Post: #1
Title: الجمعة السوداء جمعة تخفيضات الأسعار في أمريكا
Author: Osman Musa
Date: 11-23-2012, 01:22 PM
آخر جمعة من شهر 11 من كل عام . هو يوم الكبسيبة العجيبة .
ده هو اليوم البتتفق فيه كل الشركات والمتاجر الكبيرة علي تخفيض الأسعار .
السنة دي في بعض المتاجر ما شايف كبسيبة زي زمان السبب شنو ؟
|
Post: #2
Title: Re: الجمعة السوداء جمعة تخفيضات الأسعار في أمريكا
Author: وضاحة
Date: 11-23-2012, 01:27 PM
Parent: #1
الناس بتكون مفلسة وخاصة بعد ساندى
يا عثمان ياخى الشركات دى الحاجات زاتوا البتنزلها فى السيل بتكون حاجات تعبانة وبكونوا عاوزين يتخلصوا منها
انت من ناس السيلات ولا شنو هههههههه
|
Post: #3
Title: Re: الجمعة السوداء جمعة تخفيضات الأسعار في أمريكا
Author: Mohieldein Siddig
Date: 11-23-2012, 02:33 PM
Parent: #2
سلام يا عثمان
ملاحظه فى مكانها فمثلا هنا فى شيكاغو لاحظت عدم الازدحام كما ان اغلب المحلات التى رايتها فتحت ابوابها منذ الساعه التاسعه مساء كما علمت من بعض الاصدقاء بان هناك محلات فتحت ابوابها منذ السادسه مساء بعكس السنوات الماضيه التى كانت ابواب المحال عادة ما تفتح عند منتصف الليل باستثناء محلات بيست باى التى كان اليوم بها ازدحام شديد طبعا لخصوصية بضائعها.
|
Post: #5
Title: Re: الجمعة السوداء جمعة تخفيضات الأسعار في أمريكا
Author: smart_ana2001
Date: 11-23-2012, 04:30 PM
Parent: #4
Quote:
الناس بتكون مفلسة وخاصة بعد ساندى
يا عثمان ياخى الشركات دى الحاجات زاتوا البتنزلها فى السيل بتكون حاجات تعبانة وبكونوا عاوزين يتخلصوا منها
انت من ناس السيلات ولا شنو هههههههه
(عدل بواسطة وضاحة on 23-11-2012, 12:28 PM) |
سلامات أخونا عثمان.... كل سنة بقول ح اصحي بردى السنة دى و امشي السوق. ما حصل لحدى الآن.
و ضاحة.... اذيك؟ يا ابنتي سيلات البلاك فرايدى دى برااااها.
فيها تليفزيونات 50 بوصة و بلي استيشن و اكس بوكس. أصلا السيلات دى ما للدلاقين و الكلام الفارغ. اغلبها إلكترونيات و عدة مطبخ و فرش النوع أبو 500 دولار كده.
اسمه البلاك فرايدى لانها الجمعة إلى بعد عيد الشكر اللي الناس بتبدا فيها موسم الشراء علي أصوله استعدادا للأعياد. يعني اليوم ده بيمثل بداية موسم الشراء. بلاك لانه في اليوم ده المحلات الكبيرة ( و علي حسب نظريات المحاسبة) بتكون شغالة بالأحمر. الأحمر هو اللون اللي بتتكتب بيه الخسائر. يعني المحلات بتكون خسرانة لحدى اليوم ده، إللي فيه ( من كترة الزبائن و الشراء) المحلات بتبدا تعمل أرباح و تكتب الأرقام بالأسود ( في المحاسبة لما يكون في أرباح بتتكتب بالأسود).
السيلات في اليوم ده محترمة لان المحلات يتفتكر أنها لو عملت سيلات كويسه و أعلنوا عنها الناس ح تجى و تتفرج و تشترى و رجلها ح تجي على المحل و يفضلوا يجوا لحدى نهاية موسم الأعياد.
في نظرية تانية في سبب التسمية و هى أن بوليس فيلادلفيا طلع الاسم بلاك لانه بيكون يوم زحمة جداً و شغل كتير ليها لانه الناس كلها في الأسواق.
و لناس أمريكا نقول happy shopping
|
Post: #6
Title: Re: الجمعة السوداء جمعة تخفيضات الأسعار في أمريكا
Author: د. ياسر عبد القادر
Date: 11-23-2012, 06:15 PM
Parent: #5
عثمان سلامات
ذهبت العام الماضي لشراء منتجات أبل....لقيت سيلها تعبان ...أي حاجة رخيصىة...إلا هي ...بس سمعت إنو الوولمارت و البست باي ...تخفيضاتهم تستحق...العام الماضي بعض الاصدقاء باتوا هناك
تحياتي
|
Post: #10
Title: Re: الجمعة السوداء جمعة تخفيضات الأسعار في أمريكا
Author: Osman Musa
Date: 11-25-2012, 03:50 AM
Parent: #4
عزيزنا ود شاموق
سلامات
وألف شكر علي متابعة الجمعة
|
Post: #8
Title: Re: الجمعة السوداء جمعة تخفيضات الأسعار في أمريكا
Author: Osman Musa
Date: 11-24-2012, 01:36 PM
Parent: #3
عزيزنا محيو
سلامات وكيفك مع شيكاغو
متابعين أخبار الفيلم ( نار شيكاغو ) الفيلم الجديد الحيكسر الدنيا زي ما قالوا .
السنة دي يا محيو شايف ناس كتار ما متكيفين للتخفيضات قالوا مافيش أي specials
والموضوع فيه دعاية أكثر من ما فيه تخفيض .
تحياتي
|
Post: #7
Title: Re: الجمعة السوداء جمعة تخفيضات الأسعار في أمريكا
Author: Osman Musa
Date: 11-24-2012, 03:57 AM
Parent: #2
بنتنا العزيزة وضاحة
سلامات
قلتي حاجات تعبانة ؟
وعايزين يتخلصوا منها ؟
الحاجات الزي دي ممكن تحصل في سوق خف الجمل .
في أمريكا المستهلك ده هو الكل في الكل . المستهلك عندو هيئة قوية لحمايتو .
وفي قوانين صعبة تساعد لحمايتو .
..
كلامك صاح عن ساندي . ساندي سبب شلل وتاخير برامج شركات كثيرة .
تحياتي وشكري
|
Post: #9
Title: Re: الجمعة السوداء جمعة تخفيضات الأسعار في أمريكا
Author: مهدي صلاح
Date: 11-24-2012, 08:14 PM
Parent: #7
يا اخوانا الحقوا التلفزيونات 50 بوصة ... انا خايف دي تكون آخر حبة ... لا حظوا التلفزيون برضو سمارت
المسلمات واقعين في شنطة اليد
وللصينيين فيما يعشقون مذاهب
ما قلتا ليكم الشاشات كلها اتلقطت
الكبسيبة دي في شنو؟ اللابس قميص احمر الظاهر عليهو مدمن شراء من السيلات ..بيقلّب وحياخد اي حاجة تطلع ليهو ...
|
|