للشاعر يوسف الحداد رجم الشياطين

رجم الشياطين
سائل الله وكدى منتظر
فى صلاة الليل والعصُر
منّكم إرتاح و إستريح
انشاءالله يا قشرية وقشر
***
...يا حُثالة الناس والبشر
منى تب ماليكم مفر
والقبُر داك ياهو القبُر
وحقى باخدو
إن طال وإن قِصِر
***
يا عبِد قتها ما كذب
واضحة بالعربى المفتشر
وباينة فى الطبع الما سمح
وفى شنات الوش والقُصُر
يا خنيزير يا مرمد
يالمعفن وريحتك غزر
امى كانت بى حقها
ماها محتاجاك يا مقر
جايا بى شايا وسكرا
وبُنها المسحون والتمُر
ضقتو طعم التانج بيها
لانفع فيكم لاطمر
***
اريتا امى هى أم السرور
بيها إتباها وإفتخر
ساكنة فى جواي قصيدة
واحلى غنوة ورنة وتر
وكان سميحة وكان قميحة
وكان فرع ميّاس ومخضر
وكان حبيّبة وكان طويّبة
ماها ######ة ونباحة شر
وكان هويّنة وكان لويّنة
وكان ظريفة وتفرح تسُر
إلا كان مخدوعة فيكم
بؤرة الاحقاد والمُكر
وكانت الحيطة القصيّرة
وعرضة للاعداء والقدر
لاشقيقاً سند الضهر
لا قريب إستحى وإن ستر
لاالهواليق لا العواليق
لاالمطاليق والصعاليق
لاالمشاحيق المماحيق
ما فى خنزير فيهم ظهر
لحظة الوجع البهتِّق
فى دواخل الزول
واعياهو الكُبر
وللاسف عرفت كلو
قبل تموت بى كم شهر
***
امى ماتت
وكان بتتونس وتضحك
وما سكة فى حبل الصبُر
وكان تقول لى عرفة
كتر خيرك يا بنيتى
عشانى اجلتى السفر
وكان تقول للسرة
كيف اخبار على
وصحة على
ما طاب شوية
وعدّ مرحلة الخطر ؟
دى كانت امى يا سجم الرماد
يا ايها الكهنوت الاشر
وحسبها الله ونعم الوكيل
وانشاء الله ذنبها إتغفر
***
يا إله العرش العظيم
والسما ءِ قبل تنفطر
رب موسى ورب عيسى
رب داؤود المنتصر
بحق ياسين وام الكتاب
بحق نوح ونبيك الخِضر
بحق طه وال عمران
والشرائع وكل النُزر
بحق حم والملائكة
وكُل من ناديتو وحضر
بحق سيدنا ابو إسماعيل
والمقام والبيت والحِجِر
بحق اية الكرس والناس
وسرهم وإبطال السِحِر
اسألك بالاسم العظيم
مستحى منك وبعتذر
إنى مظلوم مانى ظالم
وإنى مغلوبُ فانتصر
اشوفلى يوم فى هذا القشر
فوقو ينزل قدراً مو قدر
ريح تولول وسيل منحدر
هم وغم على طول مستمر
خاطرو يبقى دوام منكسر
قوتو طحلب وحسكنيت
وغذاهو من لبن العُشر
إيدو من حد مفصلا تنبتر
يورم يطقطق وينفجر
يفقد العنينين والنظر
يعدم الابصار والبصر
ما يشوف غير عُكاس عماهو
وما يحس بوقوع الحُفر
ما يموت فدّ مرة يرتاح
يبقى بين عايش ومحتضر
يابو جنياتو يعيفو منو
يبقى تاية زى ود ابكُر
ويحي مغلوب كدا منحسر
ويا تضيق خلقو وينتحِر
وحسبيى الله ونعم الوكيل
على كُل من عادانى بيهو
وسمع كلامو المُحتقر
الخائنات والخائنين
الحاسدات والحاسدين
الفاسدات والفاسدين
الماكرات والماكرين
المنافقات والمنافقين
الظانين فينا ظن السوء
المشعوذات والمشعوذين
البطلات والباطلين
اولئك هم السحرة و الساحرين
لعنهم الله واعدّ لهم ناراً وسعُر

لك التحية والتقديرات شاعرنا الفذ
يوسف الحداد
وأنت تهدى لنا تلك الابيات
التى تحمل فى جوفها كل المعانى السامية
قرأتها مرات ومرات
حتى حفظت كلماتها
حرفا حرفا ..
مرة أخرى لك تحيتى أينما حللت يا ايها القامة

تاج السر

الاخ يوسف الحداد


الشاعر الجميل المبدع

كيف لك ان تكتب وتشعر هكذا وانت الجميل المعروف

المرهف

ما تعودنا هكذا شعر ولا حيث منك يا شاعرنا


بس ورينا الزعلك منو عشان تكتب كه وخلاك

تطلع من طورك

واى شاعر يزعل يقوم يخرمج الدنيا كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


الله يهديك يا صديقى

Quote: الصحفى الجميل الاستاذ تاج السرمحمد حامد لك التحية بقدر مساحة الوطن وشموخه وسعة ارضه وزنة ترابه وعدد شعبه .. يا رجل لمرورك عبق خاص كالعطر المعتق الذى نشتهيه .. دمت اخوك الحداد

Quote: الاخ السمانى عمارة رئيس المؤتمر لدول الخليج اولاً اشكر مرورك الذى جاء كرائحة القرنفل والحناء قبيل الشروق يا خى الشاعر الحقيقى هو كثير التعابير لايتقنع ولا يقول الشعر زعنفةُ ولا ترهقه زلة يتأمل هذا الوجود بخيره وشره وجماله وقبحه وانا هكذا اتصلى لفح نيران هذا القبس المقدس لاكون جديراً بلقب شاعر.. تكرم عينك اخى وتسلم.. اخوك يوسف الحداد

شكرا أخى يوسف الحداد
شاعرنا الجميل
على تلك الكلمات
الطيبات
التى لاتخرج إلا من أمثالك
لك التحية والتقدير
ولاعدمناك ياغالى

تاج السر