عان اللبنانية الجابت خبر الجنرال

عان صعوبة الزولة دي .
وول ستريت جورنال قالت القصة ما حتقيف في الحد ده .
كدي النتابع فعايل Kelley

كل صباح الفضيحة تشر وتجر وتتناسل .
وكل صباح الصحف الكبار تلت وتعجن .
الشارع خايف علي أمنو ومليان بالحيرة .
منو هي جيل كيلي ؟
من وين جات ؟
جيل كيلي لبنانية أمريكية عمرها 37 سنة .
و دي هي الزلماية الجابت أكبر بقجة شمار في التاريخ الي مكتب التحقيقات .

برامج التلفزيون الأمريكية عجيبة في الأخراج .
والتحليل والكتابة في صحف الديمقراطية قمة المتعة .
هسع يا جماعة دحين وول ستريت جورنال دي صحيفة وبتاعت ( الطيب م ) ديك صحيفة ؟

في كلام الكاتب عن ضرب السفارة الأمريكية في ليبيا .
الكاتب مافاضلو الا يجيب أسم الجنرال مكان أسم ودالريس . ويقول : في الليلة ديك كان ودالريس في داره يحلم
بليالي الغنج تحت فركة جيل كيلي .
الفركة التي فركت الدنيا فرك

..
( رحم الله كاتبنا الطيب صالح مدرسة الوصف العجيب )

صحيفة ( فورين بوليسي ) الصحيفة الماكنة
حزينة علي حال الجنرال صاحب النجوم الأربعة وبهدلتو .
الصحيفة وصفت السقوط الحزين بالخسارة الكبري للولايات المتحدة الأمريكية .

رغم كل شيئ الأعلام الحر أجمع
علي أن الجنرال يظل هو القايد الكبير المحبوب والمميز والمحترم .
بالنسبة لعموم الأميركيين .

الكتاب يتحدث عن مسرحية (وارث الريح) المقتبسة من أحداث محاكمة أمريكية شهيرة وقعت في عام 1925م لمحاكمة معلم قام بتدريس تلاميذه نظرية التطور التشارلز داروين مخالفاً بذلك قانون الولاية، إذ عرفت هذه الحادثة رسمياً باسم محاكمة سكوبس واشتهرت صحافياً باسم محاكمة القرد.
كانت القضية الضمنية أكبر بكثير من مجرد خرق قانوني محلي. لقد كان صراعاً دامياً بين التقليد والحداثة العلمانية في أمريكا كما وصفها البروفيسور دوج ليندر أستاذ القانون في جامعة ميسوري في المؤتمر الذي أقيم بمناسبة مرور 75 عاماً على القضية.
ويعتبر الدكتور ليندران محاكمة سكوبس هي أهم محاكمة في القرن العشرين ويؤكد أنها تتفوق فكرياً وقانونياً وتاريخياً كثيراً على محاكمة أوجي سيمبسون الشهيرة بتهمة قتل زوجته وعشيقها، وكذلك استجواب الرئيس بيل كلينتون بسبب فضيحة المتدربة مونيكا لوينسكي.
إن جوهر هذه القضية ليس حول صحة نظرية داروين أو خطئها وبالتالي تعارض الدين مع العلم، كما قد يتبادر لذهن القراء بل حول الحق في حرية التفكير.
....

من جديد عاد الحديث الطويل عن الكتاب وعن الكاتبين الكبار وعن التعاريج العجيبة للجياة

عزيزى عثمان موسى

سلام من جبال السلسله الزرقاء, ولاية التارهيل

اولا نهنئك بفوز ولدنا باراك حسين اوباما.
بعدين الظاهر ياود موسى الجنرالات الحالمين والمتغطين بالفرك اثنين حتى
الأن, الملك ديفيد King David وصاحبه جنرال الن بتاع قندهار الجد جد مش
قندهار السودان.
وبجانب صاحبة الفركه الاصليه, بولا برادويل هناك بنات ابن جونيه, عمك حنا خوام, صاحب مطعم صحارى فى فيلى, الاخوات ستتات الفرك اللبنانيه-الاميركيه, جيل كيلى, ونتالى خوام.
والقصه طويله, عاوزه ليها قعده فى نادى الجزيره
مالك قاطع الخبر
سلام للاسره
اخوك المعز ود ابونوره

أمتعتنا والله ... نقلت بعبارات مختذلة وسريعة اجواء " متاهة الجنرلات" في الاعلام الامريكي الشاعر لما يكتب في السياسة بطلع شئ عجيب استمر مصنقرين نتابع



مشاققة



ليك وحشة مالك قاطع الخبر

عزيزنا د / المعز
سلامات
وكيف حالك وكيف حال عزيزتنا الدكتورة والاولاد .
بولا .
بولا .
بولا .
بولا برودويل يا المعز نبلت زي العفريت تاح علي السطح
في دقايق العالم كلو عرف برودويل المؤلفة المتزوجة الأم خريجة جامعة ويست بوينت
بطلة الرياضة ولاعبة كرة السلة والحاصلة علي ماجستير الادارة من هارفارد .
الزولة يا المعز جن مصرم .
الزولة دي يا المعز الحفر الحفرتو للجنرال لو حفرتو في وأدي قبقبة ما كان خلت فيه دهباية وأحدة .
..
تحياتي
وتعال عان الحصل .

عثمان موسى
متحكرين و متابعين وقعة الكبار..انت الشوام ديل محل ما يمشو حتى في أمريكا سواطتهم قوييية؟

ود العم الأستاذ عثمان فضل الله
ليك وحشات يا عزيز
البلد دي يا عثمان أحرف بلد تعرف تنقل صور الحاجات البتحصل فيها للعالم .
والله يا عثمان البلد دي بلد فنانة فنون عجيبة بلد تعرف تربح وتعرف تعالج وتعرف تصبر في الخير وفي الشر .
بلد توريك وتخبرك
يا عثمان أصلو مافي حل خلاف الديمقراطية كلوكلو
في الديمقراطية يا عثمان تقدر تقول للجنرال كل الكلام الداير تقولو وفي بلدنا ما تقدر تقول كلمة حتي
لي مساعد يوسف عبدالفتاح بتاع سندوتشات الصباح .
..
متابع قصة الجنرال وبحاول أدرع ليك الجديد منها كل يوم .
تحياتي

عزيزنا الحاج حمد زولنا زول بحري
سلامات
خليك قريب يا الحاج
تحياتي

نتابع