Post: #1
Title: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-16-2012, 05:53 PM
Parent: #0
فى فترة معينة تم اخد عينات مختلفة من مذيعات تلفزيون السودان
وقناة النيل الازرق ..... واحدة من هذه التياب تعتبر الاشنا فى نظرى
المجموعة الاولى تتكون من عشرة تياب ...تعمدت اخفاء وجه صاحبة التوب حتى
لا ياثر جمال الوجه فى التصويت ....
يلا يا اسمارت استلمى البوست ..انا المخرج المنفذ والمنتج
التوب الاول (وهو الاشنا وسبب البوست) تم التقاط الصورة يوم 16 سبتمبر
<>
التوب التانى
<>
التالت
<>
الرابع
<>
الخامس
<>
السادس
<>
السابع
<>
الثامن
<>
التاسع
<>
العاشر والاخير من المجموعة الاولى
<>
استلمى البوست
|
Post: #3
Title: Re: برعاية اسمارت-انا و Apple مهرجان التوب السودانى 2012
Author: Nazik Eltayeb
Date: 11-16-2012, 06:13 PM
Parent: #2
التوب اللابساهو نضال دا سمح
---------------
تحياتي
|
Post: #4
Title: Re: برعاية اسمارت-انا و Apple مهرجان التوب السودانى 2012
Author: smart_ana2001
Date: 11-16-2012, 06:50 PM
Parent: #3
اذيك يا النصرى???
النصري التوب الاول ده ما سمح شديد...لكن كمان ما شين للدرجة دى
بعدين انا لى زمن طويل من التلفزيون السودانى...متين بقوا ليبسوا تياب لمع ...لمع فى التلفزيون????
التوب التاسع ده توب جرتق عديل كده.!!!!!
غايتو التيال دى اغلبها Ok...وبعضها شين شديد.
اكتر واحد عجبنى نمرة اربعة
اذيك يا نازك??? مشتاقين.
نضال دى اى واحدة فيهم???
|
Post: #5
Title: Re: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-16-2012, 07:08 PM
Parent: #4
يا اسمارت
التوب الاول (وسبب البوست) فيهو خلل تصميمى فظيع..ماعارف كيف
لم ينتبه المصمم ليهو...
لاحظى شكل المربعات والدواير .....
اكتر من كده ما بقدر اوضح ...
|
Post: #6
Title: Re: برعاية اسمارت-انا و Apple مهرجان التوب السودانى 2012
Author: smart_ana2001
Date: 11-16-2012, 09:02 PM
Parent: #5
يا النصري يا اخى الناس مزاجات. انا شخصيا لى زمن من السودان و ما عارفه الموضة شنو فى التياب الايام دى.
على العموم انا ما بحب الاشكال الهندسية.
لكن ماشه شهر 12 ده.... و نشوف.
___________________________________________
كان مفروض ما تمسح الوشوش فى البوست...هسي الناس ما ح تدخل فى بوستك ده عشان ما فى وشوش
بعدين عاملنى راعى للبوست ...عاوز تجيب لى الكلام.???
مرة واحد اخونا هنا (بسبب كلامى الكتير عن التياب) قال لى ما تتكلمى فى السياسة...خليك فى التياب و الدهب.
|
Post: #7
Title: Re: برعاية اسمارت-انا و Apple مهرجان التوب السودانى 2012
Author: Huda AbdelMoniem
Date: 11-16-2012, 09:13 PM
Parent: #5
انا زيك يا اسمارت فارقتة تلفزيون السودان من يوم ماحالوا زوجى للصالح العام
ذهبتة لزيارة صديقة سودانية وعندها قناةالسودان
وكان في برنامج بتقدموا المذيعة اللابسة التوب رقم 6
ما بعرف اسمها بالظبط لكن عريضةالمنكعين
وطويلة وبصحة تمام
ا نازك ممكن تكتب لينا اسمها
|
Post: #8
Title: Re: برعاية اسمارت-انا و Apple مهرجان التوب السودانى 2012
Author: يحي قباني
Date: 11-17-2012, 01:15 AM
Parent: #7
مالهم سمااااان كده؟
ولا ده " دستور شن " في الجهاز والإرسال ؟؟؟
|
Post: #9
Title: Re: برعاية اسمارت-انا و Apple مهرجان التوب السودانى 2012
Author: Rawia
Date: 11-17-2012, 08:20 AM
Parent: #8
ختوني بالله في لجنة التحكيم
ولما توافقوا بجي اوريكم رايي
|
Post: #10
Title: Re: برعاية اسمارت-انا و Apple مهرجان التوب السودانى 2012
Author: مريم بنت الحسين
Date: 11-17-2012, 11:30 AM
Parent: #9
ههههههههههههههههه، غايته يا سمارت تستاهلي، قلتي لي الراجل قال ليك ركّزي في التياب والدهب... ياخ الزول ده مسح تاريخك النضالي كلّه.. ما فضل إلا يقول ليك امشي عوسي ليك كسره تنفغك لووووووول
النصري ازيك... اخبار "طريقة الحياة الجديدة" شنو  ؟
|
Post: #11
Title: Re: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-17-2012, 04:33 PM
Parent: #10
اهلا مريم
اخيرا ظهرتى ..
انا زاتى والله ضحكت لمن قريت كلام الزول القال لاسمارت مالك
ومال السياسة خليت فى الدهب والتياب...
وده السبب يخلى الزول يفتح مواضيع مختلفة تجهجه زى الزول ده بتاع التنميط
البرنامج ماشى كويس خالص ... مافى سكر نهائى ...مافى كعك..بسكويت
معجنات....مافى جنك فووود .. بس المشكلة باكل رغيف ابيض احيانا.. وماباكل
خضروات .. ومافى رياضة (حتبدا يوم 10 ديسمبر ان شاء الله...
يا راوية ..طوالى ......مافى اى مانع
=====
يااخوانا البوست ده حق اسمارت والردود مجبورة عليها هى
|
Post: #12
Title: Re: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-17-2012, 05:47 PM
Parent: #11
المجموعة الثانية (عشرة صور)
التوب الاول
<>
الثانى
<>
التالت
<>
الرابع
<>
الخامس
<>
السادس
<>
السابع
<>
الثامن
<>
التاسع
<>
العاشر والاخير
<>
|
Post: #13
Title: Re: برعاية اسمارت-انا و Apple مهرجان التوب السودانى 2012
Author: smart_ana2001
Date: 11-17-2012, 07:43 PM
Parent: #12
سلامات يا هدى. تعرفي أنا لما امشي السودان بكون عاوزه احضر تلفزيون السودان لكن ناس البيت ما بيرضوا. :(
يحي قباني. وينك يا رجل؟ خلاص قمنا للشناف؟ خلينا في التياب. :)
راوية، يا زولة عملت حكم عديل كده. :)
انت زوله زوقك سمممممح و بتعرفي في الموضة. إها وكلتك تحكمي على التياب دي.
مريوم، و الله العظيم في زول قال لي قبل كده امشي شوف ليك (عصيدة صوتيها، أو كسرة عوسيها) نسيت اى واحدة بالضبط. لكن ( أظن ) كان بيهظر، لكن بتاع التياب و الدهب ده كان جادى.
النصرى ده تلاقيه رجع لمقاس 55 بتاع البناطلين تانى.
النصري المجموعة الأخيرة دى ما فيها توب عجبني. احتمال الأخير ( نمرة عشرة) شوية كده.
|
Post: #14
Title: Re: برعاية اسمارت-انا و Apple مهرجان التوب السودانى 2012
Author: يحي قباني
Date: 11-17-2012, 11:53 PM
Parent: #13
| Quote: كان مفروض ما تمسح الوشوش فى البوست...هسي الناس ما ح تدخل فى بوستك ده عشان ما فى وشوش |
سمارت ... كلامك صحيح 100% مش عشان الناس دايره تتفرج ...
نو ... ولكن اناقة المرأة مكمله لبعضها ... الوش و تقاطيعه و جاذبيته مكمل للبس و الاناقه ...
وبعدين كده البوست بقي زى المجلات الفي السعودية ... كلو مسنسر ...
| Quote: يحي قباني. وينك يا رجل؟ خلاص قمنا للشناف؟ خلينا في التياب. :) |
موجوديييين يا مدام ... تحت النظر ...
" قاليك الحافله اتحركت و البنية جاريه بي وراها و ماعارفاها ماشه وين
وجوه الحافله واحد مسطول ... لما قربت قعدت تكورك .... وييين ؟؟؟
قاليها قاعديييييين ... انتو الوين ما ظاهرين " ....
والله ما شناف ... لكن القصة سينما سكوب بالالوان ...
ويقولو الاوضاع الاقتصادية ما بعرف شنو ...
|
Post: #15
Title: Re: برعاية اسمارت-انا و Apple مهرجان التوب السودانى 2012
Author: عمر ادريس محمد
Date: 11-18-2012, 03:14 AM
Parent: #14
سلامات يالنصرى ..زمن يازول
فى المهرجان دا ,طبعا لابس التوب بدى التوب معناه حسب جدل ناس أم در زمان هذا اولاً وثانيا التشكيلات كلها جميلة, ..انا فى المجموعة الأولى ومن اول لحظة اخترتّ رقم 4 وكنت قايل ما فى زول ح بشاركنى لكن سمارت عملتها نعمل ايه ..اما الجموعة الثانية فـ رقم 2 موبالغة ..شى عجيب وبديع جدا .
مع التحيات
|
Post: #16
Title: Re: برعاية اسمارت-انا و Apple مهرجان التوب السودانى 2012
Author: مريم بنت الحسين
Date: 11-18-2012, 05:23 AM
Parent: #15
النصري، والله ما قاعدة اقدر ادخل كتير زي زمان، لكن في بالي بوست reunion، نسأل من اخبار الbiggest losers .. بالذاااااااااااااات غباشي بسكويت... وش عايز يشمت
سمارت، والله بالغ لووووووووووول... غايته زول التياب اكدتي ليه النظريه، جيبي ليك كم طقم دهب عشان يرتاح نفسياً!
فيما يخص موضوع البوست، فانا مزاجي غريب في الموضوع ده، ما بهتم لالتوب براه، يعني ما ممكن يعجبني التوب منفصل.. لازم يكون توب وفستانه معاه.. لكن التوب براه ما بقدر احكم عليها.. لكن بلاحظ لنفسي بميل للتياب الساده... وفيها شغل بسييييط...
|
Post: #17
Title: Re: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-18-2012, 07:17 PM
Parent: #16
سلام عمر
زمن طويل...
بما انى المنتج المنفذ فما عندى حق التصويت بالاضافة انى
منتهى تماما فى حكاية الاناقة دى ......يعنى عادى ممكن البس
كبك مع كرفتة ......
لكن بصورة عامة شايف المجموعة التانية تتفوق على الاولى بمراحل متعددة
خاصة التوب الثامن من المجموعة الثانية....
بالنسبة لحكاية اخفاء الوجه دى فهو قرار محسوم من الراعين للمهرجان..
لو الوجوه ظهرت ..الناس حتنسى التياب وتركز على الوجوه..
دلوقت التركيز على الوجوه بنسبة 100%
|
Post: #18
Title: Re: برعاية اسمارت-انا و Apple مهرجان التوب السودانى 2012
Author: Rawia
Date: 11-18-2012, 08:04 PM
Parent: #17
مابدفع نكلة في اي واحد من المجموعتين ديل
مع إحترامي لللابسات التياب
|
Post: #19
Title: Re: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-18-2012, 09:43 PM
يا مريم ما محتاج تعملى بوست reunion البوست الاصلى موجود وبفرفر بس منتظرك
ما بتتخيلى كمية الايميلات الوصلتنى تتساءل عنه
وبالمناسبة دى حقو الزول يعمل دعاية ليهو هنا
""""\
سيدتى القارئة طالما انت هنا تقراى هذه الكلمات فهذا يعنى
اهتمامك بمظهرك
نحن هنا فى بوست الخاسرين العظام
Sudaneseonline Biggest Loser
نتناول موضوع الرشاقة وزياده الوزن
واتباع نظام غذائى سليم ..نتناول الموضوع من كل جوانبه ...لا اظن ان
هناك امر لم نتطرق له فى بوست وصلت صفحاته الى 18 صفحة والمشاهدة الى
اكثر من 26 الف نقرة ..
تم بحمدالله تخريج الدفعةالاولى بقيادة العوض وغباشى...
نتمنى مرورك بهناك فالصحة والجمال لا يتفارقان ابدا
--------
يا رواية والله بالغت عديل
كدى جيبى لينا عينة من النوع البعجبك
|
Post: #20
Title: Re: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-18-2012, 09:52 PM
Parent: #19
الزخيرة كملت ودلوقت بعمل فى صور جديدة (لو لقينا مساعدة يكون مكسب)
التوب رقم 21 ورقم 22
<>
|
Post: #21
Title: Re: برعاية اسمارت-انا و Apple مهرجان التوب السودانى 2012
Author: Rawia
Date: 11-19-2012, 04:59 AM
Parent: #20
بمناسبة التياب والتلفزيون والبوست دا
أحب أترحم وأقرأ الفاتحة على روح الاستاذة
القديرة المحترمة جدا سهام المغربي
فعلا كانت بروفيشينال
للاخبار توب أبيض وبس
ماهي براها وأظنه كان دريس كوود
محترمــــــــــــــــــات كانن
برضو محاسن سيف الدين
والله يلعن النسيان ماقادرة أتذكر غيرهن
لهن كل إحترام وتقدير
|
Post: #22
Title: Re: برعاية اسمارت-انا و Apple مهرجان التوب السودانى 2012
Author: اميرة السيد
Date: 11-19-2012, 06:41 PM
Parent: #21
في المجموعة الأولى:
الثاني والثامن روعة..
وفي المجموعة الثانية:
الثاني روعة
.. والعرض ده كان وين .. في الخرطوم!!!
والله يديكم العافية النصري وسمارت ..انا..
|
Post: #23
Title: Re: برعاية اسمارت-انا و Apple مهرجان التوب السودانى 2012
Author: النصرى أمين
Date: 11-20-2012, 05:04 AM
Parent: #22
الخايفين منو حصل يا اسمارت
واحد صاحبنا ضرب لى تلفون وختى رسالة قال لى فيها اخرتها بقيت دلاليه
ضربت لىهو واصر على كلمه انى دلاليه... العالم الشنافه دى نعمل ليها شنو؟
اتخيلى منظر الزول خاتى الورده الحمراء وبعرض فى التياب!
---------
الاجراءات ماشه يا اميره نعمل المعرض ده فى قاعة الصداقه والدعايه مجانيه من بكرى ابوبكر
شركه Apple وافقت ترعى المهرجان بشرط نعلن عن منتجاتها فيهو
|
|