Post: #1
Title: هيـــــــــــــــــا .. الطيرة .. ؟؟!!
Author: tmbis
Date: 11-20-2012, 11:50 AM
أمبارح بالليل طبعا اولاد أهلي شندي عملو زي الطيرة دي زي ما بتعمل مع السمك ..
بس عملو لي منو؟؟ . ماف واحد يسالني .. 
..
Cc:
طارق جبريل ..
حبيب نورة
|
Post: #2
Title: Re: هيـــــــــــــــــا .. الطيرة .. ؟؟!!
Author: الامين موسى البشاري
Date: 11-20-2012, 11:54 AM
Parent: #1
وأخيراً تمبس يغرد في سماء سودانيز أونلاين
غايتو أنا لو محلك بشجع المريخ
لأنه يمنحكـ السعادة ولا يجعلك تتوارى خجلاً بعد كل خيبة
والله صحي ()
|
Post: #3
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-20-2012, 12:12 PM
Parent: #2
| Quote: غايتو أنا لو محلك بشجع المريخ |
لييييييييييه..؟
شان يجي يلم فيني اهلي شندي يقفل بي الحسابات .. ويزعمطني في نهاية الموسم ..؟
إنت قايل الغلب دا بااارد.. ؟
|
Post: #4
Title: Re: هيـــــــــــــــــا .. الطيرة .. ؟؟!!
Author: Ashraf el-Halabi
Date: 11-20-2012, 01:53 PM
Parent: #3
| Quote: ولا يجعلك تتوارى خجلاً بعد كل خيبة |
بشاري قصدو يمنحك قوة العين
|
Post: #6
Title: Re: هيـــــــــــــــــا .. الطيرة .. ؟؟!!
Author: طارق جبريل
Date: 11-20-2012, 04:05 PM
Parent: #5
| Quote: ولا يجعلك تتوارى خجلاً بعد كل خيبة |
اوسكار
|
Post: #7
Title: Re: هيـــــــــــــــــا .. الطيرة .. ؟؟!!
Author: حافظ انقابو
Date: 11-20-2012, 05:11 PM
Parent: #6
تامبا .. إشتياقات يا كوتش
اريتك كنت معانا امبارح .. في المقصورة
وأكلت قزقز بتاعة الكاس .. تصدق طعمها غير
أول مرة احس انو حلاوة قزقز لذيذة كدا
عموما انا أكلت ليك واحدة حمراء :-P
والعجب البرتكان .. كلو أصفر .. اصلو ما لاقتني
واحدة لو أخدر ;-);-)
تصدق انا لي هسي ما اكلت حاجة من امبارح :-)
|
Post: #8
Title: Re: هيـــــــــــــــــا .. الطيرة .. ؟؟!!
Author: مدثر صديق
Date: 11-21-2012, 05:24 AM
Parent: #7
|
Post: #15
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-21-2012, 10:36 AM
Parent: #8
يعني يا مدثر بتقصد انو الجماعة ديل .. حلقو ليهم في الافتتاح .. وقفلو بيهم الموسم ..؟
اشان كدا ما شايف واحد حايم وبتكلم في الكورة ..
حسع دي كان ناس الاهلي مدني ديل كان درنو معانا ساااكت كدا .. وهم في رشتم من اهلي شندي ، كان تلقاهم شبكونا ليك الدوري مسسسيخ ..
الهلال دا كان خاشي النار بجو جاريين وراهو
|
Post: #14
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-21-2012, 10:00 AM
Parent: #7
Quote: تصدق طعمها غير
أول مرة احس انو حلاوة قزقز لذيذة كدا
عموما انا أكلت ليك واحدة حمراء |
اوووو حافظ اي حاجة ياخ ..
والله ايامك عنـب عديل كدا .. لقيتني مافي وتتجدع في استاد الهــلال .. اتاريك مرضان برضو .. انا قايلك بتاع سودانيزاونلاين ساااي
ياخ كورة زي دي ما بتتحضر لانها معروفة يا حافظ ..
الثابت في الأمر انك مفروض تحضر كورة الحمام ديلاك .. تمشي استادم وتكون شايل معاك حلاوتك في جيبك ..
وتكون دافن دقن طبعا .. والقون بعدما يجي تعمل يها رايح .. وتكتم نفسك لحدت نهاية الكورة ..
اهـا
بعدما تنتهي .. تقوم تعمل الكيتة بتاعتك وتوزع حلاوتك .. لكن كان طقطقوك انا ما معاك ..
زمان يا حافظ كنت بمشي مع اولاد الحلة بنمشي ندخل كورة هلال موردة .. بكون قاعد في نصهم ومتحكر .. طبعا في كتيرين من الشباب عارفني ليك رشاشـة ..
لما القون يجي بعمل فيها رايح .. وتلقاني الكورة كلها بشجع ليك في الموردة تشجيع صلاخية كدا اقوم اجري بين المدرجات واشتم ليك النقر .. طبعا من بره قلبي
وزي ما قلت ليك لما القون يجي بعمل فيها حزين ..
يوم قمته دقستـه .. عبرت عن شعوري في القون الجابو اسامة الثغر في عوض دوكــة ..
اها
من لحته حرمته ادخل كورة مع اولاد الحلة .. لانو لو قلت ليك عملو لي شنو بتزعل مني
عاين عملت لي شنـو في موضوع (الطبلــة) ؟؟
|
Post: #17
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-21-2012, 11:39 AM
Parent: #6
اوسكار واللا اهلي شندي ..؟
حيييي انا
|
Post: #10
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-21-2012, 06:26 AM
Parent: #4
V
|
Post: #11
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-21-2012, 06:33 AM
Parent: #4
| Quote: بشاري قصدو يمنحك قوة العين |
ومن اين لفاقد الشئ أن يعطيه ..؟
|
Post: #9
Title: Re: هيـــــــــــــــــا .. الطيرة .. ؟؟!!
Author: walid taha
Date: 11-21-2012, 06:00 AM
Parent: #1
بوست مُعشّكب
|
Post: #12
Title: Re: هيـــــــــــــــــا .. الطيرة .. ؟؟!!
Author: محمد البشرى الخضر
Date: 11-21-2012, 06:42 AM
Parent: #9
تمبس يا عمك سلام
انا بتهمك عديل كدا انّك الكج الملازم الهلال
غايب ليك خرتمية سنة جيت كتبت صباح طيران الوصيف عشرمية بوست غير المداخلات الفكة و لحّقتنا الرقدوا
اسّي الله يستر على كاس السودان :)
|
Post: #13
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-21-2012, 09:15 AM
Parent: #12
| Quote: انا بتهمك عديل كدا انّك الكج الملازم الهلال |
اووو عمي حسـن ياااخ
كج شنو يازول ..؟
الكج انت ما عارفو .. الكج الرسمي للهلال وانا امنت عديل كدا .. أنو هو .. محمد عبد الماجد بتاع وإن طال السفر في جريدة قوون
عارف محمد دا كل سنة قاعد يطيرنا هو من المنافسات الافريقية ..
كل سنـة .. انا بنتظر اللفــه الاخيرة بتاعت المربع بتاع النصف النهائي عشان محمد عبد الماجد يختها لينـا ..
جربتو من عدة زوايا حتى في المنافسات الداخلية .. قاعد يشربنـا ..
كلما يكتب يوم المباراة عن احداثيات ما قبل المباراة .. انا بكون على علم تام ويقين عالي انو نحن مرشوشين .. رشة المريخ في الأردن ..
بقيت ما بتستغرب المسالة خالص .. واليوم الما بكتب فوقو بكون نص نص كدا مطمن نفسي ..\
دي الميزة الاولانية .. لكن الميزة التانية انت ما عارفه ابوي انا
انو محمد عبد الماجد دا بي (كججانو) دا ... ما بلحقك ودا الفرق البيني بينك .. انا طبعا زول مفتح بتاع كورة وتشجيع يعني بي صورة اوضح .. بفهمه طايرة .. بمشي اقرا عمود محمد الصايم وبجي شايل (كجي) في جيبي وبكون عارف البي والعلي ..
اهــا
بجي باخد حقي هنا اخدر وبي ضراعي وبي كيبوردي .. بطول لساني شبرين .. مرات بجي داخل بي ميزان الضغط حقي وبي (سماعة) زميلة البورد .. بفتح البوست وبعمل لي عيادة مجانية للجماعة اي واحد بعمل ليهو ضغط وفحص السكري والكلام دا قبال الكورة طبعا منها حمى ما قبل المباراة تروح ومنها اخلص حقي .. نظام اكل نفسك قبلما الناس تاكلك .. بتاعت احمد حلمي وبعدما تترشة تقفل تلفونك .. وتستخدم الشريحة البديلة وتعمل نظام تحويل مكالمات وتغيب كم يوم من البورد .. قايلني فارة زيك اجي للجيش العرمرم دا من المساكين يفشو غبينتم فيني ..؟ انا بفرق منك اني بشيل كيبوردي .. وبتكل ضهري في الحيطة .. ماف اي فارة بي داخل بي ضهري ..
لكن نوعيتك دي .. الكورة بين الشوطين .. والجماعة مضروبين .. ونحن بنكون ماسكين ليها سبحـة .. والبقرة ويس عشان تنتهي بالطريقة دي يا كمان زيدان ابراهيم ما بطال .. تقوم تفتح لينا بوستيك المعهود .. تشربنـا نحن وتشرب الفريق البنشجعو .. وبدل ما نحن ندخل نعمل (كيتـه) .. نبقى نحن في اللحقو ود البشرى الجماعة رجموهو من مسافة قريبة واللحقـو ود البشرى الجماعة سووو لي ..
|
Post: #16
Title: Re: هيـــــــــــــــــا .. الطيرة .. ؟؟!!
Author: الامين موسى البشاري
Date: 11-21-2012, 10:50 AM
Parent: #13
تامبا أزيك ياخ
أســمع عندي ليكـ نصيحة أخوية وهي :
لو عندكـ حنكـ كبوا كلو الايامات دي لأنو قالوا
هناكـ مباراة بين هلال مريخ في كأس السد هنا
لأننا خايفين تزوغ تحت الارض تاني وما تظهر بجاي قريبات دي 
|
Post: #18
Title: Re: هيـــــــــــــــــا .. الطيرة .. ؟؟!!
Author: tmbis
Date: 11-21-2012, 11:44 AM
Parent: #9
روح بدخانك
|
|