Post: #1 Title: بورداب الرياض يحتفون بالنجوم ..... Author: طارق ميرغني Date: 11-24-2012, 00:01 AM Parent: #0
احتفل مساء اليوم بورداب الرياض بالنجوم
امير الجمري
اخلاص صديق الموج
عادل جباره
بشفائهم والحمد لله
والنجوم
صبري طه
فاتن خالد المحرب والعريس العزيز صديق محمد السيد
وسن عمر " ود الباوقه "
مرتضي جلال الدين داوؤد " ابوجهينه "
بمناسبة الزواج
والحجاج طارق عبد اللطيف نقد ووالديه بمناسبة الحج
اللهم انعم عليهم جميعا بالصحة والعافية
وتقبل منهم ومنا صالح الدعاء
الذي اتم نعمته عليهم
انه سميع مجيب
Post: #2 Title: Re: بورداب الرياض يحتفون بالنجوم ..... Author: طارق ميرغني Date: 11-24-2012, 00:09 AM Parent: #1
في بداية الحفل تم توزيع الهدايا
للمحتفي بهم واتبعه فاصل غنائي اقتتطف منه ما استطعت تسجيله
مما قدمه الفنان جمال السنوسي
Post: #3 Title: Re: بورداب الرياض يحتفون بالنجوم ..... Author: طارق ميرغني Date: 11-24-2012, 00:12 AM Parent: #2
ارجو من صديقي الفنان عمران
ان يتحفنا بما استطاع ان بسجله بكاميرته
وغطي به الحفل مشكورا تغطية كاملة
Post: #4 Title: Re: بورداب الرياض يحتفون بالنجوم ..... Author: طارق جبريل Date: 11-24-2012, 01:11 AM Parent: #3
يا حبيب الزول الماسك المايك دة ما عسمتو ايدو هههههههههههههههههههههه
Post: #5 Title: Re: بورداب الرياض يحتفون بالنجوم ..... Author: أيمن دياب Date: 11-24-2012, 06:02 AM Parent: #4
Quote: يا حبيب الزول الماسك المايك دة ما عسمتو ايدو
ده حيدر ود عمك صديق الموج.. طبعا دي فقرة إضافية والعازف جمال صاحب صوت مميز وأصر عليه الجميع بأن يتحفنا بإحدى روائع الأستاذ مصطفى سيد أحمد
Post: #6 Title: Re: بورداب الرياض يحتفون بالنجوم ..... Author: ABUHUSSEIN Date: 11-24-2012, 06:06 AM Parent: #5
سلام يا هندسة .....
نجيكم بعدين المساء بي رواقة
علشان الحكي كتير ....
تحياتي و إحترامي
Post: #7 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 07:02 AM Parent: #6
يعني فاتتني فقرة جمال ونغمات الراحل مصطفى وعايزني أنزِل صور يا طارق ؟ ليه الخازوق ده
............... أجمل اللقطات دائماً هي لأطفالنــا الأحباء ربنا يغطي عليهم
حفيد الموج
جكيس شديد :) ، حفيدة شيخ العرب المحرب وعموري معتصم دفع الله
________________ أتمنى أن يعطيني الدوام فرصة لتحميل كل الصور خاصة وأنها كبيرة الحجم وتحتاج لبعض التعديل
Post: #8 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 07:26 AM Parent: #7
صحن ( ظلطة ) كما يسميها أهل نجد ، هدية لود جبرين ومافي صورة قراصة ، نوصفه ليكـ بس :)
________________ * قال مطر تحميكم اللمَة
Post: #9 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 07:30 AM Parent: #8
زعيم كيزان نجد وما جاورها ( يكبِر ) مرحباً بالأعضاء الجدد ممنياً نفسه بأن يكونو موالين :) ، التوقيت غير مناسب يا باوقيشن وسط الزنقات الحاصلة دي
Post: #10 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 07:48 AM Parent: #9
أمير الجمري الصهيوني بجوار الأخ اسماعيل عباس أفرحنا تواجدكـ بعد الفترة العصيبة التي مررت بها ، مرحبا بكـ يا صديق
الجمري طلب هذه الصورة بجوار ابن المرحوم عماد لكـ صادق الدعوات أخي عماد بمغفرة الله وأبشركـ بأن أسرتكـ الجميلة كان وسطنا ذكرناكـ بالخير وافتقدناكـ بحق
الجمري مُكرماً من لجنة بورداب الرياض
____________ ودعناكم الله لامن نرجع
Post: #11 Title: Re: بورداب الرياض يحتفون بالنجوم ..... Author: طارق ميرغني Date: 11-24-2012, 07:56 AM Parent: #7
اخي عمران
بجد فاتك فاصل غير عادي والجميل انه غير متوقع
الاخوه الفنانين ما قصروا كما عودونا دائما اخوتنا الياسرين الحفايا والعيلفون
لكن مفاجأه من العيار الثقيل فجرها العازف الفنان جمال السنوسي
بفاصل منتهي الروعه للفنان مصطفي سيد احمد
Post: #12 Title: Re: بورداب الرياض يحتفون بالنجوم ..... Author: Zomrawi Alweli Date: 11-24-2012, 08:10 AM Parent: #7
ياخي عشان نجيكم لكي اعرف هل المناسبة قايمة ولا ما قايمة وعشان اعرف الوكت اللازم للحضور وعشان اليوم يوم جمعة بتجو بدري ولا متأخرين اتصلت عدة مرات على هاتف الريس ابو جهينة .... لا يرد .. ولا يمكن حد شاغله يا ناس اتصلت على ابن عمي حمزاوي .... تغير تلفونه اتصلت على ابن العم هشام عباس ... لايمكن الاتصال بهذا الرقم وقلت يا ريت اليوم داك في حفل ابو عركي اخدت تلفون الاستاذ طارق ميرغني لانه جزء اصيل في هذه الاحتفالية
ولانني كنت بعيدا على الجهاز لم اتمكن من معرفة مكان الاستراحة فاتتني الفرصة وكنت حريصا على الحضور ودائما الحرص الشديد بجهجه الامور في النهايات عموما نزلوا الصور.. وتحياتنا للكل وخاستن المحتفى بهم صبري طه وصديقي امير الجمري
Post: #13 Title: Re: بورداب الرياض يحتفون بالنجوم ..... Author: صديق الموج Date: 11-24-2012, 08:33 AM Parent: #12
Quote: اتصلت عدة مرات على هاتف الريس ابو جهينة .... لا يرد .. ولا يمكن حد شاغله يا ناس اتصلت على ابن عمي حمزاوي .... تغير تلفونه اتصلت على ابن العم هشام عباس ... لايمكن الاتصال بهذا الرقم
زمراوى فاتك حفل القرن عشان تانى ما تتصل على ناس (روطانه سينما ) ديل الحفلة كانت مشفرة يا اللخو، يعنى كان جيت ما كنت حاتفهم شى يا الحبيب ولا واحد من المترجمين ممن ذكرت ما جاء ، امبارح حتى الناطقين بغير العربية الحضروا اللمة كانو من نوع بفهم رطانة لكن ما بعرف أرد ديك ( يعنى استقبال فقط) ود الصايم وطارق نقد لووووووول على جنبة كده: انا لى هسه محيرنى وليدات المحس والدناقله البقولو ليك بفهم لكن ما بعرف أرد بالرطانة ديل؟؟
Post: #14 Title: Re: بورداب الرياض يحتفون بالنجوم ..... Author: صديق الموج Date: 11-24-2012, 08:43 AM Parent: #13
حفيد الموج
عمران الزمن العلينا ده سكرك بقى كعب خلاس !! لووووووول حفيد الموج شنو ياخى ؟ ده محمد اصغر وليداتى تقول حفيد الموج؟ وكان مغالطنى اساله هو عن اسمه كان ما قال ليك محمد صديق الموج عالم حاسدة بشكلللللللللللللللللللل!!! يا اخوى على طريقة ناس ود الباوقة جزاك الله خير صورك دى ما دايرنها،،،
Post: #16 Title: Re: بورداب الرياض يحتفون بالنجوم ..... Author: ناصر المحسى Date: 11-24-2012, 08:50 AM Parent: #14
والله ناس الرياض ناس حاقدين
جلست 20 سنة ما شوفت لهم لمة
بعدما نطلع تعملو لمات وحفلات
بيجيكم تانى واشوف
Post: #15 Title: Re: بورداب الرياض يحتفون بالنجوم ..... Author: Zomrawi Alweli Date: 11-24-2012, 08:47 AM Parent: #13
Quote: زمراوى فاتك حفل القرن عشان تانى ما تتصل على ناس (روطانه سينما ) ديل الحفلة كانت مشفرة يا اللخو، يعنى كان جيت ما كنت حاتفهم شى يا الحبيب ولا واحد من المترجمين ممن ذكرت ما جاء ، امبارح حتى الناطقين بغير العربية الحضروا اللمة كانو من نوع بفهم رطانة لكن ما بعرف أرد ديك ( يعنى استقبال فقط) ود الصايم وطارق نقد لووووووول على جنبة كده: انا لى هسه محيرنى وليدات المحس والدناقله البقولو ليك بفهم لكن ما بعرف أرد بالرطانة ديل؟؟
ود الموج يعني كويس الماحضرنا لانو جنس العربي الليلكم (حلوة الليلكم دي؟؟) ما قاعد افهموا صدقني وكيف الريس جهينة ماجاء وهو مشارك رو متيريال ياربي برات البلاد ولا شنو وطيب طارق ميرغني ما قال نصو عربي ونصو دنقلاوي والجمري كذلك
اخير ليك يا ود الموج اتلم في واحدة من العرقيات النوبية (محسية دنقلاوية) لانو يوم الفرز لمن يجي حتبقى بدون ولن نرحم من لم يكن معنا
تعلم الوليدات المحس والدناقلة (تايوانيين ) ولكن بمجرد وصولهم البلد وفي خمسطاشر يوم يرجع بكل مفردات اللغة النوبية لانها لغة مخزنة في الجينات وليست لغة اكتساب مشكدا يا ود الصايم؟؟؟؟؟؟؟؟
Post: #18 Title: Re: بورداب الرياض يحتفون بالنجوم ..... Author: ياسر السر Date: 11-24-2012, 09:09 AM Parent: #15
الاخوه الأعزاء بورداب الرياض الجميلين كانت ليلة ما منظور مثيلا وفعلا نحن جماعة كنا وسهرنا على مهلنا ( الكلام ده طبعا بعرفو ود الموج ) من اجمل ليالي بورداب الرياض الخالدات فتلاقينا وتسالمنا وإنتشينا وإنطربنا حد الثمالة بس الواحد كان بيشتكي من نزلة حادة ولكن الحمد لله الامور مشت على ما يرام ... شكراً كثيرا بورداب الرياض الاوفياء شكراً جميلا السادة الضيوف والاخوه المنضمين حديثا لنا .. شكراً جزيلا اللجنة المنظمة بدون فرز نفر نفر .. شكراً جزيلاً الأخ الزميل الاستاذ ياسر الحلفاية وايضا شكرا جزيلا الاستاذ جمال السنوسي والاخ عبودي ساوند فقد عطرتو تلك الليلة الجميلة بتواجدكم معنا .. والتحية لكم جميعا لكل من شارك في قيام وإنجاح هذه الليلة الجميلة .. وإن شاء الله دائما تامين ولامين ..
في انتظار النقل الفوتوغرافي يا شباب ...
تحياتي : ياسر العيلفون
Post: #19 Title: Re: بورداب الرياض يحتفون بالنجوم ..... Author: أنور سيد ابراهيم Date: 11-24-2012, 09:10 AM Parent: #15
لكم الود العميق والمحبة الخالصة .. ادامكم الله فى خير وصحة وعافية ..أبــديــة
رغم حرصى الشديد جدا الذى كان للحضور والتعارف .. الاّ انها الاقدار والتى نؤمن بها
حيث ان زوجة جارنا رحلت الى الدار الاخرة .. رحمها الله واسكنها الجنة .. آمييين
ذلك هو الظرف الذى حال دون الحضور
ولكن العشم كبير فى ان نلتقى باذن الله فى ( لــمــّة ) قادمة
واتمنى ان تكونوا اتفقتم على اخرى ويكون فيها الجميع متواجدون
دمــتــم جميعا فى حفظ الله ورعايته
لكم كامل الود
Post: #20 Title: Re: بورداب الرياض يحتفون بالنجوم ..... Author: عبد الباقي الجيلي Date: 11-24-2012, 09:14 AM Parent: #15
ا
لتهاني للعرسان والحجاج ..
وحمداً على سلامة من أنعم الله عليهم بالشفاء ..
بالأمس كنا خارج الفورمة تماماً ...
تتعوض إن شاء الله يا شباب ...
Post: #21 Title: Re: بورداب الرياض يحتفون بالنجوم ..... Author: صلاح هاشم السعيد Date: 11-24-2012, 09:17 AM Parent: #15
فعلاً حفل القرن .. وجمال السنوسي شيء عجيب ..
Post: #17 Title: Re: بورداب الرياض يحتفون بالنجوم ..... Author: أيمن دياب Date: 11-24-2012, 09:07 AM Parent: #13
الحمد لله على نعمة شفاء الأخوان أمير الجمري وعادل جبارة.. وكفارة وسلامات للابنة إخلاص الموج.. ونتمنى لهم دوام الصحة وموفور العافية ونسأل الله أن يجعل ماضي آلامهم في ميزان حسناتهم.. وألف مبروك للعرسان صبري طه ومرتضى جلال داود وفاتن المحرب ووسن بت الباوقة.. وحجاً مبروراً وذنباً مغفوراً للعم عبداللطيف نقد الله وحرمه المصون.. ولايفوت علينا الترحيب بالأعضاء الذين شرفونا للمرة الأولى.. ونتمنى أن يكون تواصلهم مستمراً في النشاطات القادمة.. الأخ الزبير بشير الأخ الباشمهندس وضاح عبدالرحمن الأخ مهدي صالح الأخ أمير الأخ عبدالمنعم الطيب.. وقد أعتذر عن الحضور الريس أبوجهينة والوجيه عبدالمنعم الزين لظروف خاصة بحمد لله كانت ليلة موسومة بالجمال طابعها الفرح وعنوانها المحبة.. توافد البورداب من بعد صلاة الجمعة إلى استراحة السلام.. بعد الغداء الذي كانت متنوعاً ودسماً وشاي المغربية ولقيمات الأخت عفاف أبوحريرة.. بدأ البرنامج بتلاوة من القرآن الكريم بصوت الأخ محمد الحسن عبدالمطلب.. وتلاه الزعيم ود الباوقة في كلمة البورداب رحب فيها بالحضور الكريم والمحتفى بهم.. بعد ذلك كانت الفقرة الرئيسية في الحفل.. بتكريم المحتفى بهم وتقديم هدايا عينية وبعد صلاة العشاء صدح فنان الحفل الأخ ياسر الحلفايا بأغنيات جميلة ألهبت حماس الحضور وأفقدت صديق الموج وقاره (أصلاً ما عندوش وقار).. ولم يقصر الأخ ياسر العيلفون حفيد الجاغريو ووريث أحمد المصطفى وتلميذ خلف الله حمد.. في المشاركة في الحفل بتقديم أغنيات السيرة والحماسة.. إن كان من شكر مستحق نقدمه للأخت الكريمة فتحية زوجة المرحوم عماد محمود.. فقد وقفت (على رجل واحدة) و(كفت الضيوف) حتى الذين حضروا متأخرين.. وهذا دأبها وعادتها في كل نشاط ومحفل وتجمع.. طبعا لن نقدم الشكر لسامية حامد وعفاف أبوحريرة وكريماتها.. لأنهم أهل الواجب وديمة معروفين بالهمة..
Post: #22 Title: Re: بورداب الرياض يحتفون بالنجوم ..... Author: أيمن دياب Date: 11-24-2012, 09:19 AM Parent: #17
Quote: الاخ الحـبـيـب الاســتــاذ / طـــارق مــيــرغــنــى الاخوان الا عــزّاء / ايــمـن ديــاب ود الـــبــاوقــة وجمــيــع بورداب الــريــاض لكم الود العميق والمحبة الخالصة .. ادامكم الله فى خير وصحة وعافية ..أبــديــة رغم حرصى الشديد جدا الذى كان للحضور والتعارف .. الاّ انها الاقدار والذى نؤمن بها حيث ان زوجة جارنا رحلت الى الدار الاخرة .. رحمها الله واسكنها الجنة .. آمييين ذلك هو الظرف الذى حال دون الحضور ولكن العشم كبير فى ان نلتقى باذن الله فى ( لــمــّة ) قادمة واتمنى ان تكونوا اتفقتم على اخرى ويكون فيها الجميع متواجدون دمــتــم جميعا فى حفظ الله ورعايته لكم كامل الود
الأخ الكريم أنور.. افتقدناك حقيقة ولو كنا نعرف رقم هاتفك لاتصلنا عليك.. أحسن الله عزاءكم وجبر كسركم وان شاء الله البركة فيكم.. وان شاء الله نشوفك في اللمات الجاية بإذن الله
Post: #25 Title: Re: بورداب الرياض يحتفون بالنجوم ..... Author: صديق الموج Date: 11-24-2012, 09:27 AM Parent: #22
Quote: وبعد صلاة العشاء صدح فنان الحفل الأخ ياسر الحلفايا بأغنيات جميلة ألهبت حماس الحضور وأفقدت صديق الموج وقاره (أصلاً ما عندوش وقار).. ولم يقصر الأخ ياسر العيلفون حفيد الجاغريو ووريث أحمد المصطفى وتلميذ خلف الله حمد.. في المشاركة في الحفل بتقديم أغنيات السيرة والحماسة..
ايمن دياب اختشى لوووووووووووووول بس ديل الفنانين القدموا وصلات غنائية؟ الله يجازى الكان السبب اسعد الريقى وادريس وزير الرى و ود البوش طارق نقد بالله دى طريقة دى ؟؟ طيب وين اخونا جمال السنوسى القالو جسد مصطفى سيد احمد؟ الزول ده يكون الهواء جايب ليه صوت فنان من استراحه تانى ياربى؟؟
Post: #27 Title: Re: بورداب الرياض يحتفون بالنجوم ..... Author: الامين موسى البشاري Date: 11-24-2012, 09:58 AM Parent: #17
Quote: ولايفوت علينا الترحيب بالأعضاء الذين شرفونا للمرة الأولى.. ونتمنى أن يكون تواصلهم مستمراً في النشاطات القادمة.. الأخ الزبير بشير الأخ الباشمهندس وضاح عبدالرحمن الأخ مهدي صالح الأخ أمير الأخ عبدالمنعم الطيب..
وعباس الدسيس
عضو جديد كامل الدسم يا ابو اليمن ياخ وبعدين إن شاء الله ما تنفعكم الكمونية والخيانات حســـاده ســـاي مني .. ..
____
يا ســـلام عليكم ياخ دوماً رائعين ومتألقين والكمونية بالهناء والشفاء ياخ يا رب يديم عليكم الافراح
Post: #23 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 09:21 AM Parent: #13
أهل الفن الأحباء ياسر الحلفايا ياسر العيلفون
جيب من جوَه
يعني كده برضـــو ؟
أيوااااااااااااااا
جميل جميل أطربتني ورب الكعبة
شنـــو ياخي حرقتنا بالفلاشات
Post: #24 Title: Re: بورداب الرياض يحتفون بالنجوم ..... Author: أيمن دياب Date: 11-24-2012, 09:27 AM Parent: #23
ياعمرااااان.. بالله صورة جدك شحرفاااان
Post: #26 Title: Re: بورداب الرياض يحتفون بالنجوم ..... Author: أيمن دياب Date: 11-24-2012, 09:30 AM Parent: #24
Quote: طبعا دي فقرة إضافية والعازف جمال صاحب صوت مميز وأصر عليه الجميع بأن يتحفنا بإحدى روائع الأستاذ مصطفى سيد أحمد
صديق الموج ياخي ظهرت عليك علامات الزهايمر والخرف المبكر حمانا الله.. انت ما شفت أول مداخلة لي في الموضوع.. قلنا فقرة إضافية وبناء على طلب الحضور.. يغني أغنيتين بس..
Post: #28 Title: Re: بورداب الرياض يحتفون بالنجوم ..... Author: اسعد الريفى Date: 11-24-2012, 09:59 AM Parent: #26
شكرا لكل البورداب ليلة من اجمل ليالى الرياض .. بالناس .. و اللمة .. و النفوس الطيبة شيلتونا شيل من الرياض للخرطوم لا طيارة و لا قطر و لا يحزنون .. خليتونا نعيش ليلة فى السودان ..كاملة الدسم كتر خيركم و ادآم افراحكم و أسعد أيامكم
Post: #29 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 10:00 AM Parent: #26
يبدو أن الزبدة فاتتني
Post: #30 Title: Re: بورداب الرياض يحتفون بالنجوم ..... Author: Khalid Saeed Date: 11-24-2012, 10:26 AM Parent: #29
حبايبنا البورداب ..
فعلا كانت ليلة من اجمل الليالي .. في الهجيج الأول مشترك صديق الموج مع شحرفان
فريق العرضة لم يكن مكتمل ، فقدنا كابتن البطاحين الأرباب خالد المحرب ( قالو من ما ربه دقنه عرضته فكت ) هههه وكان لاعب الوسط وصانع العرضات ود البوش ( مصاب ) مما اثر على ادائه تم استقدام لاعبين جدد ادوا اداء جيد ولكن نتمنى ان يتحسن ادائهم في المناسبات الجاية .
ونواصل
الأرباب
Post: #31 Title: Re: بورداب الرياض يحتفون بالنجوم ..... Author: ABUHUSSEIN Date: 11-24-2012, 10:30 AM Parent: #30
Quote: وعباس الدسيس
عضو جديد كامل الدسم
طلع ماسورة زيك .......
Post: #33 Title: Re: بورداب الرياض يحتفون بالنجوم ..... Author: وضاحة Date: 11-24-2012, 10:36 AM Parent: #31
ناس الثعودية
بالغتوا لكن مع الزول الشايل المايك علشان كده بقولوا عليكم مغتربين تعبانين
معقول بث هههههههههههه
وينوا ود عمى أرباب دار جعل
Post: #32 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 10:33 AM Parent: #29
قُعـــــــــــــــــــاد الحيشان والقرقراب قبل بدء البرامج ووصول الضيوف
Post: #34 Title: Re: بورداب الرياض يحتفون بالنجوم ..... Author: طارق ميرغني Date: 11-24-2012, 10:42 AM Parent: #29
Quote: الله يجازى الكان السبب اسعد الريقى وادريس وزير الرى و ود البوش طارق نقد بالله دى طريقة دى ؟؟
عمنا صديق الموج
بالفعل كان اسعد الريقي ما الريفي لانو نشف ريقنا
Post: #35 Title: Re: بورداب الرياض يحتفون بالنجوم ..... Author: عمران حسن صالح Date: 11-24-2012, 10:55 AM Parent: #34
هات أجمل تعليق وأكسب ليلة مع بورداب الرياض دون أن تدفع الـــ " شيرنغ " يُمنع مشاركــة من هم خارج ( الثعودية )
تمبس ما تعلق على صورنا دى انت مش رحت الاستراحه الجنبنا وعم تدبك مع الصبايا؟ صاح يا زميلة المنبر؟
Post: #39 Title: Re: بورداب الرياض يحتفون بالنجوم ..... Author: عباس الدسيس Date: 11-24-2012, 01:28 PM Parent: #37
Quote: طلع ماسورة زيك .......
ابوحسين سلامات يا حبيبنا للجميع سلام من بورداب الرياض سعيد جدا بتواجدي معاكم معرفة الاعزاء من بورداب الرياض رغم انو الواحد ما غريب علي جزء كبير الي وان الانضمام ليهم يشكل في حد ذاته اضافة ممتازة وجديده للحياة العامة وفعلا كانت لمة جميلة بتواجدكم والحفل رائع مع تعودنا لصوت الرائع ياسر السر (( العيلفون)) الي وان صوته مع سودانيز اون لاين فرق جزيل الشكر للمنظمين وحفاوة الاستقبال وامنياتنا ان تستمر الافراح.
Quote: انت مش رحت الاستراحه الجنبنا وعم تدبك مع الصبايا؟
صبايا ..؟ عليك الله صلاح شتات ومحمد الصايم صبايــا ..؟ الغريبة انو جا واحد (زلمـة) لقاني واقف بره قام وجه لي دعــوة لكن حظو سمح انا رفضته الدعوة لاني كنت لابس لي جلابيــة ..؟ حسع لو كنت خاشي لي في جينز .. والله كان تلقاني الليلة من الصباح فطرته ليك بالتبولة .. والمقالي ، والبابا غنوووج والزعتر .. قديتونا بي ام رقيقه والباميـة وملاح اللوبــة واي واحد يلاقيك يقوليك يا تمبس اتنفخته كدا وسمنته مااااالك ..؟ تقولي ما تعلق ..؟
Post: #44 Title: Re: بورداب الرياض يحتفون بالنجوم ..... Author: بله محمد الفاضل Date: 11-24-2012, 02:00 PM Parent: #40
جعل الله كل أيامكم أفراح
....
Post: #54 Title: Re: بورداب الرياض يحتفون بالنجوم ..... Author: يوسف السماني يوسف Date: 11-24-2012, 05:02 PM Parent: #40
ليلة أسرية رائعة امتدادا للروائع التي قدمها بورداب الرياض منذ تأسيس هذا الكيان وتوطيدا للأواصر الاجتماعية كانت ليلة البارحة تكريما لمن استحقوا التكريم من اسر بورداب الرياض وترحيباً بالبورداب الجدد الذين عطروا سوح الحفل بحضور أنيق وتفاعل رائع مع الحضور وزادوا الحفل بهاءً. التحية للحضور الأسري الجميل ولكل الأسر التي شكلت عماد كل عمل ناجح تم لبورداب الرياض فلهم الشكر وابد ا بأسرة ا لموج التي أضافت بهاء لليلة وأسرة عمران حسن صالح وأسرة معتصم دفع الله وأسرة المرحوم عماد وأسرة طارق نقد وأسرة ودالباوقة , وأسرة علاء الدين (تمبس) وأسرة ابوحسين , وأسرة ود الصايم وأسرة عادل جبارة وأسرة عبدا لمنعم الطيب (البوردابي الجديد) , وأسرة هاشم خلف الله , وأسرة عبدا لله الكنزي (من اصدقاء البورداب ) وأسرة يوسف السماني .
ومسك الختام الشكر اجزلة للفنان الرائع ياسر الحلفايا الذي امتنعا بروائع الغناء السوداني ولرفيق دربة جمال السنوي الذي صدح مدوزنا عصب الزمن الاشتر وللزميل الفنان الخلوق ياسر العيلفون الذي اثراء الحفل بالروائع وشارك زميلية .
وختام الشكر للجنة بورداب الرياض التي جعلت المستحيل ممكناً .
Post: #58 Title: Re: بورداب الرياض يحتفون بالنجوم ..... Author: عبدالمنعم الطيب حسن Date: 11-24-2012, 06:33 PM Parent: #40
سلامي للجميع وتحياتي تصل لكم كلكم ، فردا فردا... جيت بشعور الجديد على المكان والناس ، سرعان ما اندمجت وصرت كاني اقدم من طارق ميرغي ، الذي هو صديق قديم ويا ما ماخد سيكات مني ! ثم صديق الموج اعرفه منذ حضوري للرياض فالرجل بادبه وظرفه متمدد في الرياض بل هو الرجل الشعبي الاول في هذه المدينة المعطاة ... ثم معتصم دفع الله يقابلك عند الباب ، بابتسامة وكل ذوق الدنيا ولطفها ، والحكاية اتاريها ساهلة طالما في الاستقبال ناس بقامة وانسانية الاخ معتصم ، وعباس الدسيس الذي هو معرفة قديمة برضك وصديق لطيف ، والاخ الصديق نسيب شيخ البطانة خالد المحرب صديقي من زمان برضو، ................. لا يفارقك معتصم حتى يطمئن على دخولك واسرتك ، ويتحرك في اتجاهات الضيافة وكدة، قبال ما اقعد كويس اتى الاخ ابو حسين ، ومع سلامه الحميم يقدم طوالي الباسطة ونحن شعب يحب لذيذ الطعام ، ويحب الغناء جدا ، الغناء مدور والطعام مدور والصحبة المثقفة حولك ، يا سلام لمة ولا في الاحلام الموية والشاي ، وصبري طه بحلو حديثه يعطي الجلسة بعدها التالت ، واسماعيل عباس ، بالله لو في زول بعرف HOLLOLY صديقي من الزمن الجميل ذكرني بيه الاخ اسماعيل ، كنت اعتقد ان الناس بانسانية عالية زي دا خلاص انتهوا عاداستاذنا اسماعيل فطمنني انو الدنيا دي لسع بخير وبخشها ضوء ، القصة باختصار شكلة طفلين تفرغ لها اسماعيل تماما ورجع الطفلين اصدقاء ولعبوا الكرة سوا... ياخ السودان دا دائما عظيم ، والسوداني دا دائما اعظم من حكومته وظروفه ، له مقدرة عالية على ادهاشك ، شكرا اخوي اسماعيل، والارباب دا كمان ، مبدع وعراض وبشوش ، يا زول الناس دا كلها، البورداب ديل جميعا، والله التقول وسط اهلي ،التقول في واوسي عديل كدة، امتلات بالفرح وعشت واسرتي لحظات بهية من السعادة ، شكرا للجميع شكرا لكل من جعل هذا ممكنا، شكرا لكل الحضور البهاء ، شكرا لمن ضمني لكوكبة الروعة ، والرائعين ، شكرا خالد المحرب ، شكرا سيد الحوش الاخ بكري ابوبكر ...... وماشين في السكة نمد
ياالله .. ما شالله عليكم شيبا وشبابا .. الواحد كا بتمني يكون حاضر هذا المهرجان .. ونقول الف حمدلله علي سلامه حبيبنا امير الجمير والاخ عادل جبارة ونبارك الحج للحجاج .. ومية مليون مرحبا بزبائن سودانيز الجدد ... مع تمنياتنا لهم با اقامة سعيدة في هذا المكان الرائع اما اموج .. والباوقه .. ربنا يحفظ ليكم عياكم ويبارك فيها ..
Quote: صبايا ..؟ عليك الله صلاح شتات ومحمد الصايم صبايــا ..؟ الغريبة انو جا واحد (زلمـة) لقاني واقف بره قام وجه لي دعــوة لكن حظو سمح انا رفضته الدعوة لاني كنت لابس لي جلابيــة ..؟ حسع لو كنت خاشي لي في جينز .. والله كان تلقاني الليلة من الصباح فطرته ليك بالتبولة .. والمقالي ، والبابا غنوووج والزعتر .. قديتونا بي ام رقيقه والباميـة وملاح اللوبــة واي واحد يلاقيك يقوليك يا تمبس اتنفخته كدا وسمنته مااااالك ..؟ تقولي ما تعلق ..؟
ود الصايم كما عهدتك ما بتحب خراب البيوت ممكن تصحى لينا زميلة المنبر لو بتريد؟
Quote: يا حبيب الزول الماسك المايك دة ما عسمتو ايدو
براااااااهــو بفتش للعسيم.....!!!!
Post: #61 Title: Re: بورداب الرياض يحتفون بالنجوم ..... Author: عبدالمنعم الطيب حسن Date: 11-24-2012, 09:03 PM Parent: #59
Quote: دا شنو يا عبدالمنعم ......؟؟؟؟ خالد المحرب دا ما كان موجود بتشكروا على شنو ...؟؟؟ و بكري دا شيرنق ما دافع برضو بتشكروا ....؟؟؟
................. أبو حسين سلامات يا رجل يا كريم ، وسعدنا بمعرفتك ياامير ... خالد المحرب هو من رشحني وثنى لبكري لاكون هنا... وبكري سيد الحوش الفكرة .. وانتم اسياد الجود الكرم وتستحقون .....................
Post: #65 Title: Re: بورداب الرياض يحتفون بالنجوم ..... Author: إبراهيم عبد الحليم Date: 11-24-2012, 11:29 PM Parent: #64
جعل الله كل أيامكم أفراح
Post: #66 Title: Re: بورداب الرياض يحتفون بالنجوم ..... Author: صديق الموج Date: 11-25-2012, 03:20 AM Parent: #65
Quote: الخال ودقاسم تحياتي لك وللاسرة الكريم
افتقدناك كثيرا .
يوسف السمانى ود قاسم ده كمان شن طعمه لما تفقده؟؟بس!! عليه هو وحمزاوى... فاقدين خالتنا فوزية بزاف بزاف على راى المستلب طارق جبرين والله يا خالتو فوزية اشواق من هنا لاعندك يا بت القبائل،،،
Post: #67 Title: Re: بورداب الرياض يحتفون بالنجوم ..... Author: عمران حسن صالح Date: 11-25-2012, 06:46 AM Parent: #66
يا شباب متأسف للتأخير لأنو الصور كبيرة جداً وتحتاج إلى معالجة للتصغير وبعد ذلكـ الرفع إلى موقع تحميل للصور بحاول أسرق من زمن المكتب شويه الصبر
......................
جانب من تكريم الأحبــاء
.
Post: #68 Title: Re: بورداب الرياض يحتفون بالنجوم ..... Author: عبدالمنعم الزين Date: 11-25-2012, 07:19 AM Parent: #67
الاخوة الافاضل البورادب كلهم واحد واحد
السلام عليكم ورحمة الله وبركاته
والله انا سعيد جدا جدا لاني عرفت بحضور الاج الجمري ودا في حد ذاته خبر يفرح ويشرح الصدر ، حمد لله علي السلامة يااخوي وربنا يديك العافية وماتشوف شر .
كل الحضور والمتواجدين في يوم الجمعة ربنا يديكم العافيةويسعدنا بوجودكم دائما ، سبحان الله ربنا ماكتب نكون ضمن الحضور ، لكن بقلوبنا معاكم والله لانها لحظات يندم الانسان علي فواتها ...ربنا يحفظكم ويجعلكم دائما نموذج رائع للتواصل الانساني الجميل ..
اخوكم ود الزين
Post: #69 Title: Re: بورداب الرياض يحتفون بالنجوم ..... Author: محمد عبد الماجد الصايم Date: 11-25-2012, 07:24 AM Parent: #67
إضافة شروحات الصور:
صديق وفاتن خالد المحرب ـ بمناسبة الزواج
إخلاص صديق الموج ـ بمناسبة الشفاء
وسن عمر ود الباوقة ـ بمناسبة الزواج
عادل جبارة ـ بمناسبة الشفاء
صبري طه ـ بمناسبة الزواج
_ مبروكـ للجميع وربنا يديم الصحة والعافية والمحبة!!
+ جيب من جوووووه يا معلم
Post: #70 Title: Re: بورداب الرياض يحتفون بالنجوم ..... Author: omer osman Date: 11-25-2012, 07:30 AM Parent: #69
Quote: صبري طه ـ بمناسبة الزواج
هسي صبري بجي يغالطك ياودالصايم
يقول ليك : لا ما بمناسبة (الزواج) بمناسبة (العرس)
كااااااااااااااااااااك ..........
Post: #72 Title: Re: بورداب الرياض يحتفون بالنجوم ..... Author: إسماعيل وراق Date: 11-25-2012, 07:33 AM Parent: #70
ظروف حالت دون الإلتقاء بكم
تحياتي لكم...،،،
Post: #75 Title: Re: بورداب الرياض يحتفون بالنجوم ..... Author: صبري طه Date: 11-25-2012, 08:08 AM Parent: #70
Quote: هسي صبري بجي يغالطك ياودالصايم
يقول ليك : لا ما بمناسبة (الزواج) بمناسبة (العرس)
كدي هسّي حلّ لي المُشكلة دي .. وما بغالطك فيها
عقدت يوم 24 أبريل
ومُناسبة الزواج كانت يوم 10 مايو
أها يا جنابو إذا قرّرت أحتفل بي يوم زواجي .. أحتفل بي ياتو يوم من اليومين الفوق ديل ؟!
ــــــ المنطق عندي بيقول يوم العقد 24 أبريل .. والله أعلم
Post: #78 Title: Re: بورداب الرياض يحتفون بالنجوم ..... Author: omer osman Date: 11-25-2012, 08:24 AM Parent: #75
Quote: كدي هسّي حلّ لي المُشكلة دي .. وما بغالطك فيها
عقدت يوم 24 أبريل
ومُناسبة الزواج كانت يوم 10 مايو
أها يا جنابو إذا قرّرت أحتفل بي يوم زواجي .. أحتفل بي ياتو يوم من اليومين الفوق ديل ؟! ــــــ المنطق عندي بيقول يوم العقد 24 أبريل .. والله أعلم
ههههههههههههه .......
اها ياودالصايم جالك كلامي
طبعا ياصبري شرعاً الزواج هو يوم العقد يعني يوم 24 أبريل
لكن عرفاً عندنا في السودان الزواج هو يوم الحفلة يعني يوم 10 مايو
بس يوم 10 مايو بصادف ذكري يوم دخول قوات خليل امدرمان
تقوم انت تجمع (24+10) = 34 على 2 عشان تجيب المتوسط يطلع يوم 17
وتاني تجمع (ابريل + مايو) = (4+5) = 9 بالشهور
اذن تحتفل يوم 17 - 9 من كل سنة
Post: #80 Title: Re: بورداب الرياض يحتفون بالنجوم ..... Author: صبري طه Date: 11-25-2012, 08:38 AM Parent: #78
Quote: اذن تحتفل يوم 17 - 9 من كل سنة
على كل حال .. الحمد لله تاريخك دا ما صادف 11 سبتمبر
ــــــــــ وتأكّد أنّهم لم يأتوا لحوار
Post: #76 Title: Re: بورداب الرياض يحتفون بالنجوم ..... Author: صبري طه Date: 11-25-2012, 08:08 AM Parent: #70
مُكرر
Post: #71 Title: Re: بورداب الرياض يحتفون بالنجوم ..... Author: محمد عبد الماجد الصايم Date: 11-25-2012, 07:30 AM Parent: #69
الصورة دي فيها أغلب الموجودين على المنصة نعيدا ليكم تاني عشان نوضح الحضور على المسرح
من يمين الصورة إلى اليسار: طارق ميرغني ـ سامية حامد ـ حليمة عبد الرحمن عفاف أبو حريرة حيدر صديق الموج (ابحث عن فضولي ـ قاعد في الكرسي بين عفاف وأيمن) ثم أيمن دياب مع المايكـ ـ مصطفى شحرفان ـ إسماعيل عباس ود البوش (مختفي ورا صبري طه) ـ صبري طه بستلم في التكريم .. وأخيرا محمد الحسن عبد المطلب!
القاعد هناااااكـ عادل جبارة بصلّح في النضارة وفوق منو السماعة بتاعت (عبودي ساوند) .. ثم اللمبة في الحيطة!!
Post: #73 Title: Re: بورداب الرياض يحتفون بالنجوم ..... Author: وضاح عبدالرحمن جابر Date: 11-25-2012, 07:48 AM Parent: #71
Quote: من يمين الصورة إلى اليسار: طارق ميرغني ـ سامية حامد ـ حليمة عبد الرحمن عفاف أبو حريرة حيدر صديق الموج (ابحث عن فضولي ـ قاعد في الكرسي بين عفاف وأيمن) ثم أيمن دياب مع المايكـ ـ مصطفى شحرفان ـ إسماعيل عباس ود البوش (مختفي ورا صبري طه) ـ صبري طه بستلم في التكريم .. وأخيرا محمد الحسن عبد المطلب!
القاعد هناااااكـ عادل جبارة بصلّح في النضارة وفوق منو السماعة بتاعت (عبودي ساوند) .. ثم اللمبة في الحيطة!!
لسه ناقصة عاين كويس
Post: #77 Title: Re: بورداب الرياض يحتفون بالنجوم ..... Author: محمد عبد الماجد الصايم Date: 11-25-2012, 08:11 AM Parent: #73
Quote: لسه ناقصة عاين كويس
عالم حاقدة!! الولد ما عرفتو والله!
Post: #74 Title: Re: بورداب الرياض يحتفون بالنجوم ..... Author: صبري طه Date: 11-25-2012, 08:05 AM Parent: #71
Quote: ثم اللمبة في الحيطة!!
في أربعة لمبّات ...
تلاتة ظاهرات في الصورة .. وواحدة كانت بتشرب في الشيشة :)
Post: #79 Title: Re: بورداب الرياض يحتفون بالنجوم ..... Author: عبد اللطيف بكري أحمد Date: 11-25-2012, 08:28 AM Parent: #74
منورين كالعادة،،
ومبهجين كالعتاد ،،
ونتأسف على ضياع هذه السانحة لمعرفة البورداب الجدد عن كثب،،
شكراً للجميع ، وقلوبنا معكم والله ، ولكن كله من حسن الشايقي مرض لي في آخر لحظة فإضطريت أوديه المستشفى ،، وإتضح في النهاية إنو بتدلع ساي ضيع علينا لقاء واضح إنه كان مختلف،،
حسن الشايقي مطالب بتعويضي هذا الفرح !!
Post: #81 Title: Re: بورداب الرياض يحتفون بالنجوم ..... Author: عفاف أبو حريرة Date: 11-25-2012, 08:53 AM Parent: #79
العتب على النظر يا عفاف.. يعاد للمستشفى لإعادة عملية التصحيح.. ود الصايم انت عملية العيون دي عملتها في البطحا؟؟
Post: #84 Title: Re: بورداب الرياض يحتفون بالنجوم ..... Author: محمد عبد الماجد الصايم Date: 11-25-2012, 09:05 AM Parent: #82
أيمن .. كويس إنو السؤال كان واضح ومحدد
_ ست الناس الأربابة .. العتب ع النظر ياخ!!
Post: #83 Title: Re: بورداب الرياض يحتفون بالنجوم ..... Author: mahmed alhassan Date: 11-25-2012, 09:05 AM Parent: #74
حمــدا لله علي سلامة المحتفي بشفائهم الاعزاء أمير الجمري- عادل جبارة - اخلاص المـوج (نسـال الله لهم موفور الصحة العافية ) ونجـــدد التهنئة والتبريكات للمحتفي بزواجهم الاخ صبري--- وســن ودالباوقة - فاتن المحرب ( ربنا يبارك لهم ويسعدهم في الدارين ) االبورداب الجـــدد مرحب بهم اضافــة جديدة أو كما قال ود الباوقة . طارق ووالده العم نقــد تقبل الله حجهم _ اخيرا تحيــة خاصة للجنة بورداب الرياض كما عهدناهم الريس ابوجهينة الذي اعتزر عن الحضور لظروف وودالباوقــة الذي (ســد طاقته ) ويوسف السماني المتحدث اللبق والارباب خالد سعيد (نجم الصقريات ) ومعتصم دفع الله دينمو اللجنة ,والاخ أيمن دياب مقدم البرنامج والاخ الوقور اسماعيل عباس والاخوات الفضليات وكل الحضور من البورداب والضيوف الذين زينوا تلك الامسية بحضورهم البهي وتحية خاصة جدا لفاكهة اللمة صديق المــوج الذي نثر الفرح والبهجة لمن حوله وصديقنا وقريبنا مصطفي عثمان ولصاحب الكاميرا الانيقة ود أهلنا عمران صالح ودائما ملمومين في الافراح .
Post: #85 Title: Re: بورداب الرياض يحتفون بالنجوم ..... Author: إبراهيم عبد الحليم Date: 11-25-2012, 09:28 AM Parent: #83
Quote: الفنان ياسر الحلفايا
عشان كده رفع بكرى ابوبكر البوست عاليا
غايتو يا ياسر العيلفون يا الجدك الجاغريو واسرتك عميد الفن احمد المصطفى غير شوية يا صاحب وسمى روحك ياسر العيلفون - صنع خصيصا للحلفايا - لووووووول
Post: #86 Title: Re: بورداب الرياض يحتفون بالنجوم ..... Author: طارق ميرغني Date: 11-25-2012, 09:31 AM Parent: #83
Post: #89 Title: Re: بورداب الرياض يحتفون بالنجوم ..... Author: طارق جبريل Date: 11-25-2012, 10:12 AM Parent: #88
لمة بايخة جنس بوخ
Post: #90 Title: Re: بورداب الرياض يحتفون بالنجوم ..... Author: ismeil abbas Date: 11-25-2012, 10:59 AM Parent: #89
أخى طارق لك التحية.
Quote: لمة بايخة جنس بوخ
الله ما إستجاب دعاك بالمطرة بقيت تفلت. ياسلام لوكنت معانا كنت زدت الكون مسرة...تقديرى وإحترامى.
Post: #91 Title: Re: بورداب الرياض يحتفون بالنجوم ..... Author: عبدالمنعم العوض Date: 11-25-2012, 11:00 AM Parent: #89
اولا هنيئا لكم يا ناس الرياض ومبروك للعرسان وكفارة وحمدلة سلامة ومبروك للحجاج غايتو فاتتنا اللمة الجميلة دي والجايات اكتر من الرايحات صديق الموج وطارق ميرغني والاخوان ماتنسونا وتسوها براكم تاني
Post: #92 Title: Re: بورداب الرياض يحتفون بالنجوم ..... Author: ABUHUSSEIN Date: 11-25-2012, 11:11 AM Parent: #91
Quote: لمة بايخة جنس بوخ
برضو ما أبيخ منك ... عامل لي صلعتك الشينة دي...
ياخ ما تختانا ياخ .......
Post: #93 Title: Re: بورداب الرياض يحتفون بالنجوم ..... Author: طارق جبريل Date: 11-25-2012, 11:15 AM Parent: #92
اسماعيل عباس يا حبيب يا ريت والله نزوركم ياخي واكيد انا الكسبان
ابو الحسين دة كيسه فاضي ساكت لو عايزين نضغطوا بنرفع التليفون للداخلية والسجارة الفرحان بيها دي بيبلعها بعدين التقول هو خنفس
Post: #94 Title: Re: بورداب الرياض يحتفون بالنجوم ..... Author: عبدالوهاب علي الحاج Date: 11-25-2012, 11:32 AM Parent: #93
عليكم الله هسي زي ديل سايقنهم معاكم مالكم ؟ كمان نفسهم فاتحة .. قال بدخنوا قال ههههههههههههههههههههههههه
__________________________
Quote: ثم اللمبة في الحيطة
ود الصايم دا اصلو ما ممكن جادي !!
Post: #95 Title: Re: بورداب الرياض يحتفون بالنجوم ..... Author: omer osman Date: 11-25-2012, 11:39 AM Parent: #94
Quote: كمان نفسهم فاتحة .. قال بدخنوا قال ههههههههههههههههههههههههه
كابويات عديل ياعمك
Post: #96 Title: Re: بورداب الرياض يحتفون بالنجوم ..... Author: صديق الموج Date: 11-25-2012, 11:45 AM Parent: #94
Quote: عليكم الله هسي زي ديل سايقنهم معاكم مالكم ؟ كمان نفسهم فاتحة .. قال بدخنوا قال ههههههههههههههههههههههههه
وهبة الزول ده حضورو كان ضرورى ده عمو الموت لينا الخروف و قشروا لينا يعنى الخروف ده كنت داير ناس تمبس و معتصم الحناكيش ديل يقرصوهو لحدى ما يموت والا كيف؟
ابراهيم عبد الحليم الاستاذ الدكتور ياخ لينا زمن نفتش ليك وجيتنا الليلة ,,,, وين الحي بيك يا راجل طمنا عنك ,,,
يعني الواحد يسمي نفسو ياسر العيلفون الحلفاية علشان بكري ده يديهو نظرة ولا قصدك شنو هههههههههههههه ذكرتني بي واحد قالو اسمو حيدر بورتسودان نيالا ... ههههههههههههههههههههه تسلم يا شفيف ويا ريت لو كنت معانا ويا ريت لو بكري زاتو كان معانا فعلا لمة حلوة بالجد ..
تحياتي : ياسر العيلفون
Post: #104 Title: Re: بورداب الرياض يحتفون بالنجوم ..... Author: عمران حسن صالح Date: 11-25-2012, 12:59 PM Parent: #101
وزي ما بقولو أهل مصر سمَع هٌس.
خمسة وخميسة في عين الما يصلي ع النبي
Post: #105 Title: Re: بورداب الرياض يحتفون بالنجوم ..... Author: ismeil abbas Date: 11-25-2012, 01:38 PM Parent: #104
Quote: غيتوا محمد عندوا ضحكة عجيبة يوم بتخش ليه مصيبة فى خشموا دا ههههههههههه
Post: #106 Title: Re: بورداب الرياض يحتفون بالنجوم ..... Author: عادل جبارة Date: 11-25-2012, 03:02 PM Parent: #105
يا لله ... وأخيرا ... إنعدل اللاب توب !!!! من أمبارح .. أمشي وأجيهو راجع .. أشيل وأقرأ .. وما قادر أكتب المهم .. كل الكلام الكنت ناوي أقولوا راح مني .. وأرجو السماح
هذا الجزء اليسير الذي سمحت لي فيه ظروفي الصحية والأسرية أن أحضره .. كان كما الحلم وجوه باسمة .. وأحضان تلتقيك في دفء ومحبة .. هي هي لم يغيرها الزمان .. يا سلام!!! أخوة أعزاء وأحباء لم التقيهم منذ فترة وكنت بالجد سعيد بهم وبلقياهم .. وآخرون ألقاهم أول مرة يجعلونك أكثر سعادة وفرحة .. بورداب الرياض الجميلين ( ودي مخصوص عشان طارق جبريل ) شكرا لكم .. شكرا لهذا الحب والود الموصول .. فردا فردا وسآتيكم
Post: #127 Title: Re: بورداب الرياض يحتفون بالنجوم ..... Author: عادل جبارة Date: 11-26-2012, 03:06 PM Parent: #126
Quote: حبيبنا عادل جبارة الف الف سلامة ياخي
الله يسلمك أخي الحبيب طارق جبريل وليك وحشة والله
غيابي الطويل من المنبر طيلة العام الماضي بسبب آلالام الغضروف عافاكم الله .. وبعض المشاغل الأخرى وبحمد الله أجريت عملية حسنت الأمور كثيرا ولكن ربما تكون هناك عملية ثانية
اولا نشكر الباشمهندس بكري ابوبكر لانه جعل هذا ممكنا
الاخوان في اللجنة إسماعيل عباس ..معتصم دفع الله..ايمن دياب ديل قاموا بعمل جبار ليكون اليوم رائع مثل روعتهم وهم ما محتاجين مننا لشكر بس لازم نوفيهم حقهم وكل الاسر الجميلة اسرة خالد المحرب وعفاف ابو حريرة(يوم شكرك ما يجي يا حبيبة ) اسرة يوسف السماني والشكر خاص للاخت سارة برغم ظروف المرض إلا إنها ما قصرت ابدا حضرت وشاركت مشاركة فعالة اسرة معتصم واختنا مودة برضو كانت متوعكة شوية وبرضها ما قصرت اسرة المرحوم عماد محمود اختنا فتحية دائما متواجدة معانا وما بتقصر ابدا ام حسام اسرة عمر ود الباوقة والاخت سامية طبعا من اهم الركائز في لمات البورداب ومفروض نديها الدكتوراة الفخرية اسرة عمران حسن صالح وام محمد يديها الف عافية قراصة ولا اروع اسرة طارق نقد وكالعادة مشاركة فعالة وحضور انيق اسرةمحمد عبد الماجد الصايم واختنا ام روان ابدعت في ملاح السلج وشرفونا كتير بحضورهم وحضور زهراتهم الحلوات ربنا يحفظهم وما ننسى اختنا العزيزة الاستاذة حليمة عبد الرحمن وآخيرا وليس آخرا اسرة عمو صديق الموج وديل كانو فاكهة الحفل وزادونا بهاء والق وسعادة بالجد اسرة جميلة جدا ومبدعين شديد والشكر الكتير للانسان الجميل (النايم) مصطفى شحرفان) وبرضو لازم نشكر اسرة اخونا عادل جبارة لحضورهم الجميل واسرة الاخ عبد المنعم الطيب واسرة الاخ محمد البصيري واسرة الاستاذ هاشم خلف الله وديل حضور دائم وجميل وبالجد افتقدنا عدد من الاخوان والاخوات خاصة اختنا فوزية (مدام طارق ميرغني ) واختنا حياة (مدام إسماعيل عباس) واختنا سهام(مدام عبد الحليم التلب ليمو) ونشكر برضو الاخوات الشاركونا من البعد الاخت ايمان (مدام خالد سعيد) والاخت نايلة (مدام اخونا ود البوش)
وإن شاء الله ما اكون نسيت لي زول مع الزهايمر الحاصل ده
ونشكر كل الاعضاء الجدد غايتو انا إتعرفت على بعضهم
الاخ عباس الدسيس والاخ عبد المنعم الطيب والاخ امير محمد إدريس ضيف شرف البورداب وسعدت جدا بالتعرف عليهم والما إتعرفنا عليهم المرة دي نتعرف عليهم اللمة الجاية إن شاء الله والشكر لكل الحضور المميز والجميل وطبعا لازم نشكر نجوم حفلنا الرائع الاساتذة ياسر الحلفايا ياسر العيلفون والمبدع جمال السنوسي
Quote: وآخيرا وليس آخرا اسرة عمو صديق الموج وديل كانو فاكهة الحفل وزادونا بهاء والق وسعادة بالجد اسرة جميلة جدا ومبدعين شديد
سامية يا بت القبائل ..السلام من حاصف لا قاصف والله ابو حسين ده كان عنده حسنه واحده انه عرفنا بيك لكن عشانو هو و ود الباوقه والزول بتاع اصوات البورداب بالكمونيه داك انا اتبريت منهم بعد اتبريت منهم (التانيه من براية) وماشى اشوف لى زول يشلخنى لا وراء وكان ماتمبس وود الباوقه و ود الصائم كنت عايز ابقى هلالابى كمان لووووووووووول تسلمى يا حبيبه وان شاء الله دايماً ملمومين فى الفرح والسمح،،،
Quote: يار راااااااااااااااااااااااااجل ...... و الله شكلو كدا بعمل ليه في حاجة ما حلوة ... كدي عاين لي وشو كويس ...
دا أوسكار ما بعدو أوسكار
Post: #133 Title: Re: بورداب الرياض يحتفون بالنجوم ..... Author: وضاح عبدالرحمن جابر Date: 11-26-2012, 05:10 PM Parent: #132
Quote: وإن شاء الله ما اكون نسيت لي زول مع الزهايمر الحاصل ده
ونشكر كل الاعضاء الجدد غايتو انا إتعرفت على بعضهم
الاخ عباس الدسيس والاخ عبد المنعم الطيب والاخ امير محمد إدريس ضيف شرف البورداب وسعدت جدا بالتعرف عليهم والما إتعرفنا عليهم المرة دي نتعرف عليهم اللمة الجاية إن شاء الله
الاخ الغالي وضاح ما نسيتك والله بس ما كنت متاكدة انك موجود ولا لأ بعد ما كتبت المداخلة سالت عنك ابو حسين وقال لي ايوة كان موجود
لك العتبى حتى ترضى اخي العزيز
بس انتوا غلطانين مفروض كان تقيفوا صف وكل زول يقول إسمو عشان نعرفكم
Post: #140 Title: Re: بورداب الرياض يحتفون بالنجوم ..... Author: وضاح عبدالرحمن جابر Date: 11-27-2012, 06:01 AM Parent: #139
Quote: الاخ الغالي وضاح ما نسيتك والله بس ما كنت متاكدة انك موجود ولا لأ بعد ما كتبت المداخلة سالت عنك ابو حسين وقال لي ايوة كان موجود
لك العتبى حتى ترضى اخي العزيز
بس انتوا غلطانين مفروض كان تقيفوا صف وكل زول يقول إسمو عشان نعرفكم
يديك العافية انتى بس ما ركبت الاسم على الشكل اتقابلنا - وقت ابوحسين - بوزع فى البسبوسه وجيتى قلتى لى ملاحظه عن الحته دى ههههههههههههه
Post: #141 Title: Re: بورداب الرياض يحتفون بالنجوم ..... Author: عمران حسن صالح Date: 11-27-2012, 06:36 AM Parent: #129
Quote: اسرة عمران حسن صالح وام محمد يديها الف عافية قراصة ولا اروع
أها يا سامية والصلطة الصاحين ليها من ستة دي كيف ؟ قاليكـ مقطعة كمان
Post: #142 Title: Re: بورداب الرياض يحتفون بالنجوم ..... Author: عباس الدسيس Date: 11-27-2012, 07:14 AM Parent: #141
Quote: بس انتوا غلطانين مفروض كان تقيفوا صف وكل زول يقول إسمو عشان نعرفكم
الاستاذة سامية سلام هي لكن مع ود الموج وابوحسين في زول بقول بقم غير إكمدو ليك البسبوسه في خشمك وتسكت كمان ود الباوقه غير وانت قاعد معاهو امسك في ((اللهم صلي علي الحبيب)) في اي مقطع ونسة تصلي ما تعرف الكلام بخص الحبيب و ل غيرو لما بقينا زي المساطيل البخطب فيهم امام الجامع قال: كانت تخرج من بيتها بكامل زينتها عصرا كل ده عشان شنو !!!!!! عشان تقابل الحبيب المساطيل ردو بصوت واحد اللهم صلي علي الحبيب. سعيدين بمقابلتكم يا سامية المرة الجاية البرالمه بكونو اتدربو كويس
Post: #143 Title: Re: بورداب الرياض يحتفون بالنجوم ..... Author: ود الباوقة Date: 11-27-2012, 07:20 AM Parent: #142
غايتو انا النصيحة لي الله
بسبوسة او حسين وصلتني فتة عديل كدا
ودا واضح انو البورداب ديل بخمشو ساي
حتى لما رفعت لي قطعة نصها وقع في الصحن
مما جعل ابو حسين ممتعضا
يا اخ دي ما بيقسموها
اللهم في سري قلت ليهو
دي الفيها القسمة والنصيب
جاتني مقسومة براها
Post: #144 Title: Re: بورداب الرياض يحتفون بالنجوم ..... Author: عمران حسن صالح Date: 11-27-2012, 07:28 AM Parent: #143
يا أيمن دياب الصورة التحت تلخص موضوع الخراطيبن ديل ، ود الباوقة وود الموج عاملين زي المعارضة والحكومة يتباوسو ويغشونا بالصور هههههههههههههههه
هاكـ الملخص :
Post: #145 Title: Re: بورداب الرياض يحتفون بالنجوم ..... Author: ساميه حامد Date: 11-27-2012, 11:49 AM Parent: #144
Quote: الاستاذة سامية سلام هي لكن مع ود الموج وابوحسين في زول بقول بقم غير إكمدو ليك البسبوسه في خشمك وتسكت كمان ود الباوقه غير وانت قاعد معاهو امسك في ((اللهم صلي علي الحبيب))
الاخ عباس مرحب بيك تاني وتالت بين اسرتنا الجميلة وبالجد حضورك كان رائع ومشاركتك في الغناء كانت مميزة
بس انا من هسه بقول ليك الثلاثي المرح ده ابعد منو بعيد
ديل بدخلوك بحمد ويطلعوك بخوجلي وما ها تاخد منهم لا حق ولا باطل وبغطسوا حجرك
Post: #149 Title: Re: بورداب الرياض يحتفون بالنجوم ..... Author: وضاح عبدالرحمن جابر Date: 11-27-2012, 02:59 PM Parent: #148
