Post: #1
Title: يعنى نفهم من الخطوة دى انو سد مروى طلع فشوش ؟
Author: هشام عباس
Date: 11-21-2012, 10:35 AM
الاعلان الحكومى باكتمال شبكة امداد الكهرباء من اثيوبيا
وقرب التنفيذ لذات الامر مع الشقيقة مصر
وفى ظل التبشير باكتمال تعلية خزان الرصيرص
وقبل حتى مرور عامين على افتتاح سد مروى
امر يثير الاستغراب !!!!
|
Post: #2
Title: Re: يعنى نفهم من الخطوة دى انو سد مروى طلع فشوش ؟
Author: هشام عباس
Date: 11-21-2012, 10:38 AM
Parent: #1
والسؤال الذى يفقز الى الذهن :
ما جدوى المشاريع التى تنفذها هذه الحكومة ؟؟؟
كم من الاوراح الغالية التى سفكت دماءها على سفح مروى اصرارا على قيام هذا السد
وكم هى الاموال التى صرفت كعبء اضافى على خزانة الدولة لتقفز بديون السودان الخارجية
الى اكثر من 40 مليار دولار ؟؟
|
Post: #3
Title: Re: يعنى نفهم من الخطوة دى انو سد مروى طلع فشوش ؟
Author: هشام عباس
Date: 11-21-2012, 10:42 AM
Parent: #2
هل فعلا هناك جدوى اقتصادية من هذه المشاريع وهل تسبقها دراسات حقيقية
ام هى مجرد قرارات سياسية ومجرد كسب شعاراتى ؟؟؟
|
Post: #4
Title: Re: يعنى نفهم من الخطوة دى انو سد مروى طلع فشوش ؟
Author: مدثر صديق
Date: 11-21-2012, 10:56 AM
Parent: #3
الاخ هشام
الربط الشبكي (لشبكات الكهرباء) بين الدول مسالة اقتصادية و هندسية موجودة في جميع انحاء العالم عشان يستفيدوا من الفارق الزمني و حاجات تانية مهمة ...يعني حتى الدول العندها توليد بالطاقة النووية او غيرها بتحتاج تربط شبكتها مع غيرها...بالذات الدول الغير صناعية هي الاولى بربط شبكاتها مع بعض...الامر التاني سد مروى اعتقد اقصي حاجة بولدها 1250 مقياواط و الروصيرص بعد التعلية قريب من كده + المحطات الحرارية ما اظن كلها مجتمعة تعمل 4 الف ميقاواط ....اعتقد انوا برضوا حا يكون في عجز قريب ....
|
Post: #6
Title: Re: يعنى نفهم من الخطوة دى انو سد مروى طلع فشوش ؟
Author: هشام عباس
Date: 11-21-2012, 11:11 AM
Parent: #4
Quote: الاخ هشام
الربط الشبكي (لشبكات الكهرباء) بين الدول مسالة اقتصادية و هندسية موجودة في جميع انحاء العالم عشان يستفيدوا من الفارق الزمني و حاجات تانية مهمة ...يعني حتى الدول العندها توليد بالطاقة النووية او غيرها بتحتاج تربط شبكتها مع غيرها...بالذات الدول الغير صناعية هي الاولى بربط شبكاتها مع بعض...الامر التاني سد مروى اعتقد اقصي حاجة بولدها 1250 مقياواط و الروصيرص بعد التعلية قريب من كده + المحطات الحرارية ما اظن كلها مجتمعة تعمل 4 الف ميقاواط ....اعتقد انوا برضوا حا يكون في عجز قريب .... |
مدثر تحياتى
ليت الامر كذلك
لكن كل الشواهد تشير الى عكس ذلك وان المشكلة مرتبطة فى المقام الاول بسد مروى
السد لديه 10 وحدات للإنتاج بطاقة 125 ميقاواط اى بطاقة اجمالية = 1250 ميقاواط
حتى الان وبعد مضي 3 سنوات من تشغيل السد رسميا لم تتجاوز طاقته في افضل الحالات 500 ميقاواط
تقريبا 50% من الطاقة الأجمالية .. هذه الارقام تشير الى خلل كبير فى جدوى المشروع نفسه
|
Post: #5
Title: Re: يعنى نفهم من الخطوة دى انو سد مروى طلع فشوش ؟
Author: هشام عباس
Date: 11-21-2012, 11:01 AM
Parent: #3
التهليل والتكبير والشعارات الخرافية من شاكلة ان هذا السدسيغطى حاجة افريقيا كلها من الكهرباء
وان السودان سيصدر الكهرباء كانت تبنى على فرضية تقول ان انتاج السد 1250 ميقاواط
المفاجاة بعد مرور اكثر من عامين او ثلاث على افتتاح السد
ان انتاجية السد من الكهرباء لم تتجاوز ال300 مياقواط !!!!
|
Post: #7
Title: Re: يعنى نفهم من الخطوة دى انو سد مروى طلع فشوش ؟
Author: الامين موسى البشاري
Date: 11-21-2012, 12:07 PM
Parent: #5
هشام عباس
سلامات ..
يعني هسي نفهم من كلامك دا
الكهرباء بقت حبشية زي الجبنة كدا؟ 
|
Post: #8
Title: Re: يعنى نفهم من الخطوة دى انو سد مروى طلع فشوش ؟
Author: هشام عباس
Date: 11-21-2012, 02:58 PM
Parent: #7
Quote: هشام عباس
سلامات ..
يعني هسي نفهم من كلامك دا
الكهرباء بقت حبشية زي الجبنة كدا؟ |
اريتو وقفت عند الكهربا يا الامين اخوى
الحكاية بقت ماشة على حاجات تانية
تحياتى
|
Post: #9
Title: Re: يعنى نفهم من الخطوة دى انو سد مروى طلع فشوش ؟
Author: الفاتح شلبي
Date: 11-21-2012, 03:30 PM
Parent: #8
| Quote: يعنى نفهم من الخطوة دى انو سد مروى طلع فشوش ؟ |
الاخ هشام وضيوفه الكرام
تحياتي ,,,
سد مروي فشوش من يومه يا هشام
تشييد السدود لتوريد الطاقة فى القرن الواحد وعشرين يشبه عندي كمن يحاول تركيب شادوف فى ظل وجود آليات الرش الحديثة
هنالك بدائل لهذهـ السدود سيئة الذكر فى مساحة أرض تسع مساحتها 400 متر مربع تولد طاقة مقدراها أكثر من إجمالي الطاقة التى توفرها جميع هذهـ السدود
مسألة "أن السدود أصبحت دقة قديمة " حقيقة مرة لن تتفق معك جماعة استحدثوا وزارة بحالها للسدود
تعالوا بكرة أستحدثوا لي وزارة وسموها لي وزارة المنتديات سلموني ليها واعملوا ليا مخصصات وتعال أسمع مني دور وزارة المنتديات ... وديني أقنع أجعص مخلوق ... أكل عيش يا عم !!!
|
|