يا جماعة أبوى وخالتى ماتوا بالسرطان .. الحاصل شنو فى البلد؟؟

الله يرحمهم


وناس الحلة

فلان.عندة سرطان الله يعافية. وعلان. سافر الأردن علشان يتعالج من المرض اللعين

وقباال شهر جانى خبر صديق عزيز برضو إصابة نفس المرض وحكاوى. جد كثيرة

الحاصل شنو فى السودان ولية المرض دة تفشى فى السودان بالشكل دة والأسباب. شنو

رحمهم الله رحمة واسعه وربنا يشفي المرضي

هشام أمين
سلام

أنت أثرت موضوع أخطر من البندقية الحايمة دى, وأتمنى من أطباء المنبر والعاملين فى الحقل الطبى يفتونا فى الموضوع..
ولكن على حسب معلوماتى البسيطة فى الموضوع دا و بالنسبة لشمال السودان , لما الحكومة باعت وآدى حلفا وهجرت المواطنين وسكنتهم فى بيوت جاهزة.
أتضح أصابة المواطنين بالسرطان بشكل يكاد يكون جماعى.والسبب هو أنو البيوت الجاهزة تم بنائها بالاسبستوس. والاسبتوس مادة مسببة للسرطان.
يعنى عندك فى كندا اذا البيت اتبنى بالاسبتوس تكون هندسة البيت فى منتهى الدقة ويغلف الاسبتوس بمواد عازلة .ولو جيت تشترى البيت دا أو تأجره بيعملوا ليك orientation ويوضحوا ليك أهمية أنك تعالج أى ثقب فى الجدار مهما كان بسيط حتى يتم ترميم الثقب.
ثانيا فى كادقلى فى العام الماضى قامت لجنة الصحة فى البرلمان بارسال وفد من الاطباء للفحص العشوائى على المواطنين لمدة اسبوع واحد. فى الاسبوع دا كانت ملاحظة الاطباء أنه حالات السرطان منتشرة بشكل وبائى ويجب أن تقوم الحكومة بالتصدى للامر. الشاهد أنه البحث عن اليورانيوم بيتم بشكل عشوائى فى الولاية, والمسألة دى تسببت فى الاشاعradio active ودا مسبب رئيسى للسرطان خاصة وأنه بيدخل فى كل شئ زى الماء والخضار واللحوم لان الحيوانات والفراخ يشربوا الموية الملوثة دى. وهناك أمراض ما أنزل الله بها من سلطان فى الولاية لدرجة أنو الانسان الطبيعى الماعندو أى مرض بيعتبر حالة شاذة.
وهكذا تجد فى جميع أنحاء السودان مسببات لمرض السرطان..
نهايتو أنت ما عندك حكومة بتهمها حياة الانسان..
يبقى الموضوع كله من أختصاص الاطباء والباحثين وقوافل التوعية الصحية عشان تحاصر المرض على اقل تقدير..

مرة أخرى اتمنى نسمع من الاطباء والاختصاصيين..

نور تاور المرأة الحديدية وين الحى بيك


ياخ المنبر دة لو الموضوع ما ضد الحكومة وضد الكيزان وضد الإسلام السياسى ما أظن تلقى ليك
رد واحد يساعد على إلقاء الضوء على مثل هذه المشاكل المهمة. والتى. أصبحت تحصد فى أرواح السودانيين. كما الحكومات التى تعاقبت علية.

أتمنى أخت نور ان نسمع. فعلا رأى الأطباء أو المختصين أو من لهم صلة بهذا الموضوع الهام



تحياتي. وأرجو. إرسال. تلفونك فى الخاص

نور تاور المرأة الحديدية وين الحى بيك


ياخ المنبر دة لو الموضوع ما ضد الحكومة وضد الكيزان وضد الإسلام السياسى ما أظن تلقى ليك
رد واحد يساعد على إلقاء الضوء على مثل هذه المشاكل المهمة. والتى. أصبحت تحصد فى أرواح السودانيين. كما الحكومات التى تعاقبت علية.

أتمنى أخت نور ان نسمع. فعلا رأى الأطباء أو المختصين أو من لهم صلة بهذا الموضوع الهام



تحياتي. وأرجو. إرسال. تلفونك فى الخاص