنوات الفضائية العربية، معقولة زول زي
ده يقول كلام ساي و دافعه فقط هو ما اسماه مدثر و وافقته انت عليه (الظهور بمظهر..الخ) ؟؟
يعني كان ده ما عارف و متابع العارف منو؟
في رأيي القصة كلها ستتضح و تنكشف تفاصيلها في الايام القادمات يا عملات الكيزان.
|
Post: #7
Title: Re: مرض سوداني شهير (الظهور بمظهر العارف و المطلّع على كل شيء)
Author: Balla Musa
Date: 11-24-2012, 08:09 PM
سلام يامحمد البشرى
ياخى المنبر والعمل السياسى عموما فى السودان زى لعبة اللوترى
لو ضربت معاك بترفعك فوق ماديا وإعلاميا
أكيد شفت الجماعة الضربت معاهم التخمينات
والآن يشار إليهم بالبنان بعد المحاولة الإنقلابية
زمان كنا فى مصر ساكن معانا الصحفى محمد فضل
سمعنا بإشاعات قفل ميناء بورتسودان وذلك بسبب تمرد سلاح البحرية
محمد المعتصم حاكم كان الناطق باسم التجمع أوصل الخبر لأمن الدولة المصرى
واتضح بعد ذلك أن الإشاعة طلعت من ناس الأمن فى السودان وقد كانوا بصدد إدخال أسلحة عبر الميناء
قام محمد فضل قال حا أوريكم حاكم دا مابتوب أصلو:
قام مسك التلفون وقال له:
ياحاكم قالوا اللواء عشرين فى مدنى تمرد (القصة مختلقة)
قام حاكم رد عليه:
ياخى الخبر عندنا ليهو يومين!!
بعدين لعب الحظ فى هذا المنبر ربما يوصلك بدون معلومات لقناة الجزيرة كما وصل الصحفى والناشط الحقوقى خضر الطيب..
وربما تكون عليم بمجريات الأمور وتتحقق توقعاتك كما حدث لهشام هبانى فى الإنقلاب الأخير.
زمان لما بديت سنة الإمتياز, وهى سنة لتدريب الطبيب فى المستشفى, أوصى أخصائى النساء والولادة أحد الأطباء السناير بتولى مهمة تدريبى ..
القاعدة التى انطلق منها هذا السنير فى تدريبى هى: دخل ايدك مع الجماعة وغالط,
|
Post: #8
Title: Re: مرض سوداني شهير (الظهور بمظهر العارف و المطلّع على كل شيء)
Author: د.نجاة محمود
Date: 11-26-2012, 01:37 AM
Parent: #7
محمد كيفنك نعلكم طيبين ومافي زولان ابا عشا
الحاجة الغريبة اكثر نحنا بنعرف اي حاجة موضوع تصحيق اي حاجة ذي الوثيقة بتاعة المقابر الجماعية
المنزلها الطوربيد اي زول جاي يعلق مصدقها مع انه ظاهرة انها مدسوسة ومزورة
وانه كاتبها زول اللغة العربية ما لغته الاولى وظاهر فيها انه عايز يبني كيس لكذبة
ما لكن المناضلين ديل بلغوا مخهم تماما لما تجي لاكاذيب
ضد الحكومة تحياتي
|
Post: #9
Title: Re: مرض سوداني شهير (الظهور بمظهر العارف و المطلّع على كل شيء)
Author: محمد البشرى الخضر
Date: 11-27-2012, 08:54 AM
Parent: #8
هلا بالشباب هلا و الله
ما شاء الله البورد اليومين الفاتو ما قصّر وفّر نماذج كويسة لأعراض المرض السوداني :)
جايها بالتحليل و جاي لتعليقاتكم
|
|