Post: #1 Title: شخصيات عرفتها في الحياة .. وجدتها تتقمص شخصية مختلفة في هذا المنبر ... Author: يحي قباني Date: 11-20-2012, 10:34 PM Parent: #0
هل بيننا في هذا المنبر الذى جئته مؤخراً ....امثال سيد بشبش؟
العامل حازم و سيفه بيرقش ... امره بيمشي و كفُّه بيطرِش ... وعينو الحارّه في يوم ما بترمش ... عند المكتب رسمي بيغضب ... جوه البيت يرفس و يضرب ... وسط اصحابه يرقص و يلعب ... راجل نكته و صاحب مقلب ... و آخر الليل يقابض و يهبش ...
حقيقة مندهش .......!!!!
Post: #2 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-20-2012, 10:46 PM Parent: #1
او كما قال شوقي ...
برز الثعلب يوماً في ثياب الواعظينا ومشى في النّاس يهذي ويسب الماكرينا ويقول الحمد لله ... إله العالمينا ياعباد الله توبوا فهو ملجى التّائبينا وازهدوا في الطّير انّ العيش عيش الزّاهدينا واطلبوا الدّيك يؤذّن لصلاة الصّبح فينا فأتى الدّيك رسول من إمام النّاسكينا عرض الأمر عليه وهو يرجوا أن يلينا فأجاب الدّيك عذراً يا أضل المهتدينا بلّغ الثّعلب عنّي عن جدودي الصالحينا عن ذوي التّيجان ممّن دخل البطن اللّعينا أنهم قالوا وخير القول قول العارفينا مخطيء من ظنّ يوما أنّ للثعلب دينا
لسة مندهش ....!!!
Post: #3 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-20-2012, 11:04 PM Parent: #2
عمري ... ما شفته بيتكلم في السياسه ... ولو اتكلم بيطبظ ساكت ...
جيت لقيتو هنا ... ساس ... يسوس ...
لما حسيت انو البلد من غيرو خربانه ؟؟؟؟
عموما هو اتغابي فيني العرفه ...
اما انا .... فمازالت الدهشة مستمره ...
Post: #4 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: smart_ana2001 Date: 11-20-2012, 11:15 PM Parent: #3
يحى قباني... اعمل حسابى ما الاقيك....
Post: #5 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-20-2012, 11:17 PM Parent: #3
ولا التاني ... ده محيرني عديل ...
يتحدث عن مكارم الاخلاق ... و يكتب في هذا المنبر ... ولا يترك سانحة الا وقدم المواعظ الدينية ...
البعض يقول ان سبحته سلبه ... ولولا ذلك التدين لما وصل الي ما وصل اليه ...
رغم علمي انه حتي هذه اللحظة لا يُحبذُ الوسْكيُ بالثلـــجِ ...
اسكتّو بس ...
لماذا يا تُري ... يغير مثل هذا شخصيته هاهنا ؟؟ ...
لا يخشي ربه ...؟؟ و يخشي العباد ؟؟ ... ام هي موضة ؟؟؟ ام بيزنس ؟؟؟ ...
مندهش .... مندهش ....!!!
.
Post: #6 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-20-2012, 11:24 PM Parent: #5
Quote: يحى قباني... اعمل حسابى ما الاقيك....
اسمارت ...
مشتاقون يا مدام ...
شوفي ... ما ظنيتك انتي بشخصيتين ...
الانسان الواثق من نفسه ظااااهر ...
وانتي كذلك ...
Post: #7 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-20-2012, 11:31 PM Parent: #6
واحد تالت ...
لا ادري ما هي فكرته ؟؟؟
هو شخص جميل جداً ... ومرح ... و فاهم في امور الحياه ...
هكذا عرفته ... وهكذا هو ... حتي يومنا هذا ...
اما هنا في المنبر ... فهو اثقل مخاليق ربنا ...
تقل دم ... ونقد هدّام .... والخ ...
مش حلجة تحيّر ؟؟؟
اعتقد دي حاله مرضية ...
كيف زول بس يقعد ورا الكيبورد ده ... يطلع كل النفسيات دى ؟؟؟...
ما لينا الا نندهش ... !!!
Post: #8 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: سيف النصر محي الدين Date: 11-20-2012, 11:35 PM Parent: #7
Quote: ما لينا الا نندهش ... !!!
و في رواية: نتأمل.
Post: #9 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: ذواليد سليمان مصطفى Date: 11-20-2012, 11:45 PM Parent: #6
توثيق اكثر من ممتازززززز
Post: #10 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: مرتضي عبد الجليل Date: 11-21-2012, 00:05 AM Parent: #9
Quote: ولا التاني ... ده محيرني عديل ...
يتحدث عن مكارم الاخلاق ... و يكتب في هذا المنبر ... ولا يترك سانحة الا وقدم المواعظ الدينية ...
البعض يقول ان سبحته سلبه ... ولولا ذلك التدين لما وصل الي ما وصل اليه ...
رغم علمي انه حتي هذه اللحظة لا يُحبذُ الوسْكيُ بالثلـــجِ ...
اسكتّو بس ...
لماذا يا تُري ... يغير مثل هذا شخصيته هاهنا ؟؟ ...
لا يخشي ربه ...؟؟ و يخشي العباد ؟؟ ... ام هي موضة ؟؟؟ ام بيزنس ؟؟؟ ...
مندهش .... مندهش ....!!!
.
يحي قباني سلام: مالك قمت علي (القبقبة) يا زول؟ غايتو أنا ضد المآب حبو التلج ديل (((:::)))
Post: #13 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Nagat Sid Ahmed Elshiekh Date: 11-21-2012, 00:34 AM Parent: #10
Quote: يتحدث عن مكارم الاخلاق ... و يكتب في هذا المنبر ... ولا يترك سانحة الا وقدم المواعظ الدينية ...
البعض يقول ان سبحته سلبه ... ولولا ذلك التدين لما وصل الي ما وصل اليه ...
يحي قباني إذيك,, ياخى الاقتباس الفوق دا فتحنا بيهو بوست عديل ، السبح والمواعظ فى الزمن دا أصبحت مهنة وكدا والله صحي.
Post: #11 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 00:26 AM Parent: #9
Quote: و في رواية: نتأمل.
سيف النصر ...
نتأمل دى الماركة المسجّلة ... ولا واحده تانية ؟؟
تعرف ... يا حبيب ... العوالم الاسفيرية خلت الدنيا قريبة من بعضها ...
وما في حاجة ممكن تتدسه ...
ابهاتنا زمان كانو يقولو ليك انا بطلع الاول و عمك فلان كان تاني الفصل ...
الله شافهم ... ما كان في انترنت ...
Post: #12 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 00:29 AM Parent: #11
Quote: توثيق اكثر من ممتازززززز
مندهش زيي كده يا ذو اليد شكلك ...
غايتو نعمل شنو ...
المهم يدكم معانا ...
Post: #14 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 00:38 AM Parent: #12
Quote: يحي قباني سلام: مالك قمت علي (القبقبة) يا زول؟ غايتو أنا ضد المآب حبو التلج ديل (((:::)))
والله ما " قبقبه " و لا شي يا متوكل ...
لكن شي يحير بس ...
مش موضوع الشيزوفرينيا المفتعله ده شي يخلي الزول مندهش ؟؟؟
ابالثلجِ يا متوكل يجب ان تكون ؟؟ (:
Post: #15 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: عمار عبدالله عبدالرحمن Date: 11-21-2012, 00:38 AM Parent: #12
يمكن يكون ده الجانب المليان من الكاس ,,
Post: #16 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 00:45 AM Parent: #15
Quote: يحي قباني إذيك,, ياخى الاقتباس الفوق دا فتحنا بيهو بوست عديل ، السبح والمواعظ فى الزمن دا أصبحت مهنة وكدا والله صحي.
نجاة يا بت الشيخ ...
قريتو و كتبت كمان ...
لكن انا هنا بتكلم عن شخصيات انا بعرفها ...
وما زلت مندهش ...
ابقي قريبه ...
Post: #17 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 00:49 AM Parent: #16
Quote: يمكن يكون ده الجانب المليان من الكاس ,,
والله بس ياهو ده يا عمار ...
الكي بورد ده فيهو سحر عجيب ...
البيخلق كضبته و يصدقها ...
البيألف نضالو و يصدقو ...
البيتكلم ليك عن مواقف انسانية و رجولية ... وهو حربوية ... وضَبٌ داخل المويه ...
والله شي مدهش ...
Post: #21 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Nagat Sid Ahmed Elshiekh Date: 11-21-2012, 01:07 AM Parent: #16
Quote: لكن انا هنا بتكلم عن شخصيات انا بعرفها ...
لا حولااااا شخصيات معانا فى حوشنا دا وبالصفات دى !!!!! متابعين وقريبين.
Post: #18 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Raja Date: 11-21-2012, 00:50 AM Parent: #12
سلامات قباني يا عزيز..
بوست فكرته حلوة. ودايما ما كنت بفكر في الشخصيات البيحلفو ليك أصحاب اصحابها إنها (غير). كتير ما تلاقي أصحاب بيدافعو عن أصحابهم أو معارفهم هنا بـ (إكليشيه) محفوظ وهو: والله فلان/ة ده/ي في الواقع زول حلو المعشر، دمث الأخلاق... الخ من الحاجات البتحيًرك جايبنها من وين؟!!
الحمد لله. كل الزميلات والزملاء القابلتهم أو بعرفهم قبل المنبر. طلعو هم هم. مافي أي تغيير (تتش وود)
ــــ غايتو أنا لو محلًك تووووش أدخل للزول المتغابي فيك العرفة داك وأسلًم عليهو
تحاياي وليلتكم سعيدة
رجا
Post: #19 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 01:01 AM Parent: #18
Quote: سلامات قباني يا عزيز..
بوست فكرته حلوة. ودايما ما كنت بفكر في الشخصيات البيحلفو ليك أصحاب اصحابها إنها (غير). كتير ما تلاقي أصحاب بيدافعو عن أصحابهم أو معارفهم هنا بـ (إكليشيه) محفوظ وهو: والله فلان/ة ده/ي في الواقع زول حلو المعشر، دمث الأخلاق... الخ من الحاجات البتحيًرك جايبنها من وين؟!!
الحمد لله. كل الزميلات والزملاء القابلتهم أو بعرفهم قبل المنبر. طلعو هم هم. مافي أي تغيير (تتش وود) ــــ غايتو أنا لو محلًك تووووش أدخل للزول المتغابي فيك العرفة داك وأسلًم عليهو
تحاياي وليلتكم سعيدة
رجا
بت القبايل ازيك ياخي ...
وتاني مبروك الوظيفة ... الله يهنيك و يوفقك ياخي ...
بالله مش شي يحير ...؟
المشكله انو" المتغابي " ده ... بعرفو من بره و من جوه ... اكتر من جوع البطن ...
ولانو المده طالت ... وما قايلني متابع اخباره ...
وهو خلاص اخد وضعه في المنبر من زمان ... و رسم شخصية سياسية يشار اليها كمرجعية ...
ما ليها اي علاقه باي حاجه فيهو ...
من هنا جات " التطنيشه " ... وتغابي العرفه ...
ياخ ده لو سالتيهو انقلاب " حسن حسين " القام بيهو منو .؟ ... يقول ليك هاشم العطا ...
ما علينا ...
تحياتي للوالده ... و للصديقة راوية ... وانشالله ما تنصدمي في عزيز ...
Post: #20 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: الصادق اسماعيل Date: 11-21-2012, 01:04 AM Parent: #18
يحي كيفك
الفكرة جاية من إنو الزول البيكتب بيكون مدس وراء الكيبورد، عشان كده بيطلع الانسان الحقيقي الجواهو من غير ما يشعر، زول قاعد في اوضة براهو بيفتكر إنو ما في زول بيشوفوا.
والله أنا في حيرة اكتر منك، ومن ناس كتار مستغرب هم بيعملوا في البيعملوا فيهو دا ليه.
لكن طال الزمن او قِصِر بينكشفوا على حقيقتم.
Post: #22 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 01:39 AM Parent: #20
Quote: لا حولااااا شخصيات معانا فى حوشنا دا وبالصفات دى !!!!! متابعين وقريبين.
معانا ساكت ...
بس خليها في سرك ...
الدنيا يا ما تعلم و توري ...
Post: #23 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 01:46 AM Parent: #22
Quote: يحي كيفك
الفكرة جاية من إنو الزول البيكتب بيكون مدس وراء الكيبورد، عشان كده بيطلع الانسان الحقيقي الجواهو من غير ما يشعر، زول قاعد في اوضة براهو بيفتكر إنو ما في زول بيشوفوا.
والله أنا في حيرة اكتر منك، ومن ناس كتار مستغرب هم بيعملوا في البيعملوا فيهو دا ليه.
لكن طال الزمن او قِصِر بينكشفوا على حقيقتم.
الصادق اسماعيل سلامات ...
دي حقيقة .. انو البعض مدسي ورا الكيبورد ...
لكن البدس الزول من الناس الدافننو معاهو شنو ؟؟؟
ياخي النت عجيييييب ... ومصيبته الاكبر انو الكلمة بتنكتب و بتنحسب طوالي ...
غايتو ... ما نملك الا نندهش " فور ناو " ...
Post: #24 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 02:07 AM Parent: #23
يعني مثال بسيط ...
تكونو ساكنين داخليات الجامعه 5 سنوات ....
واغتربتو مع بعض كم سنة ...
واتفارقتو بسبب الهجره ... لكن الاصدقاء المشتركين بالكوم ...
بالنسبة لصاحبنا المتلوم ... انا شايف انو الأتلومت انا ده ... اللسه متذكر و متابع ...
يعني في داعي يا سيف ... اجي انا بعد العمر ده زى ما قال الاسطوره تجاني حاج موسي
جاي تفتش الماضي خلاص الماضي ولى زمان وجفت مقلتي الباكية ونامت من سنين أحزان
Post: #29 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 04:35 AM Parent: #28
احد الشخصيات الي جمعتني معه معرفه عميقة عن طريق صديق مشترك توفاه الله منذ زمن بعيد ...
تلك الشخصية المتوفيه كانت علم علي راسه نار ... شخصية عامة و مهمة ... وانا اعرفه منذ نعومة اظفارنا ...
اما الشخصية المنبريه المتواجده الأن ... كانت شخصية عادية ...مثلي تماما " محمد احمد رجل الشارع " ...
شاءت الصدف ان يتعرف علي صديقي الراحل في غفلة من الزمان " ولا باس في ذلك ...
ولكني الأن ... وجدته في هذا المنبر و بكل فصاحة يتحدث عن مغامرات .. و حكايات و بطولات مع صديقي المتوفي ....
لم اسمع بها من قبل ... لانها لم تحدث ....!!!!
والادهي من ذلك ... انه نسب بعض حكايات صديقنا المتوفي الي نفسه ....
بل اصبح كل ما يأفل نجمه ككاتب اسفيري ...يؤلف المزيد من العنتريات ولا يعبأ بحرمة صديقي الراحل ...
يا اخي ... الأختشوا ماتووووووووو ...
وتاني تجاني حاج موسي ...
أرجع بالزمن مرة واتذكر حكايتي معاك تلاقي القصة جد مرة وهل راعيت شعور مضناك
Post: #30 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: سيف الدولة كامل Date: 11-21-2012, 04:43 AM Parent: #28
تسلم يا يحيي ويديك الفي مرادك وتفقدك العافية.
الحمد لله عدت علي خير والامور طيبة ومافي عوجة .
معليش الخطوط كانت ملخبطة شوية وتشكر يا حبيب .
دائما الماضي جميل يا يحيي حتي المر منه .
نهديها لكل الاحباب وأصدقاء الزمن الجميل
Post: #31 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 05:13 AM Parent: #30
Quote: دائما الماضي جميل يا يحيي حتي المر منه .
صديق الزمن الجميل ...
أولا شكرًا علي الصوت الحنين كمال ترباس ...
والماضي بي حلوهو و مره بنعتز بيهو ...
بس لازم نحافظ عليهو و ما نشوهو...
Post: #32 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: أمجد الزين Date: 11-21-2012, 06:08 AM Parent: #31
كتابتك حلوة تجبر الزول يتابعك
سلام يحيى
Post: #33 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: NEWSUDANI Date: 11-21-2012, 06:14 AM Parent: #31
يحي تحياتي (الى أن تعرف أنا من)
البورد مع أقتناعي بفكرته ودوره الكبير في أثراء الحوار ومتابعة الحاصل في البلد الهامل ده لكن أعطى فرص كما تفضلت لبعض الأناس أن يخلقوا بطولات وأدوار هلامية والناس لا تملك أن تقرأ وتتأمل ،،
ياأخي في واحد هنا مزعج وسيئ التعبير أي من النوع الشلق -كما يقول المصريين- هذا الشخص ألتقيته في عام 2007 وكان يريد الذهاب للخرطوم بحجة أن زوجته ولدت وزعلانة منه والموضوع سيؤثر على حيلته الزوجية ووووو وكان هو متعاقد على أتمام عقد معين .أذا به يذهب الى الخرطوم بعد توسطي لدى الطرف الثاني ولا يعود رغم أنه قبض المبلغ المتعاقد عليه ،،، لم تقف القصة هنا بل أتى لهذا المنبر يدعي البطولات ويتحدى ووو
بلد هامل لكن كما قال أحد سياسي السودان سابقا " أنشاء الله اللي بيعرفونا ما يلاقونا"
أنا مع تحياتي لمدحت والشباب
Post: #34 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Asim Fageary Date: 11-21-2012, 06:26 AM Parent: #33
غايتو يا يحيى قباني
عبرت عما يدور في خاطري من زممممممممممممممن
You made my day
أنا في ناس كتار إتغابو فيني العرفة
بدون سبب أو أسباب
وكثير من تنكر لكثير
فعلاً حاجات عجيبة
لكن تعرف يا قباني
معدن الإنسان بيظهر من أمثلة زي الإنت ضربتها دي
الإنسان ذو الوجهين دائماً بيكون هنالك ألف موقف وموقف يكشفه وإن طال الزمن
وأعتقد أن من يتغابى فيك العرفة تتركه وتتغابى أنت أيضاً فيه العرفة
لأني عملت بنصيحة رجاء التي وجهتها لك وسلمت وعلى مثل المتغابين العرفة فما كان منهم إلا وأن تجاوزوا حتى الرد على السلام (فتخيل وتفكر مليا)
حاجات مش تحير وتدهش حاجات تخليك تصيغ خطة طريقك من جديد
لك الود والتحايا والتغيير
_____________________ أنا ذاتي بحبه من غير تلج
\ التعديل - إملائي
Post: #35 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: الزبير بشير Date: 11-21-2012, 06:43 AM Parent: #33
الاخ يحي
خليتنا نتلفت
لكن يبدو ان اسمها البيره ام جمل و الشراب اسكوب
واصل سرد ممتع ، طفنا بالخيال ازمان ، يا حليل الماضي و يعود تاني و تاني
الزبير
Post: #38 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: محمد البشرى الخضر Date: 11-21-2012, 07:31 AM Parent: #35
سلامات يحيى رغم انك بتحكي عن شخصيات معينة عرفتها في حياتك لكن الطواقي هنا واسعة وتناسب رؤوس كتيرة بشكل لن تتخيله الشخصية الاسفيرية و علاقتها بالشخصية الحقيقية مسالة معقدة لحد ما و التباين ليس سلبيا على طول الخط و علي سيرة الكاسات و التلج لو نظرنا للنصف المليان ح تلقى البعض وضعه الإجتماعي و عمره و مكانته مثلا لا تتيح له الإختلاط مع الكل أو الونسة بشكل بسيط و محكوم في اختيار الفاظه وكدا في رأيي ومن الشفناه هنا و التعقيدات البنحصل كان الأفضل لو الكل بكتب بنيك نيمز ولا أحد يعلم شخصية التاني الحقيقية كان الناس انصرفت و اكتفت بقراءة الشي المكتوب و التامل معه بدون انطباعات مسبقة كنت انت ما انتبهت لتناقض الشخصيات البتعرفها مع كتاباتها ولا كان نيوسوداني مثلا ح يشمئز كل ما يقرا وعظ من الزول الغشاه وبالطبع ما كان حد حيشتم التاني بحياته الشخصية او يبتزاه بمعرفته بتاريخه - وإن كان دا برة الموضوع طبعا الوقت فات على الحكاية دي بعد الناس سجّلت بأساميها الحقيقية و اتعارفت لكن هي فكرة زانة لي في راسي
Post: #36 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: أيمن الطيب Date: 11-21-2012, 07:07 AM Parent: #33
سلامات يا قبانى المندهش,,,
لمست عصب الوجع,, التناقض!!! إزدواج شخصية!! الشيزوفرينيا!! تقمص!! تلبُس ممكن!! كلو موجود فى علم النفس وكهرباء البشر ونفس بنو آدم...
يا قبانى إنت الآن بتهبش فى السلوك العريانة أعمل حسابك وإتأكد إنو الأرضى موصل!!!
Post: #37 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: ناصر احمد الامين Date: 11-21-2012, 07:26 AM Parent: #36
Post: #39 Title: Re: شخصيات عرفتها في المنبر.. وجدتهم ناس تانيين فى الواقع!!!!!!!! Author: أيمن الطيب Date: 11-21-2012, 07:54 AM Parent: #37
إنت يا دوب جيت مالك مندهش فينا بدرى كدا!!! فى الحياة وفى الحلة والشارع والمدرسة والدنيا أكيد موجود الكذاب والبوبار والنصاب والدعى و الأفاق و الموهوم والمخلوع و المتوهم والعيان الله يهدينا ويشفينا أجمعين صحيح؟؟ مافى جديد!!
أول مرة تلاقيهو ويقعد معاك ساعات ويحكى ليك ويكلمك عن نفسو وعن غيرو والغريب من قولة تيت يدخل ليك فى تفاصيل أصلا لا تحتاجها وإنت لو عايشت ناس دهور ممكن ما يصلوها معاك تحفظا أو تأدبا أو إحتراما لك ولأنفسهم وإذا بك تكتشف أن ما حدث لم يكن سوى ممارسة مرضية بحتة ومحاولة خلق صورة توهم محدثك أنها الصورة الأنسب ليزرعها فى رأسك حسب ما رآه هو مناسبا لك !!!
كدا بس يعنى من قولة تيت إفترض فيك السذاجة ولم يحترم تجربتك وخبرتك ودروب معرفتك بالحياة وإن صغرت وينفحك وينفخك من دنيا أوهام خيالو حتى تآمن وتدى ربك العجب (@-@)
حالات ذهانية قطعا تحتاج لتدخلات خارجية فى محاولة لإنقاذ ما يمكن إنقاذه,,, !!!
يا قبانى البوست دا والله ذو شجون شديد,, عليك بالنظر للجانب الممتلئ من الكأسالفاضى خليهو,,
تحياتى يا مندهش..
شفت ناصر الفوق دا غلبو اليقولو عشان إنت عصرت عليهو شديد جدا خالس
Post: #40 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Rawia Date: 11-21-2012, 08:05 AM Parent: #37
ههههه أحكي ليك قصة؟ طبعن أنا ساكنة في الفيس بوك قام في زولرسل لي طلب صداقة اوسم راجل سوداني في التاريخ الحديث بدون ما ابالغ ماشفت راجل وسيم زي الزول دا مافي أصدقاء مشتركين غير واحد مافي أصدقاء في لستته غير الزول المشترك بينا من باب الفضول قبلته ورسلت ليهو طوالي يازول إنت كنت وين دا كله وماسمعت بالفيس بوك وفاتح حساب جديد حكى لي دراما تبكي الطير في الشجر وفي نص الدراما ركز لي على زول محدد زميل في البورد هنا وحكى لي عن إنه الله في السما والزول دا في الواطة انقر ماطلع هو زاتو اكتر حاجة مزعلاني انه إستهيفني وإفتكر إني مابتكلم الا مع ناس وسيمين لكن الحركة الذيذة إنه بعد ما طبعن بلكتو في ناس كتار لي هسة أصحابه و قاعدين في لستته
___________ عملنا الحكاية يومداك كانت ناقصاكم بس والله
Post: #41 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Asim Fageary Date: 11-21-2012, 08:11 AM Parent: #40
يا راوية إنتي الفيس بوك قاعدة في ياتو حي بالمناسبة
بالمناسبة بس بخش أتاوق وأطلع ما قاعد أفضفض فيهو خالص
لكن زولك دا طلع أنتيكة
Post: #44 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Rawia Date: 11-21-2012, 08:31 AM Parent: #41
في الفيس بوك عندنا قروب بتاع اجمل نساء في الدنيا منهن سمارتي دي بالمناسبة بعرفها هسة لي عشرة سنوات وبرتاح جدن في التعامل معاها لانها حقيقية قروبنا دا صغيروني مافيهو ناس كتار وهو للنساء فقط وغرضه رياضة ومتابعة الصحة والاكل بعد كدا عندنا قروب بتاع الاسرة وعندي كم لعبة كدا بلعبهن وبس
- بالمناسبة قريبك دا أنا مازعلانة منه بالعكس متعاطفة معاهو جدا وبتمنى يلقى البيفتش عليهو وربنا يرفع مننا ويزيح ويساعندا كلنا يارب
Post: #42 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: تيسير عووضة Date: 11-21-2012, 08:24 AM Parent: #40
هي يا قباني الكلام دا فتحنا فوقو سراي صفرا من طاشر دور ولي الليلة الكلام فوقا ما كمل ولا بيكمل تقول لي شنو؟ أيمن الطيب دا أختساسي سلوك وأسلاك خلي يوريك الحاصل ..
Quote: ابهاتنا زمان كانو يقولو ليك انا بطلع الاول و عمك فلان كان تاني الفصل ...
الله شافهم ... ما كان في انترنت .
غايتو أي شخصية بتعرفك في الحياة ومعاك في البورد بعد كلامك حقو تتضاير ..
Post: #43 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: نادر الفضلى Date: 11-21-2012, 08:28 AM Parent: #40
ديجانقو أفرز !
سلام قبانى
ذكرنى الموضوع بوست مشابه لزميلة المنبر المتغيبة نادية عثمان لها التحية :
Post: #45 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: معتز القريش Date: 11-21-2012, 08:39 AM Parent: #43
Quote: وفي نص الدراما ركز لي على زول محدد زميل في البورد هنا وحكى لي عن إنه الله في السما والزول دا في الواطة انقر ماطلع هو زاتو اكتر حاجة مزعلاني انه إستهيفني وإفتكر إني مابتكلم الا مع ناس وسيمين
عجبتني استهيفني دي والله ههههه ههههه تستاهلي با راوية عجبني ليكي وبالجنبة كدا والله مشتاغون لمن متشعلغون
ــــــــــــــــــــــــــــــــــــــــــــــــــــــــ كان سيكون ممتعا هذا البوست ومفيدا لو عمم أكثر من ذلك يعني ما يكون في تفصيل شديد ـ المقصود هنا صاحب البوست دا طبعا بعد التحية والاحترام
معتز ضُلمة عليك النبى روق ساى الفينا مكفينا والفيك عرفتها يا مؤفن,, البوست دا بناقش مشكلة تؤرق مضاجع سكان السراى الصفراء فبالله ما تشتت لينا الكدايس هنا
أها يا أخوانا السلام عليكم .. بوست مفخخخخخخخخخ
Post: #47 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: المسافر Date: 11-21-2012, 09:24 AM Parent: #46
ياخ الواحد كان ما بقصقص ضفوره كان لقى محل يدخل فيه
أنا براي لما أكون داخل على النت تقول بشوف سيمافورات قدامي ولولا محطاتي نمر نمر في رحلة من فيافي الشمال كان صفافير الدخول تشربك الشبكات وتدربك مديروها أو بلغة الكاتش النت ادمنيستريترز لكن بعد ما أكون خارج من النت بتكون الطباشيرة والشاورة فعلن فعايل في السبابير المعلقة في الدماغ زي فعايل جرس آخر الحصة في الصف .. بعدين كل حاجة بتروح زي ماجات نحن كنا بنقول في شنو
بعدين لعبات راوية زاتن دايرات شنو ما عرفتهن كل مرة تقول ليك ناولني الحاجة دي ... بس اخاف ... أقول امكن تقع وتتكسر منك بعدين يخصموها من يوميتك ...
Post: #48 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Rawia Date: 11-21-2012, 09:37 AM Parent: #47
Quote: بعدين لعبات راوية زاتن دايرات شنو ما عرفتهن كل مرة تقول ليك ناولني الحاجة دي ... بس اخاف ... أقول امكن تقع وتتكسر منك بعدين يخصموها من يوميتك ...
____________ يا أيمن من الموضوع كللله أنا حفظت الصورة قلت يمكن الواحد يحتاجها في حاجة كدا ولا كدا بعدين نوع المرضى ديل يتفضحوا مافي ليهم علاج غير كدا لكن أنا زولي دا مراعية لعوامل إنسانية كتيييييرة _____ معتز شمتان فيني لييه والله الحكاية فني funny بس بالغ معاي مش
Post: #49 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: Asim Fageary Date: 11-21-2012, 09:45 AM Parent: #48
لكن يا راوية من ناحية تانية الزول دا رأيه فيك إنك بتحبي الوسامة والجمال
ودا في حد ذاته رأي كويس تجاههك
يعني زولة عزالة وإنتقائية
هذا هو النصف المليان من ذلك الكوب ويا ريت يكون من غير تلج
Post: #50 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: معتز القريش Date: 11-21-2012, 12:00 PM Parent: #49
ساي كدا والله بس مشتاق ليك ولقيت لي فيك فرصة ههههه وماتنسي انو بينا اصدقاء (كانوا) عندهم ازدواج الشخصية دا
هوووي أنا مارق انتي وأيمن دا بتوكروني وما بعرف أتخارج تاني
أيمن أنا ذاتي مع السلامة
Post: #51 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: MOHAMMED ELSHEIKH Date: 11-21-2012, 12:22 PM Parent: #50
وماهي غرابة أن 50 نفر من عشرة آلاف ينكرون أو ينكرون؟ في أي مجتمع حقيقي دراسي /عملي/ايديولوجي/حتى ديني يمكن أن تلاقي نفس هذه الشخصيات بل قد يكون اتنين تلاتة من الذين مروا من هنا يحملون نفس السمات. أنا قد اتداخل بتجربة مغايرة حيث كل من قابلته هنا اسفيريا ثم قابلته حقيقيا لم أجد أي اختلاف بين شخصيتيه. وأن كل معارفي القدامي أعتز باعادة انتاج معرفتهم عبر الأسافير وأشهد لهم بأصالة المواقف وتناغمها من قبل ومن بعد ولكن هذا لايعطيني الحق في أن أسقط تجاربي الشخصية على الكثيرين لأني قد أكون حسن النية أكثر من المطلوب
Post: #52 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 01:44 PM Parent: #51
Quote: كتابتك حلوة تجبر الزول يتابعك
سلام يحيى
أمجد الزين ...
الله يجبر بخاطرك ياخي ...
سعيد بمتابعتك ...
Post: #53 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: عصام مدنى Date: 11-21-2012, 01:48 PM Parent: #52
الريس قباني
حضور ومتابعه
Post: #54 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 01:50 PM Parent: #52
Quote: يحي تحياتي (الى أن تعرف أنا من)
البورد مع أقتناعي بفكرته ودوره الكبير في أثراء الحوار ومتابعة الحاصل في البلد الهامل ده لكن أعطى فرص كما تفضلت لبعض الأناس أن يخلقوا بطولات وأدوار هلامية والناس لا تملك أن تقرأ وتتأمل ،،
ياأخي في واحد هنا مزعج وسيئ التعبير أي من النوع الشلق -كما يقول المصريين- هذا الشخص ألتقيته في عام 2007 وكان يريد الذهاب للخرطوم بحجة أن زوجته ولدت وزعلانة منه والموضوع سيؤثر على حيلته الزوجية ووووو وكان هو متعاقد على أتمام عقد معين .أذا به يذهب الى الخرطوم بعد توسطي لدى الطرف الثاني ولا يعود رغم أنه قبض المبلغ المتعاقد عليه ،،، لم تقف القصة هنا بل أتى لهذا المنبر يدعي البطولات ويتحدى ووو
بلد هامل لكن كما قال أحد سياسي السودان سابقا " أنشاء الله اللي بيعرفونا ما يلاقونا"
أنا مع تحياتي لمدحت والشباب
يا نيو سوداني ... انت الجيتني في مدحت و الشباب معناتها زول قريب ...
افصح عن شخصيتك ... قبال ما اجي للناس البتكتب ورا اسم مستعار ... (:
انتو البورد ده مش كان من ضمن لوائحه انو الاسم لازم يكون كامل ؟
انتو زغتو كيف ؟؟؟
تحايتي لك ياخي ... والزي زولك ده كتار في الحياه الحوالينا ... السودان بقت بطنه بطرانه ...
Post: #55 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 01:59 PM Parent: #54
Quote: غايتو يا يحيى قباني
عبرت عما يدور في خاطري من زممممممممممممممن
You made my day
أنا في ناس كتار إتغابو فيني العرفة
بدون سبب أو أسباب
وكثير من تنكر لكثير
فعلاً حاجات عجيبة
لكن تعرف يا قباني
معدن الإنسان بيظهر من أمثلة زي الإنت ضربتها دي
الإنسان ذو الوجهين دائماً بيكون هنالك ألف موقف وموقف يكشفه وإن طال الزمن
وأعتقد أن من يتغابى فيك العرفة تتركه وتتغابى أنت أيضاً فيه العرفة
لأني عملت بنصيحة رجاء التي وجهتها لك وسلمت وعلى مثل المتغابين العرفة فما كان منهم إلا وأن تجاوزوا حتى الرد على السلام (فتخيل وتفكر مليا)
حاجات مش تحير وتدهش حاجات تخليك تصيغ خطة طريقك من جديد
لك الود والتحايا والتغيير
_____________________ أنا ذاتي بحبه من غير تلج
يا فقيري ...إيرسي ... قلت لي ... من غير ذنب وا سباب جافونى الاحباب احكى البحور يادمعى الهاطل الكباب واذكر حبيبى الحائز فى الحسن اول باب ذكرنى ايام كنا انا والملاك احباب حبى الفريد فى حسنو ياربى زيدو شباب ظمآن دوام ياحبيبى لي من دموعى شراب لا حوله من نيران انا منها فى استغراب
والله يا عاصم ...
انا ما بفهم ...زول يكون صاحبك و فردتك ... واتعلم منك اشياء كتيره " بالتلج و بدون تلج " ...
صحي الدنيا فراقه ... لكن الناس عارفه الاخبار ومتواصلة ... وعارفه انو الحال في حالو ...
بس عشان رسم لي نفسه شخصيه معينه ... ملاوز من صاحبو الزمان ؟؟؟
انا يا فقيري عندى عاده " رزيله" ... اصلو ما بتلفت وراي ... وكان وقعت مني حاجه ما بدنقر ارفعها ...
بس لزم التنويه ... لانو بالجد اندهشت ...
Post: #56 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 02:04 PM Parent: #55
Quote: الاخ يحي
خليتنا نتلفت
لكن يبدو ان اسمها البيره ام جمل و الشراب اسكوب
واصل سرد ممتع ، طفنا بالخيال ازمان ، يا حليل الماضي و يعود تاني و تاني
الزبير
شفت يا الزبير ...
انا لما القي الزيك ده بتطمن علي رقبتي ...
الاصل في التاريخ ان اسمها " البــُــرّه " ... وتحورت بالدارجي الي البيره ...
اما ام جمل او ابو جمل ... فلا خلاف ... طالما وجدت صورة البعير علي صدرها ...
" قال ليهو البيره " ام جمل " ... البيقدموها في مطعم مطار الخرطوم من شدة ما سااااقطة ... لمن الجمل يكون مكنكش " ...
حليل الزمن الجميل ...
Post: #57 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 02:13 PM Parent: #56
Quote: سلامات يحيى رغم انك بتحكي عن شخصيات معينة عرفتها في حياتك لكن الطواقي هنا واسعة وتناسب رؤوس كتيرة بشكل لن تتخيله الشخصية الاسفيرية و علاقتها بالشخصية الحقيقية مسالة معقدة لحد ما و التباين ليس سلبيا على طول الخط و علي سيرة الكاسات و التلج لو نظرنا للنصف المليان ح تلقى البعض وضعه الإجتماعي و عمره و مكانته مثلا لا تتيح له الإختلاط مع الكل أو الونسة بشكل بسيط و محكوم في اختيار الفاظه وكدا في رأيي ومن الشفناه هنا و التعقيدات البنحصل كان الأفضل لو الكل بكتب بنيك نيمز ولا أحد يعلم شخصية التاني الحقيقية كان الناس انصرفت و اكتفت بقراءة الشي المكتوب و التامل معه بدون انطباعات مسبقة كنت انت ما انتبهت لتناقض الشخصيات البتعرفها مع كتاباتها ولا كان نيوسوداني مثلا ح يشمئز كل ما يقرا وعظ من الزول الغشاه وبالطبع ما كان حد حيشتم التاني بحياته الشخصية او يبتزاه بمعرفته بتاريخه - وإن كان دا برة الموضوع طبعا الوقت فات على الحكاية دي بعد الناس سجّلت بأساميها الحقيقية و اتعارفت لكن هي فكرة زانة لي في راسي
ود البشري سلامات ياخي ...
شي مهم جدا ... انا لا افهم معني ان الوضع الاجتماعي لا يتيح له الاختلاط و الونسة ...
بالعكس انا بشوف ان قوة شخصية الرجل او المرأه ان تكون مكتسبه لاحترام الغير وهي في شخصية واحده ثابته ...
الشايف انو لو كان صريح و انسان عادى و بسيط ده بيؤثر علي وضعه الاجتماعي الحساس ...اذا هو في المكان الغلط ...
اما مسألة النيك نيمز ...فاعتقد انها بتفتح مجالات صعب التكهن بمغبتها ....
وانا ما مسيت شخص باسمه .... ولا عندي النية ...
بس والله مندهش ....
اما حكاية الطواقي الواسعه ... انا متاكد ... وشايف ... وعامل ما شايف ... الله يهونها بس ...
Post: #58 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: محمد أبوالعزائم أبوالريش Date: 11-21-2012, 02:35 PM Parent: #57
سلام يا هندسة .... غايتو لو ناوي تندهش ...... (جهّز حالك)، لأنو إقامتك حتطول.
أنا بالمناسبة بعتبر نفسي براءة، لأنو المعرفة الشخصية كانت في العصر الحجري
أما بالنسبة للناس الضربوا ليك الطناش ..... ممكن نفتش ليهم عذر ونقول: ما شاء الله عليك، ذاكرتك تنحسد عليها.
Post: #59 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 02:41 PM Parent: #57
Quote: سلامات يا قبانى المندهش,,,
لمست عصب الوجع,, التناقض!!! إزدواج شخصية!! الشيزوفرينيا!! تقمص!! تلبُس ممكن!! كلو موجود فى علم النفس وكهرباء البشر ونفس بنو آدم...
يا قبانى إنت الآن بتهبش فى السلوك العريانة أعمل حسابك وإتأكد إنو الأرضى موصل!!!
ايمن الطيب ...سلامات
يعني مالو لو الزول يكون زي ما قال عمنا عتيق
كوكب منزه في علوك سحرك قريب شخصك بعيد او كان قريب انواره آخذه بدون سلوك
والله فعلا ... الحياه مليانه ... لكن في داعي للكهربا ؟؟؟ و السلكه عريان ده مش احسن يشوف ليهو ماسوره يدخل فيها ....
Post: #60 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: ماجدة عوض خوجلى Date: 11-21-2012, 02:51 PM Parent: #57
قبانى كيفنك
Quote: يا نيو سوداني ... انت الجيتني في مدحت و الشباب معناتها زول قريب ...
افصح عن شخصيتك ... قبال ما اجي للناس البتكتب ورا اسم مستعار ... (:
انتو البورد ده مش كان من ضمن لوائحه انو الاسم لازم يكون كامل ؟
انتو زغتو كيف ؟؟؟ والزي زولك ده كتار في الحياه الحوالينا ... السودان بقت بطنه بطرانه ...
اها على ضمانتى الشخصية نيوسودانى بره المنبر وجوة المنبر ياهو زاتو مافى اى تغير ... وجد جد هو نيوسودانى تحياتى ليهو ... طبعا الاهو يجيك براهو يفصح ويتكلم ويكشف ... عن نفسه تسلم يارب ....
Post: #86 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: NEWSUDANI Date: 11-22-2012, 05:12 AM Parent: #60
Quote: اها على ضمانتى الشخصية نيوسودانى بره المنبر وجوة المنبر ياهو زاتو مافى اى تغير ... وجد جد هو نيوسودانى تحياتى ليهو ... طبعا الاهو يجيك براهو يفصح ويتكلم ويكشف ... عن نفسه تسلم يارب ....
تسلمي يا بنت الخليفة وتحياتي لكي وللأسرة جميعا
ياأبو الياء نحن زوغنا زماااااااااان لو رجعت لتاريخ التسجيل تلقاهو زمن الحجار لينة والجوكر خشب
زولنا صاحب القصة والله عندما أقرأ هنا عن تحديه للناس وص ف ا ق ة ألفاظه ،، أقرب أتداخل قائلا ياولد زوجتك عفت عنك ولا لسه؟؟
البلد دي اللي أسمها السودان المشوه فيها العجب العجاب لكن نقول شنو الله غالب
تحياتي للشباب ثاني
Post: #61 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: معاوية المدير Date: 11-21-2012, 02:54 PM Parent: #57
Quote: لإنقاذ ما يمكن إنقاذه,,,
هسّع في داعي تجيبو سيرة الإنقاذ هنا ؟؟؟
أها يا قباني، دحين نفر الهوايل دي قابلتك ؟؟؟ الإنترنت عالم جميل. والله صحي.
يا أخي أيّ وآحد تلقاهو لآبس قناع قبقبو يا قباني لمآن قناعو يقع. الله يقطع نفس حكاية يا أخي والله فلآن دا لمان تلآقي في الواقع زول طيّب وإبن ناس. مسألة إزدواج الشخصية لا تعدو كونها مرض بغيض. نسأل الله السلآمة.
قباني، لك الآف التحايا والسلآم...
Post: #62 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: طارق جبريل Date: 11-21-2012, 05:05 PM Parent: #61
الحمد لله ما دام انت دفعة استاذي سيف الدولة كامل معناها انا برئ
لكن تباري أيمن الطيب دة يمين يوديك خور جانقي
يا راوية بالله الزول الوسيم دة اديهو لكزة ياخ اي نعم انا قفلت الفيسبوك لكن ممكن ارجع اشوف الوسامة دي
Post: #63 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: سيف الدولة كامل Date: 11-21-2012, 07:46 PM Parent: #62
حبيبنا طارق جبريل ,,,سلامات
حبيبنا الباشمهندس يحيي قباني صديق من الزمن الجميل
وله ذاكرة يحسد عليها , درسنا في الخرطوم الاميرية
سنة 1972 افترقنا سنة 1975 , في بوست السكة حديد
اتذكرني و حدد الفصل الدرست فيهو ,اتصور انه لم نتقابل
من 1975 ويهاتفني ونتونس بعد 37 سنة والله ياطارق بنتونس
كأنه قاعدين في حوش المدرسة سنة سنة 1972 ,ايام يا طارق .
اها كشفنا ليكم العمر وطلعتوا براءة يا حناكيش .
معزتي
Post: #64 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: محمد أبوالعزائم أبوالريش Date: 11-21-2012, 08:14 PM Parent: #63
Quote: وله ذاكرة يحسد عليها , درسنا في الخرطوم الاميرية
سنة 1972 افترقنا سنة 1975
زولك ده يا سيف الدولة لمّ فينا في الخرطوم القديمة بعد ما فارقكم، يعني 1975 - 1978. وحاتك إتذكرني في البورد هنا قبل كم يوم وخلعني خلعة.
فعلاً له ذاكرة يحسد عليها.
Post: #66 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: سيف الدولة كامل Date: 11-21-2012, 08:26 PM Parent: #64
سلامات يا محمد أبو العزائم
فعلا انتقل للقديمة سنة 1975 ونحن
فضلنا المقرن لقربها من البيت ومن
نفس الدفعة ,, بروف عاصم برهان
ودكتورحسام حسن واللواء امن معتصم
عبد القادر والباشمهندس احمد عبد الرحيم
ودكتور محمد قباني كلهم نفس الدفعة في الاميرية.
وعلي ما أعتقد ود عمك نادر البداني نفس الدفعة
طبعا نادر في الحساب عمي لانه عائشة حبوبتي .
تحياتي لكل ال العزائم وأبو الريش .
Post: #65 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: أبو ساندرا Date: 11-21-2012, 08:20 PM Parent: #63
Quote: سلامات يحيى رغم انك بتحكي عن شخصيات معينة عرفتها في حياتك لكن الطواقي هنا واسعة وتناسب رؤوس كتيرة بشكل لن تتخيله الشخصية الاسفيرية و علاقتها بالشخصية الحقيقية مسالة معقدة لحد ما و التباين ليس سلبيا على طول الخط و علي سيرة الكاسات و التلج لو نظرنا للنصف المليان ح تلقى البعض وضعه الإجتماعي و عمره و مكانته مثلا لا تتيح له الإختلاط مع الكل أو الونسة بشكل بسيط و محكوم في اختيار الفاظه وكدا في رأيي ومن الشفناه هنا و التعقيدات البنحصل كان الأفضل لو الكل بكتب بنيك نيمز ولا أحد يعلم شخصية التاني الحقيقية كان الناس انصرفت و اكتفت بقراءة الشي المكتوب و التامل معه بدون انطباعات مسبقة كنت انت ما انتبهت لتناقض الشخصيات البتعرفها مع كتاباتها ولا كان نيوسوداني مثلا ح يشمئز كل ما يقرا وعظ من الزول الغشاه وبالطبع ما كان حد حيشتم التاني بحياته الشخصية او يبتزاه بمعرفته بتاريخه - وإن كان دا برة الموضوع طبعا الوقت فات على الحكاية دي بعد الناس سجّلت بأساميها الحقيقية و اتعارفت لكن هي فكرة زانة لي في راسي
اريتو رأس السرور يا ود البشرى ، وزنة الحبايب
ومن ناحية أخرى : الحمد لله انا أبدآ ما سمعت عن هذا القباني إلا قبل أقل من شهر مع أن له صديقة كانت تحرضني على معرفته
ومن ناحية أوخر : كان على قباني أن يواجه اصحابه / معارفه بدل يشرشحنا هنا كده
Post: #67 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: طارق جبريل Date: 11-21-2012, 09:34 PM Parent: #65
ديشااااااااااااك ناس ابو الريش طلعوا من سنة اسكت
Post: #68 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 11:36 PM Parent: #67
Quote: و الادعاء برضو
البورد ده حاااااالة
الادعاء يا ناصر ... وما ادراك ما الادعاء ...
برضه حاله مرضية ... ومتفشية ...
الله يدنا خيرهم ...
تخريمة " مالو معاك ايمن الطيب ده ؟ "
Post: #69 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 11:43 PM Parent: #68
Quote: حالات ذهانية قطعا تحتاج لتدخلات خارجية فى محاولة لإنقاذ ما يمكن إنقاذه,,, !!!
يا قبانى البوست دا والله ذو شجون شديد,, عليك بالنظر للجانب الممتلئ من الكأسالفاضى خليهو,,
أيمن الطيب تاني ...
والله ما جيت داير اصلح الكون ...بقدر ما حبيت اشارك الناس دهشتي ...
و الله المعضله ما في الكاس الفاضي و لا المليان ...
هنا... او في الاسافير عموما ... اللبدي ورا الكيبورد خلي النص يبقي واحد !!!
مية وش ... ولو رديت ...ياها الزوغة ... ويكون بتاوق من بره ... وكان الزنقه حارة ..." باس ويردي انسرق " ...
حريف مولانا ...العب غيرها ... واقف ساعة ...ياهو الشر
كان هامانا كان عرمانا كان عنتر ...تضوق الشـــر ...
Post: #70 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 11:52 PM Parent: #69
Quote: ههههه أحكي ليك قصة؟ طبعن أنا ساكنة في الفيس بوك قام في زولرسل لي طلب صداقة اوسم راجل سوداني في التاريخ الحديث بدون ما ابالغ ماشفت راجل وسيم زي الزول دا مافي أصدقاء مشتركين غير واحد مافي أصدقاء في لستته غير الزول المشترك بينا من باب الفضول قبلته ورسلت ليهو طوالي يازول إنت كنت وين دا كله وماسمعت بالفيس بوك وفاتح حساب جديد حكى لي دراما تبكي الطير في الشجر وفي نص الدراما ركز لي على زول محدد زميل في البورد هنا وحكى لي عن إنه الله في السما والزول دا في الواطة انقر ماطلع هو زاتو اكتر حاجة مزعلاني انه إستهيفني وإفتكر إني مابتكلم الا مع ناس وسيمين لكن الحركة الذيذة إنه بعد ما طبعن بلكتو في ناس كتار لي هسة أصحابه و قاعدين في لستته
اها بت العباسي دي انا بعرفها لي 29 سنه " من كان عمرها شهرين و نص تقريباً " ...
ليه ما اتغيرت ؟؟ ... نفس الزول ... بي كل تفاصيلو ...
اما يا راويه ... فالوجيه ... غايته طلع سماحة جمل الطين ...
Post: #71 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 11:57 PM Parent: #70
Quote: غايتو أي شخصية بتعرفك في الحياة ومعاك في البورد بعد كلامك حقو تتضاير ..
تيسير مشتاقون والله ...
ليه بس كده ياخي ... انا زول صريح بس ... و صراحتي مرات بتزعل ...
لكن ما بعرف غير الخط المستقيم ...تووووش ...
ما بعرف اجامل ...
اها ازيدك من الشعر بيت ... انا رغم عشقي للراحل زيدان ابراهيم ...
لما يقول ... كن مجامل ياحبيبي ويكفي انك تصطفيني عش خاوي من خيالو والمهاد يشهد انيني
كنت بقفل الراديو ....
تيسير ... ما تطولي الغيبات ...
Post: #72 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-21-2012, 11:59 PM Parent: #71
Quote: ديجانقو أفرز !
سلام قبانى
ابن العمّه العزيز ...
شكلو البوست وقع ليك في جرح يا هندسة ....
Post: #73 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:04 AM Parent: #72
Quote: كان سيكون ممتعا هذا البوست ومفيدا لو عمم أكثر من ذلك يعني ما يكون في تفصيل شديد ـ المقصود هنا صاحب البوست دا طبعا بعد التحية والاحترام
اخونا القريش ...
التفصيل لو فهم منو اي زول شي ... لومني ...
بعدين ياخي ما الكلام لك يا جاره ... يعني كان اخوك حلقو ليهو بل راسك ...
ود البشري قبيل قال الطواقي واااسعة و تناسب رؤوس كتيره ...
بس لبس طواقي و اسكت كِب ...
اسعدني مرورك ...
Post: #74 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:04 AM Parent: #72
Quote: كان سيكون ممتعا هذا البوست ومفيدا لو عمم أكثر من ذلك يعني ما يكون في تفصيل شديد ـ المقصود هنا صاحب البوست دا طبعا بعد التحية والاحترام
اخونا القريش ...
التفصيل لو فهم منو اي زول شي ... لومني ...
بعدين ياخي ما الكلام لك يا جاره ... يعني كان اخوك حلقو ليهو بل راسك ...
ود البشري قبيل قال الطواقي واااسعة و تناسب رؤوس كتيره ...
بس لبس طواقي و اسكت كِب ...
اسعدني مرورك ...
Post: #75 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:07 AM Parent: #70
Quote: ياخ الواحد كان ما بقصقص ضفوره كان لقى محل يدخل فيه
أنا براي لما أكون داخل على النت تقول بشوف سيمافورات قدامي ولولا محطاتي نمر نمر في رحلة من فيافي الشمال كان صفافير الدخول تشربك الشبكات وتدربك مديروها أو بلغة الكاتش النت ادمنيستريترز لكن بعد ما أكون خارج من النت بتكون الطباشيرة والشاورة فعلن فعايل في السبابير المعلقة في الدماغ زي فعايل جرس آخر الحصة في الصف .. بعدين كل حاجة بتروح زي ماجات نحن كنا بنقول في شنو
بعدين لعبات راوية زاتن دايرات شنو ما عرفتهن كل مرة تقول ليك ناولني الحاجة دي ... بس اخاف ... أقول امكن تقع وتتكسر منك بعدين يخصموها من يوميتك ...
المسافر ... ما فهمت اي حاجة والله ...سطحته بي ...
المهم ... نفس الشعور ...
والعملها فيكم بالغ ...!!!!
Post: #76 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:09 AM Parent: #75
Quote: وماهي غرابة أن 50 نفر من عشرة آلاف ينكرون أو ينكرون؟ في أي مجتمع حقيقي دراسي /عملي/ايديولوجي/حتى ديني يمكن أن تلاقي نفس هذه الشخصيات بل قد يكون اتنين تلاتة من الذين مروا من هنا يحملون نفس السمات. أنا قد اتداخل بتجربة مغايرة حيث كل من قابلته هنا اسفيريا ثم قابلته حقيقيا لم أجد أي اختلاف بين شخصيتيه. وأن كل معارفي القدامي أعتز باعادة انتاج معرفتهم عبر الأسافير وأشهد لهم بأصالة المواقف وتناغمها من قبل ومن بعد ولكن هذا لايعطيني الحق في أن أسقط تجاربي الشخصية على الكثيرين لأني قد أكون حسن النية أكثر من المطلوب
اخي محمد الشيخ ...
وجهة نظر ...لا نملك الا ان نحترمها ...
تحياتي ...
Post: #77 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:11 AM Parent: #76
Quote: الريس قباني
حضور ومتابعه
عصام مدني يا ملك ...
تابع ... والبوست بوستك يا جميل ...
Post: #78 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:16 AM Parent: #77
Quote: سلام يا هندسة .... غايتو لو ناوي تندهش ...... (جهّز حالك)، لأنو إقامتك حتطول.
أنا بالمناسبة بعتبر نفسي براءة، لأنو المعرفة الشخصية كانت في العصر الحجري
أما بالنسبة للناس الضربوا ليك الطناش ..... ممكن نفتش ليهم عذر ونقول: ما شاء الله عليك، ذاكرتك تنحسد عليها.
ابو الريش ... هلا ... هلا...
هلا بالديناصورات ...
هلا بناس القديمة ...
اولا البراري ...
براءه ساكت ... حتي عاطف عمر زاتو براءه معاك ... بس قول ليهو اتخارج من بوست البكا حق عمكم ابوساندرا ...كفاك قول ليهو ...
بعدين ذاكرتي دي ...اها ادونا عين انت و سيف الدوله...
يا رجل سيف الدوله ده " نامونا غير " ...
20 سنة في وزارة التربية السودانية و قدرهم في العمانية ...يكون دفعتنا كيف يعني ...!!!
Post: #79 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:23 AM Parent: #78
Quote: قبانى كيفنك
اها على ضمانتى الشخصية نيوسودانى بره المنبر وجوة المنبر ياهو زاتو مافى اى تغير ... وجد جد هو نيوسودانى تحياتى ليهو ... طبعا الاهو يجيك براهو يفصح ويتكلم ويكشف ... عن نفسه تسلم يارب ....
لانو انا من النوع اذا داير اعرف حاجة او اتذكر حاجة ...بزازي الليل كلو ...
ولو انتي ماليه ايدك منو تمام ...خلاص ما في عوجة تب ...
بس اوعي تكوني ما متأكده ...
عندنا واحد صاحبنا يبيع ليك العربية يقول ليك دي شيك في ايدك ...
متي حبيت تفكها...في نفس اليوم قروشك في جيبك ...
اها نيو سوداني رصيده كبير عندك ؟؟؟؟
Post: #80 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:27 AM Parent: #79
Quote: يا أخي أيّ وآحد تلقاهو لآبس قناع قبقبو يا قباني لمآن قناعو يقع. الله يقطع نفس حكاية يا أخي والله فلآن دا لمان تلآقي في الواقع زول طيّب وإبن ناس. مسألة إزدواج الشخصية لا تعدو كونها مرض بغيض. نسأل الله السلآمة.
الله يشفيهم ... ويشفيني انا زاتي من الاندهاش ده ...
Post: #81 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:32 AM Parent: #80
Quote: الحمد لله ما دام انت دفعة استاذي سيف الدولة كامل معناها انا برئ
لكن تباري أيمن الطيب دة يمين يوديك خور جانقي
يا راوية بالله الزول الوسيم دة اديهو لكزة ياخ اي نعم انا قفلت الفيسبوك لكن ممكن ارجع اشوف الوسامة دي
ود جبرين ...
بالله استاذ سيف درّسك ؟ ...
الغريبه انا من ولدوني بعرف انو المغرب فيها جبرينين ... طلحه و طارق ...
بقيتو تلاميذنا حسي ؟؟؟
ما تخاف علي من ايمن الطيب ... اخوك كهربجي حريف ...
Post: #82 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:40 AM Parent: #81
Quote: اريتو رأس السرور يا ود البشرى ، وزنة الحبايب
ومن ناحية أخرى : الحمد لله انا أبدآ ما سمعت عن هذا القباني إلا قبل أقل من شهر مع أن له صديقة كانت تحرضني على معرفته
ومن ناحية أوخر : كان على قباني أن يواجه اصحابه / معارفه بدل يشرشحنا هنا كده
العم العزيز او ساندرا ...
تعرفني كيفن و انت صاحب اخوان ابوالريش الكبار
وشكلك دفعة المرحوم الصديق العزيز سعادة المستشار احمد حسين آدم ...
بعدين و الله الاصحاب / المعارف ... كان مرقوا لي بره شوية كنت واجهتهم ... لكن متضارفين علي رقبتهم تماما ً ...
بعدين ياخي طواقي ود البشري كلها حكم ... و اهو المنفعة تعم علي الجميع ....
بعدين شكلي حتجيني امنيزيا و لا حالة نسيان شامله ... ابو الريش قال انخلع من ذاكرتي ... و سيف قال نقرت الفصل حقو سنة 72...
غايتة الليله نخلي المدام تبخرنا ...
Post: #83 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 00:43 AM Parent: #82
Quote: ديشااااااااااااك ناس ابو الريش طلعوا من سنة اسكت
و في قول اخر يا ود جبرين ...
قبل الميلاد ...
انحنا دخلنا القديمه لقيناهو ماسك فرقة المزيكا المدرسية و رتبته في الكديت " بتشاويش " ...
Post: #84 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 02:58 AM Parent: #83
الكيبورد ... وما أدراك ما الكيبورد ...
بتذكر خلال متابعتي للمنبر قبال كم سنة كده ...
واحد فتح بوست و قال لقي ليهو زول من زمن قديم و حيكون إضافة للمنبر
واتقدمت طلبات ألباس وورد للمناضل المزعوم ...
وتعال يا كلام ... الزول الكتب البوست قال ده خريج سنة كذا ...
وكان ليهو مواقف سياسية جباره في الجامعة ...
البعدو قال لا ... بعتقد انو خريج سنتين قدام اقتراح أخونا الأولاني ...
جا التالت قال لا ... هو اتخرج سنة قبل ما قال الاولاني ...
والكل لحد الرد العشرين اتفقوا علي نضالية أخونا المشحوذ له باس ورد حتي البوست العشرين ...
في النص واحد جاب صورة للمناضل ... قلت الحمد لله أمكن الناسين الاسم يتذكرو الصورة !!!
كضباً كاضب ... ولا كلمه ....
Moment of truth
1- المناضل المزعوم اتخرج قبل عشره سنين من اقدم تاريخ أنكتب في البوست ...
2- المناضل المزعوم ... كان نائما في داخليات البركس حتي تاريخ تخرجه ... لا اذكر متي كان " صاحياً " ليناضل ....
3- وهنا يجئ الاندهاش ... نفس الشباب المتقمصة الشخصيات المختلفه ...كانو أعضاء من قبل ذلك التاريخ ... و رأوا ذلك البوست ...
وهم علي معرفه تامه بذلك الشخص و فوجئت بانهم من ضمن الشاحذين للباس وورد
حتي يتم إثراء المنبر بمغامرات ذلك المناضل ... لم يصححو التاريخ ... أو السيرة ...
من وقتها تابعتهم في كل بوستاتهم ...
وعرفت السبب ...
اتاريهم طلعو كلهم مناضلين !!! وعارفين زولهم ما جاي و لا من يحزنون ...
دهشة حقيقية ...
Post: #85 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: PLAYER Date: 11-22-2012, 03:24 AM Parent: #84
Quote: شخصيات عرفتها في الحياة .. وجدتها تتقمص شخصية مختلفة في هذا المنبر ...
سؤال اليوم وماذا لو كانت شخصيتهم الحقيقية في البورد وتقمسوا شخصية مختلفة عندما عرفتهم في الحياة حكمة اليوم كل الاحتمالات واردة من ناس البورد
Post: #87 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: د.نجاة محمود Date: 11-22-2012, 06:17 AM Parent: #85
بوست مبالغة شكرا ومرحب بيك بالجد "اميوزد" لدرجة قف قربت تكون كاتبي المفضل لو ما حاتم الياس بيكتب الايام دي نكرر الترحاب والشكر
Post: #88 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: د.نجاة محمود Date: 11-22-2012, 06:20 AM Parent: #85
بوست مبالغة شكرا ومرحب بيك بالجد "اميوزد" لدرجة قف قربت تكون كاتبي المفضل لو ما حاتم الياس بيكتب الايام دي نكرر الترحاب والشكر
Post: #89 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 02:18 PM Parent: #85
مرحباً يليار
ما خلاص ده يكون جديد عليك وتتمقلب فيهو الي حين
أما بالنسبة لحكمة اليوم ....
فغايته نقول انتم السابقون ونحن اللاحقون
Post: #90 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 02:21 PM Parent: #89
Quote: بوست مبالغة شكرا ومرحب بيك بالجد "اميوزد" لدرجة قف قربت تكون كاتبي المفضل لو ما حاتم الياس بيكتب الايام دي نكرر الترحاب والشكر
مرحباً د. نجاة ...
ومرحبتين بحاتم الياس ...
سعيد بالأطراء ... وتحياتي لأهل ماليزيا ...
Post: #91 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 03:22 PM Parent: #90
Quote: تسلمي يا بنت الخليفة وتحياتي لكي وللأسرة جميعا
ياأبو الياء نحن زوغنا زماااااااااان لو رجعت لتاريخ التسجيل تلقاهو زمن الحجار لينة والجوكر خشب
زولنا صاحب القصة والله عندما أقرأ هنا عن تحديه للناس وص ف ا ق ة ألفاظه ،، أقرب أتداخل قائلا ياولد زوجتك عفت عنك ولا لسه؟؟
البلد دي اللي أسمها السودان المشوه فيها العجب العجاب لكن نقول شنو الله غالب
تحياتي للشباب ثان
طيب يا نيو سوداني ...
نطول بالنا طالما ضمنتك بت الشيوخ و الخلفا ...
المصيبة زولك شكلو عارف نفسو ... وما هماهو ...
والله مش دهشة ...
Post: #92 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-22-2012, 09:34 PM Parent: #91
صديقتي الجميلة الكاتبة اللبنانية د. غريد الشيخ محمد
صاحبة دار النخبة للنشر بلبنان .. وصديقة الشاعر الضخم محمد مفتاح الفيتوري
وصاحب الفضل في أني تعرفت عليها هو صديقي البديع الاستاذ عصمت العالم ...
الشاهد ...
الدكتورة غريد كتبت مجموعة من القصص اسمها " أيام معهم ""
ذكرتني ببعض الشخصيات المنفصمه هنا ...
سأعود بالتفصيل ...
Post: #93 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-23-2012, 00:31 AM Parent: #92
صديقتي المبدعه الدكتوره غريد الشيخ
ابتدعت طريقة ممتعة في السرد و الكتابة لسير الأدباء سمتها أيام معهم
أيام معهم: مجموعة قصص تَمثيليّة تَحكي كلُّ واحدةٍ منها عن شــاعِرٍ بأســلوب حديث. البَطَلةُ الرَّئيسةُ فتاةٌ تَســتحضِرُ أبطالَها، تُحاوِرُهم وتتعاطَفُ معهم وتتعرَّفُ على حياتهم مِن خِلالِ أحداثٍ يَروونها وأشعارٍ يقرؤونها. وهي خمسة: أيام مع جرير، أيام مع نزار قباني، أيام مع الفيتوري، أيام مع عبد العزيز خوجة، أيام مع هدى ميقاتي
د.غريد الشيخ صديقة حميمة جداً لشاعرنا الضخم الفيتوري و توطدت العلاقة إبان وجود الفيتوري دبلوماسيا في بيروت
كتبت رحلتها معه و هي قصة حقيقية ... رغم تغيير اسم الفتاه في الكتاب ... فالفتاه في القصه هي نفسها د. غريد ثم كتبت بعدها باقي السلسلة بخيال الكاتب البارع .. بعد تمحيص و تنقيب في التاريخ المهيب لهؤلاء العظماء هنا نسخة كتاب أيام مع الفيتوري pdf اهدتني اياها د.غريد و استأذنتها في نشرها .. http://www.dar-alnokhba.com/DL/faytouri.pdf
ولكن ...
ما اردت ذكره رغم الفارق الرهيب بين ما سطرته الرائعه د.غريد الشيخ ...
وبين بعض الاخوان و الاخوات هنا ... الذين تقمصوا شخصيات عاشت مع بعض المشاهير الراحلين ..
وابتدعوا القصص و الأكاذيب بل وصدقوها هم انفسهم ...
نقول لهم ... من رحل ... فقد رحل ... لا نستطيع سؤاله من صحة تلك الافتراءات ...
و لكن نذكركم ...ان بيننا من عاشر هؤلاء بحق و حقيق ... فلا تدّعوا ... وارحموا حرمة موتانا ...
Post: #104 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: عثمان دغيس Date: 11-25-2012, 10:38 AM Parent: #61
الأخ قباني والأخوة الكرام .. والله يا أخوانا وما طالبني حليفة ... واحد بنفس المواصفات الجبت سيرتها هنا في بداية البوست ده ... شاااااايفو ظهر ودور فيكم هنا آخر ظرافة وبيأيد فكرة البوست وعامل فيها ما من النوع ده ...شفت كيف .؟ والله لو الزول ده ماهو المقصود بالتحديد بالكلام ده يبقى الكلام ده كلو فارغ ..! الزول ده ياهو زااااااتو أبو وشين داك بتاع الله قال والرسول قال ... والكاس الإسكتو ....
بس يا أخوانا القصة ماها كومين بس .. يا إما تكون بتاع كده أو كده ... يعني - وده حصل معاي أكتر من مرة - مرات تلقى موضوع يستفزك فعلاً وتتداخل فيهو بي رأي مجرد يلموا فيك ناس زعيط ومعيط يقولوا ليك إنت عامل فيها وعامل فيها .. يا أخوانا أنا ما بكون عامل فيها ولا أي حاجة ...
ومرات كتييييرة عشان الخوف من التصنيف الزي ده الواحد بيمسك رأيو عليهو ...
تحياتي من جديد يا قباني ..
Post: #94 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: مبارك محمد Date: 11-23-2012, 00:53 AM Parent: #1
أخي يحي قباني أنت كتبت هنا بيانا للكتابة الافتراضية..نتفق مع بعضه أو نختلف مع البعض الآخر..لكنه يتمتع بصدقية عالية..
أمس إتصل بي صديق في مقام احترامك،وأخبرني عن هذا البوست الرائع الذي اعتربته أنا شخضيا جمّال قراءات ، وفاتح أبواب عديدة لتفكير...لقد تأسفت للاطلاعي عليه متأخرا .. وقد استفز لدي مجموعة أسئلة.. مودتي..
أسئلة الافتراضي/ الواقعي: هل صرنا حقا كائنات افتراضية تتواصل عن طريق المسنجر ومساحات المنتديات, أدواتها في ذلك شاشة مسطحة وفأرة لا تخشى القطط؟ هل فقدنا الصلة بالواقع أو نكاد؟ لكن ما هو الواقع في ضوء المستجدات التقنية: هل هو فقط الجار الذي لا أعرفه؟ أو زميل العمل الذي لا أجد وقتا لمجالسته؟ أو عراك الديكة في حظيرة القريب الذي في البادية؟ ألسنا نعرف بعض الكائنات الافتراضية أفضل من ذلك؟ هل يقع الافتراضي في الطرف المقابل للواقعي Realistic أو الحقيقي Real؟ هل هو المتخيل؟ المحتمل؟ السحري؟ أو أنه بكل بساطة العالم فائضا عن الخارج ومتسربا إلى عقر الدار ببضع نقرات عالمة؟ هل هو أداة الواقع لتواصل, إن لم يكن أفضل, فعلى الأقل أسرع (قيل أن يرتد الطرف) أو على العكس الواقع مطية الافتراضي نحو تحقيق جدلية العزلة/الانفتاح على العالم ضمن رؤية ألغت من حساباتها ثقل الجسد؟
مهما يكن موقفنا.. يبدو أن الافتراضي يقتطع يوميا مساحات من أخيه الأكبر الواقعي, ضمن مخطط مستقبلي لأن يرثه..آنذاك سيصير شبيها بخارطة بورخيس التي تماثل
Post: #95 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-23-2012, 02:50 PM Parent: #94
صديقي الجميل مبارك " المسافر "
لك الود ياخي وكتير مشتاقين يا حبيب
حارجع ليك انشالله ...
رغم أني شايف الكل بعد من البوست ...
كل إنسان عنده حساباته الخاصة طبعا و كلنا بشر ...
بس انا والله فتحت البوست عندي كلمتين وإقفات في الحلق
قاعد امرق فيهم بي مزاج ...
ولسه ما انتهيت ...
تغشاك العافية يا مبارك ولي عوده معك ...
Post: #96 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: طارق جبريل Date: 11-23-2012, 05:00 PM Parent: #95
ود قباني كيفنك
ياخي ما دام طلعت دفعة ابو الريش الواحد بعد دة عادي ممكن يقول: حلاااااتك يا ود جبرين
Post: #97 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: محمد البشرى الخضر Date: 11-23-2012, 05:13 PM Parent: #96
Quote: نقول لهم ... من رحل ... فقد رحل ... لا نستطيع سؤاله من صحة تلك الافتراءات ...
و لكن نذكركم ...ان بيننا من عاشر هؤلاء بحق و حقيق ... فلا تدّعوا ... وارحموا حرمة موتانا ...
يحيى يا عمك ما لها الطاقية الدورة دي شكلها قميص عامر قميص عامر كدا
Post: #98 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-24-2012, 00:43 AM Parent: #97
Quote: ود قباني كيفنك
ياخي ما دام طلعت دفعة ابو الريش الواحد بعد دة عادي ممكن يقول: حلاااااتك يا ود جبرين
بخييييير يا ود جبرين ...
والله دفعة ابو الريش ...
ودفعة استاذ سيف الدولة ...
وحلااااتك وحلاة كلماتك يا حبيب ...
Post: #99 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-24-2012, 00:47 AM Parent: #98
Quote: يحيى يا عمك ما لها الطاقية الدورة دي شكلها قميص عامر قميص عامر كدا
ياود البشري هوووي ...
انا فصلت الطواقي ... وانت لبّس بي طريقتك ...
قال جينا لي مكة تغنينا ... مكة شلّعت طواقينا ...
Post: #100 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: عاطف رميتي Date: 11-24-2012, 04:56 PM Parent: #99
التحية .. وكامل المودة ود قباني
... واصل ومتابع معاك ...
Post: #101 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-24-2012, 05:55 PM Parent: #100
أخي الفاضل عاطف رميتي ...
لك من الود اقصاه ...
وشاكر للمتابعه ... وسأواصل ...
Post: #102 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-24-2012, 06:08 PM Parent: #101
المتنبي في احد معاتباته لسيف الدوله ...انشد قصيده في محفل من العرب ...
وكان سيف الدوله اذا تأخر عنه مدحه شقّ عليه ... واحضر من لا خير فيه للتعرض له بما لا يحب ...
أُعيذُهــا نَظَرَاتٍ مِنْكَ صَادِقةٍ ... أن تَحسبَ الشّحـمَ فيمن شحمهُ وَرمُ وَما اْنتِفاع اخي الدنيا بناظِرِهِ ... إذا اسْتَوَتْ عِنْده الأنوارُ و الظُّلـــمُ
....
ساعـــود ...
Post: #103 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: محمد أبوالعزائم أبوالريش Date: 11-25-2012, 08:39 AM Parent: #102
طارق جبرين إنطم !!!!
البوست إسمو (شخصيات عرفتها .....) ما إسمو أبوالريش ...... الله ينتّف ريشك.
كلو من عاطف عمر وسيف الدولة.
Post: #105 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: عصام مدنى Date: 11-25-2012, 12:38 PM Parent: #103
Quote: الأخ قباني والأخوة الكرام .. والله يا أخوانا وما طالبني حليفة ... واحد بنفس المواصفات الجبت سيرتها هنا في بداية البوست ده ... شاااااايفو ظهر ودور فيكم هنا آخر ظرافة وبيأيد فكرة البوست وعامل فيها ما من النوع ده ...شفت كيف .؟ والله لو الزول ده ماهو المقصود بالتحديد بالكلام ده يبقى الكلام ده كلو فارغ ..! الزول ده ياهو زااااااتو أبو وشين داك بتاع الله قال والرسول قال ... والكاس الإسكتو ....
بس يا أخوانا القصة ماها كومين بس .. يا إما تكون بتاع كده أو كده ... يعني - وده حصل معاي أكتر من مرة - مرات تلقى موضوع يستفزك فعلاً وتتداخل فيهو بي رأي مجرد يلموا فيك ناس زعيط ومعيط يقولوا ليك إنت عامل فيها وعامل فيها .. يا أخوانا أنا ما بكون عامل فيها ولا أي حاجة ...
ومرات كتييييرة عشان الخوف من التصنيف الزي ده الواحد بيمسك رأيو عليهو ...
تحياتي من جديد يا قباني ..
تحياتي ليك وللحبيب عــــــلوب
بلمناسبه رجع من السودان ولا لسه
Post: #106 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-25-2012, 07:58 PM Parent: #105
Quote: أُعيذُهــا نَظَرَاتٍ مِنْكَ صَادِقةٍ ... أن تَحسبَ الشّحـمَ فيمن شحمهُ وَرمُ وَما اْنتِفاع اخي الدنيا بناظِرِهِ ... إذا اسْتَوَتْ عِنْده الأنوارُ و الظُّلـــمُ
معاكم معاكم .. عليكم عليكم .. !!!
الواحد براهو عمره ما فتح ليهو بوست لأي شي ....
ردود بس ...
برضها ما مشكله ...الناس التانين بيسبقوهو " مثلاً "
او زي ما كان بيقول صاحبنا الخواجات ما خلوا لينا حاجه نفكر فيها او نخترعها ...
لكن المصيبة ...
التناقـــــــــــض ...
يجيك في بوست عن شي معين ... لو لقي الناس شايته يمين ...
يكرب كدارته و يشوت معاهم يمين ضفاري ...
و تمر الايام ... وبوست بنفس المعني ...
نفس الكداره ... لكن ناس تانين ... وشايتين شمال ... وهو في نصهم ؟؟؟ يصرج الكوره شمال زي الما حاصل شي ؟؟؟
ده هبل ...ولا بهتان شخصية ... ولا شنو ما بعرف ...!!!
ياخي ما ممكن الابيض يبقي اسود بين يوم وليله ؟؟؟
ولا شنو ؟؟....
Post: #107 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-26-2012, 00:47 AM Parent: #106
Quote: بس يا أخوانا القصة ماها كومين بس .. يا إما تكون بتاع كده أو كده ... يعني - وده حصل معاي أكتر من مرة - مرات تلقى موضوع يستفزك فعلاً وتتداخل فيهو بي رأي مجرد يلموا فيك ناس زعيط ومعيط يقولوا ليك إنت عامل فيها وعامل فيها .. يا أخوانا أنا ما بكون عامل فيها ولا أي حاجة ...
ومرات كتييييرة عشان الخوف من التصنيف الزي ده الواحد بيمسك رأيو عليهو ...
تحياتي من جديد يا قباني ..
ناس زعيط و معيط ديل جماعة المتنبي الفوق ديل ...
ما عليك منهم ... البورد بطنه زاتها بطرانه ...
انحنا السودانين عندنا راي في اي شي اساسا ...
اما حكاية تمسك رايك عليك دى ... مرات كتيره لازم توزن الامور ... وتشوف البوست قيمته شنو ...
لانو في ناس بس دايرين يخالفوا ... ولو البوست جاي من جنس ديل ... ابعد بس ... لانك بتنفخ في قربه مقدوده ...
Post: #108 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: سيف الدولة كامل Date: 11-27-2012, 02:02 AM Parent: #107
سلامات يا ابوالريش ,,,ضحكتني والله المسنووووح ود جبرين
درسته في الخرطوم الجديدة الثانوية وحات الله راجل كبييير
ومافي فرق بينا كتييير درسته وانا عمري 23 سنة خريج جديد
طبعا بكون دخل المدرسة وعمره 9 سنوات يعني يا ابو الريش بكون
أصغر مننا بسنتين , عامل صلعته الصغيرة ده . تحياتي لك والحبيب
طارق جبريل وصاحبه أب صلعة طارق الامين أولاد دفعة في المدرسة
والصلعة .
Post: #109 Title: Re: شخصيات عرفتها في الحياة .. وجدتها تتقمص شخصية مختلفة في هذا المنبر Author: يحي قباني Date: 11-27-2012, 10:54 PM Parent: #108
الفاضى خليهو,,
