Post: #1 Title: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 11:38 AM
"هامل" لأنو الدولار البندفع في المواسير دي على قفا المواطن المسكين
Post: #2 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 11:45 AM Parent: #1
طبعا حنبدأ بالقراند بايب أو ماسورة المواسير
تلاتة مليون
Post: #3 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 12:25 PM Parent: #2
جاء في الأثر: باري باري ديمبا يوديك الكوشة
Post: #4 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 12:29 PM Parent: #3
حيث البكا على الدولار فالموسوعة لا تشمل المواسير المحلية أو حلال على أولادنا
Post: #5 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 12:30 PM Parent: #4
Post: #6 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 12:38 PM Parent: #5
ألكس أو أيا كان اسمه
Post: #7 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 12:46 PM Parent: #6
الزول دا الظاهر فترتو الأولى في الهلال (قبل ما يحترف وين كدا ما عارف) كانت بقروش حلال لكن قروش رجعتو الأخيرة الظاهر كلها دافعها (الجهاز)
Post: #8 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 12:52 PM Parent: #7
إيفوسا دا بيكون لاعب معاك لكن ما بتفرزو من لعيبة الخصم إلا بالفنايل وارغو وعرفنا عيبو في قروش الحرام المصيبة الفوق دا أساسا ما دفعنا فوقو حاجة، ناخد فيو ماسورة قدر كدة ليه الله أعلم!
Post: #9 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 12:53 PM Parent: #8
ننوه عناية السادة المشاهدين إنو في مواسير جاية في السكة موسم كل سنة وإنتو طيبين
Post: #10 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 01:02 PM Parent: #9
مواسير وارد المستعمرات الفرنسية
Post: #11 Title: Re: الشامل في مواسير ناديي القمة في السودان الهامل Author: محمد البشرى الخضر Date: 11-21-2012, 02:05 PM Parent: #10
يا حلبينا .. يا قريبك بالغت في ديمبا الراجل حلل دولاراته سنت سنت علي اليمين والدفاع ما رقد قش إلاّ بعد فاتنا لكن كان داير الماسورة الصح , مصيبة كدا جابها امبيلي معاه من الاجازة اسمو كابوندي لا حولا دا يتخيل لي اول مرة يتعلم الكورة في الهلال
Post: #12 Title: Re: الشامل في مواسير ناديي القمة في السودان الهامل Author: khaleel Date: 11-21-2012, 02:34 PM Parent: #11
شوف اينرامو في الترجي
شوف نيانغ في الترجي
شوف كلوتي في الترجي
وبرضو تقول لي اوتوبونغ لعاب
كيفك ابو الشوش
Post: #13 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 03:02 PM Parent: #12
يا ود البشرى ديمبا ماسورة والله لكن كويس ذكرتني عمك ليليو
كابوندي دا أول مرة اسمع بيو منك! لعب ولا مضى وشال الأخدر ومضى لحال سبيله؟
Post: #14 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 03:13 PM Parent: #13
Quote: شوف اينرامو في الترجي
شوف نيانغ في الترجي
شوف كلوتي في الترجي
والأهلي يا هندسة ديل ما بسجلو لاعب ما مالي مركزو أنا شاكي إنو حكاية المحترفين عندنا تقودها عصابة نصب ما ممكن في كل عشرين يطلع واحد بس كويس!
ذكرتني ماسورتنا أم مليون إلا حرباشة على فكرة قروش أوتوبونج دا دافعها الجهاز يعني كلها حرام هههههه
Post: #16 Title: Re: الشامل في مواسير ناديي القمة في السودان الهامل Author: الامين موسى البشاري Date: 11-21-2012, 03:22 PM Parent: #14
ســـلام يا اشـــرف
متابعين معاكـ المواسير
Quote: إيفوسا دا بيكون لاعب معاك لكن ما بتفرزو من لعيبة الخصم إلا بالفنايل
يا أشـــرف ايفوسا دا غايتو حلل حق اعارته بهدفه في المريخ في البطولة الافريقية .... والله صحي
واصل
Post: #15 Title: Re: الشامل في مواسير ناديي القمة في السودان الهامل Author: عاطف عمر Date: 11-21-2012, 03:19 PM Parent: #1
أشرف يا حلبي سلامات
ياخ راعي جهلنا وأخشى عامل السن أكسب فينا أجر لمن تخت ليك صورة ( ماسورة ) عرفنا بيها في سطرين تلاتة هو منو ؟؟ وبيلعب وين ؟؟ وجاء من وين ؟؟ وأدوهو كم ؟؟
وبعد داك رشهم حلال عليك
______________
والمصحف الشريف جادي
Post: #17 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 03:51 PM Parent: #15
Quote: يا أشـــرف ايفوسا دا غايتو حلل حق اعارته بهدفه في المريخ في البطولة الافريقية .... والله صحي
واصل
ود البشاري هو بالله إيفوسا دا كان معار، يعني عنده نادي مسجل فيهو!؟ بعدين أواصل وين.. هم ما كملوا؟
Post: #18 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-21-2012, 04:21 PM Parent: #17
سلامات يا باشمهندس أنا إتخيلت المواسير دي غنية عن التعريف لكن طلباتك أوامر صاحب الصورة الأولى بعد بقى (غني) بقروشنا الهاملة دي طبعا بقى (غني) عن التعريف لو قلت ما بتعرفو حأزعل منك هههههه الصورة التانية لباري ديمبا (كان محترف في الهلال) التالتة لواحد اسمه (كوارزما) سجلة الهلال نص موسم، كل إمكانياته إنو برازيلي الرابعة لماسورة هلالية أيضا من دول وسط أفريقيا لعب نص موسم وشال الفيها النصيب ورجع أهله الخامسة ليوسف محمد (أشهر من يضيع بلنتات في دور الأربعة) الزول دا بلعب في الهلال أسي بس عشان ما قادرين ندفع ليو المتأخرات في حالة الشطب السابعة عبد الكريم النفطي ماسورة تونسية عبد الكريم الدافي ماسورة مغربية لاحظ الإتنين اسمهم عبد الكريم هههههه التالت تونسي اسمه هيثم المرابط وديل التلاتة كانوا يرعوا في تكية سيدي الوالي
Post: #21 Title: Re: الشامل في مواسير ناديي القمة في السودان الهامل Author: محمد البشرى الخضر Date: 11-21-2012, 05:35 PM Parent: #19
لا يا جنابو ـذا لورد أوف ذا بابيس هو اليجا تانا, الجاب القون التاني في المريخ بالكعب كمان
Post: #22 Title: Re: الشامل في مواسير ناديي القمة في السودان الهامل Author: Emad Mohamed Date: 11-22-2012, 00:47 AM Parent: #21
اشرف سلامات
اتفق مع ودالبشرى...ديمبا لاعب مميز لعب لاندية لها وزنها قبل الهلال وقدم مستوى جيد مع الهلال.اما الباقين ديل فمواسير مافى كلام.
Post: #23 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-22-2012, 01:00 AM Parent: #21
سلامات يا سعادتك نسيت أقول إنو التقيم يعتمد على دفعنا كم ومدة العقد كم سنة (يعني الماسورة حتكون شاغلة أرضية مدة قدر شنو؟) إيكانقا ماسورة ما في شك لكن (بقرة ود عم عباس) بتاعكم داك مافي زول بفوتو
التايلاندي دا مسحتو مرة واحدة، لكن هو خمش من دولارنا ولا المحاولة فشلت في مهدها؟ عاين ناس قوون كاتبين شنو:
Quote: رصدت قوون الادب الجم والتهذيب الرفيع للاعب اسارا خلال حديثه اثناء الحوار والذى كان قد تاخر بسبب اداء اللاعب لفريضة صلاة المغرب
شوف بالله!! احنا حنناسبو!!
Post: #24 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-22-2012, 01:06 AM Parent: #23
يا ود البشرى قون (ذا لورد أوف ذا بابيس) سمح صراحة بس لو كان في القون البهناك!! سمعنا قون بالكعب لكن تمنع دخول قون بالكعب دي إلا عند (أريكا عميا) دا
Post: #25 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-22-2012, 01:08 AM Parent: #24
سلامات يا عمدة ديمبا دا في المحلي بس لكن أفريقيا كان منجضنا
Post: #26 Title: Re: الشامل في مواسير ناديي القمة في السودان الهامل Author: khaleel Date: 11-22-2012, 05:40 AM Parent: #25
ولكن الافضل
قودوين ثم يليه ايداهور ثم سادومبا ثم كليتشي زمان
Post: #27 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-22-2012, 06:00 AM Parent: #26
Quote: ثم كليتشي زمان
لعنة الله على السحت يا خلي
شوف بالله الود دا زمان.. كان ما تفرزو من مسي!!
Post: #28 Title: Re: الشامل في مواسير ناديي القمة في السودان الهامل Author: يوسف محمد يوسف Date: 11-22-2012, 06:38 AM Parent: #27
أشرف .. سلام
يوسف محمد .. ( ما أنا )
بكون كدا كم بوصه ؟؟
و صحى راتبه ( عشرة ألف دولار ) شهريا ؟؟
______________________________
مقصتى على كورتى الـ لعبتها زمان .. مولد و فاتنا ؟؟
Post: #29 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-22-2012, 10:47 AM Parent: #28
مرحبتين (هوت) ههههه بعدين العشرة ألف دولار لا يمكن تكون راتبه الشهري، بكون ألف واحد بس، ودي ذاتا كتيرة
Post: #30 Title: Re: الشامل في مواسير ناديي القمة في السودان الهامل Author: Ashraf el-Halabi Date: 11-23-2012, 01:12 PM Parent: #29
