Post: #10 Title: Re: امدرمـــــــــــــ يادرة المدائن ـــــــــــــــــــــــــــــــــ Author: محمد مختار جعفر Date: 11-17-2012, 03:35 PM Parent: #9
أم درمان يابنتي تاريخ وأدرمان حضارة وأم درمان مودة وتراحم وأدرمان قلاع وحصون وأمدرمان أهل العزة والكرم وأم درمان الخليل ، حين تغنى بالشرف الباذخ ، وقال :
نحن الصولة وسيوف الدولة ..... نحن كنانة إسماعيل بابـه العـالي وشرفـه الغـالي ...... كان لجدودنا ظله ظليل
أم درمان جبال كررى وجبل سركاب ، ورجال ( سدو الفرقة ) وأم درمان الأزهري والمحجوب وأمدرمان الميرغني والمهدى وحاج كرتوب وأمدرمان الأمير يعقوب وأدرمان عثمان دقنه وأبوعنجه وأدرمان بيت المال وأم درمان معركة لم يشهد لها التاريخ مثيل
Quote: نحن الصولة وسيوف الدولة ..... نحن كنانة إسماعيل بابـه العـالي وشرفـه الغـالي ...... كان لجدودنا ظله ظليل
الاخ الحبيب محمد مختار
لك كل الود الامدرماني
ويا ريت لو نعرف انك امدرماني ولا معجب بدرتنا الجميلة .
ولك شكري وتقديري ,,
Post: #13 Title: Re: امدرمـــــــــــــ يادرة المدائن ـــــــــــــــــــــــــــــــــ Author: محمد مختار جعفر Date: 11-17-2012, 04:53 PM Parent: #12
مرحب يا منى عمسيب بكا تأكيد نحن من أمدرمان وأهلنا وعائلتنا الكبيرة ببيت المال أم درمان ، حوش بدرى وعمنا لزم الشاعر الكبير خليل فرح بدري والده ووالدنا محس فنحن من أهل هذه البقعة الطيبة ، وقد سميت بالبقعة فتاريخ أمدرمان لايمل وفيه الكثير والكثير من الحكايات والتاريخ الطويل شكراً ... ولك تحيتي ..
أمدرمان- مدرسة الكتيابى الابتدائية جوار جامعة الأحفاد. أمدرمان- مدرسة أمدرمان الاميرية المتوسطة. أمدرمان- مدرسة وادى سيدنا الثانوية. أمدرمان- المكتبة الوطنية أمدرمان- مكتبة البشير الريح. أمدرمان- السينما الوطنية أمدرمان- مكتب البوستة أمدرمان- بائعى الكتب القديمة فى المحطة الوسطى قديما ثم نقلهم الى غرب مكتب البوستة ثم أخيرا شرق الجامع الكبير. أمدرمان- مستشفى امدرمان التعليمى أمدرمان- مستشفى حوادث الأطفال. أمدرمان- ميدان المولد
. . . . . كل محطة من تلك المحطات تحمل كثير ذكريات وأشجان. كانت لنا أيام والزمن كان جميل مبتسم.
أم درمان ..العباسية..نادى الربيع.المجلس البلدى.دار الرياضة .ألأذاعة.المسرح.التلفزيون.مركز شباب أم درمان..السجن..السوق .الأسبتالية.شارع الدكاترة.المسجد الكبير.العدنى.الملجة.مدرسة العرضة.المحطة ألأوسطى.البوستة. .إستاد الهلال.أستاد المريخ.مدرسة المهدية العليا. الثورات أم بدات الفتيحاب المربعات. كلها ذكريات فى خاطرى....وأكثر..أم در أمان وناسه حنان.
خيط جميل.
Post: #23 Title: Re: امدرمـــــــــــــ يادرة المدائن ـــــــــــــــــــــــــــــــــ Author: إبراهيم عبد الحليم Date: 11-21-2012, 02:15 PM Parent: #22
Quote: أمدرمان- مدرسة الكتيابى الابتدائية جوار جامعة الأحفاد. أمدرمان- مدرسة أمدرمان الاميرية المتوسطة. أمدرمان- مدرسة وادى سيدنا الثانوية. أمدرمان- المكتبة الوطنية أمدرمان- مكتبة البشير الريح. أمدرمان- السينما الوطنية أمدرمان- مكتب البوستة أمدرمان- بائعى الكتب القديمة فى المحطة الوسطى قديما ثم نقلهم الى غرب مكتب البوستة ثم أخيرا شرق الجامع الكبير. أمدرمان- مستشفى امدرمان التعليمى أمدرمان- مستشفى حوادث الأطفال. أمدرمان- ميدان المولد
. . . . . كل محطة من تلك المحطات تحمل كثير ذكريات وأشجان. كانت لنا أيام والزمن كان جميل مبتسم.
شكرا منى عمسيب البوست.
الاخ العزيز \ امبده
تحياتي وتقديري وتشكراتي لك ,,,,
وهاهي محطات امدرمان التي لا يجب تجاوزها ,,,,,
المحطات التعليمية . الثقافية .
المحطات الطبية .
والمحطات الترفيهية ,,,, وما اجمل هذه المحطات بذكرياتها واشجانها .
ولك كل الشكر اخي امبدة علي هذه الجولة لمحطات الذكريات .
أم درمان ..العباسية..نادى الربيع.المجلس البلدى.دار الرياضة .ألأذاعة.المسرح.التلفزيون.مركز شباب أم درمان..السجن..السوق .الأسبتالية.شارع الدكاترة.المسجد الكبير.العدنى.الملجة.مدرسة العرضة.المحطة ألأوسطى.البوستة. .إستاد الهلال.أستاد المريخ.مدرسة المهدية العليا. الثورات أم بدات الفتيحاب المربعات. كلها ذكريات فى خاطرى....وأكثر..أم در أمان وناسه حنان.
خيط جميل.
الاخ الكريم \ اسماعيل عباس
تحية امدرمانية خاصة لهذه البصمات العشر
وما اهم وأجمل هذه المحطات التي ذكرتها والتي تمثل وتؤكد وطنية وعاصمية هذه المدينة الرائده .
من فتيح للخور للمغالق من علايل ابوروف للمزالق قدله يا مولاى حافى حالق بالطريق الشاقى الترام خليل افندى فرح
الى خالى على سليمان : الذى تعلمنا منه كيف يكون العيش فى امدرمان صبابة على المك فى اهدائه كتابه عن ابوداؤد
ليت السفائن لا تقاضي راكبيها من سفار أو ليت أن الأرض كالأفق العريض ، بلا بحار ما زلت أحسب يا نقود ، أعدكنّ و أستزيد ، ما زلت أنقص ، يا نقود ، بكنّ من مدد اغترابي ما زلت أوقد بالتماعتكن نافذتي و بابي في الضفّة الأخرى هناك . فحدثيني يا نقود متى أعود ، متى أعود ؟ بدر شاكر السياب: غريب على الخليج
المدن كبيرة وصغيرة مثل العيون كلها ترى ولكن العيون الكبيرة من علامات الحسن امدرمان مدينه ليس كسائر المدن ، فهى من اول المدن التى كسرت ساق القبيلة تمازج اهلها و تصاهروا بتناغم بديع حتى اصبح ليس بين احد والثانى لحاء جعليين وكوارته وفور وزغاوة وشايقيه ورباطاب ومحس وبديريه ودناقلة وحضور ونوبه ودينكا وشلك وسواراب وكواهلة وبطاحين ومساليت وجعافرة وعبابدة وحمر وبفارة وحلنقة و بجه وهدندوة وفلاته وفونج وعبدلاب و برتى وزاندى وزادو عليهم ، يمن وشناقيط وارمن واقباط ومصريين وشوام ومغاربه ويهود واتراك . دماء لو رأيتها لحسبتها لو انها مزجت وخلطت خلطا لما لامس فيها دماً دما ولكن اهل امدرمان فعلوها.. وخرجوا للعالم بنسيج اجتماعى فريد محكم الصنعه لحمة وسداية.. امدرمان مساجدها تلاصق كنائسها والمنتوج اذاذين وتواشيح وترانيم وتراتيل وقداسات تتصل كلها بالسماء .. مسيحيها ومسليميها يتشاركون فرح وكره سراء وضراء تسمع الفاتحه من مسيحى والبقية فى حياتك من مسلم.. بر ابو البتول وجليس الساكن الصور وقدح الدم ومرفعين فقراء والسيد المكى مسبحة منظومة من اهل الله برهانيه وقادريه وسمانيه وختميه وانصار وعركيين وانصار سنة ومكاشفية والف طريقه وطريقة كلهم اخوان. اسالنى عن رموزها توفيق صالح جبريل ، حجاز مدثر، حسن عوض الله، صديق منزول، عم باجورى عابدين شرف، لا اعرف لهم قبيله غير انهم امدرمانيون .. معالمها لا يغيب عنها التأويل.. بوابة عبد القيوم، صينية ازهرى، الطابية، مسلة ادريس الهادى حوش الخليفه، كلهم معروفون كابر عن كابر.. المدينة الوحيدة التى تحتفى بخمس قباب، قبة المهدى ، قبة الشيخ قريب الله، قبة الشيخ حمد النيل، قبة الشيخ احمد ود سليمان فى الفتيحاب ، قبة الشيخ دفع الله ، ابل الله تربهم و نفعنا الله بجاههم امدرمان اهل الموضة جلاليب الدمور وبدل الدمور وناس نقد الله صناعة المراكيب والطواقى والشارلستون ومنصور خالد، تبدأ الموضة من عندهم ثم تنداح الى بقية السودان .. اهلها ينحازون فى المآكل والمشرب لمطاعمها و مقاهيها.. سمك السكى، فول احمد سعد، ليمون حسن قرشى، تمباك سورج ، ايسكريم برعى المصرى، باسطة الطيب سيد مكى.. حتى فى المشرب البرى منه وغيره تجدهم يفضلون كركدى صابر الحارث و مريسة حواء كلاب .. الصوالين الادبية، دار فوز، ندوة عبد الله حامد الامين، والابروفيون حسن وحسين الكد.. جل من حكموا السودان من امدرمان المهدى وخليفته، عبد الله خليل ، الازهرى اسماعين ، الصادق المهدى جعفر نميرى.. امدرمان اصحاب التطبيب البلدى بت بتى و البدرى والعطارين ، اهدت امدرمان للسودان بخور التيمان ذهب التيمان الجنيد والنفراوى رحمهم الله وبقت خلطتهم السحرية او السرية الى الان.. امدرمان ربما المدينه الوحيدة فى العالم التى انشأ فيها مسيحى خلوة ، وقد اقتطع لها جزء من منزله وكان يصرف على المعلم فيها(الفكى) والحيران خلوة بولس فى بيت المال .. جل اهل المغنى والطرب فى السودان من امدرمان حتى سميت اغنية الحقيبة باغنية امدرمان ابوصلاح، العبادى، عتيق، عمر البنا، سيد عبد العزيز، عبيد عبد الرحمن ، عبد الرحمن الريح، حدباى ، عبد الله سليمان العشوق يوسف حسب الله سلطان العاشقين، احمد فلاح، احمد عبد الرحيم العمرى، على محمود التنقارى، حتى على المساح الذى يتنازعنا فيه اهل مدنى من امدرمان حى الاسبتالية، والحديثين ، سيف الدسوقى، ابو قطاطى، عبد الله النجيب، مصطفى سند، وغيرهم كرومة، سرور، الامين برهان، الفاضل احمد ، ابراهيم عبد الجليل، التوم عبد الجليل مرغنى المامون واحمد حسن جمعه عطا عبد الكريم ومحمود كوكو(ثنائى الموردة) الكاشف، التاج مصطفى ، الجابرى، ابراهيم عوض، محمد احمد عوض عثمان الشفيع، محجوب عثمان، صلاح محمد عيسى، الكحلاوى، محمود فلاح، صلاح مصطقى ، شرحبيل احمد كمال ترباس، حواء الطقطاقة، وهو العالم بعدتهم فتلك نمازج منهم من اطرب ومن اتاها واطنب ، بادى ، محمد الامين، عركى وكثيرين.. امدرمان اهل ملحة وطرفة ، جادت بظرفاء كثر ، جحا السودان موسى ناصر( ود نفاش) كل السودان يقول كان فى ود نفاش . احمد داؤود، كمال سينا، الهادى نصر الدين ( الهادى الضلالى) السر السفيه، حسن العسكرى وست النفر بت الخبير وغيرهم.. قال عمرو بن العاص : اكرموا سفهاؤكم فانهم يقونكم النار والدمار، الفتوات : كبس الجبة ، راس ميت ود اللغا ، داموك ، الدوس.. ولان امدرمان مدينه بعبق وحضارة اختارها الهنود سكن ولم يختارو الخرطوم حتى سمى الشارع الذى يمر بحارتهم شارع المهاتما غاندى..
مدخل للخروج : منى العزيزة بهذا الخيط الرفيع اثرت فينا كوامن ولواعج ملتهبة، وحبب الاوطان الى اهلها مآرب قضاها الشباب هناك ارجو ان تتولى هذا البوست بالرعاية والسقاية ونسأل الله ان يقيض لى عودة لاحدثك عن امدرمان كما خبرت وعرفت وحتى يمتلىء الدن مجدداً لكى ودى المقيم،،،
خليل فرح ابوصلاح على محمود التنقارى عمر البنا ابراهيم العبادى على المساح سيد عبد العزيز محمد بشير عتيق ابراهيم عبد الجليل عبيد عبد الرحمن الفاضل احمد مرغنى المامون واحمد حسن جمعه سرور الامين برهان كرومة
صور لبعض شخصيات امدرمانيه يا اولاد امدرمان بالله اضيفو للبوست ده عشان التوثيق : ملحوظة هذا بعض ما احطنا بصورهم ممن يستحقون التوثيق و ليست للترتيب علاقة لشخصية أو مكانة صاحب الصورة : الامام عبد الرحمن المهدى الشيخ بابكر بدرى الشيخ الطيب السراج مقرى القران الشيخ عوض عمر الامام العارف بالله الشيخ قريب الله الشيخ ابو القاسم هاشم مفتى السودان ومنشىء المعهد الدينى وجد الهاشماب السيد اسماعيل الازهرى السيد عبد الله خليل بك السيد والشاعر احمد محمد صالح مؤلف السلام الجمهورى السودانى الاستاذ والمهندس محمود محمد طه العميد يوسف بدرى الاستاذ والمحامى المشهور مبارك زروق الحاج عبد الرحمن شاخور من قدامى الرياضيين الاستاذ الهادى نصر الدين الشهير بالهادى الضلالى الحاجة زينب بت بتى البصيرة المعروفة والتى كان يزورها اطباء العظام ليتعلموا منها الاستاذ عبد الحالق محجوب
الاستاذ على المك الرسام المتفرد موسى كزام الشهير بجحا وكانت لوحاته على علب الحلوى العم موسى ناصر عبد الكريم الشهير (بود نفاش) العم جورج مشرقى
Post: #31 Title: Re: امدرمـــــــــــــ يادرة المدائن ـــــــــــــــــــــــــــــــــ Author: حاتم محمد حاج المهدي Date: 11-28-2012, 00:07 AM Parent: #30
وطبعاً ملعب الهلال النساهو صديق الموج عمداً
Post: #32 Title: Re: امدرمـــــــــــــ يادرة المدائن ـــــــــــــــــــــــــــــــــ Author: ismeil abbas Date: 11-28-2012, 09:53 AM Parent: #31
Quote: صور لبعض شخصيات امدرمانيه يا اولاد امدرمان بالله اضيفو للبوست ده عشان التوثيق :
يا سلام يالله يا جماعة ..عشان ألأجيال القادمة إن شاء الله.
روحي تسافر في التواريخ القديمة تقاتل في كرري. تحاصر الخرطوم ثم تعود بغنائم النصر في المورد و تودع الأفراح بيت المال هاتي يديك يا ام كرري و الخليل لم اعد اقوي علي السفر الرحيل خذيني حجار للطوابي. فرحا يغير مجري النيل في. خور ابو عنجة او شاهدا للتاريخ. عند قبة سيدنا الامام قدلة يا سودان عالي باسق جوه أحزان الزمان
وتسلم ها الروح الامدرمانية المرفرفة في سماء امدرمان الصافية .
Quote:
روحي تسافر في التواريخ القديمة تقاتل في كرري. تحاصر الخرطوم ثم تعود بغنائم النصر في المورد و تودع الأفراح بيت المال هاتي يديك يا ام كرري و الخليل لم اعد اقوي علي السفر الرحيل