Post: #1
Title: واخيرا .. دخل صلاح قوش بيوت الاشباح ؟!!
Author: دينا خالد
Date: 11-23-2012, 05:59 AM
حقو المعارضة تطالب وفورا بالكشف عن اماكن المعتقلين
والتاكد من سلامتهم ... كواجب اخلاقى ملح فى هذا الظرف ..
ـــــــــــــــــــــــــــــــ
الشماته ملحوقة .. لكن حقو يتاكد الجميع ان صلاح قوش لم يعلق فى المروحة بعد
غير انو المروحة ح تتكسر .. الكلام دا ما صاح ..
|
Post: #2
Title: Re: واخيرا .. دخل صلاح قوش بيوت الاشباح ؟!!
Author: دينا خالد
Date: 11-23-2012, 06:10 AM
Parent: #1
الضرب بالخراطيش لانتزاع الاعترافات عملية مهينة وغير انسانية
التهديد بالاغتصاب عملية بائسة وتفتقد للرجوله ...
الاهانات اللفظية والشتايم افظع من التعذيب المادى ...
ــــــــــــــــــــــــــــــ
اكفلوا للرجل الحق الذى حرمه هو للجميع ,,,
الرجل الذى اقترف الانتهاكات حتى اصبحت ملازمه لاسمه ..
|
Post: #3
Title: Re: واخيرا .. دخل صلاح قوش بيوت الاشباح ؟!!
Author: دينا خالد
Date: 11-23-2012, 06:15 AM
Parent: #2
مصر يمة يا بهيه .. يا ام طرحة و جلابية
الزمن شاب و أنت شابه .. هو رايح و انتى جايه
جايه فوق الصعب ماشية
فات عليكى ليل و ميه
واحتمالك هوهو و ابتسامتك هي هي
تضحكي للصبح يصبح
بعد ليله و مغربيه
تطلع الشمس تلاقيكى مع########ية و صبية
يا بهية
ـــــــــــــــــــــــــ
رحمة الله على الشيخ امام
|
Post: #4
Title: Re: واخيرا .. دخل صلاح قوش بيوت الاشباح ؟!!
Author: Kostawi
Date: 11-23-2012, 06:27 AM
Parent: #3
قوش يطير
نحن عايزين القطط السمينة
جماعة القصر و المنشية
|
Post: #5
Title: Re: واخيرا .. دخل صلاح قوش بيوت الاشباح ؟!!
Author: Ahmed musa
Date: 11-23-2012, 06:33 AM
Parent: #4
الوكت بالتستنزفوا المعارضة في تتبع احوال الحكومة
لو انفقت تنو بتاع ميراث المرة داك على برنامج لاسقاطها لسقطت
الحكومة عندها قدرة عالية على تسيير امورها وامور المعارضة
وبتحدد حتى الموضوعات الواجبة النقاس وكيفية نقاشها ..!!!
دمتي دينا اختي
..دمت كوستاوى اخوي
|
Post: #6
Title: Re: واخيرا .. دخل صلاح قوش بيوت الاشباح ؟!!
Author: ABDELMAGID ABDELMAGID
Date: 11-23-2012, 06:40 AM
Parent: #5
Quote: الوكت بالتستنزفوا المعارضة في تتبع احوال الحكومة
لو انفقت تنو بتاع ميراث المرة داك على برنامج لاسقاطها لسقطت
الحكومة عندها قدرة عالية على تسيير امورها وامور المعارضة
وبتحدد حتى الموضوعات الواجبة النقاس وكيفية نقاشها ..!!! |
WELL SAID
THANX Mr. AHMED MUSA
|
Post: #7
Title: Re: واخيرا .. دخل صلاح قوش بيوت الاشباح ؟!!
Author: نجلاء قرافي
Date: 11-23-2012, 08:04 AM
Parent: #6
Quote: الضرب بالخراطيش لانتزاع الاعترافات عملية مهينة وغير انسانية
التهديد بالاغتصاب عملية بائسة وتفتقد للرجوله ...
الاهانات اللفظية والشتايم افظع من التعذيب المعنوى ... |
دا منو الحيعملو ليهو كدا انتي والله تاريك طيبانه يابنية
|
Post: #8
Title: Re: واخيرا .. دخل صلاح قوش بيوت الاشباح ؟!!
Author: عادل الباهي عبدالرازق
Date: 11-23-2012, 08:11 AM
Parent: #7
دينا سلام
أدعوا لاخوكم قوش بكل انواع العذاب وان يشرب من نفس
الكأس الذي سقي منه معارضية فأنه الان يسأل .
يمهل ولا يهمل
|
Post: #9
Title: Re: واخيرا .. دخل صلاح قوش بيوت الاشباح ؟!!
Author: محمد طه نوح
Date: 11-23-2012, 08:17 AM
Parent: #8
سلامات دنيا
هل 19 يوليو 1971 سوف تتكرار في 2012
|
Post: #10
Title: Re: واخيرا .. دخل صلاح قوش بيوت الاشباح ؟!!
Author: بدر الدين الأمير
Date: 11-23-2012, 08:25 AM
Parent: #8
دينا خالد
مالك بقيتى تجليى شوت الكورنة
( قال الكلاكة قال)
|
Post: #11
Title: Re: واخيرا .. دخل صلاح قوش بيوت الاشباح ؟!!
Author: محمد حيدر المشرف
Date: 11-23-2012, 08:33 AM
Parent: #10
بدرالدين ..
دينا حريفه وعارفه بتكتب فى شنو ؟!
وكمان بتكتبو بى مزاج عالى ..
فتحسس كورتك انت يا صديقى ..
|
Post: #12
Title: Re: واخيرا .. دخل صلاح قوش بيوت الاشباح ؟!!
Author: بدر الدين الأمير
Date: 11-23-2012, 09:13 AM
Parent: #11
Quote: فتحسس كورتك انت يا صديقى ..
|
قصدك ياصاحبى
انى ما اتشوبر ... اها سكت
لحدى ماتطلع دينا خالد ضمن فريق محامى الدفاع
عن قوش ...
|
Post: #13
Title: Re: واخيرا .. دخل صلاح قوش بيوت الاشباح ؟!!
Author: Elmosley
Date: 11-23-2012, 09:14 AM
Parent: #3
اولا التسوي كريت تلقاهو في جلدها
ثانيا
| Quote: واحتمالك هوهو و ابتسامتك هي هي |
دي مسروقه من الريده لسع هي هي
ههههههههه
|
Post: #14
Title: Re: واخيرا .. دخل صلاح قوش بيوت الاشباح ؟!!
Author: Rihab Khalifa
Date: 11-23-2012, 10:04 AM
Parent: #13
ده كلام صحيح يا دينا ميه المية.
|
Post: #15
Title: Re: واخيرا .. دخل صلاح قوش بيوت الاشباح ؟!!
Author: قيقراوي
Date: 11-23-2012, 10:17 AM
Parent: #14
دينا كورتا فكت
-------
من زمااااااان
|
Post: #16
Title: Re: واخيرا .. دخل صلاح قوش بيوت الاشباح ؟!!
Author: هيثم طه
Date: 11-23-2012, 10:30 AM
Parent: #15
Quote: الشماته ملحوقة
لكن حقو يتاكد الجميع ان صلاح قوش لم يعلق فى المروحة بعد
غير انو المروحة ح تتكسر .. الكلام دا ما صاح .. |
أشمت ما قيل في الشماتة !!
ما خليتي حاجة تتلحق !
سلامات دينا
|
Post: #17
Title: Re: واخيرا .. دخل صلاح قوش بيوت الاشباح ؟!!
Author: محمد البشرى الخضر
Date: 11-23-2012, 10:47 AM
Parent: #16
تقصدي اي معارضة يا دينا ؟ الاحزاب و لا صفحات الفيس بوك ناس اطلقوا سراح ومعا لأجل ونتضامن وشنو ما عارف
كان الأولى فديل أبدا ما(حقو) ولا حاجة طالما ما طالبوا باطلاق سراح جليلة خميس و غيرها من ضحايا قوش اليحشوا خشومن قش و يواصلوا نوم العسل فقوش و صحبه ليسوا بأكرم وأحق و أكثر انسانية من جليلة وغيرها
وكان لناس الفيس بووك فا بطريقتم اصلوا كدا كدا حدهم الفيس بوك
|
Post: #18
Title: Re: واخيرا .. دخل صلاح قوش بيوت الاشباح ؟!!
Author: Raja
Date: 11-23-2012, 11:50 AM
Parent: #17
دينا صباحو ابيض.... جايييك
ــــ
ود البشرى سلامات. بختلف معاك سبعمية المية في إستخفافك بدور الفيس بوك وبقية الشبكات الإجتماعية.
لو عايز تقلل من شأن المعارضة ده حقك. ويتفق معاك كتيريين. لكن شبكات التواصل الإجتماعي وبالرغم من إقتصارها على مستخدمي الإنتر نت فقط وبعدها من (حليمة وآدم) في معسكرات النزوح. إلا أن كثير من النشطاء تمكًن من إيصال صوتهم وجراحاتهم للعالم أجمع. وجعل الحكومات (أعتى الحكومات مش بتاعتنا الخـيـخـة دي) تخاف وتعمل ألف حساب وتؤسس جيشا الكترونيا (حصل ولا ما حصل)؟
ــــ
يا دينا العدالة لا تتجزأ. والإنسانية حق لهذا الـ قوش مثلها للعالية جليلة خميس (للأسف.. ودي مصيبة الديموقراطية) يستفيدون منها وينتهكونها..
لكني أدعو الله أن يخفس به وبكل كـلـب من كـلابـه الأرض. وأن يذوقوا من نفس الكأس التي طالما سقوها لأبناء هذا البلد الكان آمن.
(اليوم الجمعة وإن شاء الله ابواب السما تكون مفتوحة طول اليوم)
happy Friday
|
Post: #19
Title: Re: واخيرا .. دخل صلاح قوش بيوت الاشباح ؟!!
Author: محمد البشرى الخضر
Date: 11-23-2012, 12:43 PM
Parent: #18
وعليكم السلام يا راجا يا بت العباسي
ا نا ما استخفيت بدور الفيس بوك بل على العكس قريتو على حقيقته وكما هو , الفيس بووك حدو الفيس بووك
خرتمية صفحة و تضامن وتوقيعات طالما حدها الفيس بووك ما ح تغير على ارض الواقع حاجة, لو اكتفوا اعضاء صفحة خالد سعيد و ستة ابريل بالفسبكة كان جمال مبارك اسي بقى ولي العهد على اقل تقدير لو ما استلمها عديل
لكنهم تخطوا حدود الفيس بووك ونزلوا لأرض الواقع ودا الفرق
بالنسبة لحكاية توصيل الصوت للعالم يا راجا دا كلام ني, العالم شايف وعارف لكن حاكماه مصالحه وإلا كم الدماء التي تسيل و تسفك في غزة و سوريا ودارفور من قبلهم ما محتاج فيس بوك عشان يصل للعالم
دا رأي سابق في مسالة توصيل الصوت للعالم كان في شكل تسائل عن وماذا إن إنتفضت كلورادو - مرةً أخرى !
|
Post: #20
Title: Re: واخيرا .. دخل صلاح قوش بيوت الاشباح ؟!!
Author: Rihab Khalifa
Date: 11-26-2012, 07:48 AM
Parent: #19
الفيس بووك حدو الفيس بووك خرتمية صفحة و تضامن وتوقيعات طالما حدها الفيس بووك ما ح تغير على ارض الواقع حاجة
محمد البشري
*****************************
سلام يا محمد البشري
اتفق مع رجاء، الفيسبوك ما حدو الفيسبوك حتي و ان لم نري تغييرات ملموسة سريعة و في الشارع
التغيير المطلوب، ما تغيير انه تتغير السلطة الحاكمة و بس
التغيير الامثل المطلوب في نظري هو مرتبط بتغيير مفاهيمنا احنا و فهمنا لحقوقنا و واجباتنا، و هنا لا يمكن انكار دور الفيسبوك
اهو ممكن يجيك واحد يقول ليك، و اهو في مصر ثرنا علي مبارك و طلعنا ثورة الفيسبوك بره للشارع و لكن هل ده تغيير؟
معقول ما شايف للفيسبوك دور يا محمد في تغيير فهم الناس؟ في طرح قضايا؟ في تبنيها و لو بتزييل قائمة بامضاء اسمك؟
انا القدامك دي و البقضي فيه وقت محدود فهمت اشياء كثيرة عن حقوقي وواجباتي من قضاء وقت اسفيري و لو محدود مع ناس مختلفة، كان في الفيسبوك و كان في سودانيز او اي مكان اسفيري خالص
|
|